زواج سوداناس

يحدث فقط في مطار الخرطوم.. الدلوكة والزغاريد والبخور والخُمرة وغناء وعرضة لوداع العروسة



شارك الموضوع :

قبل أسبوعين صحبت شقيقتي إلى مطار الخرطوم لتسفيرها خارج البلاد، انشغلت شقيقتي بإجراءات المغادرة فصعدت إلى الطابق الأعلى من المطار وقررت أن احتسي فنجال قهوة ريثما تعود.
صعدت عبر السلم الكهربائي (والحقيقة هو غير كهربائي)، وهنا دعوني أسأل مدير مطار الخرطوم، بصراحة إذا كان غلبكم تشغِّلوا السلم ده أو ما عندكم قروش كهرباء ليهو أو شايفين الشعب التعبان ده كتير عليهو سلِّم كهربائي فيا ريت يتم خلعه واستبداله بسلم آخر عادي.. أسمنت.. خشب.. أيِّ حاجة عِوضَاً عن (البهدلة الحاصلة على الناس).
والله إني استغرب لما يحدث عندنا، بلد حدّادي مدّادي بها فقط ثلاثة سلالم كهربائية أحدهم في مول عفراء والآخر في مول الواحة وثالث بمطار الخرطوم، أما سلم المطار ما شغّال عدييييل، وسلّم مول الواحة بشتغل في الأعياد، وسلّم عفراء بشتغل أسبوع وبتعطّل شهر.. ياخي فضّحتونا والله.. ياخي في ماليزيا السلالم الكهربائية في الشوارع.. الشوارع الواحدة دي خليها المولات.
المُهم نعود إلى مَوضوعنا، صعدت بالسلم الكهربائي (الما شغال) وبمجرد أن وصلت الكافتيريا جاءتني أصوات الدلوكة والزغاريد وريحة البخور والخُمرة.. ااااي والله.. دلوكة عدييييل.. في البداية اعتقدت أن إدارة المطار قامت بتأجير الصالة والكافتيريا لصبحية أحدهم.. فلا أستبعد شيئاً في هذا البلد.. ولكن اتضح لي لاحقاً ان هنالك عروساً مسافرة إلى زوجها في السعودية عقب إكمال مراسم الزواج.
العروس وقفت في الأسفل تُتابع إجراءات شحن العفش بما فيه من كراتين الطلح والشاف، وبمجرد أن مَدّت يدها بجوازها وتذكرتها إلى مسؤولة الخُطوط حتى ارتفع إيقاع الدلوكة.

ضجت الصالة بأغنية (ده اليوم الدايرنو ليك يا….. مبرووووك عليك)، وكل ما أكملت إجراءً كان يأتي الدعم المعنوي بالمزيد من الزغاريد.

عقب انتهاء الغناء والعرضة ومُغادرة أولئك للصالة وضح جلياً أن الجماعة الجايين للوداع جايين بعدد “اتنين بص وحافلة روزا”.
خارج السور:
مازال البعض يحتفي بالسفر ويعتبره نصراً مُؤزّراً وآخرون يأتون رحلة وسياحة إلى عفراء مول.. كان الله في عونك يا وطن!

سهير عبدالرحيم
التيار

شارك الموضوع :

تعليقات الفيسبوك

تعليقات


16 التعليقات

إنتقل إلى نموذج التعليقات

      1. 1
        Hasco

        البنغال كتاااار في البلد كان تشوفي ليك واحد منهم يطلع .بدل البهدلة والسلم الما شغال

        الرد
      2. 2
        Zoal sai

        البنغالي رجع تاني…

        الرد
      3. 3
        أب لمبة 💡

        شطفني حاول حس بي
        شطفني وارمي اللوم علي
        شطفني يا حلو العيون
        حيرني دعكك يا حنون
        شطفني والكاين يكون
        …………….
        بفرق كتير وينحسب كل يوم بدون تشطيفة في الممر
        يفرق كتير ابشعرا سبيبي عن اب شعرا كوم بعر
        شطفني ساي من غير كلام
        صابونك لزج جدا يا غلام
        …….
        لو شفت كيف مروا الليالي
        حال الفسابكة الشالوا حالي
        بتذكرك انا وحمام الستشفى مع العصاري
        همسك وصمتك وشطيفك في خيالي
        بتزكرك انا والهواجس والظنون

        الرد
      4. 4
        Atbara

        اقعدو ناقرو البت كده لمن ترفع فيكم قضيه

        الرد
        1. 4.1
          سوداني اصيل

          هههههههههههههههههه

          الرد
      5. 5
        أب لمبة 💡

        السلم ما شغال لانو في ناس مشطفين كرعينم بتنقط موية على السلم و تتسرب الموية لدوائره الكهربائية فيتوقف عن العمل
        فشنو
        لو الناس بطلت شطيف قبل صعود السلم او نشفوا كرعينم بقمصان من شطفوهم قبل الصعود فلن يتعطل السلم
        بعدين العروس الغيرانة منها دي ماشة لراجلا يشطفها على سنة الله و رسوله ومن حق اهلها يفرحوا ويغنوا ويكوركوا ويضربوا جبخانة كمان
        كعبين البتشطفوا كيري ساكت

        الرد
      6. 6
        أب لمبة 💡

        نسيني الدنيا نسيني العالم
        شطفني حبيبي وسبني اروح معاك ممر الحمام
        لو الف الدنيا حمام حمام
        مش ممكن زي قوام صابونك انت الاقي قوام
        لو اقولك اني بحبك الحب شوية عليك
        لو ثانية انا ببعد عنك برجع مشتاق لايديك
        شطفني خليك وياية
        ادعكني ودوب في هواية
        تعال نروح اجمل حمام
        كان اجمل يوم في حياتي
        يوم شطفتني ياحياتي
        ماقدرتش اتحمل من غير ماافكر لحظة لقيتني بدوب في هواك
        خدتني من كل الناس
        عشت في اجمل احساس
        ونسيت ياحبيبي الدنيا معاك

        الرد
      7. 7
        المكتوى بنار الغربة

        دائمآ نظرتك تشاومية يعنى شنو لو سلم كهربائي معطل بس دا الوحيد اللفت نظرك
        خليك دائمآ متفائلة وكما قال الرسول صلى الله عليه وسلم تفاولوا الخير تجدوه أو كما قال صلى الله عليه وسلم

        الرد
      8. 8
        كرباج

        ههههه
        اب لمبة العصيان ما جاب حقو
        إتصلت في بنات الناس شعرا و نثرا
        قرط على كدا

        الرد
      9. 9
        ودبندة

        ديل بنات بني عثمان ..جريدة التيار كلهم افكارهمن خبثة واحدة مهتمه بالواقي الذكري والتانية .كل اهتماماتها باحمامات.حيث العمال المستضعفة هناك.

        الرد
      10. 10
        Um- khalid

        والله على ما اظن انا كنت كاتبة تعليق في هذا الموضوع ممكن اعرف وين راح ؟؟؟!!!
        وبالحرف الواحد كنت ضد موضوع الاخت ونبش اسرار وطنها على الملأ فإذا صرتم يا اصحاب الموقع تحذفون كل تعليق من غير سبب اظن مافي داعي لتعليقاتنا على مواضيعكم !!!!

        الرد
      11. 11
        حس

        عيون فيها حزن خفي
        وناس تتشطف ما تتنشف بنغالي والنوم طوالي
        النوم القاصدنوا نعسان عيون مش دخان وشاف وصواني بخور تيمان ومن اليوم داك
        جاني الجاني
        خلاني فتران ماقادر أمد كراعي للبنغالي إشطفها بالصابون اللزج (شنو لزج أوووووف أنا أنسحب من التعليق كنت داير أمزح إتزلقت زلقه وقع واطة
        وش عفريت لابس طاقية زول شفت

        الرد
      12. 12
        ابوظافر

        كلامك صاح يا um Khalid فى ناس بقصدوهم عديل لانهم بيدوهم على راسهم.. لا بعرفو لغة ولا قواعد ولا صياغة ولا املاء ولا محتوى خبرى وغير الكلام الهايف ما عندهم موضوع.. واضح القائمين على هذا الموقع متسلبطين ساكت وبدون مؤهلات حقيقية حتى لو خريجين جامعات!!

        الرد
      13. 13
        حيدر

        أقسم بالله البت دي مريضة وجاهله. بالمناسبه هي متزوجه ولا لا ؟؟؟

        الرد
      14. 14
        ود ربك

        ” ينقسم البشر الى فئتين
        _ الأولى هي فئة المحدودي الذكاء والتانية فئة الأكثر ذكاءً
        إن افراد الفئة الأولى هم أسعد من افراد الفئة الثانية .. أي أن الإنسان العادي المحدود الذكاء يستطيع بسهولة أن يظن أنه فذ وأنه أصيل .. و يمكن أن يطمئن إلى هذا الظن و يسعد به ..
        فهو يكفي أن يكتشف في قلبه ذرة عاطفة إنسانية و طيبة حتى يتأكد فوراً من أنه لا أحد يشعر بمثل هذه العاطفة .. و أنه رائد من رواد التقدم الإنساني
        و يكفي أن يسمع فكرة من أحد الناس أو يقرأها في أحد الكتب حتى يتخيل أن هذه الفكرة خاصة به .. نابعة منه .. قد نبتت في فكره و خرجت من رأسه ..
        هو لا يراوده شك في أنه عبقري بل أكثر من عبقري … و يبلغ من قلة شكه في هذا أنه لا يطرح على نفسه هذا السؤال أصلاً . ”

        دوستويڤسكي ” الأبله “

        الرد
      15. 15
        zool

        ياخ انتى عسل والله يا سهير عبدالرحيم … استمري وبالتوفيق ان شاء الله

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *