سياسية

شوري الحركة الاسلامية بالجزيرة يطالب بإعفاء ايلا


عقدت الحركة الاسلامية، مؤتمر الشوري بولاية الجزيرة ظهر امس الاول بودمدني، بحضور اكثر من 200 عضو بقيادة وفد من المركز برئاسة مهدي ابراهيم.
وشن المؤتمرون هجوماً على والي الولاية محمد طاهر ايلا و حكومة الولاية التي وصفوها بالبعيدة عن مبادئ الحركة الاسلامية وعن تزكية المجتمع، وأشار عدد من المتحدثين الى اهدار الموارد المالية في مهرجانات الرقص والغناء والصرف على المغنيات وشركات بعينها احتكرت ما يطلق عليه مشاريع التنمية، وانشغال الوالي باحتفالات تكريمه في المحليات.
وهوجم معتمد المناقل الذي تصدى بالدفاع عن ايلا، حتى غادر مكان المؤتمر الذي لم يحضره والي الجزيرة، وطالب مؤتمر الشورى في ختام توصياته بإبعاد الوالي ايلا اتقاء للفتنة التي انطلقت من المناقل، حفاظاً على النسيج الاجتماعي ووحدة صف الحركة الاسلامية كمرجعية للحكم.

مدني: حسن وراق
صحيفة الجريدة


‫18 تعليقات

  1. الجزيرة بعد أن كانت أرض القرآن والمحنة والأخلاق الحميدة، حولها دكتور إيلا لأرض الرقص والاختلاط والغناء. وخير مثال شاهدوا فضائية الجزيرة. ماذا عمل لطريق الموت الخرطوم مدني! الملاريا! صحة البيئة! الفقر! الصحة! التعليم! …. لا شيء لا شيء رغم الدعم الاتحادي له بمبالغ طائلة لكنها ذهبت هباء واستفادت منها شركات أبنائه وأقاربه فقط.

    1. باين عليك راس السوط حق ايلا لحقك تكوركوا سااااااااي يافاسدين …ايلا قاعد على قلبكم ….
      حتى لو فاسد برضو مواطني ولاية الجزيره عايزنو … ورونا حتعملوا شنو..
      الا تشوفوا ليكم بلداً تانيه غير الجزيره………..
      هههههههههههههههههههههههههههههههههههههه

  2. الغريب و المدهش مرور أكتر من والي فاشل و لم تحدث مثل هذه الزيطة و الزمبليطة و الصراخ و العويل من هذه القيادات
    بعدين الرقص و الغناء دا ما شغال من زمان
    مش إنتو الصدرتو انصاف مدني للخرطوم
    بعدين شنو يعني شركات بعينها
    و لنفرض دا حصل الولات القبلوا عملوا شنو لا جابوا شركات بعينها و لا أذنها عشان تعمل تنمية
    و انتوا كنتوا وين لمن الالاف كانوا يصرفوا مرتبات باسماء وهمية
    أضرب بيد من حديد يا إيلا طالما جماهير الولاية معك

  3. انجازات ايلا لا يمكن شطبها بجرة قلم اما ما تسمونه فسادا فالسودانيون يسمونه لهو بريئ و كله في العلن و ضمن موروث و ضوابط و عادات المجتمع السوداني الذي يمقت التطرف..الاماكن التي كانت اوكارا للممارسات الخاطئة و تعاطي المخدرات و المسكرات اضاءها ايلا و صارت الاسر ترتادها و ضاقت الفرصة على من يمارسون الفساد في الظلام ..حسيا و معنويا

  4. حركة اسلامية بتاعت شنو؟؟ وتزكية مجتمع شنو البتتكلمو عنها؟؟ دي حركة وهمية اتخدعنا بيها 80 سنة…الخرطوم مافيها مجتمع للتزكية؟؟ شوفو العهر المالي البلد والمخدرات الانتشرت في زمنكم اكتر من اي زمن مضى..منافقين كذابين

  5. الله أكبر ، هذه المرة وكل مرة جاءوا من باب الدين واتقاء الفتنة وقال ايه حفاظا على النسيج الاجتماعى ، يا فاسدين يا نهابين اذا كانت مبادىء الحركة الاسلامية هو محاربة كل ناجح والوقوف بالمرصاد لكل صادق فعلى الاسلام السلام ، هذا الرجل منذ مجيئه وبشهادة أهل الجزيرة الضعفاء منهم قبل المتنفذين هذا الرجل صادق فى توجهه وقبل كل شىء صادق مع الله مع نفسه ومع الناس الا اذا كان اسلامهم شىء واسلامنا شىء آخر ، الرجل وقبل التنظير والفلسفة منذ حضوره له انجازات على الأرض لم ترها الجزيرة منذ الاستقلال وحارب المتنفذين والدولة العميقة الذين لا يريدون خيرا للجزيرة بل نصبوا اعينهم فى النهب والسلب فى رابعة النهار ومعروفين للقاصى والدانى وكنس سرقة المال العام وتنظيف الخدمة المدنية من المنتفعين الذين لا يريدون تقدما وانجازا بل يريدون ذهاب ايلا للعودة الى مكتسباتهم وسرقة المال العام جهارا نهارا بتوزيع الأدوار بينهم ، ومهرجان السياحة التى يقيمها ايلا لا تكلف الولاية فلسا واحد بل تقوم بها الشركات الراعية واحدثت حراكا اقتصاديا واجتماعيا كثيفا بدون مقابل وكذلك وجه اغلب ميزانيات الولاية والتى كانت اغلبها تذهب الى جيوب المفسدين فى الخدمة المدنية وغيرها الى رصف الشوارع والانارة والصرف الصحى على قلتها فاحدث واقعا يتحدث به الناس ، وماذا يضيركم ايها الحاقدين لو تم تكريم الرجل هنا او هناك وتشجيع النجاحين بدلا من تثبيط الهمم وتطفيشه حتى يقدم استقالته ويتم مرادكم ولكن هيهات هيهات الرجل قاعد فى قليكم حتى تنظيف الجزيرة من بؤر الفساد والمفسدين .

  6. سبحان الله يحي العظام وهي رميم ،وين من زمان ولا عشان ايلا حماكم تسرقوا يا حرامية هههههه الكلام دخل اللحم الحي الحرامية قالوا واااااااي،هيييييع عافي من يا الكلس حفيد عثمان دقنة

  7. يا جماعة ايلا قفل كل مدخل للسرقة،،، نحن كمواطنيين مبسوطين من ايلا شديد ومافي أي فتنة، بس سرقه بقت مافي ليكم.،،بيعو ممتلكاتكم واكلوا من سنامكم،،،
    يحكي أن واحد من الجماعة قبل وصول ايلا للولاية يبني في فيلا خاصه به وجاري العمل فيها بصورة سريعة،، فجأة وصل ايلا وصاحب الفيلا مصر امورو جاطت،، أسى منتظر ايلا يتخارج من الولاية عشان تاني يبدأ النهب،،
    يا من تريدون إعفاء ايلا.، انتم أهل للنهب والسلب لموارد الولاية والتي لم تستفيد من وجودكم طول الفترة الماضية،،
    انتم وهم فعلا تحبون أنفسكم فقط،، يا ايلا اضرب من حديد،،
    على فكرة حكومة المركز تعلم خبثكم وجبانتكم،،
    والعهد الانتو بيتكلموا فيه دا انتهى،،
    انتم ركبتو الماسوره،،
    نحن يا عمك البشير دايرين ايلا،، والجماعة ياهم حرامية فقط،،

  8. غير سكان الجزيرة والمتابع للتعليقات دي بفهم الحاصل وهو :
    إيلا زول كويس
    الناس ديل حرامية وتافهين
    دايرين إمرقوا وإكرهوا فيه الناس
    على الناس كجماهير الجزيرة ومواطنيها أن تتمسك بواليها مادامت شايفة إنجازاته
    وهو كمان إتخلص من نرجسية البطل دي وإقعد في الواطة لضمان تنمية مستمرة وشوكة حوت للحرامية
    أرجو أن أكون وضحت الفكرة
    تسلموا

  9. ديل الفاسدين … ايلا قفل في وجههم كل الطرق بتاعت اللغف والسرقه والنهب والسلب الان دايرين يقبلوا عليه ويزحوه من طريقهم والله اذا ماعملو كده كنت حاستغرب …دي ماركه مسجله للكيزان ….الفساااااااااااااااااااااااااااااااااااااااااااااد ….
    من كل النواحي فساد اخلاقي واجتماعي ومالي الخ…………………….
    والله ايلا ده المفروض يشيلوا عمر البشير ويختوه محله اذا اصلا في ناس بتفهم………………

  10. الجزيرة والاسف هي ارض الكفر والشرك .. ارض الاضرحة والقباب .. ارض عبادة البشر احياء واموات.. الا من رحم ربي .. اسألونا نحن اولاد الجزيرة .. ومافيش داعي نفصل .. فخلونا من الحركات الارعة ..ايلا نعمة يمكن نكون عشان افعالنا ما بنستحقها .. الله يكون في عونوا وعون ناس ااجزيرة الغلابة ..

  11. كلنا ايلا لا للحرامية الذين يبكون على ابواب السرقة التى كانوا يلجون اليها بعد ان اوصدها امامهم قائد النهضة والبناء بالولاية سبعة وعشرون عام تحكمون ولم تقدموا ما قدمهم ايلا فى يوم واحد فقط لانكم تكنزون الخيرات لكم نحن فى ولاية الجزيرة كلنا ايلا ومع ايلا وبايلا لا للحرامية نعم للتنمية نعم للبناء نعم للتعمير نعم للنهضة نعم لايلا الى الامام القائد الهمام ايلا

  12. كل من يحاول اعفاء ايلا فهو مجرم ومختلس وفاسد
    اذن مكمن الفساد في الحركة الاسلامية نفسها
    حسبي الله ونعم الوكيل
    ونحن ان شاء الله نحمي ايلا بارواحنا

  13. و الامانة والصدق اليستا قيمتان اسلاميتان
    الحركة الاسلامية الاخوانية ينقصها فقط الامانة والصدق والتأهيل العلمي!

  14. ماذا فعلتم بمدني يا فاسدين عشرات السنين وتنهبون في الاموال ….ما رصفتم كيلو مما فعله ايلا ….كل حكامكم غير الزواج والرياضة والرقص ما عندهم شيئ وجاء المجاهد الفاسد الذي عاث في الجزيرة الفساد …ودروش وكمل روشته وذهب … خلاص مواطن مدني قد انتبه من غفلته وعرف الفاسدين المفسدين … اي تزكية يا زواج التراضي اي تزكية من يلغون شريعة الله وينادون بحرية الاعتقاد ….. كفى حسبنا الله ونعم الوكيل ….منكم لله

  15. وبعدين معاك يا بتاع (الإخوانية) أب كوبس واسع وبه لمبة قلووظ مقاس 50000 ضاربة، إخوانية دي عايز تحاكي المصريين وللا تحرشهم، أبو كوبس إنت.