أبرز العناوينمنوعات

شاب يتجول بالجلابية السودانية في شوارع لندن وشهود عيان: لاول مرة نشاهد مثل هذا.. فيديو


قرر الشاب السوداني موحي البدوي في أخر يوم لزيارته للعاصمة البريطانية لندن أن يرتدي الجلابية السودانية المعروفة ويتجول بها في أنحاء مدينة لندن وذلك مع نهاية العام المنصرم.

وإستطاع الشاب أن يصنع فيديو مميز ورائع لمعالم لندن البارزة بحسب ما شاهدت ريم منصور محررة المنوعات بموقع النيلين وفام بنشره على موقع يوتيوب، ونال الفيديو المرفق إستحسان وحصد إشادات واسعة على صفحات السوشيال ميديا.

ومن المشاهد الطريفة أن أوقفه مجموعة من المارة ليتحدثوا معه وإتضح أنهم شباب سودانيين تعرفوا على أنه سوداني من خلال الجلابية التي يرتديها وقالوا لأول مرة يشاهدوا أحد يرتدي الجلابية وهو يتجول في الشوارع العامة في مدينة لندن.

ريم منصور


‫29 تعليقات

  1. ما اول زول يا اخي قبلك في من عملها .. لكن عجبتني الموسيقى المصاحبة

  2. سوداني بصراحة متخلف جلابية شنو في لندن يعني عايز توري الانجليز شنو ديل احتلوا العالم واحتلوا جدودك وبلدك عشرات السنين عايز توريهم الجلابية الله يخيبك.

    1. فعلا احتلونا بس مل احتلوا نفوسنا زيك ومازلنا سودانين ونفتخر بها

    1. ح يكون شنو !!

      الدنيا برد و الشاب لابس جلابية … لازم يلبس ليهو حاجة تقيلة تحتها …

      common sense يعنى !!!

  3. والله ياجماعه لا حقد ولا حاجه لكن ما لدرجه دي ! فضحتنا يالمخلوع ياخ انت والله فرحان فرحه لمن هناك ههههههههه مسكين لكن الخلعه شكلها كانت قويه انت فاكر نفسك اول ولاّ آخر واحد تمشي لندن غايتوا الله يشفيك من الخلعه الركبت فيك دي ،، شابكنا دي الحته ديك ودا المكان داك وده اسمه هناي لا لا لكن وريتنا ما كنا عارفين ههههههههههههه انا اخاف تكون فكت منك

    1. خلعة شنو يا موهوم ، بل العكس هو الصحيح ، انت شكلك متبري من كونك سوداني لما تمشي بلاد بره وبتعمل فيها خواجه اما هو لا، بل بيفتخر انو سوداني ، لو عندك شجاعه جرب انت البس سوداني او لباس عربي في اوربا مع الاوضاع الحاصله دي لو بتقدر

      1. خساره النك نيم حقك ،انت ما سوداني ولا بتفتخر كونك سوداني ، كلام نيت بس ، وبعدين لو انت في لندن او اوربا وعارف ، غيرك ما طلع خارج السودان ولا شاف لندن او عارف شنو يعني اسانسير او ساعة بيغ بين .

      2. ( لو عندك شجاعه جرب انت البس سوداني او لباس عربي ) ههههههههههاي قال لباس عربي منو العرب ياوهم

        1. الشاب المتصور دا ما عاجبك !! ؟؟

          ظاهر عليهو من (غانا) ولاّ شنو !!

      3. هههههههههههههههههه يالمدعو شجن ياخ نفسك واصلني والله شكلوا كدا تعليقي حرقك حرقه ياخ انت عايزه او عايز مطافي عدييييييل عشان يطفوا النار والحرقه الجواك دي ،، اول حاجه ابو مخ طيين انا نهائي ما في الجلابيه اللابسه المخلوع بتاعك دا يعني ايه لو لبس جلابيه عادي جدا واكتر من عادي كلنا بنفتخر ونلبسها في عين اطخن طخين وفي أي حته وأي جُحر في العالم انا بتكلم في جنس عوارته وهبالته والفرحانيه الواقعه فيه دي ههههههههه لافي كدا وشغال يشرح وكأنو يادوب فتحنا وشفنا العالم ههههههههه وعلى فكرة يا الفرحان والمخلوع المدعو شجن دا انا واعوزبالله من كلمه انا الطائرات الركبتها والله لا انت لا زولك المخلوع المفجوع دا ركبتوها ولا عمركم ح تركبوها يا طير انتو ههههههههههههههههه فشفش واحرق يا كلامي هههههههههههه وهم وخلعه وفجعه ركبت فيكم

  4. تعليقات تدل علي الخواء وعدم الفهم
    شاب طاف شوارع لندن بالجلابيه ايه الغريب
    وايه الفضيحة من كل ذلك
    تنقصكم الخبره والحكمة وعدم الدراية شباب
    حسره علي السودان ارتقوا شوية من اساليبكم
    وخليكم علي قدر الفهم

  5. انا عايش في لندن ١٩ سنه لكن عجبني الفيديو والراجل لا مخلوع ولا حاجه عمل حاجهظريفه خالص وهو زاتو راجل بادي عليهو انو مهذب .. أكن بصراحه كل الناس العلقت مع احترامي ليهم ما عندهم موضوع وأي واحد فيهم اظهر انو زول ما متسامح مع نفسو

  6. السلام عليكم ورحمة الله حتي لو الناس سبقوه جزاهو الله خيير وبلاش من التعليقات الجارحه

  7. الحكاية فاتت الحد المعقول و ضروري الناس تنتبه و تاخد وقفة
    ايه الحاصل ؟!
    بقينا عدوانيين حتى وصل البعض في تعليقاتهم لعن موتانا الذين ماتوا و هم يشهدون الشهادتين
    إنه الحقد الاسود الذي سيوردنا موارد التهلكة
    و لا حول و لا قوة الا بالله

  8. بصراحة روعة روعة بالجد … كتر خيرك وريتنا حاجات كنا نجهلها خاصة ساعة big ben لك الشكر والتقدير … بعدين الولد زول تفتيحة .. يعني تنفع في بلد اولاد العم سام … وفقك الله

    1. اهم حاجة ورانا انو الجلابية ما بتنفع فى الاجواء البارده زى ما قال الهواء البارد بخش من فوق ومن تحت وبالجنبات واكثرهم تاثيرا البخش من تحت

  9. في شنو الراجل عمل شنو ما اي واحد حر يلبس العاوزو انا احي هذا الشاب سوداني وافتخر . الراجل ما عمل شي غلط في سوداني عايش فى المانيا القناه الالمانية عملت معاهو لقاء قبل كده حايم بالجلابية في المانيا وعايس هناك اكتر من 30 سنة يعني كلنا قاعدين بره يوم الجمعة وفي الاعياد بنلبس الجلاليب ونربط العمم زي الترتيب وماسالين في اي زول ده لبسنا القومي وطز في اي واحد ما عاجبو

  10. صورتك الاسطورية ح تكون قاعدة كدا لمتين يا اخي عملنا لينا وجع وش
    الا يكون اعلان مدفوع الاجر
    كم سوداني حايم في لندن و طوكيو بجلابية

  11. عشت ٢٣ ستة قى بريطانيا شارع شارع لا خليت كلية ولا جامعة ولا دراسة ولا شركة والان انا فى السودان فى أجمل ايام حياتى مع اهلى وفى بلدى فى صخة وعافية والحمدلله.

    اول ما وصلت مسحت جميع الفيديوهات واصبحت اسمع عن بريطانيا من نشرات الاخبار

  12. مافي أي غرابة في تصرف الشاب ده.. أنا كنت في أمريكا شهر حداشر ومن ضمن الأمانات الحملوني ليها ناس لأقاربهم “على الله” مرسلها واحد لولده في أورلاندو فلوريدا عشان بيمشي بيها صلاة الجمعة.. مافي أي غرابة في الموضوع

  13. زول عمل حاجة عاجباهو واستمتع بيها وفى ناس كتيرين منهم انا استمتعو بالفيديو….. التعليقات السلبية دى ماتأثر عليك تلبس جلابية ولا تلبس شورت دى حاجة بتخصك إنت وإنت حر وكنت فى زيارة لواحدة من بلاد الحريات عشان كده أعمل الحاجة البتشوفها صاح وما تشتغل بأى زول

  14. واحد فرحان السيد عبد الرحمن والسيد علي والشريف يوسف كانو لابسين بدل لما زارو لندن

  15. حاجة جميلة منك لكن الناس في لندن بتلبس جلاليب عادي،لكن الجو كان بارد جدا