زواج سوداناس

السودان يسمي مكان اول مفاعل نووي بسعة 1200 ميقاواط.. خلف مقابر بري بالخرطوم



شارك الموضوع :

في رمضان قبل الماضي اتصل أحد المواطنين على الشيخ محمد أحمد حسن في بث مباشر لبرنامج فتاوى، وسأله حول إمكانية الدعاء على القائمين بأمر الكهرباء بسبب القطوعات، فامتص الشيخ حنق المتصل، وطالبه بالدعاء لهم بالتوفيق لخدمة العباد.. صورة القطوعات المستمرة والمجدولة قد تصبح جزءا من الماضي، بعد أن كشف مجلس الوزراء على لسان الناطق باسمه عمر محمد صالح عن اتخاذ المجلس جملة من القرارات المهمة، عن أن جلسة مجلس رئيس الوزراء الأخيرة بالقضارف أجازت العمل على إكمال بناء المحطة النووية الأولى للسودان بسعة 1200 ميقاواط، فيما نقلت مصادر نافذة بوزارة الكهرباء والموارد المائية (السوداني) اكتمال الخطوات الأولى لمشروع التوليد النووي السوداني، وأن البرنامج النووي السوداني تم بعد أخذ التصديقات اللازمة منظمة الطاقة الذرية وتمت تسمية المحطة بإدارة التوليد النووي وتقع خلف مقابر بري بالخرطوم.

مكاسب وفرص
الملف النووي السوداني لأغراض سلمية بالطبع ليس قديماً، حيث وقع السودان في مايو- يونيو الماضي اتفاقاً مع الصين لإنشاء محطة للطاقة النووية، وقتها ذهب المتحدث باسم وزارة الكهرباء محمد عبد الرحيم جاويش إلى أن الاتفاق يسهل للسودان بناء محطة للطاقة النووية للاستخدامات السلمية”، مضيفاً: “الاتفاق المبدئي الذي وقع يتضمن بناء القدرات”.
السودان كشف عام 2012م للوكالة الدولية للطاقة الذرية عن عزمه استخدام تقنية الطاقة النووية لتوليد الكهرباء، ضمن خطة طويلة الأمد أعدتها هيئة الكهرباء حتى 2030 وتهدف لتوفير 23 ألف ميقاواط من مصادر الطاقة المتاحة (المياه والغاز والفحم)، بالإضافة لإنتاج الكهرباء بالطاقة النووية، لتغطية الطلب المتزايد على الكهرباء، وتقارب طاقة السودان على توليد الطاقة حاليا 3 آلاف ميقاواط، لكن يتوقع أن يزداد الطلب بشكل كبير خلال السنوات القادمة.

في مقابل ذلك تخطط الشركة الصينية لبناء 30 محطة للطاقة النووية في جميع أنحاء العالم بحلول عام 2030، كجزء من استراتيجية “المنطقة الاقتصادية – طريق الحرير”. إذ وقعت الشركة النووية الصينية اتفاقيات تعاون مع دول مثل الأرجنتين والبرازيل ومصر وبريطانيا وفرنسا والأردن.

وأعلن وزير هيئة الطاقة الوطنية في دولة الصين محمد نور بكري رغبة بلاده في الاستثمار في مجال الطاقة في السودان خاصة الطاقة المتجددة، وأكد بكري أهمية إنتاج الكهرباء من التوليد المائي الذي يعد من الطاقات النظيفة، مؤكدا استمرار التعاون مع السودان في مجال الطاقة وتطويرها مستقبلا لمجابهة التحديات التي يواجهها، وطرح إمكانية التعاون مع السودان في تطوير كافة المشاريع المتعلقة بالطاقة، ومن بينها السدود والطاقة الشمسية.

وتسعى الصين لتعزيز صادراتها النووية، وتحقق الشركات الصينية العاملة في هذا المجال العديد من النجاحات في الأسواق العالمية، ويقول رئيس إدارة الطاقة الوطنية الصينية صن تشين إن الاتفاق هو خطوة إلى الأمام بالنسبة لنقل التكنولوجيا في سياق مبادرة الرئيس الصيني شين بينغ “الحزام والطريق” بما في ذلك الطاقة النووية والقطارات عالية السرعة. ويضيف تشين: “إن الصين تسعى لقبول أوسع لتقنيتها وخبرتها النووية في العالم وسط نداء عالمي للطاقة النظيفة، وتعتزم الصين تصدير نحو 30 وحدة نووية بحلول مارس عام 2030”.

وتسعى المؤسسة النووية الصينية لبناء مفاعلات في الأرجنتين وباكستان، فيما تمتلك شركة الصين للطاقة النووية مشروعات في كينيا وفرنسا، ووقعت في أكتوبر الماضي خطة لبناء ثلاثة مفاعلات نووية في المملكة المتحدة.
في السياق يقول الخبير في الشؤون الاقتصادية بجامعة يوب-كاي هيان في شنغهاي شي يان: “يمكن للصين أن تقدم كل الدعم التكنولوجي والمالي لتطوير مشاريع الطاقة النووية للدول الصديقة”. ويضيف “يان” أن السودان تقدم في العام الماضي بعرض للوكالة الدولية للطاقة الذرية الصينية لبناء أول مفاعل نووي بحلول العام 2021 على أن يبدأ التشغيل وإنتاج الطاقة بحلول عام 2027م، ويزيد أن السودان ينتج حاليا ما يقرب من 3025 ميقاواط، وستساعده الطاقة النووية على تلبية الاحتياجات المتنامية للطاقة المتوقع أن تصل إلى 8500 ميقاواط بحلول العام 2031م.

لم تكشف الحكومة السودانية أو الشركة الصينية عن قيمة العقد أو نوع من التكنولوجيا النووية لاستخدامها في المفاعل، ولكن خبراء يرجحون أن يكون الاتفاق متعلق بتصميم مفاعل “هو الونغ 1″، وهو نوع من تكنولوجيا الجيل الثالث للمفاعل.
وتوقع كبير المهندسين في مركز حماية البيئة والسلامة من الاشعاعات تشاي هوهان أن يكون المفاعل الذي سيتم بناؤه في السودان من طراز “هوالونغ 1″، وأضاف تشاي:” إن الصين تتطلع إلى تعميم هذه التكنولوجيا النووية في الداخل والخارج”.
تحديات ومخاوف

يطلق بعض المراقبين تحذيرات من اللجوء لخيار الطاقة النووية، ويدعون في ذات الوقت للاتجاه المائية والرياح الشمسية بدلاً عن المخاطر والتكلفة التي سيواجهها في حال شروعه في بناء المفاعل، لا سيما إن دول العالم الاول باتت تتجه لإلغاء الطاقة النووية بعد التسريبات الإشعاعية التي حدثت في اليابان في الأعوام الأخيرة.

ويقول الباحث في المعهد الدولي للسياسات في نيويورك يوسف يحيى إن إنشاء محطة نووية في السودان يواجه العديد من التحديات بالنظر للاقتصاد العالمي كما إن اعتماد برنامج للطاقة النووية للأغراض السلمية قد لا يجد ترحيبا من المجتمع الدولي، ويضيف: “بات استخدام الطاقة النووية غير مرحب به عالميا واتجه العالم نحو الطاقة النظيفة كالشمس والرياح”.

في مقابل ذلك يبدو أن السودان لا يمتلك الكثير من الخيارات لسد العجز المتنامي في مجال الطاقة سوى باللجوء لاستخدام الطاقة النووية، حيث إن التوليد عبر بناء السدود لن يكون كافيا كما إن انفصال الجنوب جعل النفط غير متوفر بالنسبة للسودان كما كان في السابق، وهنا تجب الإشارة إلى أن السودان وقع منذ العام 2014م على اتفاقية الاستخدام السلمي للطاقة النووية الأمر الذي جعل الطريق نظريا سالكا لبناء المفاعل النووي.

تقرير: محمد عبد العزيز
السوداني

شارك الموضوع :

تعليقات الفيسبوك

تعليقات


27 التعليقات

إنتقل إلى نموذج التعليقات

      1. 1
        ابن بلد

        الطلب المتزايد في كل شي بسبب تدفق الأجانب وفساد الدولة وسذاجة المواطن وتزوير الحقائق

        الرد
        1. 1.1
          احمد عبد الكريم

          تدفق الاجانب مفهومة بس فساد الدولة و سذاجة المواطن كيف يزيدوا اﻷستهلاك؟

          الرد
      2. 2
        Zata

        عشان كدة اسعار اراضي بري وناصر وقاردن سيتي سعرهـا نزل من قبل يومين . معقولة تشيرنوبل في قلب الخرطوم.كيف تحكمون وتفكرون ايهـا المسئولين والبروڤات .

        الرد
      3. 3
        مزمل فرح القاسم ؟نيويورك

        فكر عقيم ومتبلد ان تنشئ مفاعل نووي وسظ الاحياء السكنية لابد ان يكون خارج اي سكنية او زراعية وين الناس ديل البقولو انهم ناس الفهم والراي

        ربنا يحمي بلدنا من الناس المتبلدين والمستعجلين والشفقانيين

        الله الموفق

        الرد
      4. 4
        محمد أحمد

        أحسن يبنوا المفاعل ده في كافوري ولا حوش بانقا, عشان يكون قريب من الإخوان..

        الرد
      5. 5
        ود بلد

        مفاعل نووي .. وفي نص الخرطوم !!

        انتو المحطات العادية ماقادرين عليها كمان مفاعل ! ناس ماقادرين يديرو داخلية بنات حيديرو مفاعل ! اها ناس المفاعل ديل لو مرقو للفطور من الساعه 9 وجو الساعه 12 حيلقو المفاعل سخن وانفجر وفجر معاهو الخرطوم كلها .. انتو قايلين الموضوع ده لعب !؟

        ياهو كلام الشيخ فرح ود تكتوك عن الخرطوم … تعمر لي جبالها .. وتخرب فى نهارها

        المفاعل البلحي بتاعكم دا جلوهو اخير ليكم ما تخربو لينا بلدنا ساكت

        الرد
      6. 6
        Kuko Ali

        وأعلن وزير هيئة الطاقة الوطنية في دولة الصين محمد نور بكري رغبة بلاده في الاستثمار في مجال الطاقة في السودان خاصة الطاقة المتجددة، وأكد بكري أهمية إنتاج الكهرباء من التوليد المائي الذي يعد من الطاقات النظيفة
        **************
        يا جماعة أنا ما بعرف لغة عربية كويس الوزير دا صيني ولا أنا الصيني
        *********************

        الرد
      7. 7
        الوالي

        التقرير مربك قليلا للقارئ..
        الإدارة الخاصة بالتوليد النووي هي التي ببري وليست المحطة نفسها..
        لمواقع المحطات النووية والذرية معايير صارمة جدا لايمكن التلاعب بها.. وأولها البعد عن مناطق الكثافة السكانية.. فلذلك لا يمكن أن تكون في قلب الخرطوم كما يفهم من صياغة المقال..
        وهي خطوة لابد منها مادمنا دولة غير بترولية..

        الرد
        1. 7.1
          مواطن

          طيب نعمل شنو لي gلصحفيين البلدا البيكتبوا عن موضوع وهم ما فاهمين فيهو اي حاجة ؟؟؟!!!!
          ياهم ديل الصحفيين السودانيين
          واحد يشتريهم يريحنا منهم

          الرد
      8. 8
        wal

        اسرائيل لمن عملت مفاعل خلتو بعيد في صحراء النقب و زي ما قالوا الاخوة الافاضل المفروض يكون بعيد جدا في منطقة صحراوية غير مأهولة و بعيدة جدا حتى لو ما خوفا على المواطن خوفا على انفسكم لانه لو حصلت مشكلة و تسرب دا ممكن تلقا نص البلد حصلت ليها مشاكل .
        دا اشعاع ما غبار و كتاحة.
        الجاهل عدو نفسه.
        و كمان قريب من النيل مقابر برى.
        توجد خطوط حمراء حتى فى الفساد و الاشعاع النووى ما لعب و مشاكله لو حدث تسرب الا ترحيل العاصمة طيارة بتنزل مافى زول ملوث بسافر مافي زراعة بموية نيل ملوث بالاشعاع صادر مافي, ناس غسيل الاموال حيخلوا البلد, الفنادق حتقفل السفارات حترحل سفر وفود مافي , وفود تجيكم مافي , منظمات مافي , الاشعاع اسوأ من ايبولا .
        انتو يفكوكم من الحصار تمشو تحاصروا روحكم.

        الرد
      9. 9
        الرشيد

        يتجه العالم لتوليد الكهرباء من الرياح والشمس بما يسمى الطاقة النظيفة فالأولى أن نبدأ من حيث إنتهى الناس بدلا عن الطاقة النووية التي لا يحمد عواقب أي مشكلة تحدث فيها.

        الرد
      10. 10
        خالد محرم

        السلام عليكم ورحمة الله وبركاتة،،،
        توضيح : الموقع المزكور ( بري) هو موقع مكاتب إدارة التوليد النووي وليس موقع المحطة

        الرد
      11. 11
        باكمبا

        وأعلن وزير هيئة الطاقة الوطنية في دولة الصين محمد نور بكري رغبة بلاده في الاستثمار في مجال الطاقة في السودان خاصة الطاقة المتجددة،

        اول مرة اعرف إنوا وزير هيئة الطاقة في الصين غسموا محمد نور…. في الحقيقة تقرير ركيك وغير منطقي في كل فقراته

        الرد
      12. 12
        كمبوكل

        ما معنى الخطط الربع قرنية وغيرها من الخطط التى وضعت للاستهلاك المحلى ولم نرى منها شيئا حتى المطارات فى الدول التى تخطط للمستقبل بمئات السنين توضع خارج المدن بمسافات طويلة لا تطالها تمدد العمران الا بعد 100 سنة فما بالكم بمحطة طاقة نووية يجب ان تكون خارج المدن بمسافة لا تقل 200 كيلو فى طريق الشمال شمال ام درمان مثالا او فى شمال أبوحمد حيث ان الكثافة السكانية قليلة جدا وبعيدة عن اى حروب فى الشرق او الغرب او الجنوب وبما انها ستكون عرضة لاستهداف اسرائيل ولو فى قلب الخرطوم فيجب ابعادها قدر ا لمستطاع عن العاصمة والمدن الكبرى خوفا عن خمج السودانيين والتسريب النووى المضمون 100% سواء فى العاصمة او خارجها .

        الرد
      13. 13
        قنبله

        ههههههههههه . محاسن كبي نووووووووووووي
        قنبلة النووووووووي دة حلو حلا

        الرد
      14. 14
        عارف عبدالله عطالله

        الشي الغريب في الخير (اسم وزير هيئه الطاقه الصيني محمد نور بكري) الاسم نازل خطاء افيدونا يا موقع قص ولصق

        الرد
      15. 15
        السر عباس

        يبدو ان من صاغ الخبر في سنة أولى ابتدائي موش صحافة, ابتداااااااااااائي !!,

        عندنا محطة طلعت من الخدمة السنة الفاتت لأنو المهندس المسؤول أدخل أحد العاملين فيها الى دين الاسلام , فطلع من الشغل علشان يمشي يطهرو و رجع لقى المحطة اتحرقت !!
        الباقي تموهو من عندكم ..

        الرد
      16. 16
        ود ساتي

        إسم وزير هيئة الطاقة الوطنية في الصين محمد نور بكري وهو مسلم أدناه خبر قديم عم وكالة الأنباء السعودية:
        بكين 08 رجب 1436 هـ الموافق 27 ابريل 2015 م واس
        اجتمع معالي وزير البترول والثروة المعدنية المهندس علي بن إبراهيم النعيمي في العاصمة الصينية بكين اليوم بمعالي وزير هيئة الطاقة الوطنية بجمهورية الصين الشعبية نور محمد بكري.
        والخبر عندما كان النعيمي وزيرا للبترول في السعودية..

        الرد
        1. 16.1
          شكري

          دخلت على العم جوجل وكتبت وزير هيئة الطاقة الوطنية طلع لي زولنا زاتو محمد نور بكري..

          الرد
      17. 17
        عبدالوهاب البوب

        الهم لا نسالك رد القضاء ولكن نسالك التخفيف
        وقبل ما اسخط والعن اتمني ان تكون إدارة الوحدة ببري وليس الوحدة المنتجة..
        اما اذا كان مجلس البلهاء انعقد وناقش مش قرر الموقع ببري فتبقي دي مصيبة كبري
        الخرطوم ايهاء البلهاء…..
        اكثر منطقة مكتظه بالسكان علي مستوي السودان والعالم…..خلاص ضاقت بينا الصحاري والفيافي دي كلها ولا شنوا..
        اما من صاق ونقل الخبر فيجب حرمانه بتاتا من مزاوله هذه المهنه..تخبط وعدم تدقيق… و لوهلة من الزمن تحسب ان التقريق عن الصين لا علي السودان…فثلاثه ارباع المنشور عن الصين..
        الله يكون في عونا يابلد وانسان البلد

        الرد
      18. 18
        المنسي

        كلام صاح من ناحية المواقع،في الوقت الحالي شوفوا موضوع تاني،بصراحة انتوا غير مؤهلين لموضوع زي دا في الوقت الحالي،خليكم مع الموية واشتروا كهرباء من إثيوبيا بعد ما السد يخلص،بعد شوية لو حصل فساد في محطة الطاقة النووية حتلحقوا الناس ديل اومات طه

        الرد
      19. 19
        المنسي

        شوفوا طاقة شمسية،طاقة من الرياح،مثلا منطقة أعالي عطبرة منطقة غنية بالرياح،طاقة نووية قال

        الرد
      20. 20
        ود بلد

        ناس ماقادرين يزيلو النفايات العادية حيتعاملو كيف مع النفايات النوويه !

        ياناس حتخربو السودان جلو الموضوع دا انتو ماقدرو .. انتو ابقو فالحين فى العندكم هسه ده وماتتشابو للمابتقدرو عليهو حتدمرو البلد دي اكتر من ما هي مدمرة

        الرد
      21. 21
        محمد

        كلام جميل لكن المتابع يعلم تماما ان كل الدول الاوروبية تسعى للتخلص من من مفاعلاتها النووية وتسعى لايجاد بدائل اخرى للطاقة لعدة اسباب،،، التخلص من النفايات النووية،،، الكوارث الغير متوقعة واثر مخلفات المواد علي البيئة والحياة،، وعوامل كثيرة اخرى لا يسع زكر كل تفاصيلها،، واول خطأ عندنا هو اختيار الموقع فليس مقابر بري مكان مناسب،،، اي كارثة او تسريب يعني تلوث مياة النيل على اقل تقدير

        الرد
      22. 22
        ود الجزيره

        ياناس … ردو ليكم فوق موقع المكاتب في بري و ليس المحطه النوويه … اسم الوزير الصيني هو نور محمد بكري … الفلسفه في شنو؟

        الرد
      23. 23
        النووي النووي

        كترو الرغيف خليكم من احلام ظلوط دي

        الرد
      24. 24
        ذا النون

        ده شنو الكلام البجيب الهوا ده عندنا ستة شهور مشروطة لرفع العقوبات نهائي يجي خبر زي ده توقيت ما مناسب بالمرة. بكرة حايقولوا فيهو اسلحة دمار ونقعد عشرين سنة تاني

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *