منوعات

فيديو للفنانة فاطمه عمر تغني وهي في يخت بمدينة دبي يثير جدلاً.. سكرانة ام لا؟


بث حساب على موقع يوتيوب فيديو للفنانة السودانية فاطمة عمر وهي تغني وقال ناشر الفيديو أن مكان الغناء (في يخت بإمارة دبي) ونشر الفيديو بعنوان (فضيحة فاطمه عمر تغني وهي في يخت بدبي وشاربه عصير) يعني بذلك أنها في حالة سكر بتعاطي الخمر مما أثار جدلاً واسعاً على السوشيال ميديا.

بحسب مشاهدة ريم منصور محررة المنوعات بموقع النيلين للفيديو المرفق وقرأءة التعليقات، شن غالبية رواد الفيديو على يوتيوب هجوم على ناشر الفيديو ودافعوا عن الفنانة السودانية فاطمة عمر وقالوا أنها غير سكرانة، بينما قال البعض أن الفنانة في حالة غير طبيعية.

ريم منصور

https://youtu.be/TTJxKw6Nywo


‫42 تعليقات

  1. سلام يا اخوان ..
    يا جماعة ما تتهموا البنت ساكت .. فاطمه بتغني بجديه ومافي داعي تدخلوا في أعراض الناس وتهدموا سمعته بالله عليكم احذروا أن تغتابوا الناس ولو بالحق فما بالكم بالشبهه. ..
    قال الرسول ص أيحب احدكم أن يأكل لحم أخيه ميتا فكرهتموه. ..
    وبعدين صوت جميل جدا في الغني

  2. لا حول ولا قوة إلا بالله … صدقيني يا بنت عمر سقطي من النظر … كنت أقدرك كثيرا وكنتي من اللاتي أضع لهن قيمة فنية عالية كمستمع لكِ ….. ولكن للأسف هذه سقطة …. قال(سكرانة أم لا)

    نعم هي في حالة غير طبيعية ولا أحد يستطيع نكران ذلك … ولكن لماذا كل هذا الغدر بها ؟ وهل من قاموا بتصويرها هم سودانيين ؟ لأن بكل صراحة حتى من تحدث من كلامه يظهر أنه ماهو ناوي خير …

    وبكل صراحة نحن كسودانيين في الأونة الأخيرة بدأت تظهر لنا بعض الأشياء الغير طيبة عن سمعتنا خارجياً وبالذات في دولة الإمارات

    ونسأل الله الهداية لشعبنا الكريم البطل، ولكن كل هذا من ولاة أمور بلادنا، شكوناكم لله شكوناكم للواحد الأحد الفرد الصمد

    كل الذي هو حاصل في بلادنا السبب فيه حكامنا وليس إلا دمركم الله

    1. حكامنا مشو اخدوها من البيت وشربوها بالغصب؟؟؟؟؟؟؟؟؟؟؟؟
      الدخل الحكام في اخلاق البت دي شنو ؟؟؟؟؟؟ظ
      ماهو بنات الناس المتربيات قاعدات في كنف ايرهم بكل ادب واحترام ليه ما انحرفو ؟
      اعوذ بالله من غضب الله
      وحدة برة السودان وفي يخت مع رجال وفي حالة غير طبيعية وبتغني كمية معاصي الله يهدي

      1. يا سودانية يا سودانية ….

        إذا كان ربُّ البيت للدفِ ضارباً …. فشيمةُ أهل البيت الرقص والطرب

        ما وصل إليه حال السودان اليوم السبب الأول فيه حكامنا وحكومتنا المتهالكة من الناحية الإسلامية ” لا يوجد في شبابنا اليوم الوازع الديني ”

        وكل الإبتلاءات والغلاء الحاصل عندنا ما هو إلا نتاج للفساد والإفساد الحاصل عندنا في حكومتنا …. يعني عايزة تقولي ((( حكامنا مشو اخدوها من البيت وشربوها بالغصب؟؟؟؟؟؟؟؟؟؟؟؟))) هو متى كانت الحكومة بقول ولأ ما تقول بالذات الحكومة الحالية ماهي إلا تفعل أشياء وتخلط الحابل بالنابل …. شكوناهم لله ….

    2. (ولكن كل هذا من ولاة أمور بلادنا، شكوناكم لله شكوناكم للواحد الأحد الفرد الصمد

      كل الذي هو حاصل في بلادنا السبب فيه حكامنا وليس إلا دمركم الله) قال أحد السلف الصالح لو كانت عندي دعوة مستجابة لصرفتها للوالي لأن في صلاح الوالي صلاح الرعية … اللهم أصلح ولاة امورنا وأرزقهم البطانة الصالحة التي تدلهم على الخير وتعينهم عليه واصرف عنهم بطانة السؤ التي تدلهم وتعينهم عليه اللهم ول علينا من يرأف بنا ويصلح أحوالنا اللهم أعنهم علينا وأعنا عليهم لما فيه خير العباد والبلاد … آمين..

  3. موقع النيلين عيب عيب عيب نفرض انها سكران وين السترة ريم منصور خافى ربك ما بتامنى مكر الله

  4. ياجماعة روقة المنقة هي شربة شوية ويسكي بالخطأ هي كانت فاكراهو شعير بعدما اتعمل فيه مقلب في رحلة كانت تجمع الجنسين معاً وهنالك مطرب ايضاً شارب عصير بس هو محظوظ ماظهر

  5. البلد لو فيها رجال … ما في بنية ولا مرة تطلع تغني قدام الناس في السودان
    خليها من تركب طيارة لغاية دبي وتنزل في يخت راجل غريب بالليل…
    دا غير البسافرن القاهرة واثيوبيا وناجيريا وتشاد ولندن
    وين ناس الامن … الخلو شغلهم وقاعدين ينافسو ناس البوليس والجيش
    مفروض ترسلو برقية ولا مندوب يمشي يجرها من شعرها ويرميها في سجن امدرمان
    وبعد دا كل يوم سالين لسانا في المصريات واللبنانيات …هسع الفرق شنو ؟؟؟!!!
    وعايزين ربنا يرفع عننا بلا الكيزان والفيران وغلا الادوية.. دي بداية بس والجاي اكعب اذا ما تبنا
    حسبنا الله ونعم الوكيل

  6. الأخت سودانية للحكام الدور الأكبر عندما يقر الحاكم الشعب تكثر الرزائل و قال سيدنا على كرم الله وجهه لو كان الفقر رجلا لقتلته نعم هناك شعوب ممكن تكون غنية وتجد عندها فساد ولكن تجدها بنسبة لا تزكر مثال الشعب القطرى والاماراتى تجدى التهذيب هى الصفة الغالبة لديهم وحتى عندنا فى السودان قبل ضيق المعيشة خصوصا فى فترة الستينات والسبعيينات وحتى بداية الثمانينات كان برضو من الشعوب المعروفة بالتهاب والنزاهة أما الآن فحدث ولا حرج فساد وعدم أمانة ورشوة ومحسوبية

  7. كل يسال يوم لا ينفع مال ولا بنون
    حسبنا الله ونعم الوكيل
    اللهم استر ولايانا واعراضنا وارحمنا من رحمتك وارضى عنا وتوفنا على كلمة
    لا إله إلا الله محمد رسول الله
    ونسال الله ان يهدي الجميع

  8. ود تكتوك … الفقر ما بيخليك تعصي الله
    و الولد الخيبان الخسيس ده ليه ما يسترها أكان غلطت و باب التوبة مفتوح يمكن تراجع نفسها … البنت غلطانه و الزول ده غلطان اكتر منها …. لكن كما تدين تدان
    اللهم احفظ أولادنا و بناتنا و احفظ بلدنا و أهلنا من المعاصي و ارتكاب الذنوب. . اللهم تب علينا و اهدنا و اعفو عنا

  9. الزولة دي ما سكرانة ولا شي … في فرق بين الغناء في التلفزيونات الرسمية وبين الغناء مع اصدقاء ..هي غنت بتطريب زايد لكنها ما سكرانة لانه في لحظات بتنظر بجدية في عيونها ودي ما بتتوفر للسكران

  10. لاحول ولا قوة الا بالله
    حسبي الله ونعم الوكيل
    قال رسول الله صلي الله عليه وسلم . من ستر مسلما ستره الله …
    هداكي الله يا ريم منصور وابعد عنك الفضائح
    وحتي لو كان صحيحا هذا الخير فاسالوا لها الهدايه ….
    لا حول ولاقوةالا لله ..
    الله يهديك يا ريم منصور ويسترك

  11. حدباي والله انت النقشتها وده دليل بأنك مفتح ده شغل طرب ساي ولو الزولة دي سكرانة صحيح كان حيكون عندها مشكلة كبيرة مع العطش ومخارج الحروف ثم نصيحة للإخوان والأخوات مانرمي تهمة السكر ساي أن بعض الظن اثم والغنية دي ذاتها مابتتغني إلا كده

  12. السودانيين يشكوا في أقل حاجة أو حركة, شعب ما بفرق بين السكران و الما سكران. أنا شايف فاطمة عمر أكثر من طبيعية و هي دائما بتنفعل في الغناء شديد, و مافي أي دليل علي إنهم في يخت..بطلوا الشك يا جماعة و خلوا البنت في حالها, البت دي كويسة و أكتر من ممتازة و ما عندها أي عوجة…

  13. سودانية مية المية
    و الله عفيت منك
    كلامك دهب مش زي كلام بعض المخرمجين اقصد المعلقين الفوق ديل
    واحد قال ما سكرانة و التاني قال حكومة
    جاتكم خيبة

  14. والله يا ممكن وصابر ممكونين نحن البنعلق فى موقع يجب واحد جاهل زيك كده يسئ لزملانة فى الموقع علق بأدب زى الباقين وبطل قلة عقل

  15. السلام عليكم
    الكل أصبح سودانى وأصبح الحصول علي الجنسية السودانية أسهل من شربة ماء إن صح التعبير وإذا تحدثنا عن الأخلاقيات فكثير ممن قبض عليهن في أوضاع مشبوهة وأخري مؤكدة يحملن الجنسية السودانية
    وخلاصة القول وجب وبإصرار وإلحاح مراجعة كل الجنسيات وتصحيح الأخطاء لأنك تعلم وغيرك يعلم إن إستخراج الجنسية سابقآ والرقم الوطني حاليآ في متناول يد الجميع والدلائل تؤكد ذلك
    فهلا إنتبهنا قبل أن تضيع هويتنا ونحن علي قيد الحياة
    مناشدتي موجه الي وزير الداخلية وأعضاء المجلس الوطني وإلي السيد رئيس الجمهورية وإلي كل غيور علي هوية هذا الوطن وقبل فوات الأوان

  16. ايها الاخوة
    الفنان شخصية عامة وليس ملك نفسه لذا يجب ان لا يتصرف ما يسى لبلده ولامته
    ثانيا الفن رسالة وجدانية للرقى والسلوك الحميد يجب ان يتمثل بها الفنان اولا
    كبر فى نفوسنا وافتخرنا بهم العظماء امثال محمد الامين ووردى والكاشف وغيرهم لانهم احترموا انفسهم وكانوا فى سلوكهم انقياء اولا فجاءت رسالتهم للناس عظيمة

  17. حرام عليكم البنت دي غنت في السودان وما كانت سكرانة وسيبو سفاسف الأمور

  18. البت دي بتحب الغناء وكمان ما سكرانة وحكاية سيد (لبط) يقول النشوف الناس صاحية معانا دي لانو الوقت متأخر او الفجر . والبت دي في غاية التهذيب والطيبة والمجاملة . ويا ناس خلو البت في حالها . هي ما ناقصة اساءات . والزول البتكلم معاها دا (سيد لبط) شكلو ما مظبوط لانو بحاول يعمل فيها راقي ومتحضر ورومانسي وكأنو يتباهى بانو بعرف يتكلم مع البنات . وهو في هذا المقطع السخيف لديه رغبة شريرة في تدمير سمعة البت . الخلاصة سيد لبط دا (….) يستحق عكاز في فقرتو لمن يدخل في غيبوبة ويبطل شغل الخساسة دا .

  19. فاطمة معروفة بتسكر وهذه ما غريبة عليها … ثم ثانيا شعرها منكوش وبدون مكياج وللاسف الزول المعاها ماكان يحطمه ومافي داعي يصورها بهذا الشكل

  20. الفنان فاطمة عاشقه غناء و لها حضور قوى ولذلك تظهر بهذه الصوره النشوانه هى حاله يعرفها الفنانون

  21. يا سلام عليك يا استاذة فاطمة عمر عندما تغني وتحاول تطرب الاخرين يتطاولون اصحاب النفوس الضعيفة ومروجي الاشاعات والذين يملكون مشاكل اخلاقية واسرية اولا البت بتغني بكل اخلاص والذين يعرفون علوم اللغة العربية بان بعض الحروف عندما تخرج من قصور الثناية والحروف البطنية وحروف النفخ تسبب ما يعرف بجفاف الحلق والعشراقة بلغة اهلنا وتزكروا انو البت دي عندها اخوان وبت محترمة فارجوا احترام خصوصيات الناس وعدم تدمير الاسر بمثل هذه الاشاعات من المفترض ان نتوحد من اجل ازاحة الكيزان والفاسدين

  22. وينو السكر هسة .. ما سكرانة ولا حاجة ما بتعرفو السكر انتو ولا دي حركات منكم وبعدين ياخي ما تسكر ولا تتنيل بستين نيلة كل شاة معلقة من رقبتها وبعدين ده ما موضوعنا ..

  23. قمة التخلف. يعني أيه لو سكرانة. نحن مالنا و مالها كل واحد حر في تصرفاته. الله وحده من يحاسبنا في الاخرة. العالم يهتم بالتكنولوجيا و ما سيحدث في المستقبل ونحن مازلنا في قمة الفشل و نهتم بالقيل و القال. دنيا

  24. البنت فيها بلاء وقبل فترة كانت في برنامج اغاني واغاني تبكي عندما غنت هدى عربي اغنية عاطفية كانت تبكي في الاستوديو بصورة فبيحة جدا

  25. يا اخي خالد كيف يا زول تستخف بشيء حرمه الله تعالى علينا … ثم تانيا ناس التكنولوجيا ديل و الله ما خرب بلادهم و اخلاقهم شيء مثل إباحة الخمر .

  26. يعنى ايه لوقلت ليكم ده سكرانة لان الفيديو شفته مرات عدة ده مش اداء بنت عاديه ، مالو لانها بره البلد ممكن تعمل اى حاجه فى زول بيحاسبها ، كلها كم سوت بس المحكمة تقرر ، لكن الكثير من السكارة يملكون زمام الامور داخل البلد وتعال شوف رحالات الى تركيا وسنغافورة فرنسا كل حاجة من شراب لجسم لللللللل الله يغفر لنا بفغرنا هذا ،

  27. ماتستغربو الموضوع القروش بقت تشترى شرف البنت لو فنانة ام دكتورة ام استازة ولا اى واحدة تدفع كتير ترقد مع اى واحدة وهو كزلك

  28. البيقول البت دي سكرانه يبقى هو السكران أو جاااااااهل وما بيعرف يميز الأشياء ..
    السكر أعراضه معروفه و موصوفة ( علمياً ) ، مش بالظن و التخمين البليد و ( ما طبيعية ) و مش عارف أيه !!!!!
    شفت الفيديو أكتر من تلات مرات ،،، و بحكم تخصصي و بطريقة علمية جداً ،، أقول وبكل ثقة : إنو البت دي ما سكانه و لا حتى ( في حالة غير طبيعية ) …
    الوضع و الحالة و البت و كل الحولها ( طبيعي جداً جداً ) ،،،
    ثم … هي في يخت و في بحر و في دبي و اليخت متحرك و هي جايه رحلة عادية بي دعوة خاصة ،، يعني ما لي حفلة رسمية و لا تسجيل للتلفزيون ،،، يعني طالعه فسحة = شكلها عادي و عشان كده حيظهر للمواهيم ( غير طبيعي ) لأنهم تعودوا عليها ( بشكل معين ) …