البنك الدولي: الحكومة خفضت قيمة الجنيه السوداني بنسبة (66%)
كشف تقرير مشترك بين البنك الدولي ووزارة المالية عن تخفيض الحكومة لقيمة الجنيه السوداني بنسبة 66%، ولفت التقرير الى ان زيادة أسعار الوقود في سبتمبر 2013م، تجاوزت توقعات صندوق النقد الدولي لاعتماد الصندوق زيادة تدريجية في أسعار الوقود. واعتبر التقرير الذي تحصلت (الجريدة) على نسخة منه أمس، أن الإجراءات التي اتخذتها الحكومة في يونيو من العام الماضي بمثابة تغيير فعلي في اتجاه السياسات، ونوه الى ان برنامج يونيو للاصلاح اشتمل على تخفيض قيمة الجنيه بنسبة 66%، بالاضافة الى خفض دعم الوقود وزيادة الضرائب وتقليص النفقات العامة التي ليست ذات أولوية وتعزيز الأمان الإجتماعي لتدعيم أثر هذه الاصلاحات.
وأوضح التقرير أن مضاعفة سعر الوقود التي تمت في الاجراءات الاخيرة، أدت الى زيادة أسعار البنزين بنسبة 68% وأصبح جالون البنزين يكلف الآن مايعادل 3 دولارات، بينما بلغت الزيادة في سعر الجازولين 76%، وبلغت الزيادة في أسعار غاز الطهي 67%، وذكر التقرير أن هذه التعديلات في الأسعار جوهرية من حيث الحجم والسرعة، ولفت الى انه على الرغم من إن الإجراءات الاخيرة فاقت توقعات الصندوق إلا انها لم تتضمن إجراءات وتدابير التقشف وإلغاء الدعم عن القمح والكهرباء.
الجريدة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
واضخ هنالك تغيب تام لكل الاجهزة التشريعية ….ياربى انتو خسة فرقكم شنو مننا ؟؟؟؟؟
فرقنا منكم اننا قاعدين فى بلدنا و ما جيناكم لاجئين يا انجيلينا
يا انجلينا انتي الدخلك شنو في سياساتنا نحن رضيانين . امشي شوفي سلفاكير حقك وين والا مشار بتاعك وين ؟ فصلناكم وبرضوا لاحقننا ؟؟؟؟؟
الجنوبيين ديل دايما كلامهم مسيخ
مايتعدلو اصلو
والله حاجه مؤسفه جدا الواحد مفتكر الناس البتعلق علي الاخبار ناس مثقفين او اقل شي ناس عندها روح تتناقش بادب واحترام من غير تجريح ولا إساءات لانو الواحد لمن يقتطع من زمنو خمسه دقائق عشان يعلق علي اي خبر ده في حد زاتو فهم ودليل علي الواحد عندو حاجه ممكن تضيف للناس والناس ممكن تستفيد منها . لكن الشي ال اضح انو ماف اي شي من ده لانو الاخت انجلينا زوله سودانيه ترضو ولا ما ترضو شانين عليها هجوم عشان قالت انتو زينا هي بتتكلم من باب انها متعاطفه وموجوعه من الحاصل في السودان جنوبه وشماله حد السواء مفروض نحنا نكون مقتنعين تماما انو انفصال السودان الجنوبي كان اكبر غلطه في تاريخ السودان وتعمل نحنا كمواطنين علي انو بعد ما يغور المؤتمر الوطني نرجع بلد واحده ونصلح الغلط ده فمافي اي داعي للكلام الفارغ البتقولو فيو ده للزوله دي . لانو هي اكيد ما شمتانا فينا بالعكس تمام . وارجو يكون الحوار والنقاس راقي ومحترم لانو هنا ماف زول بعرف زول ولا في زول عندو مشكله مع زول كل الناس تتناقش وتتفاكر في امور البلد عشان البلد بس ما عشان انا اوريك انت جنسك شنو ولا انت فاهم ولا ما بتفهم . ده راي يااخوان واتمني الناس تحترم راي وراي كل واحد محل احترام من غير حساسيه ولا تجريح ولا نقلل من قيمه بعض ولكم تحياتي جميعا
يا سوداني انفصال الجنوب كان من المفروض يكون بعد الاستقلال مباسرة لانه لا توجد قواسم مشتركة ما ببن الشمال والجنوب هم اثنيه مختلفة جدا عن الشمال ومافي وجه شبه بين الشمال والجنوب اتخيل لو الجنوب راح لحاله قبل ستين سنة كيف يكون حالنا الان كل مشاكل السودان سببها الجنوب لكن تقول شنو عندنا سياسيين ذي الزفت لا شغل لهم غير المهاترات والنطرة الحزبيه الضيقة