اهتمت عدد من صفحات موقع التواصل الاجتماعي فيسبوك خلال الأيام الماضية بقصة شاب سوداني من ذوي الاحتياجات الخاصة.
باسل محمود علي هو اسم الشاب الذي أصبح بطل بتحديه للإعاقة والتي كانت بدايتها نتيجة خطأ طبي كما ذكر هو في حديث رصده محرر موقع النيلين من صفحته على موقع التواصل الاجتماعي فيسبوك.
ملك الحب وهو لقب صاحب ال22 عام يقول يحكي قصته كاملة: ” ﺍﻧﺎ ﺳﻮﺩﺍﻧﻲ ﺍﺑﺎ ﻋﻦ ﺟﺪ ﻭ ﻧﺎﺱ ﻛﺘﻴﺮ ﺑﻔﺘﻜﺮﻭﻧﻲ ﻣﺼﺮﻱ ﺍﻭ ﺳﻮﺭﻱ٠٠٠ ﻻ ﺍﻧﺎ ﺳﻮﺩﺍﻧﻲ ﻭ ﺟﻌﻠﻲ
ﻛﻤﺎﻥ
– ﺍﻧﺎ ﻣﻦ ﺫﻭﻱ ﺍﻻﺣﺘﻴﺎﺟﺎﺕ ﺍﻟﺨﺎﺻﺔ ﺑﺴﺒﺐ ﻏﻠﻂ ﻃﺒﻲ ﻭ ﺣﻜﻴﺖ ﻋﻦ ﺍﻟﻤﻮﺿﻮﻉ ﺩﺍ ﻓﻲ ﺍﻟﻔﻴﺪﻳﻮ
ﺍﻻﻭﻝ ﻣﻦ ﻗﺼﺔ ﺣﻴﺎﺗﻲ ﻣﻤﻜﻦ ﺗﻠﻘﻮﻩ ﻋﻠﻰ ﺻﻔﺤﺘﻲ ﺍﻟﺨﺎﺻﺔ ﺑﻲ ﻋﻠﻰ ﺍﻟﻔﻴﺲ ﺑﻮﻙ ﺑﺎﺳﻢ
Authentic Souls
– ﺍﻧﺎ ﺑﻜﺘﺐ ﺑﻌﻴﻮﻧﻲ ﻓﻘﻂ ﻻﻧﻮ ﻣﺎ ﺑﻘﺪﺭ ﺍﺗﺤﻜﻢ ﺑﻲ ﻳﺪﻳﻨﻲ ﺍﻟﻤﺮﺽ ﺍﻟﻌﻨﺪﻱ ﺍﺳﻤﻮ Cerebral
Palsy ﻭ ﺩﺍ ﻧﻘﺺ ﻓﻲ ﺍﻻﻛﺴﺠﻴﻦ ﻣﻤﺎ ﺍﺩﺍ ﻟﻲ ﺑﻌﺾ ﺧﻼﻳﺎ ﻣﺨﻲ ﺗﻤﻮﺕ ﻣﻨﻬﺎ ﺧﻼﻳﺎ ﺍﻟﺤﺮﻛﺔ
ﺍﻟﺒﺘﺨﻠﻴﻨﻲ ﺍﺗﺤﻜﻢ ﺑﻲ ﻳﺪﻳﻨﻲ ﻭ ﻛﻼﻣﻲ
– ﺍﻧﺎ ﺑﻘﺮﺍ ﻭ ﺑﻜﺘﺐ ﺍﻟﻠﻐﺔ ﺍﻻﻧﺠﻠﻴﺰﻳﺔ ﻓﻘﻂ ﻋﺒﺮ ﺟﻬﺎﺯﻱ ﻭ ﺣﺎﺻﻞ ﻋﻠﻰ ﺷﻬﺎﺩﺓ غينيس ﻋﻠﻰ ﺳﺮﻋﺔ
ﺗﺤﻜﻣﻲ ﺑﺎﻟﺠﻬﺎﺯ ﻭ ﺍﻟﻜﻠﻤﺎﺕ ﺍﻟﺒﻜﺘﺒﺎ ﻓﻲ ﺍﻟﺪﻗﻴﻘﺔ ﺍﻟﻮاﺣﺪﺓ
-ﺍﺧﺘﻲ ﺳﺎﻟﻲ ﺑﺘﺮﺟﻢ ﻟﻜﻢ ﻛﻼﻣﻲ ﺑﺎﻟﻌﺮﺑﻲ ﻭ ﺑﺘﺪﻳﻬﻮ ﻟﻠﺘﻴﻢ ﺑﺘﺎﻋﻲ ﺍﻟﻤﺎﺳﻚ ﺣﺴﺎﺑﻲ ﻋﺸﺎﻥ ﻳﻨﺸﺮ
ﻟﻴﻜﻢ
– ﺍﻧﺎ ﺍﻧﺴﺎﻥ ﻣﺆﻣﻦ ﺍﻧﻮ ﺍﻟﻠﻪ ﻻ ﻳﻔﻌﻞ ﺍﻱ ﺧﻄﺎ ﻭ ﺍﺗﻮﻟﺪﺕ ﻛﺪﺓ ﻋﺸﺎﻥ ﻏﺮﺽ ﻣﻌﻴﻦ ﻓﻲ ﺍﻟﺤﻴﺎﺓ
-ﺍﻫﻠﻲ ﻭﺍﺧﺘﻲ ﺳﺎﻟﻲ ﺑﺎﻟﺬﺍﺕ ﻫﻲ ﺍﻟﻜﺎﻧﺖ ﺑﺘﺪﻳﻨﻲ ﺍﻟﺪﺍﻓﻊ ﺍﻧﻲ ﺍﻗﺎﻭﻡ ﻭ ﻣﺎ ﺍﺳﺘﺴﻠﻢ ﻗﺮﻳﺖ ﺟﺎﻣﻌﺔ
ﻭ ﺍﺗﺨﺮﺟﺖ ﻣﻦ ﺍﺩﺍﺭﺓ ﺍﻋﻤﺎﻝ
-ﻣﻤﻜﻦ ﺗﻘﻮﻝ ﻛﻴﻒ ﻭﺍﺣﺪ ﻣﺎ ﺑﺘﻜﻠﻢ ﻭ ﻻ ﺑﻤﺸﻲ ﻭ ﻋﻨﺪﻭ ﻋﺪﻡ ﻛﻨﺘﺮﻭﻝ ﻓﻲ ﺣﺮﻛﺘﻮ ﻣﻤﻜﻦ ﻳﻘﺮﺍ ﻭ
ﻳﺘﻌﻠﻢ ﺍﻳﻮﺓ ﻣﻤﻜﻦ ﺍﺫﺍ ﺍﻧﺎ ﻗﺪﺭﺕ ﺍﻧﺘﻮ ﻛﻤﺎﻥ ﺑﺘﻘﺪﺭﻭ..
– ﺍﻟﺠﺴﻢ ﻣﺎ ﺑﺤﺮﻛﻚ ﺭﻭﺣﻚ ﻭ ﻭ ﺍﻳﻤﺎﻧﻚ ﺑﺎﻟﻠﻪ ﻭ ﻋﺰﻳﻤﺘﻚ ﻫﻢ ﺍﻟﺒﺤﺮﻛﻮﻙ ﻭﻗﻌﺖ ﻣﺮﺓ ؟؟ ﺗﻘﻴﻒ
ﺗﺎﻧﻲ ٠٠٠ ﻭﻗﻌﺖ ﺗﺎﻧﻲ ؟؟؟ ﺗﻘﻴﻒ ﺗﺎﻟﺖ ﻣﺎ ﺗﻴﺎﺱ…
– ﻟﻤﻦ ﻋﻤﻠﺖ ﺍﻟﻘﻨﺎﺓ ﻋﻠﻰ ﺍﻟﻴﻮﺗﻴﻮﺏ ﻭ ﺍﻟﻔﻴﺲ ﺑﻮﻙ ﻟﻘﻴﺖ ﻫﺠﻮﻡ ﻛﺒﻴﺮ ﻣﻦ ﺍﻟﻨﺎﺱ ﻋﻠﻰ ﺍﺧﺘﻲ ﻭ
ﺍﺻﺤﺎﺑﻲ ﺍﻟﺒﺨﻠﻮﻧﻮ ﺍﻭﺻﻞ ﻟﻜﻢ ﺍﻟﻤﻌﻠﻮﻣﺔ ..… ﻗﺎﻟﻮ ﻟﻲ ﻛﻴﻒ ﺗﻄﻠﻊ ﺍﺧﻮﺍﺗﻚ ﻣﻌﺎﻙ ﻟﻜﻦ ﺳﺒﺐ
ﻭﺟﻮﺩﻡ ﻋﺸﺎﻥ ﻫﻢ ﻳﺪﻱ ﻭ ﻟﺴﺎﻧﻲ ﻭ ﻋﺸﺎﻥ ﻫﻢ ﺍﻟﻨﺎﺱ ﺍﻟﺠﻮﻫﺮﺓ ﻓﻲ ﺣﻴﺎﺗﻲ .… ﺳﺒﺐ ﻭﺟﻮﺩﻱ ﻓﻲ
ﺍﻟﺴﻮﺷﻞ ﻣﻴﺪﻳﺎ ﻋﺸﺎﻥ ﺍﻭﺭﻱ ﻣﺎﻓﻲ ﻣﺴﺘﺤﻴﻞ ﻭ ﺍﺣﺎﻭﻝ ﺍﺩﻱ ﺍﻻﻣﻞ ﻟﻠﻨﺎﺱ ﻭ ﻟﻴﺲ ﻟﻐﺮﺽ
ﺍﻟﺸﻬﺮﺓ …
ﻫﺬﺍ ﺍﻧﺎ ﻭ ﺷﻜﺮﺍ.
ياسين الشيخ _ الخرطوم
النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
والله انت عظيم يابسل ربنا يحفظك وينصرك انت واختك اخت الرجال.
ربنا يوفقك يا اخينا باسل
يا بركة انت كلك خير وسبحانه وتعالى ما ابتلاك والا حباك اصبر وأكثر من الدعاء والصدقة والله ثم والله ربنا سبحانه وتعالى ابدا ما يردك صفر اليدين واعلم انه أمره بين الكاف والنون يقل الشئ كن فيكن ونتمنى لك شفاء عاجلا غير آجل
الشئ
جعلي ويتكلم بالإنجليزية يعني جعلي بريطاني أول مرة أسمع إنه في جعلي إسمه باسل ملك جعلي حرر
عليك الله يا زائر نقطنا بسكاتك
يا سلام عليك يا باسل .. انت انسان عظيم ورجل عصامي بكل ما تحمل الكلمة من معنى .. اسأل الله ان يشفيك ويطول في عمرك وتنفع المسلمين بعلمك وبقوة ايمانك