زواج سوداناس

مهاجر سوداني: الأوربيون يعاملون الكلاب افضل مننا.. نحن مسكنا الماسورة.. الشفاتة من يعيشون في السودان أم المهاجرين ناس فارات.. فيديو



شارك الموضوع :

خاطر السوداني “معتز” بحياته وهاجر عن طريق البحر إلى أوربا ورغم حصوله على اللجوء في ألمانيا إلا أنه وجه رسالة شديدة اللهجة لبني جلدته يحذرهم من الهجرة.

وقال اللاجئ (اوجه رسالة للشباب في السودان الوضع في أوربا ليس كما تتخيلون، وهذه البلاد ليست نعيم وجنة ودنيا حلوة، هذه البلد غير القرف والخمر لا يوجد فيها شئ جديد، وأفضل لكم أن تعيشون في السودان ومباصرة الأمور).

وأضاف معتز بحسب مشاهدة محرر موقع النيلين للفيديو المرفق (وإذا خرجت من السودان غير الذل والهوان لن ترى شئ، أنا حالياُ في أوربا فلس وقرف ولا يوجد عمل تتعلم لغة وبعد ذلك لا تجد شغل لأن أوربا تعاني من الإرهاب وركود في الإقتصاد).

وأضاف معتز أن نظرة الأوربيين للاجئين نظرة الكلب (والكلب هنا يقيم أفضل من البشر، ولو شاهدوا أفريقي وكلب سيطعمون الكلب ويتجاهلون الأفريقي، الناس ديل هنا الكفر على أصوله).

وقال معتز موجهاً حديثه للذين يودون الهجرة بالمخاطرة وركوب البحر (أحسن ليه يعيش في السودان عشان ما يدخل في جنون ونفسيات، ونحن مسكنا الماسورة ولا نريد لإخوانا السودانيين أن يحدث لهم مثلنا، اللهم قد بلغت فأشهد).

وقال معتز بحسب مشاهدة محرر موقع النيلين للفيديو المرفق(ما أراه هنا شغل شواطين ودنيا ولا علاقة له بالأخرة وهنا لا يوجد مستقبل، ورغم منحنا سكن ومصاريف إالا الفراغ يجعلنا نشرب البيرة، والخواجات شغلهم حار ولا توجد قروش، أفضل السعودية).

وقال رفيقه الذي ظهر في الفيديو (بلدكم فيه كل شئ لماذا تهاجروا، الخير في السودان ونحن رفضنا النعمة في السودان لقلة أدبنا وسفاهتنا والله يهدي كل سوداني).

وأضاف معتز وهو من سكان ضاحية الأزهري بالعاصمة الخرطوم قبل هجرته (أي زول شفت وعامل فيها راسطة أحسن ليه يقعد في السودان، الشفاتة هم من يعيشون في السودان أم المهاجرين ناس فارات دايرين الذلة والإهانة ويريدون الدنيا والسكر والزنا، فهولاء مرحب بيهم معانا لأنه بلدها هنا، أما إذا كنت تريد المال وبناء مستقبل وتتزوج وتكوين أسرة فالسودان هو الذي ينفعك).

الخرطوم/معتصم السر/النيلين

شارك الموضوع :

تعليقات الفيسبوك

تعليقات


31 التعليقات

إنتقل إلى نموذج التعليقات

      1. 1
        ودالمرين

        واضحة،،، من يتق الله يجعل له مخرجا،،، ويرزقه من حيث لا يحتسب،،،،، وانت ماسك قزازة البيرة،،، الله يهديك ويصبر والديك

        الرد
      2. 2
        ودبندة

        فارات ؟

        الرد
        1. 2.1
          بتاع تعليقات

          حسب معجم (الرندوك) :

          فارة يعنى زول غشيم = لا يجيد التصرف = ممكن غشه بسهولة … و قس علي ذلك !!

          الرد
      3. 3
        أبو عبد الرحمن

        شجاع والله يا إبنى……..رد الله غربتك والسودان يظل بلدك وفعلا لن تجد العزة إلا فيه. وصدق الشاعر القائل:

        ولعمرك ما ضاقت بلاد بإهلها ……ولكن أخلاق الرجال تضيق

        الرد
      4. 4
        ود الشيخ

        أنت لأنك فاشل في السودان عشان كدا ح تكون فاشل في كل مكان .. واضح من كلامك انك فاقد تربوي وخريج خمارات في السودان .. ماشاء الله ألمانيا فيها شباب سودانيين أطباء ومهندسين وإداريين يملو العين .. مش ذي الصعاليك ديل ..

        الرد
      5. 5
        ود الشيخ

        هسه أنا عايز اديك نصيحة أنت والصعلوك المعاك دا .. أمشي من دربك دا اغتسل وصلى ركعتين واستغفر ربك .. وامشي أقرب معهد تدريب مهني شوف ليك حاجة مناسبة اتدرب عليها وخد فيها شهادة عشان تاكل من عرق جبينك بدل تنتظر المعونة كل شهر وتقعد عالة على الناس ..

        الرد
      6. 6
        ود ابا

        البيرة شكلها قوية وطلعت في الرأس عشان كدا بتقول الكلام العجيب دا!! الله يهدينا ويهديك

        الرد
      7. 7
        شكري

        طيّب ما ترجع في حد حايشك؟

        الرد
      8. 8
        ودالنيل تمساح

        النصيحة صعبه احيانا لكن انت فعلا فاشل
        الخمر عمرها ماحلت مشكله
        بعدين مامشكله ممكن تشرب بس بنظام
        الاوربيين الانت معاهم ديل معظمهن بشربوا بس مازي نوع شرابك ده
        نظم نفسك ونظم شرابك وشوف هدفك شنو
        صاح الفشل موجود في كل مكان بس انت هسه عندك فرصة بتمناها اي زول
        اوربا فعلا بقت صعبه بعد الازمه الاقتصاديه . الشئ التاني الشباب السوداني بعد ثورة التعليم
        والتعريب فشل كل الخريجين وبقوا الواحد عشان يكتب اسمه بالانجليزي يتلفت عشرين مره
        ده الفشل الكبير فمامنك انت الفشل من النظام الحاكم اولا
        الله يعينك .. طبعا هسه ناس قريعتي راحت حيقولوا لي كييييف تشجعه علي الشراب
        هههه يشرب ليه لا كل العالم المتقدم بشرب بصنع لينا ونحنا مابنشرب وبنصلي وابريق ماقادرين نصنعه

        الرد
        1. 8.1
          قريعتي راحت

          ((( نظم نفسك ونظم شرابك وشوف هدفك شنو ))) !! !!

          إتلم المتعوس علي خايب الرجاء ….

          بعدين مش تتعلم العربي قبل ما تعيّر الناس بعدم معرفة الانجليزي …. لمن صرفوا (التاء المربوطة) دي إنت كنت وين ؟؟ أوعة تكون كنت بتنظّم في شرابك … هههههههههههههه

          الرد
      9. 9
        شرف

        مدينة المانيا؟؟؟؟ ده كان ود شمس في السودان شايل بيره وبيشرب في سيجاره وشكله مفتخر بيها الانسان هو من يزل نفسه اينما كان.

        الرد
      10. 10
        معززب في الدنيا

        طيب انا نفسي في الوسكي و الفودكا و النسوان اجيكم في اوروبا؟

        الرد
      11. 11
        ارباب خيرى رايق

        ليك الخلاصة والمفيدة

        ومن تعليقات الاخرين السمحة ايضا،

        اولا فى ناس عاشو اوربا قبلك فى اوربا ولسه عايشين

        وفى ناس مشو بى اولادهم واسرهم ولقو الوضع هناك مختلف اكثرا

        كل واجد عايز يربى اولادو وتينجح لكن ممكن ما تقدر تربى اولادك ولاتنجح ولا تتلم فى زوجتك وممكن اولادك وزوجتك يتنازالو عنك ويتركوك وممكن يكون ابتعاد الاب عن اولاده والعيش فى مدينة تانية اتفاق لية عشان المصروف الشهرى كل واحد فى بيت منفصل عن التاتى

        وممكن تنزوج واحده من هناك وتنتهى احلامك على كده

        وممكن بعد سفر فى سفر فى سفر الناس تتعلم من الدول والتجارب ويستقرو فى مكان بعد سنوات وينجحو فى الحياة من تانى فى اخر العمر

        لكن اعرف تمام بى حالتك دى حتضيع ميه الميه والعمر ماشى

        واضحة،،، من يتق الله يجعل له مخرجا،،، ويرزقه من حيث لا يحتسب،،،،، شوف تعليق الاخ فى مكانو

        تعليق الرندوك

        زول غشيم = لا يجيد التصرف = ممكن غشه بسهولة … انو اوربا دى جنة فى الارض وماقادر تفكر فى المخرج

        تعليق اخر: البيرة شكلها قوية وطلعت في الرأس،

        تعليق ود الشيخ: أمشي من دربك دا اغتسل وصلى ركعتين واستغفر ربك واسال الله من جوا قلبك تلقى المخرج وبعدين ربنا ما ضيع مسلم

        اما وضعك الحالى انت مع اصحابك بعد فترة كل واحد فيكم حيترك التانى، لانو سياسة اللحوء سياسة توطين طويلة جدا، وانت الان فى مرحلة الاساس او الابتدائية،

        عير مسموح لك بالعمل، حتكون متابع المحامى، وبتدرس لغة فى المرجلة الابتدائية، يعنى اقل شىء عشر سنوات دراسة لو كنت متخرج من جامعة وقوى فى اللغات الاجنبية، حتى تصل مرحلة الاساس، السنه الاولى قيل الجامعية لازم دروات وكورسات ودبلومات
        ولازم يكون مسموح لك مع الاقامة والمواطنه الدايمة.

        طبعا اهلك منتطرين، وعير مسموخ لك بالعمل، الا المزراع وكمان مشاتل الزهور برا المدن، لو حظك رابظ ممكن تتطلع بمصاريف وتشترى ليك موبايل.

        عموما الغربه كانت زمان، فى ناس مشت ودرست واتاهلت واشتغلت و رجعو للسودان بى شهادات جامعية والحمد لله

        حاليا انت ممنوع تتلحق باى جامعة لانو ما عندك اقامة مواطنه وانت لسه لاجىء والطريق لسه واحتمال قدامك سفر تانى
        حتى لو عندك جواز ما مكن تلتحق بى جامعة طوالى لازم تتم مدة معينة سنوات ولا يمكن الالتحاق باى معهد تدريب دون الاقامة الدايمة.

        فى نا س ناججين واصلو الجامعات وتفوقو على الاوربيين، لكن مش بالسكر والخمرة، بمواجهة الظروف الصعبه بقوة، واعتراض ورفض كل اساليب الضباع. وحتسمع من الاوربيون كلمة لاحىء تفوق علينا،،،

        هولاندا والمانيا بيناتهم شير، ممكن تساهر ليل هنا وهناك مع البيرة بتاعتك دى وبنات زى ما يفتكرو اللاجئيين جنس حلا….

        بناتهم زى طريق الكفرة ليبيا بالليل شكل و بالنهار شكل تانى بس البيرة رخيصة جدا وفى حاجات سهلة خالص.

        ونصيحتى لا تنسى ربك ودينك وبلدك وناسك الحلويين والمساكين.

        فى ناس عاشو فى اوربا ورجعو السودان

        فى ناس اصلا ما شافو الغربه ولا شافو اوربا وممكن يدوك النصيحة السمجة

        وممكن تسافر لى هناك عادى او تركب البحر من

        ليبيا او تصل اليونان او تركيا كمان ممكن تصل ايطاليا او تصل فرنسا وندخل هولاندا

        وتستقر فى هولاندا او بلجيكا او المانيا بس السفر لى بريطانيا وايرلندا صعب شديد مع انو نفس الوضع ال انت فيهو.

        السفر للسودان ساهل بس قرارك انك تخليهو وتلملم حالك وترجع والله المستعان وتضيف شىء بى بلدك من عملك ودفاعك عن ارضك واهلك والعمل الصالح

        الرد
      12. 12
        شمس الدين

        اسئلك انت معتز دا اداك حق النشر ولا من دون علمو وبعدين بتمنا انو يكون اداك حق النشر لانو حاتتدخل في إجراءات قانونية

        الرد
        1. 12.1
          ahmed

          طالما الفيديو موجود في اليوتيوب واشار للمصدر فما مشكلة ابدا

          الرد
      13. 13
        Alameen almahdi

        والله نحن مشينا اوربا واسيا وجينا لكن ما تضررنا ولا تأثرنا بعمايل الكفار بل ايماننا زاد والان في السعوديه لكن صحيح مافي راحه وحريه غير وطنك الحبيب اسأل الله ان يصلح حاله حتي ننعم بالاستقرار فيه

        الرد
        1. 13.1
          ahmed

          كلامك صحيح …العايز يتخرب بتخرب …اسي انا ستة سنة في الغرب والحمدلله لم ازني ولم اشرب الخمر والله على مااقول شهيد
          العايز يتخرب بتخرب في السودان بتخرب
          نسأل الله الهداية لكل الناس وان يثبت قلبنا على دينه والدنيا زائلة زائلة
          بكرة الواحد يموت ويندم يوم لا ينفع الندم

          الرد
      14. 14
        كمبوكل

        المانيا والغرب عموما سكانها فى تناقص مستمر والمانيا الرجال ماتوا فى الحرب العالمية الثانية والولادات واحد او اثنين فى أحسن الاحوال وفى حاجة للرجال ” الرجال ، الرجال ” والاتراك لهم جالية كبيرة فى المانيا ، يعنى اذا كنت جاد فلن تعدم عملا محترما وتدخل احدى الشركات الكبرى اقلها عامل نظافة او فنيا محترفا تعود لنا كما عاد اليانانى بماكينة اول سيارة يابانية الى أهله وحرام ان تضيع ثانية واحدة فى لا شىء فى الغربة ان تعمل على الدوام او عد الى وطنك ” ورزقك مكتوب قبل أن تولد “

        الرد
      15. 15
        أبوأحمد القراشي

        بكل صراحة قدمت تجربة أليمة ونصيحة غالية لبني وطنك ومهما كانت ثقافتك وطبيعة عمل أصبت الهدف بالنصيحة
        جزاك الله خير وردك سالما لأهلك وغانماً وشفاك الله من ضريبة الغربة والعمل علي نسيانها

        الرد
      16. 16
        صالح لقمان

        والله الغربة قطعة من نار جهنم خصوصا اذا كانت عندك أسرة وليس هناك بديلا غير الوطن أنا في السعودية واسه راجع للوطن بحلوه ومره ما في أجمل من الوطن

        الرد
      17. 17
        صالح لقمان

        والله الغربة قطعة من نار جهنم خصوصا اذا كانت عندك أسرة وليس هناك بديلا غير الوطن أنا في السعودية واسه راجع للوطن بحلوه
        ومره ما في أجمل من الوطن

        الرد
      18. 18
        محتار فيك يا ميادة

        الشخص الاسمو معتصم السر دة شووف ليك شغلة تقضيها عليك أرحم نفسك.

        الرد
      19. 19
        كفاح

        شكرا ود الشيخ على التوضيح
        لا توجد مقارنة على الإطلاق بين الحياة فى أوربا والحياة فى السودان أو حتى فى بلد عربى ان تكون سجين فى أوربا خير من أن تعيش فى برج خليفة بتاع دبي
        أولا عند قدومك إلى أوربا.فرنسا ألمانيا بريطانيا بلجيكا دول اسكندلاف.بعد أن تقدم طلب الإقامة يمنح لك السكن والتأمين الصحى ومبلغ قدرة 350 يورو شهريا وأن كنتم أسرة يتضاعف المبلغ هذا قبل أن يدرس ملفك
        إذا درس ملفك واستحقيت الإقامة سيمنح لك سكن خاص وتزداد المساعدات وتعليم مجانى وعلاج مجانى لك وأولادك بعد أن تتقدم فى مستوى اللغة تبحث عن عمل صحيح فرص العمل ضعيفة لأن أوربا متقدمة تكنلوجيا ونحن خرجنا دون مستويات تعليمة لا أقول الكل ولكن الأغلبية هنالك أعمال هامشية كالبناء تتماشى مع مستوياتنا اليومية بى 75يورو
        فضلا عن ذلك الاحترام وحسن التعامل والرقى والأدب ما فى اوربى يشتمك للون بشرتك أو دينك إلا ما ندر فى البلدان العربية تسمع كلمة عبد وتكرونى وكحلوش مع أنهم مسلمين
        فضلا عن ذلك تمنح لك الجنسية إذا استوفيت الشروط وبموجب الجنسية تفتح لك آفاق كثيرة والحديث يطول أوربا لا تقارن حتى بأمريكا ألا كندا قد تكون لها أفضلية كل من سنحت لة الفرصة علية بالقدوم منها ندم أسرنا الفقيرة وتدعم اقتصاد دولة السودان علما أن السودان بعد الإنفصال أصبح يعيش على تحويلات المغتربين هذا الرجل الذى تحدث فى الفيديو سكران وحيران وفاشل أينما ذهب من خلال الألفاظ والبيرة التى بيدة الجاليات السودانية من أكثر الجاليات احتراما منها الأطباء عندنا 80طبيب فى ايرلندا وحدها
        50 مهندس فى فرنسا

        الرد
      20. 20
        Atbara

        استغفر الله العظيم .. ياولد اخير ليك ترجع لبلدك و تتلم علي اهلك … كمان بتشرب ليك في بيره رخصيه ما بيشربوها الا المشردين و المدمنين بالمناسبه اسمها Guinness و كميه الكحول فيها اعلي من بقيه انواع البيره … قزازه واحده منها تخلي الزول يهضرب زيك كده
        بتعرف ليه مرات تلاقي ناس اصابعينم مبتوره ???
        في الشتاء المشردين و الزيك ديل بيشربو منها كميه كبيره عشان تدفيهم و بيحصل انو يكون مرمي في الارض و فاقد الوعي و في بعضهم يردمهم الجليد و يطلعوهم من تحتها بكلاب مدربه خصوصا لهذا الغرض و لحد ما يلقطوهم و يجيبوهم المستشفي تكون الاطراف تجمدت فيستاصلوها …
        يازول الله يهدينا و يهديك .. راجع نفسك قبل فوات الاوان

        الرد
      21. 21
        Ismail suliman

        انت واحد تابع لا بشه عشان كدا

        الرد
      22. 22
        Hazim

        ههههههههه .. انا شخصيا ١٩ سنه في أروبا كلامو فيعو شيء من الحقيقيه وهي إنّو اذا ركنت انك تعيش بالطريقه الهو عايش بيها ذي بكون عندك نفس الإحساس.. وفِي اي بلد حتي في بلدنا السودان لو انت بالفهم دا مافي زول بحترمك.. هنا في علم وممكن تكون إنسان منتج جدا واتعمل ليك الف حساب … لكن دايرها شغل حقيقي علي نفسك.. انا الناس البعيشو علي الاعمال اليدوية أو الاعانات الحكومية فدا بكون المصير المهني والأدبي… بالنسبة للاحترام بالعكس ما أظن في ناس بتقييم الانسان كإنسان زي الاروبيين الجزء دا يافردا ما كنت موفق فيهو.. انا درست الجامعة هنا وماجستير وعلي وشك للدكتوراة .. لكن شاعر بي أني فاقد السودان واولادي كنت اتمني اتربو في السودان.. والله من وراء القصد وهو يهدي السبيل

        الرد
      23. 23
        معاذ

        السلام عليكم .. ياخي الكلام بتاع الزول فيه حقائق .. لكن يا شباب السودان مافيهو شغل والحال واقف والأبواب مسدود وعشرات الآلاف تخرجوا من الجامعات ولا يوجد عمل .. كل جهة بسلبياته وايجابياته .. الشباب تعمل شنو .الواحد لو لقي ليهو موضع قدم في أوربا الصعبه ده أحيانا أفضل من السودان.
        لكن يا معتز صاحب الفيديو .. ربي وربك يوفقك ويغنيك ويحفظ ويردك لي أهلك سالم وغانم ..
        فقط ارجو ان يهديك الله من الخمره وراجع نفسك وصلي وأقرب قرآن واجتمب المحرمات. فالله لا يحب أن يجاهر عبده بالمعصية.

        الرد
      24. 24
        ابو عاج

        برغم انه صادق في نصيحته (الله اعلم بالنيات) لكن واضح من كلامه انه ناصح صادق لاخوانه الا انه كلامه عن الغربة نابع من البيئة الهو عايش فيها..انا ما بشجع الغربة لكن في احيان كثيرة بتكون حل لمشاكل كتيرة و فرج من الله سبحانه انه الانسان يجد متسع للانتاج و تكوين اسرة و دراسة للاطفال و علاج..المغزى انه الانسان ابن بيئته بغض النظر كنت في السودان او خارج السودان اذا ماكان عندك همة و تقوى لله سبحانه و تعالى مصيرك الضياع..انا تجربتي في اوروبا تمتد لاكثر من عشرين سنة و الان بحمد الله و نعمته وصلت درجة استشارى و رئيس لقسم في مستشفى حكومي (لا اتباهى و انما اسوق دليلا على ان الانسان في الغربة ممكن ينجح) اذا حدد هدفه و استعان بالله..عموما الارزاق مكتوبة و رزقك بيصلك اينما كنت لكن العربدة و الضياع و التصرفات السيئة من صنع يدك لست مجبر عليها و بالتالي سوف تحاسب عليها امام الله سبحانه..نصيحتي للاخ و زميله ان يرجعوا الى الله و ان ينتهجوا منهجا افضل في حياتهم و الحمد لله في اوروبا كل شيئ متاح و ميسر (الدراسة متاحة و تعلم الحرف و المهن بكل اشكالها متاح) و باب التوبة مفتوح.

        الرد
      25. 25
        Khaled

        -الفيديو دا قديم جدا تقريباً له اكثر من سنتين
        – كل واحد ب يري الغربة من وجهة نظره.
        – احيانا الدولة التي تعيش فيها تلعب دور مهم جدا
        – الغربة صعبة في كل الأحوال بس كمان أفضل بكثير من وضع السودان الراهن. في ناس ظروفها كانت صعبة جدا في الخرطوم ياكلون وجبة كل يومين. عشان كدا عذاب الغرابة و لا جهنم الإنقاذ.
        – الغربة مراحل. أكيد في المراحل الأولي ستعاني و لكن بعد مرور الأيام و الشهور او السنين و عندما تجيد اللغة امورك هتتحسن و يمكنك ان تتخطي حاجز الكئابة

        الرد
      26. 26
        الحبشي

        *قول الحمدلله ..ماكل شارب ساكن متعالج تاني داير شنو !! امشي شوف ليك شغل انت لسه شاب شنو انت وصحبك شابكننا الاوربين شغلهم حار ..بالله ده كلام راجل يقولو!!!

        *بعدين انت الكفار البتبذ فيهم ديل هم جوك ولا انت جيتهم في محلهم احترم نفسك طالما صدقوك وادوك لجوء وبقيت لاجئ سوداني امشي اشتغل ولا اقرا ولا أهل نفسك وانا متاكد الكفار ديل بساعدوك بس انت ساعد نفسك اول .

        الرد
      27. 27
        محمد طيفور الزيدابي

        أحترم وجهة نظركم تماما والله وصراحتكم وربنا يتوب عليكم ويوفقكم وتشوتغلو
        لكم كامل الحب

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *