(6) مليارات دولار تقديرات تحويلات المغتربين
كشف نائب جهاز تنظيم شؤون السودانيين العاملين بالخارج، د. عبد الرحمن سيد أحمد، أن تحويلات المغتربين تقدر ما بين 4- 6 مليارات دولار سنوياً، مشيراً إلى أن مدّخرات وأصول المغتربين بالخارج تعادل 5 أضعاف مبلغ التحويلات، وقال سيد أحمد خلال مخاطبته ندوة نظمتها جامعة المغتربين امس، إن جهاز المغتربين لديه عدة مقترحات تدرس الآن لجذب تحويلات ومدّخرات المغتربين خاصة بعد رفع الحظر الاقتصادي، وتابع “ندرس عدداً من المقترحات لتقديمها للجهات ذات الصلة،ولفت إلى أن المرحلة الجديدة تتطلب وضع سياسات تحفيزية واضحة وجريئة تقدم كحوافز للمغتربين لاستقطاب مدّخراتهم، معلناً وضع حزمة من الحوافز تشمل فتح التمويل للمغتربين عبر البنوك لتحقيق تطلعاتهم في المجال العقاري والتعليم والسيارات،وأشار سيد أحمد إلى نظام الودائع البنكية أوفتح حسابات الأمانات لفترات تتراوح بين “3- 5” سنوات، إلى جانب منح الإعفاءات الجمركية مقابل ذلك أوتخفيضها إلى نسبة 50٪ .
صحيفة آخر لحظة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
دا كله ملام في الهواء مالم يكن السعر بالبنوك نفس السعر في السوق الموازية مافي مغترب بيجي يحول بالبنك .. معقل البنك يبيعني عملة سودانية بواقع الدولار 8 او 10 او حتي 12 والسوق 14 او 15 كيف تجي دي فرق السعر بيديني القوة اشتري اي ميز اخذتها المحول الذي حول عن طريق البنك
تلقوها عند الغافل يا حرامية ..
بعد شوية باب الاستثمار والتملك ح يفتح في كل الخليج …قرش واحد ما ح يتحول للكيزان الحرامية .. بس قدر مصاريف الأهل واكيد ما عن طريق البنك هههههههه
حلم الجعان عيش
(انا اقترح على الحكومة اذا عاوزة دولارات المغتربين تسمح بشراء المنازل أو المزارع عن طريق التقسيط من البنوك
لكن بشرط تكون منازل ومزارع ومشاريع باختيار المغترب بعد ما يشاهد المشروع ويعرف محاسنه وعيوبة وتكون بالاقساط بالعملة الصعبة
منها المغترب يقطع نصف المشوار للعودة وعنده مصدر رزق يعتمد عليه
ومنها نشجع استثمار أمواله وتستفيد الدولة من العملة
ومنها نزيد المشاريع الزراعية في الخرطوم فيزيد الإنتاج وتنخفض الأسعار )
والله اذا كانت المشاريع جيدة بعيدة عن الغش واذا كانت الإعفاءات حقيقية للعربات
فنحن في حاجة لاستثمار أموالنا بطريقة جديدة .
لكننا نحتاج لإعادة بناء جسر الثقة بين المغترب والحكومة ومن يمثلها
فلا يلدغ المؤمن من الجحر مرتين
ولا أن تكون المشاريع متاح بحثها ودراستها قبل ما تجي وفود البنوك تعرض المشاريع وتأخذ الأموال وتمشي
وياريت اصلا ما تجي وتكلف البلد تذاكر واقامات
خلي المشاريع على النت وعن طريق أهلنا سنعرف إن كانت تستحق أو هي مجرد كلام
اول ما ناس الحكومة يقولوا كلام فكر ضد الكلام يعني لو قالوا ليك الدقيق متوفر معني كدي مافي دقيق ولو قالوا تحويلات المغتربين 6 مليار معني كدي المغتربين ماقاعدين يرسلوا وفي ازمة دولار والدليل كل بيت سوداني عندوا نفر ونفرين في الخليج وعارفين الحاصل شنو في الخليج الايام دي رواتب اهل البلد نقصوها وناس الحكومة كانهم جايين من كوكب المريخ ما عارفين الحاصل شنو وين ناس الامن الاقتصادي فالحين ياخدوا رشاوي من الرشايدة ويحاربوا التجار بس المفروض يرفعوا تقرير لراسة الجمهورية ويقولوا فيه (نتوقع انخفاض تحويلات السودانيين العاملين في الخليج نسبة لسؤ الاوضاع الاقتصادية في الخليج)
اعلمكم شغلكم انا