سياسية

رشان اوشي تكتشف كيف حكمت الانقاذ 27 سنة وتقول: ياخ طلعتو زيتنا


قالت الصحفية الأستاذة رشان أوشي “انا عرفت الانقاذ دي حكمت 27 سنه كيف، والله الشعب السوداني ده فيه نوعيه من البشر ملكيه اكتر من الملك، امس مساء راكبه المواصلات راجعه على البيت، في الدومه كان في مظاهره اولاد الحله عملوا ليهم حركه، ان شاء الله الهايس كلها ديل صعاليك، ومظاهرات شنو، بعد سكتوا في واحد استلم المايك ( ده ابتلاء، الناس ترجع لربها، وتستغفر)”.

وأضافت الكاتبة بحسب ما قرأت ريم منصور محررة المنوعات بموفع النيلين تدوينتها على فيسبوك (طبعا اتاكدت يا كوز يا بتاع امن، قلت ليه بلد الكفار احسن مننا قول كلام يخش العقل، انشبك فيني هو من البنات بقو يشتغلوا كتف بالكتف مع الرجال ربنا غضب علينا).

وأضافت رشان (طبعا قررت اسكت حفاظا على مستوى ضغط الدم، نزلت محبطه من كميه الغوغاء والانتهازيين الفي البلد دي
والله لو ده ما الفيس بوك نوعيه الزول ده تختاج وصف معين).

وختمت تدونتها المرفقة (الله يقرفكم ياخ طلعتو زيتنا).

ريم منصور
rishan


‫13 تعليقات

  1. أها ده ما الفيسبوك ورينا الوصف التاني يا عديمة الوالي.

  2. عاملة شتات فى شعرك وصدرك فاتح وفسخ وجلخ للوجه وبرضو عايزات الحال ينصلح ؟؟؟
    اللهم لاتؤاخذنا بما يقول السفهاء منا

  3. شئ عجيب … والله مافهمت من ملامها اي حاجة .. قال صحفية واستاذة كمان.. عليك الله البرفع الضغط منو انت ولا هم !

  4. الناس يجب أن تتكلم في صميم الموضوع دون اللجوء الي النقد الشخصي. القصد واضح أن هولاء الصبية ضاقوا ذرعا من فشل النظام الذي جعل مستقبلهم و البلد في خبر كان. هولاء الذين هاجموا الكاتبة كوزنجية مثل القراد شفطوا دم الشعب. الجيل القادم سيرث حطاما بفعل عصابة الانقاذ وللكاتبة مني التحية بقولها الحق في وجه من يريد أن يحرف حقيقة أن كثير من الشعب قد مات من سياسة الدوله فالافضل له الخروج لمجابهة واقتلاع هولاء الفسده “اذا رأيت منكرا فغيره بيدك ثم بلسانك ثم بقلبك فذلك أضغف الايمان” .

    1. الكلام دة لو قالتو وهي لابسة لبس محترم كان الناس ردو عليها رد اخر
      عشان كدة الزول قبل ما يوجه كلامو للناس مفروض يشيك علي نفسو اول لانو السودانين بطبعهم
      بحترمو المراة المحترمة نفسها .
      وبعدين هي زعلانة من الراكب اللي قال الناس ترجع لربها وتستغفر الكلام دة مزعلها ليه؟؟؟؟؟؟؟؟؟
      مالو لو رجعنا لربنا واستغفرنا .؟؟؟؟؟؟؟؟؟؟؟؟؟
      شكلها دة ما شكل زول زيتو طالع ماهو متمكيجة وفاكة شعرها بمزاااااج

  5. اصلا الناس زهجانة م الكيزان الحرامية و الحكومة الفاسدة لكن خايفين لو طارت الحكومة ناس لوشي و أوشي يلقنها فرصة و يتفكن وينطلقن ويفتنن باقي البنات والحكومة عارفة الحاجة دي وبتلعب على هذا الوتر ولاحظ موقع النيلين مثلا ما جاب مقالات عثمان مرغني و غيره الناقدة للحكومة لكن بجيب مقالات المثيرين و المثيرات للجدل امثال لوشي و اوشي و سهير والكودة عشان يوصلوا رسالة مفادها انه دي الاشكال الما عاوزة الحكومة والحقيقة الشعبىكلو ما عاوزة الحكومة بغض النظر عن موقف الكودة و اوشي

  6. فشل اهل الانقاذ كنموذج ما معناها نستهتر بالدين للمرحله دي. (( ظهر الفساد في البر والبحر بما كسبت ايدي الناس ليذيقهم بعض الذي عملوا لعلهم يرجعون)) الكلام ده لي منو يا اخوتي. ماهو يا اما مسلمين او العياذ بالله الايات معناه غير ما يفهم.. رجاء ما تقولو تكفيري لاننا ملينا الاسطوانه المشروخه دي

  7. انعدام القدوة في القاده ما بيعني التجرؤ للدرجه دي بقا ما عندنا حدود ودي زاتا مصيبه.. ممكن الاستاذه ( حسب الوصف) اوغيرا يورونا الايه (( ظهر الفساد في البر والبحر بما كسبت ايدي الناس ليذيقهم بعض الذي عملوا لعلهم يرجعون)) تفسيرا شنو. . ماهو يا اما مسلمين ولا قلة ادب.. رجاء بدون اسطوانة تكفير وو الخ المشروخه دي

    1. في محاضرة للشيخ صالح المغامسي حفظه الله حكى عن شيخة الشنقيطي رحمه الله أن كان له درس تفسير بالمسجد النبوي الشريف بين صلاة المغرب والعشاء وكان التفسير في ذلك اليوم أبتدءا من الآية (ظهر الفساد في البر والبحر…)الآية وعند قراءة الآية بكى الشيخ الشنقيطي رحمه الله وظل يبكي حتى آذان العشاء وما فسّر منها شيئا.. فكيف إذا عاش الشيخ ورأى حالنا في هذه الأيام من فساد عمّ وطمّ ولم ينجو منه إلاّ من رحم الله نسأل الله العافية.

  8. قريت الكلام اربع مرات ومافهمت تقصثد شنو .ز وانا ذاتي ماعارف كيف بقوك صحفية .. وانا اوريك السر كيف حكمت الانقاذ الفترة دي .. لانهم جعلوكم جيل جاهل لايعرف شيء غير مظهره وشكله .. بقت الانقاذ هذا الزمن كله لانك انت غائبة وغيرك غائبة وبلسانك قلت القلتيه..
    وانا اعتقد يا اخي طلعتوا زيتنا ما للانقاذ لكن للناس المبهدلين ديل