منوعات

بالصور.. في ظاهرة وصفت بالدخيلة على مجتمعنا.. طالبة جامعية تصعد أعلى المسرح وتحضن الفنان عصمت بكري وسياط النقد تطال الفنان والفتاة


أثارت طالبة جامعية تدرس بجامعة كردفان السودانية موجة من الغضب داخل مواقع التواصل الاجتماعي بسبب تصرفها الذي وصف بأفعال المراهقين عقب صعودها أعلى المسرح الذي يغني فيه المطرب الشاب عصمت بكري الذي قام باحتضانه وسط دهشة الحاضرين.

بالصور.. في ظاهرة وصفت بالدخيلة على مجتمعنا.. طالبة جامعية تصعد أعلى المسرح وتحضن الفنان عصمت بكري وسياط النقد تطال الفنان والفتاة

وبحسب الصور التي تحصل عليها محرر موقع النيلين فقد امتلأت بها صفحات مواقع التواصل الاجتماعي فقد تجاوب الفنان الشاب مع تصرف الطالبة التي تدرس في المراحل الأولي بالجامعة حسبما ذكر نشطاء على فيسبوك.

عصمت لم يسلم من الانتقادات هو الآخر واعتبر مرتادي مواقع التواصل الاجتماعي أن مجرد السماح للطالبة بهذا التصرف يعني قبوله وذلك بعد ظهوره وهو ممسكاً ظهر الفتاة ما يعني قبوله للتصرف الدخيل على العادات السودانية السمحاء على حد وصف المعلقين على الصورة.

محمد عثمان _ الخرطوم

النيلين


‫27 تعليقات

  1. يعني والله الاخو ما بسلمو عليهو كدة بعد ما يرجع من اغتراب سنين
    يا الامهات والابهااااات مشيتو وين ؟؟؟؟؟؟؟؟؟ظ ما تشوفو اولادكم وبناتكم ديل
    البت دي عادي هسة عايشة في البيت بعد الحصل دو؟
    حصل شنو للناس في السودان؟ مالهم الناس ديل لسة ما فقنا من صدمة الصحفية اللي غسلو ليها رجولها
    احقو الناس تنفض عن المصاحف اللفي بيوتها من الغبار ويرجعو لدينهم بقصد الناس اللي عاملين متحررين البعملو الحاجات الزي كدة
    هو الفنان عمل شنو اصلو يخليها تعمل كدة ؟
    والله الغناء الكتير دة هو السبب في الحاجات البتحصل دي اذا كان كل القنوات السودانية ما عندها غير الاغاني وتفريخ المغنيين والمغنيات ليه يربو البنات والاولاد علي الغناء الجيل دة من اتولد بسمع في اغاني
    طيب ح يتربو كيف ؟

  2. المفروض الفنان و البت السفيهة دي يتحاكموا بالاعمال الفاضحة بشهادة كل من حضر الحفل ,, دي كله منك يا السر قدور ,, عصمت دا شكل فنان عليك الله … و البنت دي اكيد اهلها عرفوها المفترض يحرموها من الجامعة نهائي

  3. كل شئ وارد حتي زحف القوارض ومافائدة الحجاب حجاب عليه وفي الامساك نعامة

  4. وين الفيديو؟
    يمكن اختو او مرتو وجائهم خبر وفاة فارتمت في حضنه باكية
    او يمكن … بيبي baby
    انظروا للنصف المليان من الكباية وقولو الحمد لله ليس بنغالي

  5. البلد راحت في ستين داهيه. ..انا ما عارف متين و كيف نخرج من الهاوية دي

    1. Atbara نخرج من الهاوية إذا عرفنا أن الله سبحانه وتعالى قال ( إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ[الرعد:11]) ولكن هل نحن على إستعداد لأن نتغيّر؟

  6. هسع لو الحكومة حققت معاها تقوم سهير عبد الرحيم تقول دي حرية شخصية. نزل توب جديد إسمه (البنقالي شطفني)

  7. عادي جدا بيحصل اليومين ديل كثير في جميع الدول. كبرو دماغكم و خليكم عصريين. العالم اتغير و الناس اتغيرت يعني عيش مع الواقع و خليك في حالك. الله من يحكم علينا.

  8. يا جماعة الخير استهدوا بالله الحكاية وما فيها انو البت اعجبت بكلمات الاغنية وبأداء الفنان المبدع عصمت بكري وبدون ما تشعر قامت حضنتو . يعني كانت في قمة الطرب وليس شيء آخر . وبعدين بكرة البت حتعتذر وحنقبل اعتذارها . بعدين يا جماعة انا حصل زمان شفت طلبة في جامعة الخرطوم لمن كان يغني محمد الامين في اغنية من اغانيه شفت طلبة في قمة الطرب اغمي عليهم ونقلوهم المستشفى يعني دخلوا في غيبوبة . وزمان الواحد كان لمن يصل لقمة الطرب كان يطلب ضربه بالسوط واذا لم يجد من يضربه يضرب نفسه . ما تكبروا الحكاية . انتو زهجانين من اشياء تانية انا عارفها .

    1. كلامك صاح عبد العظيم ، فعلا الواحد من قمة الطرب يمكن يعمل حاجات خطاء، وكمان فى كلمات اغانى بتلامس الوجدان وبتخلى الواحد يحس كانه هو المقصود بالاغنية بقوم يبكى وينفعل ويدخل فى غيبوبة، بس اكيد لما يفوق بندم، الناس البتعلق دى باين عليها عمرهم ما حسوا بالاحساس دا

  9. هل تم الغاء تدريس سورة النور من المناهج الدراسية .
    كلكم راع وكلكم مسؤول عن رعيته .

  10. البت دى اخير منها سهير لانو انحنا ما شفنا البنقالى شطفها.

  11. مين عصمت بكري دا يا أخوانا؟ لم نسمع به من قبل .. نبت شيطاني … والله الفن راح في ستين دهية بعد العمالقة إبراهيم عوض ووردي وأحمد المصطفى والجابري ووو إنتهى الفن والذوق والأخلاق … ربنا يجيب العواقب سليمة

  12. ومن الحب ماقتل
    شيء طبيعي جداً واكثر من عادي في ظل بلد اصبح واجهتها الاعلامية هم الفانين كل القنوات السودانية شغالة طرب ورقيص فكيف لايتعلق هؤلاء الشباب بهم والله يستر مما هو قادم

  13. عاملة خرشة يا عمممك-قالوا بيرموها للطلبة فى حافظات المياه والصهريج كمان –(شفتو كيف ) زى مابقول اخونا الفاتح جبرا

  14. عادى جدا فى سودان الانقاذ كل شى اتغير حتى الاخلاق (اقم عليهم ماتما وعويلا )

  15. (للتصرف الدخيل على العادات السودانية السمحاء ) السمحة قالوا مرحلة!!

  16. تاني كل حاجه تحصل جديده علي وزن البنقالي شطفني البنقالي ما عرفتوا اوريكم ليهوا دا بتاع سهير الصحفيه

  17. الله يرحم البلد دي ولاة الأمور كلهم محاسبين من ولي أمر الطالبة والعميد ومدير الجامعة ووزير التعليم العالي والنظام العام و الي الولاية ورئيس الوزراء ورئيس البلاد عشان أي زول بتكل الموضوع دا على الثاني وبعدين الحكاية بقت أحضان في العلن ونحن قايلن الشغل دا قاعدين تعملو تحت تحت هسي البت دي خلت شنو عشان تعملو بالدس