مداراتمنوعات

سودانية تعلم زوجها الاثيوبي الاغاني السودانية.. عالم من المرح والضحك.. فيديو


مع بداية الفيديو يظهر عدد من كبار الفنانين السودانيين مثل صلاح بن البادية، شرحبيل أحمد، عمر إحساس وأخرون وهم يؤدون نشيد العلم السوداني بطريقة رائعة.

لتظهر السودانية “أمينة” صاحبة الفيديو وهي تعلم زوجها الأثيوبي أداء النشيد الوطني السوداني باللغة العربية، وسط مشاهد من المرح والضحك بين الزوجين وذلك بحسب مقطع الفيديو القصير المرفق الذي شاهدته ريم منصور محررة المنوعات بموقع النيلين.

وبحسب موسوعة ويكيبيديا اختيرت القصيدة ” نحن جند الله ، جند الوطن ” من ضمن قصائد أخرى شاركت في مسابقة عامة حول أعمال شعرية تشيد بقوة دفاع السودان (نواة الجيش السوداني) عند تأسيسها في عام 1955 م. وعندما نال السودان استقلاله في عام 1956 م، اختيرت الأبيات الاربعة الأولى من القصيدة لتكون نشيداً وطنياً. القصيدة من تأليف الشاعر أحمد محمد صالح وتلحين الموسيقار العقيد أحمد مرجان من سلاح الموسيقي عام 1958م، ويطلق عليه رسمياً اسم السلام الجمهوري( خاصة عند عزفه موسيقياً) ، كما يسمي اختصارا، نشيد العلم أو تحية العلم.
نحن جند الله جند الوطن إن دعا داعي الفداء لن نخن
نتحدى الموت عند المحن نشتري المجد بأغلى ثمن
هذه الأرض لنا فليعش سوداننا علماً بين الأمم
يا بني السودان هذا رمزكم يحمل العبء ويحمي أرضكم.

أما باقي القصيدة وهو غير معتمد رسميا في النشيد الوطني:
نحن أسود الغاب أبناء الحروب لا نهاب الموت أو نخشى الخطوب
نحفظ السودان في هذي القلوب نفتديه من شمال أو جنوب
بالكفاح المُرُّ والعزم المتين وقلوب من حديد لا تلين
نهزم الشرَّ ونجلي الغاصبين كنسورٍ الجوِّ أو أُسْد العرين
ندفعُ الرّدَى نصدُّ من عدا
نردُّ من ظلم ونحمي العلم

وبحسب ويكيبيديا حاز لحن السلام الجمهوري السوداني على جائزة أفضل لحن للاناشيد الوطنية حسب الجمعية العالمية للموسيقى سنة 2004م.

بحسب مقطع الفيديو القصير المرفق الذي شاهدته ريم منصور محررة المنوعات بموقع النيلين واصلت السودانية أمينة المقيمة بالولايات المتحدة الامريكية في تعليم زوجها الأغاني السودانية وفي الفيديو المرفق ردد معها أغنية “سودانية” التي إشتهرت مؤخراً.
وتقول كلمات المبدعة هاجر محمد حسن
سودانية..
خطواتها وهي بتعدي
ونظراتها فيهم تحدي
وكلماتها أنا حافظاها عندي شعار وهوية..

هي جميلة لكن قوية
هي بسيطة هي دغرية
هي عظيمة هي حربية
سودانية..

يا ناس الله عليها
توبها لايق عليها
والحنة الفي ايديها
سودانية..

قارية الدنيا بعينيها
ماشة وواثقة فمشيها
بتزيد الهمة فيها والحنية

تحت الشمس الشديدة
واقفة ووقفتها عنيدة
حامدة الله البريدها
صادقة ونقية

شاقة طريقها بايديها
مالية العالم بريدها
ودماها الفي وريدها
سودانية..

نادوا الطير البغني
يمشي ويحكيلها عني
أنا بهواها لأني
أنا هيا

ريم منصور


‫29 تعليقات

  1. والله مهزلة اخير منك الاثيوبي انتي زاتك ما حافظة كلو غلط اول خلي اهلك يعلموك بعدين علمي زوجيك عشان ما تفضحينا

  2. لو ركزتم جيداً استمعتم لها أيضاً فهي ليست سودانية نطقها ليس صحيح

  3. دي اثيوبية والموقع ده ما عنده مصداقية … ده اتفه موقع

    يجروا وراء الاثارة الرخيصة

    1. البت دي سودانية عندها قناة علي اليويتيوب ممكن تتاكد بعد المشاهدة …وكان نكرتوها ما مشكلة نفتحر بها انها حبشية

  4. صدقت يا حدباي .. أثيوبية .. أثيوبيه .. أثيوبية .. مية المية ويا ريم منصور أتقي الله فيما تنشريه للناس من الفارغات وتوخي الصدق والأمانة في ما تنشريه حتى ولو كان فارغ .. وليس من الحكمة العجلة في الحكم على الأمور ونحن ما ناقصين حبش وأثيوبين اللي مالين البلد … وإنتي جاية تنسبي لينا أثيوبيه للسودان من خلال مقطع فيديو … أتقي الله وخليكي عزيزة بجنسيتك وليس من حقك منح الجنسية السودانية على حسب هواك على من تحبين والغريب في الأمر قالوا عنك أنكي صحفية … يا سبحان الله صحفيين آخر الزمن .. تباً لك ولأمثالك .. والله المستعان .

  5. باي حق سميتيها سودانية وهي لا تعرف الفرق بين التاء والدال اسمعوها تقول باغلى ثمن تقولها باغلى دمن وكلمة المجد لا تعرفها عند الدقيقة1و38 ولم تقدر على نطق كلمة هذه حين تقول هذه الارض لنا ..
    وبعدين منو القال زوجين لان الحبش ديل المسلمين شويين جدا ونادر ما تلاقي منهم متزوج برا بلاده

  6. دي اثيوبية خلقة واخلاق شكلها ولكنتها اثيوبية. المشكله ما في ريم منصور هذه البنت عندها قناة علي اليوتيوب وهي من تدعي انها سودانية ممكن ابوها سوداني وامها حبشية بس بقت امريكية وخلوها تعيش هناك مع ناس شبهينا واتلاقينا الخوف انه صاحبها ده يكون مسيحي ولا يهودي

  7. هو لسه السودانين ما بعرفو اميزوا بين السوداني والأجنبي.. دي أصلا ولا دايرة شاطره ما سودانية .. المفروض العنوان أكون اجنبية عاشت في السودان تعلم زوجها نشيد العلم السوداني.. حليلك يا العميد احمد النور … وما اعتقد واحد فيكم بعرفو…

  8. إذا كانت الفتاه اثيوبيه فهي عندها حب السودان أكتر من حب السودانيين للسودان بدليل الكل قاعد يشتم فيها

  9. تعيشي يا ناشرة منوعــات…
    بس المشكلة فينا، نحن السودانيين،، طيب شنو يعني سودانيه اتزوجت اثوبية وبالعكس.. احنا دائما بنحقد الاخرين ونزيد كراهية والحسد.
    دي انسانة تزوجت وانسطرة،،، انا دي بقول ليها ربنا يسعدهم في الدنيا والآخرة ويرزقهم بزرية صالحة….
    بس شنو رايكم بخبر التاني الورد من احدى جنايات اركويت؟
    نتمنى من الله تعالى بان يلطف قلوبنا ويعزل منا ومنكم الأفكار السلبية.

  10. والله فخورين بيك يا بتنا ..
    علميهو النشيد ..
    وبكرة تعلمى اولادك حب الوطن ..
    ..
    والطير لسه بيزقزق ..
    سودانية !! لا لا ما سودانية !!
    والله نحنا مع الطيور ..
    الله يرحمك يا مصطفى

  11. وبعدين زول ومرتو .. بيضحكوا مع بعض ..
    وين الفسق .. وين الفجور .. ؟؟
    الجهل فعلا مصيبة ..
    ..
    ربنا يجيرك في مصيبتك الكبيرة يا اخوى ..
    والله جنس فهمك دا ابتلاء ..
    ربنا يصبرك عليهو بس ..
    ويصبرنا ..
    ..

  12. معقول دى سودانية ؟
    وكمان متزوجة حبشي ؟ ..
    اها يا الحصرتي السودانيات في زى خلقتك وبس ..
    وبعدين العيب شنو لو زولة اتزوجت اجنبي .. وما حاقول انك بتستخفي بالاحباش .. لانك كده حتكونى بالغتى بالزيادة ..
    الاحباش .. مؤكد اكثر حضارة .. اكثر تهذيبا .. اجمل نساءا ..
    والاخيرة دي شوية حارة

  13. ههههه كل غلط اصلان مع سوداني لكن ماخذ جنسيه سافر في امريكا كان شغالً
    ( سيت شاي )

  14. يا شعب الله المحتار …شوفو انا انا بعرف السودانية من الحبشية والبت دي سودانية صح في في بعض الكلمات نطقتها غلط بحكم انها عايشة في امريكا منذ فترة ا واحتمال تكون جات صغيرة والعربي ده اتعملتو من محيط الاسرة بتاعتها لكن ما يتفي انها سودانية من تقاطيع وشها ده احتمال تكون سودانية علي خبشية لكن من الاكيد عندها عرق سوداني شثتم ام ابيتم يا شعب الله المحتار ..بعدين البت عندها قناة في اليويتوب مهتمية فيها بالسودان يعني لو ما عندها علاقة بالسودان الجايبها تتلصق فيكم شنو يعني خلااااااص السودان ده بقا احسن جنسية علي وجه الارض .. نفترض حبشية ياخ ما تكتبو تعليق محترم شنو انتو دايما منبذين الحبش وكانو الحبش ديل ما ناس والغريبة الحبش اصحاب حضارة وتاريخ انتو يا سودانين وينا حضارتكم مع الناس !!!

    الحبشة منها اول مؤذن في الاسلام الحبشة منها ملك عادل هاجر اليه المهاجرين هذا قليل من كثير انتو شنو انتو والله انتو ولا اي حاجة فاكنا في نفسكم سااي اصحووو خلو النوم والوهمة العايشين فيها دي . والله اصلا مافي زول شغال بيكم كتر خير الحبش الاهتمو بيكم واحترموكم.

  15. يا اخوانا خلو الحسادة …. انا غايتو حسدتهم على ظرافتهم وخفة دمهم الموضوع ما خطير