جرائم وحوادث
ضبط صبي يشرع في سرقة أدوية داخل صيدلية بالخرطوم
أوقفت الشرطة صبياً متلبس بسرقة أدوية داخل صيدلية شهيرة جنوب الخرطوم.
ونقل مصدر لموقع (النيلين) أن الصبي كان قد دلف إلى الصيدلية، وأخذ يتجول مستطلعاً الأدوية، وعندما لاحظ انشغال العاملين مع الزبائن، ، سرق أدوية وأخفاها في جيبه، وأشار المصدر إلى أن الطبيب الصيدلاني انتبه لاحظ ارتباك الصبي قبل مغادرته الصيدلية، وذهب نحوه للتأكد من السرقة، بيد أن الصبي حاول الهروب فتمكن العاملين من القبض عليه واستدعاء الشرطة حيث وصلت قوة أخضعته للتفتيش فعثرت على الأدوية في جيبه، إلى ذلك ضبطت الكريمات بحوزة المتهم ومن ثم اقتادته إلى القسم ودونت في واجهته بلاغاً بالسرقة.
الخرطوم – ود رابح
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
أدوية أم كريمات.. أبقوا على واحدة، فإن كانت أدوية كالعنوان فربما رأى أمه مريضة أو أبوه وليس لديهم ثمن الدواء المستحيل.. يطلق سراح مدير النقد الأجنبي المبجل صارف الدولار للمافيا السوداء ويسجن طفل يسرق لعلاج مريض.
صدقت يا عارف يمكن الولد شاف امه او ابوه يعانون المرض
في بلد اذا سرق فيهم القوي تحلل ودفع نص المبلغ بالدولار والباقي اقساط مريحة
واذا سرق فيهم الضعيف قبضوه وبهدلوه وسجنوه
طوالي عاوزين تعملوا الموضوع سياسة يا اخوان . يعني نصدق انو الولد شاف انو امو مريضة وشخص مرضها وعرف دواها شنو ومشي الصيدلية وشالوا من الرف . هسه انت لو دخلت صيدلية وما صيدلي بتعرف الدوا الانت عاوزو وين ؟؟ انا زعلت انو طفل يجيبو ليه الشرطة لأنو دا ما علاج الطفل محتاج توجيه تربوي لكن كمان ما كل حاجة سياسة واذا سرق فيهم الضعيف
كون صبى يسرق ادوية ماخبر فى بلد السرقة فيها زى شراب الموية لكن الذى دعانى لكتابة هذا التعليق ياناس النيلين انكم بتمرمرو اللغة العربية مرمرة الكديس للفار. اقراوا الخبر وتعرفو على الاخطاء اللغوية وعدم الالمام بابسط قواعد اللغة! اضف الى ذلك ركاكةالصياغة البينة. انتو ماعندكم مصححون؟
يا واضح
الطفل ليس له الإدراك ليعلم ماهو الدواء المناسب للمرض المعين وإنما كله عنده ياهو الدواء
والصيدلي عديم الإنسانية كان يتحقق من أن الطفل حرامي ام محتاج قبل أن يستدعي الشرطة.
وانت يا ابو ظافر ماتحكها شديد نحن لا عرب ولا لينا اي علاقة بالعرب ما تغشو على نفسكم ليه ما بتعتزو بسودانيتكم نحن سودانيون وكفى
تحياتى يازول موجوع.. كلامى عن اللغة العربية ما عن نحن عرب او ماعرب.. يعنى لو كان الموضوع باللغة الانجليزية وماراكب عدلو برضو مابسكت.. اها يعنى معناها انا خواجة؟ ماتخلط الامور لانك موجوع. نحن فايتنك بالصبر!