فيسبوك

أنا مستعد لقيادة مظاهرة ان وجد المتظاهرين ومستعد للموت أمامهم وقبلهم


إلى المظاهرات السلمية يا عباد الله
لقد استطاعت هذه الحكومة بعنفها أن تبعد فكرة الخروج في مظاهرات عن أذهان الجميع
وللأسف حتى من نثق فيهم من المعارضين الشرفاء لهذا النظام قد انطلت عليهم هذه الخدعة فتجد البعض أو الكثير يعتذرلك عن ذلك بأن الحكومة حتقتل الناس
شئ عجيب ياخي !!!!!!
وهل الحفاظ على الروح مقدم علي الحفاظ على الكرامة والحرية وآدمية البشر
أعتقد أننا لابد من أن نعمل علي إزالة هذا الفهم الخاطئ وذلك التخوف
وإعلام الحكومة اننا سنقاتلهابصدور عارية فلتعمل ما تريد لطالما النصر حليف الشرفاء نهاية المطاف،

* أنا مستعد لقيادة مظاهرة ان وجد المتظاهرين ومستعد للموت أمامهم وقبلهم
فهل من معين على ذلك؟

بقلم
يوسف الكودة


‫15 تعليقات

  1. بعد ان يمن الله تعالى علينا بالنصر سنقوم بتشليخ الكيزان وجميع افراد الحكومة X على خدودهم بما فيهم انت يا كودة

    1. يا كودة – الله يجعل لك كود ما يفكو اكبر علماء الحاسوب في الدنيا دي
      اولا يا رجل الدين انت ( الا تعلم ان الخروج على الحاكم حرام؟) ام دينك يختلف عن الاسلام؟
      ثانيا من الافضل دعوة الحكومة والحكام بالتي هي احسن دون مقاتلتها واختيار البطانة الصالحة المعينة على الخير
      ثالثا ماذا ستفيد المظاهرة وماذا يستفيد الشعب من موتك – ستموت فطيس –
      دعو العنترية يا رجال الدين – وقولوا للناس حسنا والا ف نحن ( ما ناقصينكم )

  2. ههههههه ضحكتني يا انتا …. يا أب لمبة شكلهم فكروا يقرضوا بكلامو ده الناس الطيبة وأي زول غير متكوزن

  3. * أنا مستعد لقيادة مظاهرة ان وجد المتظاهرين ومستعد للموت أمامهم وقبلهم

    طيب جرب اطلع في حدي مانعك

  4. انت مستمتع بهواء سويسرا وجاي تقود مظاهرة..تعال عيش في هذه البلد وبعدين اتكلم ..أي زول خارج السودان ويطالب الناس بالخروج دي واحد انتهازي وجبات

  5. أنت سافرت لدولة “””اسكندنافية “”” ليش ما بقيت قاعد في السودان وتقول كلامك هذا …. منافق وكذاب

  6. منتظر الناس تطلع بعدين تطلع تقودهم
    طيب لمن الناس تطلع حتنتظر لمن انت تجي تقيف قدامهم
    الامام بيقيف قدام اول وةبعدين بيقول للمصليين إستوا مش بيستوا لمن انت تجي من البيت تقيف قدام
    فب هذه الحالة بيقدموا اي واحد تاني
    و الله انا مش عارف زيك دا بقى دكتور كيف؟
    استغفر الله لا إعتراض على تدبيره يعطي من يشاء لحكمة يعلمه سبحانه و تعالى

  7. ابو محمد لا تسئ للأمة كلها لمجرد أختلافنا في تصنيف الكودة بتاعك ده …. ممكن نختلف كأفراد لكن بدون الاساءة للشعب كلو وغالبا شكلك ما بتعرفو

  8. يا يوسف (الدكوة) حركاتك دي اصلو ما بتخليها..طيعك كعب وشين وشحاد جنسيات ومعارض فاشل بامتياز..
    حتظاهر وين؟ في سويسرا؟!!!

  9. انني بفضل الله منبهر بوعي ورقي اهلنا في السودان . الذين لم ينجروا لفتن اهل الخارج من امثال المذكور والذين يذكرونني بالبضاعة الفاسدة التي عندنا في سوريا .فهؤلاء كهؤلاء صرخوا وجيشوا الشعب المسكين للخروج على الحاكم وضرب وحدة البلد والحرق والتكسير والموت وضرب الجيش والشرطة وتخريب المال العام وهم في احضان الغرب يتمتعون بالمال والدولار وراحة البال . لو كانوا صادقين لكانوا داخل بلادهم ولكنهم كالغربان الناعبة والتي لن تستريح حتى ترى البلد مسلوب الامن والامان غارقا في الدماء والفتن .
    فالحذر الحذر يا اهلنا من هؤلاء واحفظوا عليكم امنكم الذي ان ضاع فهيهات هيهات ان يعود.

  10. زول منافق انتى بتاع مصالح ماليك ف الوطنية ولا الوطن الله يصلح حالك اصلح حال اخوك الكبير الناس كلها عارفة هو شنو الله يرحم سليمان محمد سليمان