زواج سوداناس

صور القنبلة السودانية الذكية الموجهه جو – ارض (بركان).. تثير دهشة المهتمين



شارك الموضوع :

سبق وأن قال الرئيس السوداني، بأن “الجيش السوداني يمتلك واحداً من أحدث المصانع العسكرية”، مشيراً إلى أن الأسلحة والذخيرة كلها صناعة سودانية.

وقال البشير “أن السودان يمتلك أسلحة ومصانع عسكرية حديثة، والعمل مستمر لتطوير مقدرات القوات المسلحة السودانية”، وصار الجيش بحسب أنشطة معلنة يجري مناورات وتدريبات بصورة كثيفة هذه الأيام.

وعرضت مؤخراً “مجموعة صافات للطيران” SAFAT Aviation Group فى جناح السودان فى معرض Africa Aerospace and Defence -AAD 2016 بجنوب افريقيا , القنبلة الذكية المجنحة الموجهه “جو – ارض” محلية الصنع “بركان 250كلغ” Burkan , وهى اول قنبلة سودانية موجهه من خلال GPS او الليزر , و تتشابه مع القنبلة الصينية FT-2 . ويوجد نسخة اخري تعمل كحاوية تقوم بارسال الادوية والاطعمة للاماكن المحاصرة.

يتم اطلاق القنبلة عن بعد ومن ثم تنخفض لمستوي قريب من الارض مستخدمة الجنيحات في الانخفاض والمناورة و تعديل المسار لتصل للهدف.

وطبقاً لموقع سياتل بحسب ما قرأ محرر موقع النيلين (اما النسخة التي تستعمل كحاوية فطريقة اطلاقها نفس القنبلة ولكن تنفصل عند الاقتراب من الهدف لقسمين وينزل الطعام او الدواء بواسطة مظلة هبوط داخل المعسكرات او الاماكن المحاصرة).

والقنبلة “بركان” و بحسب علي عثمان , رئيس قسم التطوير في فرع الطيران SAFAT , دخلت الخدمة الفعلية في سلاح الجو السوداني . و اضاف أن القنبلة “بركان” تزن 250 كيلو جرام , ومجهزة بنظام توجيه GPS و تفرد اجنحتها عقب الاطلاق من مسافة 80 كيلومتر عن الهدف عندما تكون على إرتفاع 10 كيلومتر (32,800 قدم) .

ويمكن برمجة الاهداف قبل إنطلاق الطائرة كما أن الطيار يمكنه تغير برمجية القنبلة خلال التحليق الى الهدف , و يقوم نظام القنبلة بإشعار الطيار عندما يكون الهدف فى مدى القنبلة.

دمجت القنبلة علي مقاتلات السوخوي24ام السودانية ومقاتلات الميج29.

الخرطوم/معتصم السر/النيلين

شارك الموضوع :

تعليقات الفيسبوك

تعليقات


41 التعليقات

إنتقل إلى نموذج التعليقات

      1. 1
        Mohamed

        و يمكن التحكم فيها و تحويل مسارها بالنظر. تعاين فيها براحه تمشي يمين . ولو عاينت مرتين تمشي شمال . ولو عاينت شديد بتمشي لي فوق.

        بالله متخلو الخرافات دي. ناس حمامات عامه نضيفه ما عندهم يقولو سونيا قنابل بركان. البركات دا ما تعالو لاسرائيل دا الشغالات فيكم رجم كل كم اسبوع. قال بركان قال. بركان يفجر…..

        الرد
      2. 2
        جعفر

        ما تبقى زي قمبلة طة سليمان

        الرد
      3. 3
        Atbara

        السودان مؤهل جدا ليكون قوة إقليمية عسكريا و اقتصاديا
        اقوي دوله أفريقية عسكريا و اقتصاديا هي جنوب أفريقيا. .. لو كانت محاصرة كل هذه المده و حكامها حراميه كما عندنا لانمحت جنوب افريقيا من الوجود منذ أمد و السودان لايزال يتحمل الحصار و فساد الكيزان

        الرد
      4. 4
        سوداني للأبد

        ماشاء الله تبارك الله والتحية والتقدير لقوات شعبنا المسلحة الباسلة
        ولابناء الوطن المخلصين رجالاً ونسـاء

        الرد
      5. 5
        ودبندة

        الله اكبر

        الرد
      6. 6
        علي

        الله أكبر والله حاجه تفرح كل سوداني

        ندعو الله العظيم ان يزيدكم علم وإلى الأمام
        وعاش السودان

        الرد
      7. 7
        الزين الرزيقي

        الله اكبر سيروا وعين الله ترعاكم الله اكبر ولا نامت اعين الجبناا والمخذلين وساقطي الهمم

        الرد
      8. 8
        كبريت

        هذه هي الحقيقة بأن السودان اصبح يملك اسلحة حديثة صنعت في السودان سواء كان بتعاون روسي صيني ايراني بحيث اكثر من عشرة سنوات تتم صناعة كافة انواع الزخيرة بالداخل وأما قصة ضرب الطائرات الاسرئلية فهذا عائد للسببين اوهلم تطور الطائرات الاسرئيلية وضعف الرادارت السودانية وهي قديمة الصنع بل لايوجد علي طول دولة السودان سواء ثلاثة رادرات واحدثها في الخرطوم ولكن الأن بدأت الدولة في هذا الجانب وبحلول العام 2018 سوف يملك السودان اكثر من عشرون رادراً مطور إن شاء الله

        الرد
        1. 8.1
          كبريت

          يا تعبان عشرة سنوات تصنع في كافة انواع الذخيرة.. ومخلي حدودك مفتوحة لكل من هب ودب
          قبل ما تفكر تضرب الناس فكر تحمي حدودك وتعمل رادارات زي العالمين عشان تشوف العدو بالتكنولوجيا مش بالنظر يا منظراتي انت.

          بالله عليك لمن يركبو رادارات جديدة اديني خبر أيها الكبريت الدجاجة

          الرد
        2. 8.2
          ابو فاطمة

          لا تسخر يا كبريت من الناس فانت لديك اخطاء ( دولة السودان سواء ) الصحيح سوى كذلك قلت(من عشرون) و الصواب من عشرين خلونا نحترم بعض و نعلق بموضوعية و انا اقول الاتي :
          (1)نعم لتطوير القدرات القتالية للجيش السوداني (2) يجب ان يتم ذلك بتوازن مع التنمية الاقتصادية و البشرية و ليس علي حسابهما (3) يجب محاربة الفساد الحكومي الذي بات سمة لغالب المسؤلين مدنيين و عسكريين (4) يجب ان ترتقي بسلوكنا الفردي نحو النظافة فشوارعنا و حماماتنا و مطاراتنا و الموانئ كلها تكشف عن سلوك لا يشبه طول السنتنا

          الرد
      9. 9
        ابوعمر

        لا داعى لتكسير المجاديف لأننا حتى لو أختلفنا مع الحكومه يجب ان نشجعها لتحافظ وتطور مثل هذه الصناعات لأن عالم اليوم لا مكان فيه ألا للأقوياء .

        الرد
        1. 9.1
          كبريت

          يا ابني الحكومة لو صرفت المبالغ على التعليم والصحة كان احسن

          نمي الانسان بتعك وبعدين شوف السلاح…. بلدك مقطعة من الشمال والجنوب عمل ليك شنو السلاح الذكي

          الرد
      10. 10
        هوقوقو

        يا محمد ماهي العلاقة بين الحمامات النظيفة وصناعة الصاروخ ولا الطائرة ولا غيرو لكن يبدو انك تعارض من اجل المعارضه وبدون اي غيرة للوطن اذا اختلفت مع الحكومة او النظام فهذا لا يعنى ان لا جديد وكل السودان دا كلام فارغ حقو تفرق بين الحكومة والوطن .

        الرد
      11. 11
        mukh mafi

        يا المثبطين فرقوا بين الجيش والسلطة وفرقوا بين القومي والحزبي ولا تكونوا ضيقي الافق ما يمكن ان يصنعه الجيش او ما يمكن ان يصل اليه من تطور لن ياخذه الحاكم حين يمضي الى سبيله وانما سيبقى للاجيال واي دراسات او صناعات يمكن ان تكون نواة لالاجيال ليواصلوا الابحاث والتطوير ..
        اذا ما صنع السودان قنبلة او سكين بصل فهو خير وبركة

        الرد
        1. 11.1
          كبريت

          انا مخ مافي
          انت مخ في
          كل نفر مخ
          مخ مشى وين
          مخ واهد كبيرا
          اهسن من مخ صكيرا
          كل نفر إندو مخ

          الرد
      12. 12
        خالد الخليفة

        محمد التطور في الصناعة ليس له دخل بالمراحيض العامة ولا الزمم المعفنه ولا الرشاوي الكلام القلته يخص شيء اسمه سلوكيات الانسان السوي العاقل وهذه السلوكيات لا ترجع لان مهما عملت وفعلت الاجهزة الرسميه في التطوير الاجتماعي يظل تخلف المجتمع والسلوك الاعوج يعوق هذه المجهودات اصلحوا من سلوككم حتي تتعافوا من الامراض الاجتماعيه وتكونوا نظيفين

        الرد
      13. 13
        ...joi

        أكيد لن تستعمل لتحرير حلايب أو الفشقة و بقية الأطراف التي أحتلت من دول الجوار ..
        بل سيقتل بها أهلنا في دارفور و النيل الأزرق ….

        الرد
      14. 14
        الفيلسوف السوداني

        دايرين دقيق ذكي …….. دايرين زيت ذكي …….. دايرين سكر ذكي ………دايرين دواء ذكي ………. دايرين رئيس ذكي ……….. لو السلاح بجيب الرايحة كان جاب حلايب …وكان جاب الفشقة …وكان جاب جبل عامر ….

        الرد
      15. 15
        ودبندة

        الله أكبر هذا من باب (اعدو لهم) منو هم ..المرجفين المتخازلين والمبخثين جهود الدولة والجيش في تطوير القدرات القتالية للحارس مالنا ودمنا .نقول لهم موتو بغيظكم وهناك المزيد من الجهود المبزولة والانجازات سوف تروها في حينها هذا أشياء بيسطة من كثير سوف يفرح الكل معادا خونت الوطن والايام القادمات سوف تشهدوا الزلزلة للمدي الطويل والبعيد.كما شهدتم البركان .واول الغيث قطره.ارجفوا يا مرجفين.

        الرد
        1. 15.1
          كبريت

          هيا بنا نتعلم كيف نكتب ونقرأ

          الرد
      16. 16
        ابوابراهيم الشويحي

        يا ناس أنتم رؤوسكم بلا عقل؟
        جيش القائمين على أمره ود المرة وأبو ريالة هل يمكن ان يحقق اي نجاح ؟
        هل سمعتم في حياتكم مشروع مهما كان حجمه قد نجح والقائمين على أمره وادارته العليا جاهلة وغبية ومتخلفة عقليا ؟
        الحشرة الشعبية محتلة كاودا ليها عشرين سنة وتقول لي جيش متطور وقنبلة ذكية ؟
        أنتم تفتكروا الشعب السوداني بلا عقل مثلكم؟

        الرد
      17. 17
        مدنی احمد

        زواج السودان

        الرد
      18. 18
        سوداني وافتخر

        يكفي اسمي ولا تعليق

        الرد
      19. 19
        ساخر منكم

        الله اكبر الله اكبر ياشباب الجاي كثير مووووتو بقيظكم ووهمكم انتم والمعارضه بصراح انتم مامعتبرين ولا زات اهميه حتكونوا جالسين تنبحوا الواحد فيكم مجهجه وعامل مقترب وفي النهايه ترجع مفلس وحالو بالبلي بس تقعد تستهتروا بالناس وتقلو في الادب الله يشفيكم الصدمه كانت قويه عليكم طبعا الصدمه الحضاريه ههههههههههه

        الرد
      20. 20
        ابن بلد

        سودان وسوداني وعلم ونشيد وطني عدالة وتنمية وعلاقات خارجية متميزة
        لا نريد مرتزقة ولا ديناصورات شباب يقود البلد

        الرد
      21. 21
        محمد

        ازا كان ثﻻثه ارباع التعليقات مصدقه الموضوع ده يبقي الكيزان ليهم حق يحكموا 1000 سنه. شعب عاطفي والعاطفيه ما تقدم دول . اسئلوا نفسكم بواقعيه السودان فيهو أي مقومات صناعه فنيه زي دي؟ . يا جماعه انحنى بنستورد المفك والزرديه قال قنبله زكيه ”” عجب.

        الرد
      22. 22
        محتار بس

        دي اسرار بلد المفروض ما يعرضوها على العلان في القنوات ولا الجرايد خلوها لي يوما
        عشان تكون لي الناس مفاجاة والسودان قادر
        يعمل كل حاجة عندو الكوادر المواهلة في
        كل شيء ماشاء الله تبارك الله لكم تحياتي
        ابناء بلدي داخل السودان وخارج السودان
        ارفع راسك فوق انت سوداني

        الرد
        1. 22.1
          كبريت

          ههههههههههههه ضحك كبريت حتى استلقى على قفاه

          قلت لي (العلان) مش كدة…. عجايب والله انت قريت في ياتو مدرسة

          الرد
      23. 23
        osman

        هذا الخبر لا محالة سوف يسعد ويفرح المخلصيين من ابناء وطني ويغضب ويغيظ الاخرين…………مبرووك للسودان

        الرد
        1. 23.1
          كبريت

          نعم نعم يا رجل.. ان هذا لعين الصواب، فقد قال ابا حنظلة ان الوطنيون يفرحون بهكذا انجازات. هذا كلامون صحيحن…. لان مرسي الزناتي ايد ابي حنظلة في ماذهب إليه من رؤيتين وفلفستين.

          ثكلتك امك

          الرد
      24. 24
        فيصل

        دمت ياوطنى السودان مرفوع الرأس ولامجال للمخذلين والمشككين نحن نبني عزك يابلادى وهؤلاء المعارضون لايفهمون الوطن من الحكومة لذلك الشعب السودانى تعداهم بمراحل وسنين ضوئية لايلحقون بالشعب ولايلحقون أنفسهم ولك التحية قواتنا المسلحة ومن انجاز الى انجاز

        الرد
      25. 25
        شرف

        ما تم صنعه من اسلحة وطائرات في السودان يفوق التصور وما يتضمنه هذا المقال كان لابد للحكومة ان تعمل في هذا الامر بسريه تامة حتي لاتتدخل دول البغي والعدوان لمحاربه هذا المشروع هناك مصانع شيدت تحت الارض لهذا الغرض والمصنع الذي تم ضربه من قبل اسرائيل ما هو الا تمويه لاسرائيل بعد ان علمت ان السودان يصنع اسلحه وهي تخشي ان يمد السودان الفلسطيين بالاسلحة وكلنا نعلم ان الحكومة كانت تدعم حركه حماس وتدعم القضيه الفلسطينية اكثر من بعض الدول العربيه وحتي المجاورة لها فالي الامام سير سير يا بشير نحن جنودك

        الرد
      26. 26
        mohammed musa

        يجب ان نتوجه للزراعه …….وارجاع كل الاموال المنهوبه و تتوجه للزراعه

        الرد
      27. 27
        هيثم

        من يقول ان هذه الاشياء يجب ان تبقى سرية … فصناعة الاسلحة اصبحت تجارة والمعارض هذه لتسويق الاسلحة والسودان يحتاج ان يصدر ما يصنعه من سلاح مثله مثل الغير حتى يتطور في هذا المجال .

        اما بالنسبة للقنبلة الذكية فمشكلة السودان عامة وحكومتنا خاصة انها تبالغ في الاشياء ودائما الحقيقة تكون دون المستوى ودون الخبر وهنالك امثلة كثيرة في كل مجال فما بالك فب مجال تقني دقيق مثل هذا .. !!!
        لا اعتقد ان خالخبر مطابق للحقيقة .. فالقنبلة الذكية تحتاج الى تقانة لا تتوفر في السودان لابسط سبب .. هم يقولون ان التوجيه يكون GPS … طيب هل يمتلك السودان قمرا صناعيا ؟؟ هل هنالك تعاون سوداني غربي عسكري لاستخدام اقمارهم الصناعية لاغراض عسكرية ؟؟؟
        الاسلحة الذكية حتى تعمل بشكل ” ذكي” فيجب ان تعتمد على وسيلة اتصالات دائمة ومتاحة وخاصة ومحمية من اي اختراق.. لذلك الخبر مضخم.

        الرد
      28. 28
        تاى الله ود السارة بت الفضل

        دايرين يفرتقوا بيها المظاهرات

        الرد
        1. 28.1
          الصديق جار النبي

          تاي الله عامل سنونك المكسرات ديل انا بمشي بكلم ليك ابوك بقول ليهو تاي الله دخل النت وقاعد يتكلم في السياسة

          الرد
      29. 29
        سودانى مغبووووون

        ذى الطيارات ( اقصد الطيرات ) دى بتتباع فى السوق الصينى فى دبى .. تشترى 2 يدوك التالته مجان .. وبعد كده ان شاء الله تشحنها بتيخ ( مابطيخ ) .. على حسابك …
        بس اهم حاجه يكون فيها نور ( وبكترح يكون لونو احمر ) .. عشان لمن تهاجمو ( تنهجمو ) بيها .. يكون الماسك ارموت كندرول ( اقصد الريموت كتر بول ) .. يكون عندو الخيار يهاجم ( طافى الانوار ) .. ولا ( يولعها ) .. ده ( ازا ) عايز يورى العدو العين الحمراء وكده .. هاك الرياله دى …

        الرد
      30. 30
        فتى الشرق العظيم المهدي فتى الساحل الأنشوش المصري الحقيقي .

        ربنا يشفي العدو أول ما يضرب بيضرب المصانع ومخازن الذخيرة والسلاح ، على كل حال ربنا يحرسكوا ويحميكوا .

        الرد
        1. 30.1
          فتى الشرق العظيم المهدي فتى الساحل الأنشوش المصري الحقيقي .

          مثل هذه التصريحات ونشرها في الإعلام بيترتب عليها إن الأعداء وجواسيسهم والخونة سيبذلوا جهدهم في التجسس على السودان لمعرفة أماكن هذه المصانع وتحديد أماكنها ، وبعد هذه التصريحات لابد إن السودان تكون على حذر مما سيترتب عليه من هذه التصريحات ونشرها في الإعلام .

          الرد
      31. 31
        مواطن

        حتى الان خطوات متقدمة من مشوار المليون ميل ربنا يسدد خطاكم ويوفقكم ويؤيدكم بنصره
        فالمؤمن القوي خير واحب الى الله من المؤمن الضعيف

        الرد
      32. 32
        صلاح ابراهيم محمد

        ماشاء الله تبارك الله فخر والله لكل سوداني حادب علي مصلحة الوطن والمواطن. نسأل الله أن يعلي من شأنه ويرفع من قدره ويهدي الشامتين فينا . أعوذ بالله ، اري بعض المعلقين لا يعجبهم هذا التطور بل حاولوا التبخيس في الصناعة و الجودة ،هل حقا هؤلاء من السودان الله يهديهم …

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *