زواج سوداناس

أسامة داؤود، الملياردير السوداني هل يصبح رئيسا للسودان خلفاً لعمر البشير؟


اسامة داؤود

شارك الموضوع :

رشح عدد من رواد مواقع الإنترنت السيد أسامة داؤود عبد اللطيف رجل الأعمال السوداني (مالك إمبراطورية دال) ليصبح رئيساً لدولة السودان خلفاً للرئيس الحالي عمر البشير.

أسامة داؤود عبد اللطيف يعتبر أحد أبرز وأنجح رجال الأعمال في السودان، إشتهر بقلة ظهوره في وسائل الإعلام، وابتعاده عن الأضواء إلا فيما ندر، ويدير إمبراطورية ضخمة من الاستثمارات تبدأ من توكيل مشروب الكوكا كولا، مجال القمح والدقيق «سيقا»، و«الألبان كابو» واستيراد السيارات «الميتسوبيشى والمرسيدس» وتوزيع المعدات الزراعية ومجال المقاولات، وتستثمر مجموعة دال في مشروعات زراعية متنوعة.

الصورة المرفقة مع الخبر وتم نشرها في وقت سابق على صفحات التواصل وموقع النيلين تظهر أسامة داؤود أحد أشهر أثرياء السودان وهو يمارس رياضة الغولف وتشير ريم منصور محررة المنوعات بالنيلين، أن عدد كبير من المعلقين في مواقع وصفحات مختلفة على خبر الصورة، رشحوا أسامة ليصبح رئيساً للسودان وتمنوا ذلك.

وقالت Miska Mhenab في تعليق على خبر ” أسامة داؤود، اشهر اثرياء السودان الكاميرا تصطاده وهو يلعب غولف “بحسب رصد ريم منصور محررة المنوعات بالنيلين (ياريت والله السيد اسامه يكون رئيس للسودان،،، لان السودان كنز بكل معني الكلمه عايز رجال توجهو صح و السيد اسامه عقليه استثمارية،،، فالننادي بالانتخابات الحره النزيهه لانو بجد تعبنا من حكومه جبانه ظالمه دمويه حسبنا الله عليهم).

Yassir Abo Safe كتب “ادو البلد لاسامة داوود 15 سنة حنبقي زي ايطاليا مرتين).

ريم منصور

شارك الموضوع :

تعليقات الفيسبوك

تعليقات


19 التعليقات

إنتقل إلى نموذج التعليقات

      1. 1
        حماد الهادى

        نعم لدعم ترشيح السيد أسامة داؤود 2020

        الرد
      2. 2
        سودانى

        سودانى اصيل وييية ويستحق ان يكون رئيس السودان لكن حسب علمى اسامة ليس له اية طموحات سياسية ولايمتزج السياسة

        الرد
      3. 3
        عبدالوهاب البوب

        قد يكون انسان ناجح ومؤهل لقيادة دولة. ولكن حتما لن ينجح في السودان لان المشكلة في الانسان السوداني والشخصية والعقلية السودانية في يومنا هذا. لقد انتفت فينا كل الصفات واصبحنا قلعه لحب الذات والأنانية والتكابر والتكبر والغش والرشوة والحسد . فلن ننصلح ولن ينصلح حالنا ما لم نغير أنفسنا كافراد وكل زول يعرف المسولية الفرديه قبل الجماعية
        والله الموفق

        الرد
        1. 3.1
          أبوهاجر

          أحسنت.

          الرد
      4. 4
        فرناس

        لا أعتقد إنه (أدر آء) بهموم المواطن لكن أدعمه واتطوع لحملته منذ الآن. زول شبعان وعينو ملانة ما حيسرق وعنده أهل بخاف يلوث سمعتهم يقولوا ولدهم حرامي ومختلس.. بعد داك ما بهمني يهودي ولا هندي.. بعدين هو ما يهودي وخلو الحسادة والإشاعات.. نوبي وإسم داؤود منتشر عند النوبيين فهم كانوا على ديانات سابقة نعم لكنهم أسلموا ولم يحسن إسلامهم فهم إما متشددين أو مترددين ولا وسط لديهم. أما أسامة فدينه لنفسه وخيره يملأنا والدكان كله من مصانعه والباقي خراب وغش.

        الرد
      5. 5
        ودبدر

        هو السودان لازم يحكموهو حرامية بعد حرامية الكيزان لي حرامي الدقيق والبرسيم زياخ يكفي انه المرشحنو دا ورى في الدقيق المدعوم سنينا عددا ومستأجر اراضي ألف من الضباط المعاشيين دفعوا قيمتها 60000 جنيها في بداية التسعينات ولمدة عشرين سنة بواقع الف ومئين جنيه في العام 10 فدان مروية بي 1200 جنيه في العام يعني مائة جنيه في الشهر ثمن صحن فول كما وصفه احد الاخوة الصحفيين .تخيل الف اسرة من المحاربين القدامى منهم من ماتوا وتركوا ارامل ويتامى وابناء وبنات ومنهم من اقعده المرض لا ادري كيف يوفرون لهم لقمة العيش الكريمة مع الظروف المعاشية القاسية. شخص مثل هذا تلاحقه دعوات الاف من الاسر المتضررة صباح ومساء دايرنوا يحكم السودان .حسبنا الله ونعم الوكيل.

        الرد
      6. 6
        أب لمبة

        شخص ناجح تجاريا في زمن الانغاز معناها انسان فاسد
        كلنا رأينا صوره مع ود الخضر لعنه الله افسد الفاسدين

        الرد
      7. 7
        Atbara

        يا فرناس سلام عليكم
        أسامة داوود ده من حلفا دغيم و ابوه كان العمده … بعدين شنو قصه النوبين أسلموا و لم يحسن إسلامهم دي ؟؟؟
        كيف قست اسلام النوبين مقارنة بالسعوديين مثلا … النوبي إسلامه 10% من اسلام السعودي و لا شنو ؟؟؟
        علي كل حال النوبيين أقرب للإسلام من الكيزان .
        زمان في عطبره في المدرسه الابتدائية و كنت في الصف الرابع كان عندنا استاذ تربيه اسلاميه رحمه الله و غفر له لمن عرف اصولي حلفاوي قام بطردي من حصته حتي نهايه العام الدراسي من دون أي سبب سوي أنه كان يصنفنا من المؤلفة في قلوبهم
        الله يرحمه و يغفر له و من ناحيتي عافي ليهو لوجه الله تعالى. ..

        الرد
      8. 8
        ابوهبه

        سرق في غفلة اموال الشعب في الدولار المدعوم للقمح يستحق ان يكافئ بالرئاسة كما سرق الحاكمين السلطة وكافئو منسوبو حزبهم وكل من سايرهم بالثراء

        الرد
      9. 9
        محمد الكاشف

        فعلا السودان محتاج رئيس مثقف ومتعلم والسيد أسامة داود مناسب لهذا المنصب وإنسان محترم ونزية وشيك مش وهم ورقاص زي الاحنا فئة دة
        وان شاء اللة الخير هيجي بس الشعب يكون واعي ويعرف يختار الرجل المناسب كفاية عذاب كل السنين دية
        وأسامة هيفكرنا بايام الأزهري ومحجوب أيام العز والاناقة وربنا يصلح الحال

        الرد
      10. 10
        أب جنقة

        كان كدي أنا برشح حامد بريمة عشان يحرس السودان

        الرد
        1. 10.1
          معاوية الوسيلة

          هههههه
          بالغت يا اب جنقة .. هردت مصاريني

          الرد
        2. 10.2
          aboahmed

          وانا يا اب جنقه معاك …..
          نؤيد وندعم حامد بريمه ….

          الرد
      11. 11
        ahmed

        خلاص …… ترامب السودان …….. مبروك

        الرد
      12. 12
        شترة

        اكيد هو قيادي ناجح في عمله ولكن كل رجال الاعمال لا يتناسبون مع السياسة اي ( يبتعدون عن السياسة ) ومهما كانت درجة نجاحه وقيادته للسودان وتطويره ورفاهيته للشعب السوداني سيكون له ( معاااااارضة ) لان نحن السودانيين نحب ( التنظير ) يعني نحن ( منظراتيه ) وبما اننا منظراتيه سنكون ( معارضين ) له ..
        حكم السودان لا يتماشى مع ( تعدد الأحزاب المعارضه والموالية ) .. مهما يكون .. حتى يصبح السودان امريكا ودول الخليج يحتاج الى ( حزب واحد ) وقيادة واحدة تحت مسمى الحكم الجمهورية ..
        ( كل هذه القائمة فشلت في إدارة السودان سابقاً ولها تجارب فاشلة ومازالت ( تعارض ) ..
        – المؤتمر الشعبي . – الترابي فشل
        – حزب الامة.- الصادق المهدي فشل
        – المؤتمر الوطني : الكيزان فشلوا
        – الحزب الديمقراطي ( المراغنه ) فشلوا
        – كل الاحزاب فشلت فشل ذريع .
        ولا يمكن ان يستقيم السودان الا بقيادة واحدة صديقة ومتحالفة مع ( امريييييييكا )

        الرد
        1. 12.1
          شترة

          اصحح : الذين فشلوا في قيادة السودان مازالوا يناطحون ( داخل الزريبة )

          الرد
      13. 13
        ودشيطوره

        تعلقوا ما فاهمييين أي حاجه كلكم رعاع
        بس خلي ورثة والده تعيد ألاموال التي قبضها والده في بيع وادي حلفا .. شعب فاقد الذاكرة فعلا. …

        السودان ليس ضيعه أو مزرعه حتي يأتي رجل أعمال ويستثمر فيه !! لسنا قطيع أغنام أو أبقار حتي ندخل مزرعه لكي يعلفنا اسامه داؤد لسنا قطع سيارات أو مشروبات غازيه حتي نسير في خط انتاج اسامه داؤد ؟! نحن أمه شعب حر يملك كرامه وعزه نحن من نفر عمرو الأرض حيث مآ قطنو بطلو الدجل والعزف علي علي أبواب الأغنياء نحن أمه لن نركع ولن نزل ولا يمكن أن نكون تحت أمره رجل يستثمر علي أبسط حقوق البسطاء وهو القمح ويتحكم فيه كيفماء يشاء نحن نريد رئيس منا زاق الفقر والبؤس عرف الجوع وليس رئيس يلعب الغولف في أرض السودان بينما الناس تموت من الجوع بسب غلاء الخبز نحن نريد رئيس يكون من كبد الغلابه يحس بنا وليس رئيس يجلس في قصره العاجي ينظر إلينا كأننا جييف أو عمال اقطاع في مزرعته نحن نريد رئيس كمهاتير محمد ينهض بنا وبالسودان ويرجع كل شبر من الوطن الذي انفصل أو الذي أخذ بالقوة أو بالاحتيال نحن نريد رئيس يرجع لنا كل الحقوق المسلوبه والمنهوبه داخل وخارج السودان نحن لا نريد مستثمر اشتري أراضي الوطن بمساعدة حراميه النظام وملك أهم قطاع حيوي في الوطن وهو القمح يتحكم فينا وكان السودان ملك أبيه آسف لا نريد اسامه داؤد ولا غيره ممن كانو سبب في غلاء المعيشة آسف جدآ لسنا قطيع أبقار ؟!!

        الرد
      14. 14
        سريلانكي

        اذا وفرت لك الدولة الدعم وخصصت لك سلعة استراتيجية لتستوردها حصريا وقامت بدعمها وخصص لك سعر دولاري خاص لك لاستيرادها فما الذي يمنعك من ان تكون مليارديرا هكذا تحكم الانقاذ السودان يمنح فلان تصديق حصري بإستيراد القمح ويمنح فلان بتصديق حصري بإستيراد الدواء ….. الخ فلماذا لا يصبحون مليارديرات هذا ليس نجاحا بل هذا فساد لا والف لا للفاسدين ومعاونيهم

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *