منوعات

تنابذ بين زينب المهدي ورشان بعد تعليق الاخيرة “ده ما بنقو” على خلفية قول الصادق: كشف الرجل ل”شعر رأسه عورة”


اشتبكت السيدة زينب بنت الإمام الصادق المهدي رئيس حزب الأمة في السودان مع الصحفية رشان أوشي بعد أن كتبت الأخيرة يوم الخميس على حسابها الرسمي بفيسبوك (على ذمة صحيفه الوطن، المهدي: كشف الرجل لشعر راسه عوره، صدقوني الشي ده ما بنقو ده شي تاني).

وبحسب متابعة ريم منصور الصحفية بموقع النيلين والتي تابعت السجال على حساب رشان، ردت زينب الصادق المهدي لرشان وقالت لها (طبعاً عادي بالنسبة للمعلقين/ ات يتكلموا زي ما عايزين لكن دحين الاستاذة صاحبة البوست مش كاتبة صحفية ? الجهل مصيبة لكن الفراغ مصيبة كبري!).

لتعود رشان وتدافع عن نفسها وتكتب عدة تدوينات (زينب انا ذنبي شنو ده كلام الامام في الوطن ما ترعلي ساي، اما بالنسبه لجهلي.. ده موضوع ما بتقيميه انتي، وضحي لي وين الفراغ في تعليقي على تصريح من السيد الوالد)، وقامت رشان اوشي بإرفاق صورة من صحيفة الوطن الصادرة يوم الخميس والتي تحمل مانشيت (المهدي: كشف الرجل ل “شعر رأسه عورة”.

ريم منصور


‫12 تعليقات

  1. البنات الصحفيات ديل بقو قليلات ادب كده ليه ؟ كل يوم واحدة عشان تظهر تطلع لينا بي تقليعة جديدة . يا بت الراجل دا قدر جدك ورئيس وزراء سابق وزعيم طائفة بالملايين . اتكلموا عنو باحترام شوية

  2. هوي يا بنات إسكتن ولا اجيكن هسه بالعكاز دا . يلا ادخلن جوا البيت وما اسمع واحدة تاني تتكلم . مفهوم .

  3. سبحان الله
    الغرض مرض,. إييه اللي خلي (بتشديد اللام) واحدة بلقب السيدة , زائدا لقب بنت الإمام, والسيدة الاخري دون ذلك, المفروض كلهن سيدات متساويات, والفرق الواضح هو ان احداهما بنت الإمام, والاخري صحفية عصامية…. ولا قداسة لها.
    ورحم الله من قال: إن الفتي من يقول ها انذا

  4. مفروض الصحفيه دي توزن كلامها شويه و مافي زول بيرضي تعليق زي ده في ابوهو

  5. الحمد لله نحنا بخير فى حرب وموت لكن فى قيم واحترام لخصوية الاعتقاد والفكر المستنير لكن حقا الجهل مصيبة خاصة من الرجال

  6. إذا كان قالت او ماقالت الصحفية (نقلت من صحيفة) وما جابت الكلام دا منها هي، اصلا لو في تساؤل يُطرح على الكاتب في الصحيفة مصدر الخبر.لكن الغريبة طلعت لينا (المحارب الجديد) دي ويييين مريم؟

  7. صحيفة الوطن الصادرة يوم الخميس والتي تحمل مانشيت (المهدي: كشف الرجل ل “شعر رأسه عورة”.اجي يا يُمة كمان جاتنا عورة الرجال بكشف شعرهم؟ هو المناسبة زاتا شنو عشان نعرف لو في راجل ما لابس طاقية او عمة (او طرحة) ننبهو عشان يستر عورتو. والله دا كلام آخر الزمن ذاتو.

  8. المفروض كلام البت الصحفية يكون فيه شوية ادب وإحترام لانو في المقام اﻻول هي بت وكمان صحفية واي كلمة تخطها بقلمها محسوبة عليها
    انا ما قريت تفاصل عنوان صحيفة الوطن لكين انا متأكد تماما انو الصادق المهدي ده ما قاصد نفس الكلام الفي العنوان ده واعتقد انو المسالة دي ناس الجريدةدايرين يعملو بيهاشغل بتاع شو وتسويق والله اعلم ويابت تاني ما تقولي كلام زي ده الراجل ده جدك ولو هسي الناس ديل اتشربكو فيكي والله يزروكي زرة ابو القدح في قصرية وتقعدي تدخلي في اﻻجاويد
    يا محاسن جيبي لي اﻻونسلين من التلاجة وماتنسي لي حبوب الضغط وجيبي معاك اﻻسبرين وما تنسي كيس التمباك ختي لي في التربيزة واملي معاكي الجك موية وماتنسي يا محاسن كبي لي حرجل عندي مغص