أسعار صرف العملاتاقتصاد وأعمالمدارات

اسعار صرف الدولار والعملات مقابل الجنيه في السودان


مؤشر النيلين لأسعار صرف العملات الأجنبية في ( السوق الحرة، السوق الموازي) مقابل الجنيه السوداني بالخرطوم يوم الأحد 5 فبراير 2017م .

مؤشر النيلين لأسعار السوق( السوق الحرة ، السوق السوداء ):

الدولار الأمريكي : 17.50جنيه

الريال السعودي : 4.61جنيه

مؤشر النيلين لأسعار صرف العملات
اليورو : 18.72جنيه

الدرهم الإماراتي : 4.71جنيه

مؤشر النيلين لأسعار صرف العملات
الريال القطري : 4.72 جنيه

الجنيه الإسترليني : 21.70جنيه

الجنيه المصري : 0.93جنيه

ملاحظة هامة: الأسعار هي للأغراض المعلوماتية فقط و موقع “النيلين” لا يضمن دقة الأسعار التي قد تختلف عن الأسعار الحقيقة لعوامل أخرى لا يمكن وضعها في الاعتبار ، عليه ننصح قبل القيام بأي عملية بيع أو شراء التأكد من الأسعار من مصادر أخرى.


‫26 تعليقات

  1. الأسبوع بدأ بي 17500 .. بداية مرتفعة ..
    كدا ح يقفل الأسبوع بي 19 …

    1. سبق ان ذكرت ان التجار الكيزان قد اخلوا بالاتفاق مع الحكومة وقد ذكرت
      ان سعر الدولار سيصل ل ٢٢ جنيه بحلول اول مارس. توجد الآن حوجة
      شديدة للدولار والمعروض منه قليل ونحن كتجار نشتري بسعر اعلى من
      سعر التجار الكيزان لمعرفتنا التامة ان من يقوم باستيراد المواد للسودان
      سيحقق ربحآ كبيرآ حتى لو اشترى الدولار بسعر ٢٥ جنيه اليوم.
      نصحيتي للمغتربين ان لا يرسلوا اي دولار دون سبب قوي. اكرر بحلول
      اول مارس سيصل سعر الدولار ٢٢ جنيه.

  2. الناس الفرحانه بي صعود الدولار ديل
    الوطنية بتاعتكم دفنتوها في اي مقابر ؟
    بس عايز اشيل فيها الفاتحة

    1. في مقابر الانقاذ الوطني ….لمن كانوا بيتبجوا انه لو ما جينا كان الدولار وصل الفين جنية سوداني …..الان وصل 19 الف 19000 جنية سوداني…..

    1. يبقى في انتاج كيف و50% من الشباب عاطل ومتسكع وعامل الحكومة سبب
      يبقى في انتاج كيف والمشاريع الزراعية والأراضى بقت بور
      يبقى في انتاج كيف وباقي ال 50% من الشباب هاجر طفش

      1. يبقى في انتاج كيف وكل ناس الحكومة فاسدين وتجار ويحاربوا المستثمر وهم في الاصل تجار الدولار

  3. الى الأخ Ahmed يا زول انت وطنية شنو البتتكلم عليها والله الوطنية العند المغتربين الناس الموجودة فى السودان لا تملك تلتا وانت لو عاوز تحاسبا بالوطنية حاسب حكومتك اول حاجة لأنو السوق الأسود كلو كيزان واتباع الكيزان وانا كنت من بينهم قاليك قال وطنية قال . تعال شوف كيف بفتخرو السودانين خارج السودان بسودانيتهم وهويتهم وما فى زول بفرح بدمار الا لكن الدمار جايها من فوق راس الحكومة اولا الدولا لو كان رخص و الحاجات بارخص معاه ممكن نقول مبرررروك لكن يا سيدى فى ناس عاوزة كدا

    1. ع فكرة انا كمان زيك برا البلد
      بس والله مابفرح انه الناس سعر الدواء والغذاء يزيد عليهم
      ابدا مابفرح عشان واحد يلم قروش سرعة عشان يشتري قطعة ارض او يعمل عرس في صالة
      ما ممكن نفرح على حساب اخوانا واهلنا
      عندك منطق انه نزول السعر مفترض ينزل معاه السوق
      لكن السوق بحب الاستقرار يعني لو الدولار وقف اسبوع
      في سعر
      السوق بنزل معاه
      شكرا ليك على اسلوبك الراقي ونقدك المحترم
      ودمت .

  4. سلام عليكم جميعا ….
    الدولار نزل وماف حاجة رخصت .
    بزيد واحد في المية الحاجات بتزيد تلاتين ف المية…
    اخوانا البقولو الشاب العاطل والزراعة والانتاج المحلي مشروع الجزيرة مثلا كان شايل اقتصاد البلد بس مشكلتو تسويق المحصول يطلع بشترو تجار باقل الاسعار حواشتنا ٢٠ فدان بتربح مابي الفين لي تلاتة في السنة دي لو حرسا ڜاب احتمال اخطب بعد السبعين…
    شوال الفول السنة الفاتت بي مية جنيه و هسي بي مية جنيه وباغة الزيت من ٨٠ لي ١٥٠ كدة الزراعة بقت واضحة …
    نحن لو بطلنا الانانية الفينا بنمشي لي قدام …
    اي زول عاوز اشتغل ساعتين في اليوم و يبقي مليونير ….
    عاوز اشغل عشرين تربح متين …
    المجتمعات النحن بنعاير عملتهم دي ناس شغل الواحد بعد الخدمةالعامة بعمل شغلو براهو .. عندنا بقضيها فواتح … لو عندو ولد اشتغل بخلي الشغل .. وكم بيت عايلم زول واحد … دي حاجات فينا .
    للحكومة يد في اقتصاد البلد ولنا اليد العظمي الخلتنا نصل للحتة دي.

  5. الدولار زول بريدك زي مافي ومافي مافي زول بريدك زي مافي يا جنيه كب حرجل

  6. نزول الدولار في مصلحة الجميع علي المدي الطويل
    يعني يا مغتربين ماتخلو أفقكم ضيق.
    في شح شديد في السيولة بالنسبة للعملة المحلية نسبة لتحويلها الي دولار .كمية الدولار الموجودة عند الموطنين كبيرة جدا. بالإضافة إلى انصراف المواطن عن السلع الكمالية.

  7. كيف تطالب الحكومة المغتربين بإرسال المزيد وهي تشتري منهم الدولار بأسعار زهيدة بينما يمكنهم الحصول على أسعار أفضل من التحويلات عبر السوق و منطقياً كدا الفرق مابين 17 و 7 جنيه كبيرجدا دي سرقة على عينك ياتاجر على الأقل الحكومة تقدم ليهم سعر معقول شوية . صدقوني كل السودانيين حريصين على مصلحة بلدهم وكل يوم بنشوف منهم موقف يؤكد الكلام دا والمغترب اكترهم حرصا في النهاية هو إنسان ضحى بالكتير عشان أهله وحيعمل اي حاجة عشان أوضاعهم تتحسن لكن برضو ما معقول تخيروه بين مصلحة الكيزان و معايش اهلهو واولاده . وياخوانا دي واحدة من المآسي في عهد الإنقاذ وهو أن يضطر السوداني للهجر ليوفر حاجات أهله والشعب السوداني عمره ما حينساها ليهم . ومافي بيت الا ويفتقد حبيب او قريب اغترب لهذه الأسباب .

  8. نكة :-
    واحد خواجة شغال محاسب في شركة سعودية ومعاهو سوداني ضعيف وهزيل بوفر ماهيته بالتعريفة عشان يرسلها لاهله . في يوم جاتهم فرصة يضربوا ضرب كبيرة خلاص الخواجة قال للسوداني : Silent and Bntkasemha يعني تسكت وبنتقاسمها السوداني رد عليه بلهجت المغلوب على امره : يا عمك انا كان داير اسرق كان اشتغلت مع عمك cup ( كب بمعني كوز) وما كان اتغربت من عيالي .

  9. يا سوداني* سعر البنك 15.8 يعني 16 تقريبا. يلا ورينا وطنيتك
    و يا ناس النيلين ما نزلتو الاسعار الليله؟ ولا السوق الاسود في اجازه؟

  10. ياود الجزيرة عمك cup عندو 80 مليار دولار خارج السودان لو جابها الجنيه حيبقي بدولار . هيا اثبتو مقولتكم وارونا وطنيتكم التي تزعمونها والتي لطالما راهنتم عليها لاكثر من ربع قرن من الزمان .

  11. سبق ان ذكرت ان التجار الكيزان قد اخلوا بالاتفاق مع الحكومة وقد ذكرت
    ان سعر الدولار سيصل ل ٢٢ جنيه بحلول اول مارس. توجد الآن حوجة
    شديدة للدولار والمعروض منه قليل ونحن كتجار نشتري بسعر اعلى من
    سعر التجار الكيزان لمعرفتنا التامة ان من يقوم باستيراد المواد للسودان
    سيحقق ربحآ كبيرآ حتى لو اشترى الدولار بسعر ٢٥ جنيه اليوم.
    نصحيتي للمغتربين ان لا يرسلوا اي دولار دون سبب قوي. اكرر بحلول
    اول مارس سيصل سعر الدولار ٢٢ جنيه.