زواج سوداناس

السودان يفتح باب التجنيس لمواطني ست دول بشروط ميسرة



شارك الموضوع :

فتحت الحكومة السودانية باب التجنس لمواطني ست دول، بينها سورية والعراق واليمن وفلسطين وبورما.

وقالت مصادر في الخرطوم لـ”العربي الجديد” إن “سفارات الدول الست، أبلغت رعاياها بخطوة الحكومة السودانية، لجهة منح الجنسية لمن يرغب بشروط ميسرة”، مؤكدة أن “عددا معتبرا من المواطنين الأجانب بادروا إلى التقدم بطلبات للحصول على الجنسية السودانية”.

وانتشر في الفترة السابقة في الخرطوم سماسرة يعملون على استصدار الجنسية السودانية بمبلغ خمسة آلاف دولار، ويعتبر السوريون الأكثر إقبالاً على هؤلاء، بهدف تسهيل خروجهم من السودان، بعد أن عمدت عدد من الدول إلى تقييد إجراءت دخولهم إلى أراضيها.
وأفاد مصدر خاص بأن “الدول الأوروبية أقرت منح الخرطوم مساعدات لتوطين اللاجئين في السودان من خلال إدماجهم في المجتمع السوداني، مع توفير فرص عمل لهم للحد من هجرتهم إلى الدول الأوروبية بشكل غير شرعي”.

ونُظمت خلال الفترة الأخيرة حملة ضد السوريين في السودان، حيث بدأت أصوات سودانية تدعو الحكومة لمعاملتهم كلاجئين ولتقنين أوضاعهم، بعد نشر مجموعة من المنشورات والصور على مواقع التواصل تظهر سوريين يقومون بإساءات.

ورأى مراقبون أن “نشر تداول هذه المنشورات بشكل واسع في مواقع التواصل الاجتماعي، رغم أنها لأشخاص يعدون على أصابع اليد، يؤكد أن هناك من يقف خلف تشويه صورة السوريين بهدف إثارة الرأي العام السوداني ضدهم”.

ويعتقد البعض أن الأمر “نتاج لصراع حكومي”، لا سيما بعد تواتر تقارير عن حصول االخرطوم على أموال مقابل دمج السوريين في المجتمع السوداني، بينما يرى آخرون أن الحملة ربما قادها أحد الاطراف السورية المتنازعة للتضييق على السوريين في السودان.

ودعت منشورات المنتقدين للوجود السوري في السودان للضغط على الحكومة لتقييد حركة السوريين، وسد المنافذ الخاصة بمنحهم الجنسية السودانية نظير مبالغ مالية، رداً على تجاوزاتهم ضد سودانيين.

وفي المقابل، دعا معظم السودانيين لاحتضان السوريين من خلال التأكيد على سلوكهم السليم والتزامهم بقوانين البلاد واحترام المجتمع السوداني.

العربي الجديد

شارك الموضوع :

تعليقات الفيسبوك

تعليقات


18 التعليقات

إنتقل إلى نموذج التعليقات

      1. 1
        ابوعلي

        فعلا جبانة هايسة

        الرد
      2. 2
        سوداني اصيييل

        لا حول ولا قوة الا بالله العلي العظيم حسبنا الله ونعم الوكيل فيكم اصلو الجواز السوداني هامل وسهل جدا تشتريهو حكي لي احدهم يعمل بالمملكه العربية السعوديه بانه معهم سته ارتريين يحملون الجواز السوداني

        الرد
      3. 3
        ودتكتوك

        قمة عدم المسؤلية وعدم معرفة الآثار المترتبة اللهم ارفع غضبك عنا

        الرد
      4. 4
        يوسف الشبلي

        وفر للسودانيين فرص عمل قبل توفر للاجانب واي واحد يقل ادبو م بعرف الكتلو منو والله لايوفقك يا البشير

        الرد
      5. 5
        يوسف الشبلي

        والله كلام عجيب نقول ليتك يا ام عمر لم تنجبي عمر يوما ولا نقول شنو بقولو المافيهو خير لي اهلو مافيهو خير للناس كيف ترمي جنسيتنا لاي شخص نشوف فيك يوم يا البشير والله كلام عجيب هو نحن ناقصنكم انتو الكيزان كمان تجنسو لينا شوف السودان زمان احلي من السودان اليوم يعني بالمعني الواضح السودان كان ماسكو راجل واسي ماسكو اقصد ماسكاهو بنت البشير

        الرد
      6. 6
        عثمان

        السودان ملك للشعب السوداني وليس ملكاً للحكومة مع كامل احترامي و تقديري لحكومتنا لذلك لا نوافق على منح الجنسية السودانية بهذه السهولة لانه سوف يترتب على ذلك مشاكل كثيرة في المستقبل سواء في السكن او الوظيفة او الخدمات عليه نقترح منحهم بطاقة او اقامة مؤقتة ( بطاقة اجنبي ) وتسجل رسمياً و برقم في جوازات اللاجئين وتجدد سنوياً مقابل مبلغ يدخل خزينة الدولة .

        السؤال : هل هذه الدول المذكورة سوف تعامل السودانيين بالمثل ؟

        الله الموفق

        الرد
      7. 7
        يوسف الشبلي

        وين امن البلد مدام انت بتجنس اي زول كدا امريكا قالت الليله في جريده الوطن يوم 1/2/2017السودانيون مسالمين ولكن امننا اهم يعني تترض اي زول بره بلدها عشان بلدها يكون امن لكن معليش م عندكم مخ بس وعايزين السودان اتصلح ههههههه والله كلام ياخ النار بطفوها م بزيدوها حطب

        الرد
      8. 8
        نقطة

        أغلب هؤلاء من الجنسيات الانتحارية،،،
        __هذه بداية النهاية لشعب سوداني قوى وصابر،،،
        __ سوف يتم شراء الجنسية عن طريق الجماعات،، التخريبية و…….،
        — يجب أن لا نعطي جنسيتنا للفلسطينيين أو السوريين،،،) هذا وهم كبيييير (

        الرد
      9. 9
        عامر عامر

        لماذا التهاون والتلاعب بهوية البلد ندعو الله ان يزيل عن كاهلنا هذه النغمة التى تتحكم وتتصرف فى مقدرات الوطن وهويته كأنه ملكآ لها علمآ بان هذه الاشياء يجب ان تجاز من قبل ممثلين الشعب وهو المجلس الوطنى .

        الرد
      10. 10
        سودانى مغبووووون

        ك…… الواحد ماكان عايز يتلفظ .. لكن حاجات ذى دى الالفاظ فيها شويه …

        العالم الخبوب ديل ماسالتو نفسكم ترامب حظر السودانيين لى شنو ؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!

        لانو الامريكان لقو كتير من الكرور العايزين تجنسوهم ديل والعندهم مشاكل فى امريكا واوربا معاهم جوازات سودانية

        وعشان الامريكان مافاضين يغربلو منو السودانى اصلى ومنو البيدوهو بشروط ميسره جواز حظروهم كلهم …

        اللهم سلط عليهم مصائبك على كل من تسلط على السودان بقرارات مثل هذه …

        اللهم لاتبارك لهم فى اعمارهم او اموالهم او اولادهم .. او دنياهم او اخرتهم ….

        اللهم اشغلهم فى انفسهم عن عبادك والمساكين …

        الرد
      11. 11
        شارد ما وارد

        الردود الفوق دي كلها دليل على الرفض الشديد من عامة اهل هذه البلاد لمنح الجنسية السودانية والجواز السوداني لجنسيات اخرى لا علاقة لها باهل هذه الارض..
        .
        اذا ظروف الناس في بلدان اخرى صعبة بسبب حروب او خلافه ,, واختاروا اللجوء للسودان ,, فلابد من تنظيم وجودهم بالسودان بوثائق رسمية اخرى غير الجنسية والجواز السوداني.
        .
        اذا في سوداني لجأ لاي من تلك الدول .. هل يمنحون له جنسية او جواز تلك البلدان ؟؟. هذا غير العنصرية التي يعامل بها السودانيين في الخارج.
        .
        سؤال موجه للحكومة .. لماذا تتعاملون بدياثة وعدم عيرة على بلادنا العزيزة؟
        .
        يا الحكومة بلدنا دي عاجبانا بترابها وحرها ,, وبعوضها وضبانها وبخيرها وشرها .. عاجبانا وبنغير عليها .. واذا انتو ما قدر المسئولية شيلو عفشكم وحلو عن سمانا.
        .
        ما هو رأي ناس الامن والجيش في المخاطر المترتبة على منح الجنسية لاخرين بشروط ميسرة ؟؟
        .
        مطلوب فورا من وزير الداخلية يطلع بيان رسمي يؤكد , او ينفي الخبر المنشور فوق ده..
        وكان الله في عوننا ويسر علي كل من شردته الحروب امره

        الرد
      12. 12
        ابن بلد

        كل الاريتريين يملكون الجنسية السودانية حتي رأيهم افورقي والاثيوبيين والتشاديين وفلاتة مالي والنيجر وغينيا ونيجيريا
        ويظل السوداني ساذج لا يعرف قيمة الوطن ابراهيم محمود الاريتري المعروف تنكر لاصله وجند للمرتزقة بأمر من الجبهة الإسلامية لقتال جنون قرنق المسيحي وكان نتاج ذلك التخلي عن إريتريا ل افورقي في الوقت الحالي اتفاق ليس له أي منطق ولا أخلاق ولا دين بل اتفاق سفهاء لي إلا حاليا جاء البلاء سوريا والعراق هولاء إضافة إلي السابقين كارثة علي السودان وفي مقدمتهم الفلاتة والتشاديين والإحباش

        الرد
      13. 13
        زول

        ياجهاز الامن الفالح في المظاهرات والاعتصامات والبنات لابسين شنو وماعرف . شوف تهديد بيع الجواز يعني امن الوطن المفروض دا شغلكم مش دا قال شنو ودا نظم شنو خلو عندكم ولا شويه للسوادان مش لشخص

        الرد
      14. 14
        Abu faris

        ستجد إيران فرصة لم تكن تحلم بها وستقوم بتمويل جماعتها في سوريا والعراق وحتى الحوثيين في اليمن ( وهم موجودون بكثرة في السودان لاشك ويحاولون بشتى السبل تشويه صورة البلاد كما ترون والجميع في غفلة) , يعني قطعنا علاقات وقفلنا المراكز والحسينيات ولكن بكل بساطة فتحنا بابا خلفيا لتجنيس وكلاء إيران . و من نافلة القول أن الدولار مع هؤلاء وأهل السنة في هذه البلاد غلابا ولن يلتفت إليهم أحد , وكده نكون فتحنا بأيدينا أبواب الخراب والدمار . وما عايز أكتر الكلام فاللبيب إذا وجد في عهد الدولار بالإشارة يفهم .

        الرد
      15. 15
        ابوعلي

        هذا هو ردكم .

        الرد
      16. 16
        ABOAHMED

        فعلا ترامب معاه حق في منع السودانيين من دخول امريكا………………..

        الرد
      17. 17
        محمداحمد

        قرارات رعناء وغير مدروسة وستترتب عليها جملة من المشاكل الاجتماعية والاقتصادية والامنية وتحل اضرار كبيرة علي المواطن والحكومة

        الرد
      18. 18
        قلبي على وطني

        ليو الحق ترامب يمنعنا من دخول امريكا عشان معظم الارهابيين الفي امريكا عندهم وثائق سودانية
        خلاااص نحن نقول على الدنيا السلام
        ايران ح تتمكن في البلد دي وح تسرح وتمرح
        فعلااا القرار دا بوضح لينا انو نحن حاكمننا جهلاء ليس الا

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *