زواج سوداناس

شباب سوداني زي الورد، ضاربين الهم بالفرح.. فيديو سيلفي مبالغة وممتع للغاية


شباب سوداني

شارك الموضوع :

رسم شباب الإبتسامة على وجه كل من شاهد الفيديو الرائع الذي نشروه على موقع يوتيوب، واستخدموا فيه إمكانيات تصوير بسيطة عبر الفيديو سيلفي.

حيث أدى الشباب السوداني أغنية انا فى التمني من تراث الحقيبة بطريقة جعلت ناشر الفيديو يضعه تحت عنوان (شباب سوداني زي الورد ناس ضاربين الهم بالفرح)، ريم منصور محررة المنوعات بموقع النيلين قرأت التعليقات ووجدت معظمها إشادة بالمجموعة وقائدها.

ريم منصور

وللفائدة ننشر نص الأغنية
انا فى التمني
كلمات : ود الرضي

أنــا فــي الـتـمني ديـمـه هـديلي سـاجع
مـا لـقيت لـي مـغيث ولا لـقيت لـي مـراجع

داير أشوف حبيبي اليوم داك شفته رايق ودمعه ناقع
أســود شـعـره حـالـك أمـا صـفاره فـاقع
تـتـلاصف خــدوده لا حـجـاب ولا بـراقـع
أشـوف لـعسو ونـواعسو جـل الـباري صانع
أشـوف فـي خـده شخصي وفي صدري المضارع

يـفـر خـيت بـسـمه يشبه بـرقـاً لـيـله هـاجـع
يـرفـع لــي رشـاشـه يـسبل نـظره واقـع
دايــر أشـوفو غـافل ودايـر أشـوفو جـاذع
محنن دون قنله وحدو وتوبو واقع
يـتـغطى بــي سـواعده ويحنو كـانه واجـع
ويلتجى بى مرافقه واطراف المضاجع
وتتلب فوق شفاهه لؤلؤة المدامع
يــردد لــي نـغـيماً تـشتاق لـي الـمسامع

أعـاين فـيه وأضـحك وأجـري وأجـيه راجـع
مـتـلاعب لـيـس إلا مــا مـوضوع مـطامع
أقـيـس بـالليل بشـعره ألـقى الـفرق شـاسع
اقيس الفم بودعه القى الودع واسع
دي مــا بـيـلقاها زول زي صـيـده نـاجـع

شارك الموضوع :

تعليقات الفيسبوك

تعليقات


9 التعليقات

إنتقل إلى نموذج التعليقات

      1. 1
        يسري

        ابشر بطول سلامة يا عمر البشير ..
        شكلك بالجد ح تعمل تسليم وتسلم يوم القيامة طالما ديل الشباب ..

        الرد
      2. 2
        عبدالرحمن عبدالله

        الناس في شنو والحسانية في شنو

        الرد
      3. 3
        زرده

        رايقين ومتونسين الشباب رقيص بس ،،، والبنات مستحملات العمل وكفاح الغربه المره، شايلات عقودات عمل ومسافرات بره.
        و شمهروز ينظظ مع أنــا فــي الـتـمني ديـمـه هـديلي سـاجع ، هو لسه فى زمن لى دف دف؟؟

        الرد
      4. 4
        مرتضى السر

        المشكلة مافى الشباب ديل المشكلة فى الصحفى ال…… البنشر ليهم فى الفديو ده

        الرد
      5. 5
        emad

        جميلين وزي الورد
        الله يحفظكم لشبابكم ولاهلكم وللوطن

        الرد
      6. 6
        محمد الكاهلــي

        شباب زي الورد …
        و الناس تضرب الهــم بالفــرح .. نكد فوق نكد يعني ح يعمل شنــو
        الكاتبها الله مصيرهـا تبقى و الفــرج قريـــــب بإذن اللـــه
        النـاس ترجــع لربــها و تكتـــر من الدعـــوات ..
        ( ولو أن أهـل القـرى آمنـــوا و إتقـــوا لفتحنـا عليـهـم بـركـات مـن السمــاء )

        الرد
      7. 7
        البطحاني

        …… والله أتعشت أمكم عشاياً بلبن….

        طيب المغزي شنو من الفيديو دا ….

        ( أخير أختر براي وأسد الرضينة بنتروا وصاحبي إن ضل مابفشاهوا ديمة بستروا).

        وكان الله في عون الشعب السوداني،،،،

        الرد
      8. 8
        أبوالقاسم

        أبداااااااااااااااااااااااااااااااااااع

        الرد
      9. 9
        مواطن

        الشباب ما دام ما لاقين عرس لازم يعملوا كدا يعملوا شنو يعني ؟
        وكدا اخير من قعاد ساكت

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *