سياسية

والي الخرطوم: لا نُريد إعلاماً يذكر محاسننا ويتغاضى عن المساوئ


أبدى والي الخرطوم الفريق أول ركن مهندس عبد الرحيم محمد حسين تقبلهم للنقد والتقويم من قبل الإعلام، ورفض الإعلام التطبيلي واعتبر ان هذا النوع يورد المحاسن ويتغاضى عن المساوئ ولا يخدم الدولة، قائلاً: “لا نريد إعلاماً يذكر محاسننا ويتغاضى عن المساوئ”، وأكّد أنّ الولاية تحتاج إلى الإعلام القوي تسير على هداه بقية المؤسسات، جاء ذلك خلال مخاطبته بفندق كورال احتفالية هيئة تلفزيون وإذاعة الخرطوم بإعلان الخارطة البرامجية الجديدة للعام 2017م، وتكريم مبدعي العام 2016م، وقال إنّ حكومته لا تدخل في إدارة القناة وتترك المسؤولية لأهل الشأن.
وفي سياق آخر، قال وزير الثقافة والإعلام بالولاية محمد يوسف الدقير، إنّ حكومته تهتم بالنقد الإعلامي والصحفي الموجه، وأكد أن التخطيط لقناة الخرطوم يستوعب مكونات الشعب السوداني، وأشار الى أن ولاية الخرطوم عبارة عن سُودان مُصغّر يحتضن النسج القومي.
وفي اتجاه آخر، أعلن وزير الإعلام الاتحادي د. أحمد بلال عن تكفل الحكومة الاتحادية بدفع مرتبات العاملين بهيئة تلفزيون وإذاعة الخرطوم أسوةً ببقية الولايات الأخرى.

الخرطوم: عبد الله أحمد الكك
صحيفة التيار


‫13 تعليقات

  1. أركب عربيتك والخرطوم م كبيرة لف عليها كلها بنفسك عشان تشوف؟؟ اصلا محاسن مافى تشوف المساوى بس
    الاعلام خليهو بعيييييد
    محاسن أردمى حفر الظلط

  2. ياتو محاسن يا عمك ، نحن في عهدكم ما بنعرف الا محاسن ست الحرجل .

  3. حكم عبدالرحيم فعدل فنام غرير العين و قشه ما تعتر ليه ولو جاتانا طيرات الصهاينه كلها من غير عادم صوت

  4. اتعبت الولاه من بعدك يا سعاده الوالي … حسناتكم كتيره لاتحصي و لا تعد

    1. الدنيا مابرد شويه على التلج يا عطبرة !!

      قول سريع .. عليك الله ببقى ليك شنو ؟ انت ولدو ولا بتو ؟ سرييييع

  5. يا ود بلد سلام عليكم
    كل لبيب بالاشاره يفهم
    مرات كده بترمي ليك تعليق ظاهره مدح و باطنه ذم و ده كان قصدي من التعليق ده ..

    1. وعليك السلام ورحمة الله تعالى وبركاته يا عطبره

      وصل المعنى

      سلمت

  6. هسع كلامو ده ما فيهو سخريه و استهزاء بعقول الناس لمن يقول لا تذكرو محاسننا فقط و هو يدري جيدا انه من سابع المستحيلات ان نجد له حسنه واحده و ان اعلامنا لا يجيد الا التطبيل الا من رحم ربي … فمن باب اولي ان نسخر و نتهكم نحن ايضا في ردودنا عليهم

  7. ههههههه ضحكتنى يا ابوريالة
    هو تانى فى محاسن انتو خليتو الناس تزكرها ليكم
    الا كان محاسن الطاهرة اليومين ديل

  8. ده فعلا البيعملوه عبدالرحيم محمد حسين بيلف بسيارته كل مدن العاصمة ربنا يديه الصحة والعافية

  9. عبدالرحيم فعلا بيركب سيارته وبيلف في مدن الخرطوم ومرات بيكون معاه البشير