سياسية

الحاج آدم: “الزول الما بنتج ما يشتكي”


طالب نائب رئيس الجمهورية السابق عضو البرلمان القيادي بالمؤتمر الوطني د. الحاج آدم يوسف، المواطنين الذين يشكون من الغلاء في المدن، بالعودة إلى مناطق الإنتاج وقال: “الزول الما بنتج ما يشتكي” قاطعاً بأن حل المشكلات الاقتصادية في البلاد ومكافحة غلاء الأسعار يكمن في زيادة الإنتاج وليس في الشكوى والتذمُّر.

ولفت يوسف، خلال مخاطبته ختام فعاليات معسكر الحركة الإسلامية في منطقة زريبة الشيخ البرعي بمحلية أم دم حاج أحمد بشمال كردفان، أمس، إلى أن الذين ينتجون في مناطق الإنتاج الزراعي يشكون من قلة أسعار منتجاتهم، بينما هناك من ليست له أي مساهمة في الإنتاج ويطلب تدني الأسعار.

ودعا الحاج آدم الدولة إلى ضرورة فتح أسواق لتسويق المنتجات الزراعية والثروة الحيوانية، ومختلف المنتجات السودانية الأخرى دعماً للمنتجين.

وهاجم يوسف بضراوة المهاجرين نحو إسرائيل بحثاً عن دعم سياسي أو فرص للعمل وترك خيرات السودان وإجماع أهله. وقال: “هم يُهاجرون إلى إسرائيل والطاغوت، ونحن نأتي إلى زريبة الشيخ البرعي طلباً لمرضاة الله ودعاء الصالحين”.

وأكد أن أعداء السودان لا يعجبهم إجماع أهله عقب نجاح مؤتمر الحوار الوطني وإصدار الوثيقة الوطنية.

وأضاف: “نقول لأعداء السودان موتوا بغيظكم، فمسيرة الحوار مضت باتفاق القوى الوطنية من الأحزاب الحادبة على مصلحة الشعب واستقرار ونهضة البلاد”.

وأعلن د. الحاج آدم، أن السودان على أعتاب مرحلة جديدة من عمره بحلول العام المقبل، حيث سيشارك جميع أبنائه في مؤسسات الحكم التنفيذية والتشريعية بالمركز والولايات، تنفيذاً لوثيقة الحوار الوطني إيذاناً بعهد التنمية والسلام الشامل.

صحيفة الصيحة


‫7 تعليقات

  1. هوي البلعلع دا .. انت بتنج شنو غير التصريحات المستفزة وبتاخد عليها قروش ما ليها اول وللا اخر؟
    قال امين الحركة الاسلامية قال..
    لو سميت نفسك خاين للحركة الاسلامية يكون اصح
    او امين حرامية علي بابا خيار تاني… عالم ما ليها علاقة بأي دين ولا اخلاق

  2. اعوذ بالله منكم. منو القال ليك انو مرضاة الله عاوزة يمشو البرعي .. انت بتعرف الله يامنافق باسم الدين يامحبط .. جابوك من وين انت .. كرهتونا السودان .. لكن برضو مابنخلو ليكم قاعدين فيه نشوفوا اخركم شنو

    1. أخوي عبدالرحمن والله ما في طريقة تحلنا من الناس ديل الي الموت نعمل شنو أذا عندنا جيش جبان وشاكلة المهدي والميرغني المادايرين يموتو ديل لكن فرج الله قريب

  3. يعني الشعب السوداني كله غيرمنتج عشان كده دايرين تشردوا الناس من السودان والخطوم وتفضوها لكوادر النظام سبحان الله اسلاميين مابعرفوا يعني شنو ولاتزر. وازرة. وزر. اخري بفهوم العقاب الجماعي المنتج والغير منتج يضيقوا عليهوم في معايشهم سبحان الله

  4. يا حاج ساطور…اسف حاج ادم..
    يوم سووك نائب ريس للتيس لمينا قروش وضبحنا ليك تورين في محلية الازهري لمن كنت ساكن معانا..
    إتعشمنا فيك خير لكن من ديك وعييييك..
    بس رجع لينا حق التورين وعافين منك للرسول… حق الله بياخدو براهو !!!!

  5. روي عن رسول الله صلى الله عليه وسلم أنه قال ( لاتشد الرحال إلا لثلاثة مساجد المسجد الحرام ومسجدي هذا والمسجد الأقصى ) إتقي الله ياهذا فمرضات الله بتقوى الله وليست بزيارة الزريبة حسبنا الله ونعم الوكيل .