مداراتمنوعات

السبت المقبل إرجاع الساعة بالسودان الي الخلف ساعة


قال محمد حامد جمعة مدير تحرير صحيفة الصحافة السودانية التي تصدر في الخرطوم على حسابه الرسمي بفيسبوك مساء الثلاثاء (السبت المقبل إرجاع الساعة بالسودان الي الخلف ساعة …يعني للتوقيت القديم).

ويشير محرر موقع النيلين أن تجربة تسمى البكور تعود إلى فكرة الدكتور عصام صديق وكان حينها مستشاراً لرئيس السودان، وأفلح في اقناع الحكومة، في يناير من العام 2000، بإعتماد سياسة البكور، وأجريت حينها مراسم قادها نائب رئيس الجمهورية السابق علي عثمان محمد طه، بجر عقارب الساعة ستين دقيقة للأمام في يوم 18 يناير 2000، أخرجت السودان من توقيته الجغرافي المعلوم “جرينتش +2” ليصبح “جرينتش +3”.

الخرطوم/معتصم السر/النيلين


‫47 تعليقات

  1. قرار صائب ولكن تم اتخاذه ضمن حملة ذر الرماد على العيون التي تقوم بها الحكومة للتغطية على ترحيل قوات الدعم السريع للسعودية واليمن
    وبدأت الحملة بقصة الواقي والجزولي والمزعمطة و ستستمر حيث سيقوم الجداد الورقي والالكتروني بنشر مواضيع فارغة و مثيرة للغبار نظام كتاحة صناعية هههههههه

  2. بعد السعودية والامارات اشتروا الدعم السريع ايران واليمن حقو يشتروا العدل والمساواة وحركة عبد الواحد عشان يلعبوا السمي فاينل في الربع الخالي والمنتصر يقابل الحركة الشعبية في صحراء المكسيك

  3. المصريين عندهم نكتة للاستهزاء بالسودانيين لكثرة الانقلابات العسكرية وعدم انضباط الجيش تقول ان الذي يستيقظ اولا يقلب الحكومة ويستلم الرئاسة
    اها شكلو جماعتنا جروها عشان مافي زول يصحى قبلهم

  4. كدي يا اب لمبه اعملوا لينا حركة فشنك كدا زي بتاعت العصيان ديك.التي اثبتت مما مجال للشك فشلكم وعدم وطنيتكم وعدم درايتكم ا.

  5. يا جماعه بلدنا السودان ده منطقه جغرافيا منحوسه يعني باختصار ذي مثلث برمودا
    فيهو نحس ما معروف مركزه
    سافرت عدة دول كل حاجه تقضى بدون معاناة و الجو ذاتو مساعد في حاجات كثيره
    السودان مليان مقدرات بشريه و كل شئ متوفر
    باقي شئ واحد عشان نتقدم و نزيل النحس
    اي عمل نعمله نصفي ليهو النيه و نقراء له المعوذات و آية الكرسي
    بعد داك تقول يا لطيف الف الف مره
    امكن بعد دالك الحال ينصلح
    و الله أعلم

  6. تقديم الزمن ( ساعة ) بعد ما ( كنا ) مؤخرِّنو ساعة هيِّن ..
    طالما ( نحن ) الذين نقدِّم ونؤخِّر ..
    لكن ( هنالك ) الكثير الذي ( لا ) نستطيع تقديمه ولا تأخيره ..

  7. المدعو اب لمبة انت قلت المصريين استهزاوا بالسودان !!!! وانت عاجبك الاستهزاء ولا شنو ؟ قول بصراحة

    1. الزول اب لمبه
      ده اساسا مش سوداني وحاقد ع اي سوداني
      مشترنو ب ٢٠٠ دولار ف الشهر عشان اقعد اسكل وانشر الفساد والتفرقه
      بين ابناء السودان دعك منهم
      عدم الرد عليهم يولعهم اكثر
      ومخابرتنا عارفين مكانو
      وتلفونو

  8. اتحدى واحد يورينا المدعو ابو لمبة دا شايت وين ولا فهمه ايه ..
    دائما برا الشبكة ويتكلم كلام خارم بارم ويلخبط الابيض والاحمر والاسود مع الابيض وشغلته سغلة ,, وعامل نفسه انه مثقف وبيرد مزبوط . ويجيب امثلة ومواضيع ماليها علاقة بتاتا مع الموضوع المنشور .. بالله واحد شاطر يخلق لينا رابط بين الموضوع وتعليقات المخلوق دا .. شنو كلام الهبل دا ..جداد ما جداد وبطيخ ما بطيخ يا اخي افهم المواضيع بعدين رد

  9. إن صدق والله رحمة
    ياخي كانت قصة ما جايبة تمنا
    كان ال|أفضل أعملوا الشغل والمدارس الساعة سبعة بسسسسسسسسس
    الله لا جاب طاريهم كل شي قلبوا من إنقاذ لي تحت
    يعني جاييين أنقذونا قدمونا للموت فطايس
    وبعدها دايرين إرجوعونا لي ورة
    كل كل مافي فايدة المهم نرتاح من بالتوقيت القديم عقبال نتخلص من بالجنيه القديم

  10. اليوم عجبتني مخ مافي ههههههههههه بالجد الزول دا غايتو شات ضفاري …….. لكن سؤال يعني الحكومة وفرت لينا في كل يوم ساعة زمن م ضاعت علينا والسنة حوالي 15 يوم ما شاء الله دي بركات على عثمان الله يستر ما يجي واحد يقول نساوي الزمن مع لندن ( بيغ بن) ما يقوم المذيع يقول هنا لندن ويعكس بيت الشعر بلادي وان جارت ………………..

  11. ياجماعة الخير ممكن تورونا التوقيت القديم دا سببو شنو
    كرهتونا العافية

  12. نحنا طول الوقت مغبرين بي الرماد لكن وين الاتحاد وين الاتفاق اشان ننظف الرماد والغبار والاوساخ

  13. ليس لدينا فكر سليم أو في الحقيقة ولاة الأمر منا . معلوم جغرافياً كل دولة لها موقع معين علي أساسه يتم ضبط الوقت الرسمي للدولة حسب ابتعادها من خط غرينتش شرقا أو غربا ولكن هنا يتم التغيير بالمزاج. حتي صاحب فكرة البكور هذا ( عصام صديق ) قال عشان الناس ماتنوم ياخ انت مالك كل الدوامات معروفة فليه تتدخل في ما لايعنيك. الواحد بيتعقد لمن يشوف أن الساعة في السودان وفي السعودية واحد . معقولة ياناس البحر الأحمر ده ساي ما بيعمل فرق . والله بالغتو فيها .
    إنشاء الله يرجعو زمنا الحقيقي عشان الواحد ما يضبط التوقيت حسب مكة .

  14. النحس كلو بسبب الشرك بالله وهذه القباب والأضرحة سبب البلاوي على هذه البلاد ..

    1. لو قالوا لي لو بقيت رئيس جمهورية السودان ما هو اول قرار مسح كل الحيشان حقت المشعوذين بالارض شوفو تاني لو حصل فساد ولا قرار انكسر ولا حرامي فضل بالبلد دي

  15. يعني الكيزان رجعو لزمن المحجوب والنميري وسوارالدهب والمهدي
    برضو تطور في الدولة السودانية الشمالية .
    في ألمانيا سيتم حظر جميع المركبات التي تعمل بالديزل في العام القادم
    حفاظا على البيئة من التلوث من عوادم السيارات . .فرق ياناس ضبط الزمن المتأخر

  16. المفروض من الأول قولوا للناس قوموا بدري مش تخالف الطبيعة وتغير توقيت الصلاة

  17. ربنا يحسن الأعمال و يدينا الصحة و العافية
    بلدنا دى ما بتصلحه إلا الدعوات ..

  18. جروها قدام ورا شنو دايرين 8 دي تكون الظهر عشان نشبع نوم في البلد الهامله دي بلد العطاله

  19. يا مخ مافي قصدي انو ارجاع التوقيت القديم و غيرها من المواضيع التي تشغل الرأي العام التي اثيرت والتي ستثار في الايام القادمة القصد منها الهاء الناس عن امور اخرى مهمة مثل مشاركة السودان في حروب السعودية في اليمن و ربما سوريا في قادم الايام و كذلك الازمة الاقتصادية والغلاء و رفع سعر الغاز وغيره
    يا جماعة ساعدونا نفهم الزول ده ما عندو مخ

  20. يا زمن ارجع شوية واهدى لي لحظات هنية هههههههههه
    دايرين نرجع 40 سنة لى ورا زمن الحنان والناس حنان
    )
    والطورية والواسوق
    وسعف حبوبة والكوريه والحنقوق
    وصوت ( سعدية ) بت جيرانا
    تشحد ليها فى طايوق
    وصوت ( عرفه ) لما تخمج الدلوكه غنايه
    وحبة فريك لموه لى رمضان
    مصرور فى مخلايه
    صور محفورة جوايا ومن يوم داك
    ولى الليلة ولى بكرة وبعد باكر
    شان الزمن غدار وما معروف
    زمن مكار .. زمانا كلو خوف فى خوف
    وايه يا يمه والله زمان

  21. السلام عليكم ورحمة الله… ياجماعة نحن في منبر عام يعني أي واحد عندو رأي يجي يقولوا بدون مايهاجم الناس صراحة الواحد بفتحا لمواضيع في النيلين وغيرها ويشوف تعليقات الناس عليها بكون استفاد ذيادة معرفة لأنه اختلاف الناس فيه ذيادة معلومة او تصحيح معلومة فمافي داعي للتجريحات يعني أبو لمبة قال الموضوع فيه تغبيش لرأي الناس وصرفها عن مواضيع تهم الناس يعني في أحداث كان ممكن تلقى حقها من الوقت والنقاش وممكن تؤثر سلبا على الرأي العام عشان كده أختلقوا موضوع تغيير الزمن وقضية فلان وعلانة ومحاسن كبي زفت لشغل الرأي عما هو أهم أخوتي دعونا نتناقش بروية وعدم تسفيه رأي الأخر عشان يتقبل رأيك أنت 00000 وعفوا للإطالة

  22. قلبو المعتمدية محافظات تاني رجعوها قلب الجنيه دينار تاني رجعوه قلبو الولايات اقاليم تاني رجعوها عملو السبت اجازة وحايرجعوها قلبو السلم التعليمي وحايرجعو لعب الشفع لزومو شنو من الاول بلا ياخدكم ياخ

  23. يا قووم ساعة شنو وكلام فارغ شنو يعني حا تحل مشكله مشكلة البلد دي اكبر من ساعه و………

  24. سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ

    اخر زمن

  25. هہِهَہهَہهَہِہِهَہهَہهَہهَہهَہِ شغالين على كيفكم مره تودو ومره تجيبوا يَـ ؏ـ’ــطْيّگم آلعّ’ــافُيــہ

  26. اسمعوا كلام جواهر حسن احسن ليكم عشان ربنا يبعد عننا النحس اللازق فينا ده ..

  27. تعلقيات جميله لكن ارجاع الساعه افضل ولكن في ناس تليقاتهم استخفاف

  28. زمان قبال 17سنة لما ناس الحيكومة قدمو الساعة 60 دقيقة كانت في زي ربكة وزهلله وزغلله حاصلة الواحد يسالك يقول ليك نتلاقي الساعة خمسة يقول ليك بالقديم وﻻ بالجديد ونفس للمنوال الزمان داك تاني ح يكون لكين ح تنعكس الشغلانة القديم ابزنان ح يبقي جديد والجديد اﻻسي ح يبقي قديم لكين نقول شنو ما حكم القوي علي الضعيف ولا نغني اشكي لمين والكل ظالم اشكي لمين انا اشكي لمين ربي اللعام بي انا شكرا ليك يا محاسن وكبي لي الجبنة دي خليني اتحنطر وانوم وناوليني بخاخ اﻻزمة في ابو الجندي طاير بي جاي محاسن ماتنسي طفي اﻻنوار لانو الكهرباء قربت تخلص محاسن …………

  29. العباطة بتاعة الكيزان المعتادة لا بالله المرة دي خلو التوقيت مع كوالالمبور كويس ….انتو شنو ياخي ايها حاجة بتتلاعبو فيها عالم مجانين

  30. ربنا يرججعكم لبطون امهاتكم لو كان عندكم امهات ما بهدلتو الشعب زيدا

  31. رجعو التوقيت ذي ماكان انشاء الله يرجعو البلد ذي ماكانت