سياسية

الحكومة تغير إسم المستفيد من (سودانير) في عقد استجلاب طائرات


أضطرت الحكومة، الى سحب العقد المبرم مع الشركة الصينية مؤخراً لاستجلاب 14 طائرة لصالح الخطوط الجوية السودانية “سودانير”، وتغيير اسم المستفيد من “سودانير” الى اسم آخر، بعد تخوف الشركة الصينية من التعرض لغرامات مالية من قبل الادارة الامريكية التي تفرض حصاراً على السودان.
وأشار وزير النقل مكاوي محمد عوض، لصدور خطاب الضمان قبل يومين من بنكي السودان المركزي وامدرمان الوطني، لبنك الصين لاستلام طائرتين، وقال “لكن اضطررنا لسحب العقد وتغيير اسم المستفيد من سودانير، حتى لا تتعرض الشركة الصينية لغرامات مالية من امريكا بسبب الحصار”. ولم يفصح الوزير عن اسم الجهة التي تمت كتابتها في العقد بديلاً لسودانير لاختراق الحصار.

البرلمان: سارة تاج السر
صحيفة الجريدة


‫5 تعليقات

  1. قبل كده عملت نفس العملية دى فتحت حسابات باسم أفراد لشركات حكومية وتنظيمه وبعد القروش دخلت الحساب الجماعة قاموا بى القروش والحكومة ما قدرت تعمل حاجة زى قصة ولد إبراهيم أحمد عمر لمن كان مدير شركة دايموند واتوفى الورثة رفضوا يرجعوا القروش وبرضوا شركة اساور للنفط والغاز سجلوها باسم واحد من الكيزان عشان تتمكن من الشغل خارج السودان والكوز زاغ بشركة بترولية عديل زول قدر يسألوا ماف الخوف على سودانير

  2. كون إنه الشركة متخوفة من التعرض للغرامة من إدارة أمريكا دي مفهومة و واضحة رغم ” عملقة” الصين كمارد و بُعبُع إقتصادي عالمي له على أمريكا ديون تبلغ ترليونات الدولارات، فكيف يخاف البعبع من فزّاعة غرامات؟؟؟؟؟ ولكن الغير مفهوم في المسألة دي ((تغيير اسم المستفيد من «سودانير» الى اسم آخر))فهل الإسم الآخر دا من داخل السودان أم من خارج السودان؟ هل من توضيح لهذه المسألة لأنو الحكاية فيها :: أنّ ::. والعلم عند الله تعالى.

  3. لاختراق الحصار
    ……
    كلام سر ما تكلمو زول ههههههه عشان ال cia ما تعرف

  4. خلاص ديرين يقومو بالقروش زي قروش القطار الصين الما شوفنا منو شي ولا البواخر ويجي يقول لك ديرين يرفعو الدعم عن العلاج المرضى الضعاف … لكن الشعب يستاهل لنو ساكت عن حقو وعينو لحكومة ماشه المغرب و امريكا بلا فايده