زواج سوداناس

صور تظهر اكتمال كبري سوبا ومواطن يطالب والي الخرطوم افتتاح الكبري بدون احتفال ويقترح توفير مصاريف الاحتفالات لبناء مرحاض لمدرسة الشهيدة رقية



شارك الموضوع :

أظهرت صور نشرها مواطن سوداني معالم إكتمال العمل في كبري سوبا على نهر النيل الأزرق بالعاصمة السودانية الخرطوم وكتب صلاح الدين حمزة الحسن (ماشاء الله تبارك الله .. عمل جميل شاهدته يوم الجمعة .. اكتمال كبري سوبا الذي يربط بين سوبا غرب بالخرطوم و سوبا شرق بشرق النيل .. روعة و جمال حقيقي .. الحمد لله الذي بنعمته تتم الصالحات )..

وأضاف صلاح الدين حمزة الحسن بحسب ما نقل عنه محرر موقع النيلين ( هدوء وسكون وخضرة و مياه متدفقة منظر الكبري وحاله قبل أن تنطلق علي ظهره السيارات بضجيجها و ادخنتها و تلوثاتها )..

وواصل صلاح الدين يحكي عن رحلته لزيارة كبري سوبا (بالارجل عبرنا الجسر بين سوبا وسوبا .. إنه منظر بديع اتمني ان تكون هناك جسور ومعابر فقط لعبور المشاة يستمتعون بالهواء النقي .. والسكون الجميل . و الخضرة المنتشرة بين الضفتين و المياه المتدفقة من تحت الجسر )..

وختم صلاح الدين حمزة الحسن تدوينته (مبروك السيد الوالي بإمكانك الافتتاح .. دايرين افتتاح جديد بدون ضوضاء بدون جماهير بدون خطابات بدون لافتات بدون صفارات … بدون أمن وحرس ومراسم و جيش و بوليس وصرف .. اتمني . انت والكاميرا وفقط . وأن توفر مصاريف الاحتفالات والتجمهر .. لبناء مرحاض مدرسة الشهيدة المعلمة رقية صلاح).

الخرطوم/معتصم السر/النيلين

شارك الموضوع :

تعليقات الفيسبوك

تعليقات


26 التعليقات

إنتقل إلى نموذج التعليقات

      1. 1
        Ali

        مهرجانات افتتاح الكوبري دة أهم من الكبري زااتو. زولنا دة بحلم قال عايز ميزانية الافتتاح لدعم حمامات المدارس.

        الرد
      2. 2
        عابر

        وحهة نظر جيدة ……وربنا يجزيك خيراً ….ويرحم الاستاذة ويجبر كسر ذويها وتلاميذها

        الرد
      3. 3
        ابراهيم محمد

        قربة مقدودة

        الرد
      4. 4
        mohammed othman

        تواجه الكبري مشكلة حفر ارياب

        الرد
      5. 5
        mohammed othman

        كيف ارسل ليك الصور

        الرد
      6. 6
        نبيل الفاضل

        العمل جميل وصور تظهر جمال النيل وجمال الخرطوم … نترحم علي روح الشهيده الاستاذه رقيه … ونتمني الااهتمام ببيئة المدارس وبالمدرس … اذا اردنا ان نطور البلد علينا الاهتمام بالمعلم ( مع العلم اني ليس معلم )

        الرد
      7. 7
        قمرالزمان

        كلام جميل نتمني المصاريف والتكاليف دا يتعمل بيها حاجات تنفع الفقراءوالمحتاجين والمتشردين

        الرد
      8. 8
        جمجوم

        شكرا لجهدك وتصوريك الرائع للكبرى لكن الراقص ﻻزم يجى يرقص للكبرى

        الرد
      9. 9
        اب دقن عبدالمطلب

        موضوع جميل وشيق

        الرد
      10. 10
        bakri

        ل قدام

        الرد
      11. 11
        الاسمر

        إن شاءالله الوالي يستجيب
        كرهونا باحتفالاتهم وضياع المال العام في الفارغة

        الرد
      12. 12
        منال حامد

        فكرة جميلة و راي سديد

        الرد
      13. 13
        أبوذر

        منظر جميل واتمني أن يستمر كذلك

        الرد
      14. 14
        خاله التومات

        ماشاءالله

        الرد
      15. 15
        سارة

        انسان متحصر متدين بمرونه

        الرد
      16. 16
        سوباوى

        ما قلت الا الحقيقية يا على المهرجان ورقصة البشكير اهم من الكوبرى ديل عاوزين الناس تحتشد ويبطلو أعمالهم والهطو ا ليهم عشرات الملايين من ميزانية الافتتاح
        تضخيم اى إنجاز وتصغير اى فشل هذا ما ينجح فيه عادة لصوص الانقاذ

        الرد
      17. 17
        محمد

        ماسمعنا بحفل افتتاح جسر في دولة من دول الجوار حتى الفقيرة منها قط … سيسألكم الله يوم القيامة من هذه الاموال كيف تنفقونها ومعظم نساءنا يمتن من داء السرطان في المستشفيات ولا يوجد جهاز للتشخيص
        ….السيد/ مامون حميدة بما انك وزير الصحة بالولاية والكبري يقعةفي نطاق ولايتكم ان لم تقسموعلى الوالي بتحويل اموال الافتتاح لصالح مستشفى الذرة سياسالكم الله وبحاسبكم حسابا عسيرا …

        الرد
      18. 18
        محمد الهادي داود

        السودان العظيم

        الرد
      19. 19
        مصعب عبدالعزيز

        اوريد الزواج

        الرد
      20. 20
        محمدادم

        القروش رااااااقدة يتم احتفل الكبري ومرحاض مدرسة رقية رحمها الله واي شي بيحصل ويتوفر بس انتم عليك بالصبر

        الرد
      21. 21
        أبو عمار

        عقبال كبري الدباسين .

        الرد
      22. 22
        ود طه

        نثني علي الفكرة وبالنسبة للناس البتتدافع عن الحكومة في الحق والباطل اتقوا الله واتخيلوا الاستاذه دي اختكم.

        الرد
      23. 23
        هههع

        كبرى ذى دا فى بلد متحضر بيفتتحو مسؤل البلديه بدون ما يحس بيه أى زول.هنا حدث ولا حرج بكره تنصب الصيوانات وتقدم رقاع الدعوه لكل من هبا ودبا.وهاك ياصرف ويامزانيه مفتوحة للاحتفال.قايتو بختك ياقيقم.

        الرد
        1. 23.1
          mukh mafi

          اقسم ليك بالله هنا في السعودية خليك من بلاد العالم الاول يتم حفر نفق 2 كيلوا ويسفلت الشارع ويكون على احدث الانواع من تشيد وتجميل ، ونكون اربع سنوات نعبر بطريق بديل تجي الصباح فجأة فتحوه والعربات ماشي على اليمين في الجرائد ما يجبوا خبره
          الان قبل مدة وجيز انجز نفق في الرياض على سبيل المثال في الاتجاه شمال جنوب بشارع صلاح الدين وتحت كبري الخليج .. اولا اغلق هذا الشارع من قبل ادارة المرور ماجاء رئيس البلدية عشان يخت حجر الاساس .. تم وفتح للجمهور والى هذه اللحظة ما قرينا عنه حتى في الجرائد .. وامثلة كثيرة ..مترو الرياض والمقدرة تكلفة ب 22 ملير بداية الضربة كانت من امير الرياض .. بالله عليك لو عندنا كان كم يوم احتفالات وخيام مصروفات وكم مسؤول يجي يزور ويعملوا ليه احتفال وبعد كم شهر احتفال ويقولا ليك اكتمال المرحلة الفلانية وبداية لمرحلة الفلانية .. بعد الانشاء احتفال ببداية البوهية وبعد البوهية احتفال بعمل السياج الحديدي .. ويوم الافتتاح صيوان كيلو في كيلو غايتوا العايز يغني يعمل ادوات احتفال مناسبات ويكون شوية متطور ويكون عندك زول في جهة حكومية كبيرة تغني من سنة واحدة وتبطل الشغلة ,,
          يا رب متين تفهم الدولة انه البتعمل فيه دا غلط ومتين تفهم الدولة انه البتنشئه او تبنيه هو من صميم عملها ولايحتاج لاي هيلمانه قطار قام ممن الصين ووصل لندن في 18 يوم غير ناس السكة حديد زول لاقاه مافي نحن اربه متر الرئيس مبطل شغلته وماشي عشان الناس ترقص وتغني

          الرد
      24. 24
        الطيب عبدالله

        هنئا لاهل اعرق المناطق السودانيه اصالة وحضاره ضباينه ومغاربه

        الرد
      25. 25
        mukh mafi

        هو متين كانت مشكلتنا في التشييد ولا البناء مشكلتنا فيما بعد ادوه سنتين لو لما لقيته حفر والعربا تبقي زي الجرسون بين الترابيز عشان تتفاى الحفر لانه الظلط من شكله غير مطابق لاي مواصفات .. وبعد شهرين فقط من الاستعمال الرسمي ستظهر الحفر وواتحدى اي واحد يحتفظ بكلامي دا وبعد شهرين يجيب لينا الصور عبر النيلين ,, من اساس الصنعة ان يكون الاسفلت لون واحد واذا ما ظهرت الوان مختلفة يعني عدم تجانس الحصا المستعمل او عدم خلط الزفت جيد مع البعض او انه قليل ولذا يظهر احيانا اسود واحيانا رمادي .. واي منطقة تظهر في حصوات كثير بيضاء بعد اسبوع واحد ستتطاير ويتحول المكان الى حفرة ..
        وبعدها قولوا لي ما انا اصلا مخ مافي

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *