زواج سوداناس

تقرير اول ساعة من صباح الاحد لحالة العصيان المدني بالسودان.. مطار الخرطوم


اشتباكات بين الشرطة وجماهير الراحل محمود عبد العزيز في مطار الخرطوم

شارك الموضوع :

قال موفد موقع النيلين للعاصمة السودانية الخرطوم أنه زار مطار الخرطوم الدولي عند الساعة الواحدة صباح يوم الأحد بالتوقيت المحلي لجمهورية السودان، ووجد حركة وصول ومغادرة الطائرات تسير بطريقة طبيعية وفق جداول الرحلات المعلنة.

وأطلق ناشطون على مواقع التواصل الاجتماعي حملة للعصيان المدني في السودان ضد الحكومة السودانية، عبر هشتاق “عصيان_مدني_27_نوفمبر” اي إعتباراً من يوم الأحد.

وقال رامي أبو همام موفد موقع النيلين للخرطوم” كل أطقم شركات الطيران في مطار الخرطوم تعمل بهمة ونشاط مع إبتسامة حلوة من الوجوه السمراء” وأضاف (لم ألحظ أي مظاهر لإضراب عن العمل أو عصيان مدني فموظفي وضباط المطار منهمكون في عملهم).

شارك الموضوع :

تعليقات الفيسبوك

تعليقات


14 التعليقات

إنتقل إلى نموذج التعليقات

      1. 1
        ابن بلد

        ههههه عرمان ولا الحلو ولا جماعات دارفور أو عقار هههههه
        والله يا خونة أفضل السودان يتقسم الي خمس دول ولا تحلموا بالحكم
        البشير فاسد صحيح لكن الشماليين ليس أغبياء علشان يسلموكم الحكم يا وسخ

        الرد
      2. 2
        ahmed

        جدير بالذكر ان موقع النيلنين موقع كيزان بامتياز

        الرد
        1. 2.1
          محمد المزمل

          حتى ولو ِ ما في فايدة تجي من معارضة مسلحة

          الرد
      3. 3
        !!!زول

        الدعوه لاتقان العمل لزياده الانتاج وتحسين قيم الانتاجيه نوعا وكما هي الوسيله الناجحه لتحقيق استقرار البلاد وتلبيه احتياجات الاسر اليوميه !!فالذين يستقبلون القادمون من الخارج بمطار الخرطوم االدولي باتسامه مشرفه يتقنون اعماهم !! والذي يزرع حقله بالجرجير بجروف النيل او القمح بالشماليه والسمسم بالقضارف يتقن عمله,هكذا كل في مجال اختصاصه اما دعاوي بقايا اليسار العلماني والقوميه المهترئه والاحزاب الطائفيه للعصيان المدني والاضراب فمجرد عبث سياسي لايفبد احد ولايسقط حكومات الا اذا كان مجمع علبه من كل قوي الشعب وهذا الالتفاف اليوم حول هذه الايدلوجيات الساقطه من رابع المستحيلات !!!فالناس ازداد وعيها , وعجز الاحزاب التقليديه عن تقديم الحلول لمشاكل الاداره والسياسه والاقتصاد للسودان واضحه للعيان.
        الامر اليوم يحتاج الي العمل والعمل الجاد من جميع فئات الناس لزياده انتاج الغذاء والدواء والكساء وتقديم الخدمات التعليميه والصحيه ومحاربه المحسوبيه والفساد اكثر من الجدال السياسي والعصيان المدني والاضراب والتظاهر والثوره لتغير الحكومات!!. لقد قامت ثورات الربيع العربي من حولنا وتم تغير شكلي للحكومات ضاع معها الامن والاستقرار الداخلي فانهارت الدول وعانت الشعوب من الاقتتال علي من يحكم .
        السودان اليوم اكثر استقرارا من معظم دول الجوار الافريقي العربي من حولنا وسيكون للسودان وزنه الثقيل في المنطقه بتقدم وعي شعبه وحكمه قادته وغناء موارده !!! فلنرتفع لمستوي الاحداث ونعمل بجد وحزم لتنمبه بلادنا وبناء نهضتنا كبقيه الشعوب المنتجه الحيه لان لتحقيق الامن والاستقرار ضريبه لابد من دفعها بالمصابره والعمل الجاد …..

        الرد
        1. 3.1
          محامي

          هاااا زول لكن منو البسمع ؟؟؟

          الرد
      4. 4
        أب لمبة

        @ahmed
        موقع النيلين اشبه بالمصري عمرو اديب و حتشوف اول ما ينتصر الشعب على الجلاد سيصبح موقع ثوري وسيصبح عمر البشير و من معه ملطشة هنا على هذا الموقع
        بشة زاتو هرب الامارات خوفا من عود القذافي و برجع لما الامور تهدأ والعاقل من اتعظ بغيره

        الرد
      5. 5
        المكتوى بنار الغربة

        اولا لا يختلف اثنان على فساد حكومة المؤتمر الوطنى وايضا يتفق الجميع على معانات الشعب المغلوب على أمره من غلاء المعيشة لكن فوق كل هذا ومقارنه بمن حولنا من الدول نحن بفضل اللة فى نعمة الأمن لا سيارات مفخخة ولا احزمة ناسفة.عليه فالنحمد اللة على هذه النعمة ولا نضيعها من بين ادينا وحينها لا ينفع الندم اما غلاء المعيشة ربنا سبحانه وتعالى كفيل بالرزق وزى ما بيقولو ما شق حنكا ضيعه وطالما النفس طالع ونازل الزق ما بينقطع.اما دعوة العصيان المدني التى ينادى بها عرمان وازنابه وهم عايش معيشة المترفين فلا ومليون لا .وعاش السودان ويبقى السودان.اللهم خزلهم وشتت شملهم ولا تقم لهم قايمة

        الرد
        1. 5.1
          السودان يحتضر فهل من مغيث

          يا كوز يا متدثر بدثار الوطنية , فعلا الامم من حولنا تعاني من المشاكل الامنية و الأحزمة الناسفة لأن قادتها رفضت تلسيم الحكم طواعية للشعب المغلوب على أمره , لكن نحن هنا في السودان نتوسم في بشة العابد الصايم خيرا” , أكيد بشة الاسلامي ما زي بشار البعثي . انتو دائما” تطالبوا الشعب انو يكون أفضل من الحكومة لماذا لاتطالبوا الحكومة ألا تواجه المتظاهرين السلميين بالقوة و النار

          الرد
      6. 6
        محمد علي

        طيب الحمدلله
        مافي زول من الجماعه شرد

        الرد
      7. 7
        ود بنده

        العصيان العصيان.اصلا دعوا له فئة لهم زمن طويل جدا قاعدين ومتعطلين في بيتهم بعد ما بقي ناس كبار .ادمنوا العصيان تمردو علي طبيعة الأشياء.ديل في حالة عصيان مستمرة مع انفسهم .يعني الحزب الحاكم غبي حتي يترك لكم مؤسسات اوقطاعات وخاصةوعامة وجهات موثرة في مفاصيل الدوله من غير ما يضع يدها عليها . يا ناس الشعب السوداني معظمهم ناس مهنيين ومزارعية الواحد لو يوم واحد لم يشغل سوف يحصل خلل في ميزان معيشته لم يفلح في تغطيته لمدة شهر من العمل المستمر ناهيك عن ثلاثة ايام .يعني ح يقعد السنه كلها يعمل ليكي يغطي تبعات الثلاثة ايام عصيان او بدون عمل سميها زي ما تشاء .ولو ثلاثة ايام بتسقط نظام كان ليه منتظرين 27 سنه حتي ياتوا اليكم من دعي للعصيان الفكرة الجهنمية بتاعت الثلاثه ايام لاسقاط النظام.الحكومة دي لا تسقط بمثل هذه التفاهات .تسقط فقط بانتخابات .صدقوني بلانتخابات فقط جهزو انفسكم لها .وح تشوفي اليوم ولا الايام الثلاثة دي ح تفرق نعاكم قدر شنو انا بعمل بيدي بكسب زرق اليوم باليوم ولا اتابع الجداد حتي لا امشي الكوشه.

        الرد
      8. 8
        ودتكتوك

        المضحك فى الامر فجأة الكيزان بيتكلموا عن انو العصيان تعطيل للإنتاج هو وينو الإنتاج انتوا خلينوا فيها إنتاج ياخ 90% من المصانع وقفت مشروع الجزيرة انتهى السكة حديد انتهت سودانير إنتهت سودان لاين انتهت الأقطان اكلتوها الحبوب الزيتية اكلتوها ينتجوا بى شنو

        الرد
      9. 9
        بداهة

        يا الموفد ويا الرسل الموفد
        معروف دوليا انو المطارات والأطباء والشرطة وغيرها من الطوارئ ممنوعة دوليا من الإضراب بالكامل. متوقع يعني طيارة في السماء فجأة عشان إضراب ما تعرف تقبل وين؟ لو في طايوق ما كنتوا اتحريتوا العصيان في مطار. اكيد حيفضل شغال على قدم وساق اثناء الاعتصام. شغل في الفاضي يعني. الحمد لله على نعمة العقل.

        الرد
      10. 10
        بشرى

        حليل الشعب السودانى انا اصدق هذا الرجل فى كل كلمة قالها

        الرد
        1. 10.1
          واحد قرفان جدا

          انت كوز هلفوت … بكرة حتشوف

          الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *