زواج سوداناس

هيئة الجمارك السودانية تؤكد التزامها بتسهيل إجراءات العاملين خارج السودان



شارك الموضوع :

اكد العميد شرطة أحمد إسماعيل سبت بإدارة التخطيط بهيئة الجمارك السودانية التزامهم بتسهيل الإجراءات وتقديم المساعدة في كافة الموانئ والمعابر للعاملين خارج السودان وفقا لما يقتضيه عملهم ، مشيرا إلى اهتمامهم بضبط ومراقبة السلوك الذي يصدر من العاملين بالهيئة خلال عملهم بما لايقدح في حق المسافرين
وقال العميد خلال جلسة هموم وقضايا المغتربين التي عقدت ضمن جلسات مؤتمر رؤساء وممثلي الجاليات السودانية بالخارج اليوم إن الهئية تعمل وفقا لسياسات الدولة وتنفذ 52 قانونا من قوانين الدولة لتسهيل حركة النقل والتجارة والمسافرين، مشيرا إلى الشراكات مع القطاع العام ومن ضمنها الشراكة مع جهاز تنظيم شؤون السودانيين العاملين بالخارج لحلحلة المشاكل التي تواجه المغتربين .
وأضاف اسماعيل أن الهئية تسعى لحل كافة المعوقات فيما يتعلق بالعودة النهائية ، مشيرا إلى اقتراح مقدم للهيئة بتسهيل إجراءات استيراد السيارات للعاملين في الخارج أثناء فترة الاغتراب بدلا عن العودة النهائية.

سونا

شارك الموضوع :

تعليقات الفيسبوك

تعليقات


8 التعليقات

إنتقل إلى نموذج التعليقات

      1. 1
        وطني السودان

        والله يا ناس الجمارك انا مغترب لي 16 سنة ودخلت سيارة في السودان إفراج موقت وبعتو.لكن الزول الاشتراهو هرب بيهو الجنوب وما دفع الجمارك.غرموني الجمارك ومعاي الأوراق لكن الزول معاهو السيارة لسع وفي الجنوب وانا ما قادر اصلو.فيدوني لو سمحتم اعمل ايه ولو في حد فيكم يقدر يساعدني في الموضوع دة.وبالنص

        الرد
      2. 2
        أب لمبة

        يساعدوووك؟ انت قايل الجمارك جمعية خيرية
        تتلقي صاحبك الكسح بعربيتك الجنوب اداهم النص قبلك يا فارة

        الرد
      3. 3
        أب لمبة

        القانون السوداني لا يعفي الشريفين لان التنفذيين مرتشين
        لماذا اجراءات الجمارك خصوصا في ما يخص ادخال السيارات غامضة و غير منشورة بشكل واضح
        مشركين للمغتربين و معروف الحقد الدفين من الكيزان والشرطة تجاه المغتربين لانهم مهما يسرقوا ويختلسوا ويرتشوا يجي نفس المغترب الطفشوهو وسرقو وظيفتو بالتمكين نفس المغترب يجي مرطب و يكش السمحات و دعوات الحبوبات ويتخارج عشان كدة بحاولوا بقدر الامكان تدميره و الحاق الخسارة به و وضع مل العراقيل والغرامات في طريقه فهم بالنرصاد لسياراته و دولاراته وريالاته اخزاهم الله و رد كيدهم الى نحورهم

        الرد
      4. 4
        وطني السودان

        يا اب لمبة قول خير أو اسكت

        الرد
      5. 5
        أب لمبة

        معليش يا وطنك السودان لو استفزتك كلماتي
        انا قاصد انك فارة في نظرهم هم وليس في نظري انا لانهم الزول البقشطوه واستنتجوه بسموه كدة ديل عصابة
        آسف تاني وعوضك الله في الدنيا والاخرة

        الرد
      6. 6
        Abu Ahmed

        نتمنى أن يعطى المغترب فرصة إدخال سيارة واحدة مستثناه أثناء فترة إغترابه .. وليس بالضرورة أن تكون عند العودة النهائية فقط .. لأن المغترب يحتاج الي السيارة أثناء فترات إجازته

        الرد
        1. 6.1
          mandeed

          دا الكلام الصاح

          لينا 18 سنة غربة قدونا بالضرائب والذكاة والمساهمات، وتحاويل لم تقدم لنا الدولة خدمة واحدة نحس فيها بقيمة ما قدمناه للبلد

          هذا حق اصيل للمواطن المشارك في التنمية

          الرد
      7. 7
        انجلينا

        نحن بنساعدك لو هو جنوبى الاشتراها منك يا المغترب لاننا نحنا ناس مأصلين

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *