سياسية

قطبي المهدي: شيفرون وصلت الخرطوم قبل رفع الحظر


أكد القيادي البارز في الحركة الإسلامية د. قطبي المهدي، وصول شركة (شيفرون) الأميركية النفطية، إلى السودان، قبيل سريان قرار رفع العقوبات الاقتصادية المفروضة على السودان يوم (الثلاثاء) المنصرم.

وقال في حوار مع (الصيحة) يُنشر لاحقاً، إن ذلك يدلِّل على أن الاتهامات التي سيقت ضد السودان (مفبركة)، وأضاف: “لا يمكن تصوير السودان بكل هذه البشاعة، ثم تأتي لترفع المقاطعة التي فرضتها عليه بهذه الصورة المفاجئة”.

ونوَّه قطبي الذي كان يشغل مدير جهاز الأمن الخارجي، إلى أن الاشتراطات التي وضعتها واشنطون لرفع العقوبات عن السودان، تعكس خوفاً من الشريعة الإسلامية، وقال: “الشيطان يكمن في التفاصيل”. متوقعاً لجوء الإدارة الأميركية إلى وضع اشتراطات على السودان تشمل عدم التعاون مع “الإخوان المسلمون”، وحركة المقاومة الإسلامية “حماس”.

وحذر قطبي من مغبة تخلي السودان عن القضية الفلسطينية، واصفاً دعم الخرطوم لحركة المقاومة الإسلامية “حماس” بأنه أمرٌ مبدئي ولا يجب التراجع عنه.

الخرطوم: عبد الرؤوف طه
صحيفة الصيحة


‫18 تعليقات

  1. أها قمنا للجرجره دايرين ترجعونا المربع الأول ، خلونا من العنتريات دي نحن ماقدرها وكفاية عذاب للشعب السوداني وبطلوا تتبنوا القضايا لأنه ده شعراً ماعندنا ليهو رقبة .

  2. والله صدقني النوعك دا ياهو الخرب البلد دي انت عندك شنو لي حماس عشان تدعمها انت ماعندك البصله تدعم ايه
    رفع العقوبات دا يادوب يخلي البلد ماشه تقعدو انتو تحفرو جنس الحفير دا

  3. الدبلوماسية هي فن الممكن وعلي السادة الذين يحلو لهم التنظير ان يفهموا مصلحة الوطن فوق كل شيء ارجوا ان تدعونا من المثاليات التي ماعاد لها مكان في هذا العالم.

  4. أولا حديث هذا الفاشل الذي كان يسميه الترابي بتاجر العملة هو إستهداف لشركة شيفرون نفسها وهذا الحديث سيعرضها للمساءلة والعقوبات بأثر رجعي مالم تصدر بيان تكذبه به، ثانيا حديثك عن حماس كذب ونفاق فحماس طردتها أنت شخصيا من السودان. ثالثا الآن الحديث لغندور فقط.

  5. حماس تحرق وانت فى وراها ان شاءالله
    عالم تحب الدمار لبلدا بس

  6. مدخلين البلد في متاهات وأنتم أكثر ناس مرتاحين ، يحمسوك بالبعر !

  7. الله يحرقك و يحرق حماس معك . الشعب السوداني طلع زيتو و حتى الفلسطيني لا يستطيع استيعاب سلوكنا السياسي الأرعن من أجلهم

  8. يا اخي ما تخليكم منطقيين انتو مخ مافي بس عنتريه وفتونه ده البتعرفوهو والله عديم العقل يلخبط الدنيا وما فيها … وبعدين انتو ما حاسين بالشعب البسيط ده …………. الاختشو ماتو

    وبعدين حماس دي شنو ما حركه ارهابيه كمان

  9. لم نجنى سوى الضياع من دعم حماس لاتكونوا ملكيين أكثر من الملك لو تعرفوا هؤلاء عن قب و معاملة لصيقة لبصقتم عليكهم أسألوا السودانيين المغتربين فى الخليج عنهم يا هذا تجدهم حاقدين و أكثر حقداً على السودانيين .شوفوا مصالح البلاد و العباد يرحمنا و يرحمكم الله .

  10. روح انت يا بتاع المبادئ طلع من الدولارات والريالات وادعم حماس وداعش وسيبنا نحن في حالنا نحن مش مسلمين ولا عرب اكتر من الفلسطينيين اصحاب القضية انفسهم والاردنيين والقطريين والعمانيين والاماراتيبن والتوانسة والمغاربة .. اصحى يا دكتور قطبي الناس بتعاني وانت مش جايب خبر لانك مرتاح .

  11. مالم يفهم اهل السياسه في السودان ان اسس العلاقات الدوليه بعيده عن فضائل الاخلاق التي شرعها االله بكتبه المنزله وسنن انبيائه لن يتمكنوا من اجاده التعامل والتفاعل مع متقلباتها بصوره متوازنه,,,,,, فالعلاقات بعيده كل البعد عن المثل العليا والصدق والايمان ويحكمها التنافس الدنيوي البحت لان لهم دينهم (الدولار) ولنا ديننا وليس اكتر الناس ولو حرصت بؤمنين…ولن تقود الناس للابمان بالاكراه.
    واذا كنت تعتقد بان ابقاء بلد بقائمه الارهاب ليس مفبركا فهذه مصيبه واذا كنت تعتقد بان ضروره رفع المقاطعات المفاجئ ليس حقيقيا فالمصيبه اكبر , هذا مع كامل التقدير لتاريخ د. ربيع السياسي !!ضرورات المصالح ومقتضبات التنافس علي كعكه الموارد بجانب اخري هي المحرك الاساس… اما القيم والمُثل والمنطق والتوازن فتاتي لاحقا كتمومه جرتق.
    شيفرون شركه حكوميه وشركات ترامب والشركات الكبري جات الينا في المقدمه لانهم اصحاب الثروه والسلطه والقرار في امريكا ولاغرابه في ذلك ولامفاجئه !!! وهنا يتحتم علينا اخذ زمام المبادره باعاده ترتيب اوليات برامج التنميه السودانيه وتطوير سبل الاداره ورفع مستوي كفاه الاداء لانه كفيل بخلق بلد قوي جديد يمكنه من التمكين لثقافته ودينه والدفاع عن قضاباه العدله .

  12. والله نوعك ده خلانا نرجع ونبقي في ازيال الامم الله لا يوفك والله من المفترض يعتقلوك بكلامك ده لانك لا تريد مصلحة هذا المواطن الذي عانى طول حياته بسبب امثالك
    والله الفلسطينين عايشين افضل عيشه بالنسبه لنا وبعضهم يتوظفون في المصالح الاسرائيلية انت وحماس في داهية ان شاءالله وانت لو عايز تدعمهم لا تتحدث باسمنا نحن كسودانيين امشي قاتل معهم بعدا عننا

  13. وسنن الله في الارض لاتتغير ولاتتبدل فالصين وروسيا والهند والبرازيل في صعود وترامب فاز لانه دعي لاعاده قوه امربكا المتناقصه !! وعصر تواز القوي والقطبين والثلاث بدأ في الظهور بعد تراجع نظام القطب الامريكي الواحد !!! وعلينا الاستفاده من المتغيرات من بعد معاناتنا من المقاطعات واكتوائنا بنارها لعقدين !!! الفرص تاتي مره واحده واذا لم ناخذ بلجامها ستتفلت من بين ايدينا ,, والنبي محمد صل الله عليه وسلم دخل بلده مكه بعده عودته من الطائف حزينا بجوار كافر واستعان في هجرته الي المدينه بقصاص اثر وخبير بالطريق الساحلي بكافر ايضا ولنا فيه عليه الصلاه والسلام اسوه حسنه .
    هذا وقت العمل الجماعي الجاد ومحاربه الفساد ومنع الجبايات وتخفيض الضرائب ودعم الطاقه ومدخلات الانتاج وتشجيع الاستثمار للصادر وايقاف رفع شعارات الانقاذ الاوليه . مع تحياتي لدكتورقطبي المهدي . وتاريخه السياسي والله من وراء القصد.., ودنبق

  14. يا دكتور تعبنا وطلع زيتنا ودمنا اتحرق واتغربنا واتشتتنا وهاجرنا …ياخ اتكلم عننا وشجعنا طالما عندنا مروه وحاول اقنعنا نرجع لى بلدنا وحماس قاعده فى بلدها ونحنا بيننا وبينهم مسافه وزمن ونفس المسافه والزمن دا فرق بين السودانيين وحكومتهم ياخ حاول اتواضع شويه واتكلم خننا نحنا نحنا السودانيين الشردتوهم وكرهتوهم البلد وخصصتوا اى حاجه لى حزبكم وبعتوا واجرتوا الباقى للعرب والديون الردمتوها لينا دى كان عندكم دعم اتخارجوا لينا بيهو وحلوا جزء منها فكونا بلاش حماس بلاش اخوان نحنا مالنا ما بشر …علاج بى طن قروش تعليم بى طن قروش سكن بى طن قروش برغم جنسيتنا البنفتخر بيها ونرفعها فى وش اى بشر فى الكره الارضيه ياخ ادعمونا وفكونا من الضرائب والجبايات والمحن الدخلتونا فيها والعيش كان ما كفى ناس البيت يحرم على الجيران وشكرا

  15. زميلي وصديقي الفلسطيني ابوجواد يضحك ملء شدقيه ويقول والله انتو السودانيين حكايتكم حكاية . مندفعين اكتر من الفلسطينيين اصحاب القضية . يا عمي بلاش تضحيات وديتوا بلدكم في ستين داهية . والله حرام الشعب السوداني يتعذب اكتر من هيك والنخب السياسية عايشين في رفاهية .