مداراتمنوعات

عروس سودانية تشعل حفل “رقيص العروس” برقصة جريئة امام زوجها وتجعل الجمهور يهتف: مبالغة.. فيديو


تداول مستخدمو منصات الإنترنت في موقع يوتيوب ووسائط وتطبيقات الهواتف وصفحات التواصل على نطاق واسع فيديو لعروس سودانية ترقص أمام زوجها بطريقة جريئة أدهشت الحضور حتى وصاح بعضهم (مبالغة).

وعلى أنغام أغنية ست الودع التراثية أبدت العروس وهي ترتدي أزياء الجرتق بصورة محتشمة مهارة عالية في إجادة الرقص مما اثارت إعجاب الحضور ومشاهدي الفيديو على منصات الإنترنت.

وقال أحد المعلقين على الفيديو المرفق من موقع يوتيوب بحسب متابعة ريم منصور محررة المنوعات بموقع النيلين (هذه عادات السودانيين ،، أتحدى اي واحد فيكم ينتقد الرجال و لا الحرمة انو امه و لا اخته في زواجها ما رقصت زي كذا انا من اب اماراتي و ام سودانية هذه اسمها الجرتغ بالسوداني او رقيص العروس).

وما زال بعض أهل السودان يحتفظ بعادة (رقيص العروس) المتعارف عليها في مناطق واسعة بالسودان, حيث ترتدي العروس ملابس الجرتق وترقص برفقة زوجها والذي يرتدي الزي السوداني التقليدي المعروف (الجلابية)، فيما يستهجن الكثيرون هذه العادة ويرفضون طقوسها في حفلات زواجهم.

وتشير ريم منصور محررة المنوعات بموقع النيلين أن (رقيص العروس) يجري في شكل لعبة يحاول العريس من إلتقاط زوجته قبل أن تسقط أثناء الرقص وتسجل (قوون)لصالحها ويطغي عليها أسلوب التشجيع بين أهل العروسين في من سيغلب الآخر وهي مشاهد معتادة في نجوع السودان وجسدها الفيلم السينمائي السوداني الشهير تاجوج.

طقوس الجرتق نفسها ظلت ماركة سودانية خالصة حيث لايوجد شعب في العالم يقوم فيه العريس بشرب الحليب وإعادة رشه في وجه العروس تقريباً إلا الشعب السوداني.

ريم منصور
https://youtu.be/Y2ygESlRkN8


‫32 تعليقات

  1. عادات جاهليه من عادات الشماليين ..مسخره…اهل الشرق مثلا من بني عامر وبجا عندهم عيييييب

    1. زي ما انتي شايفة عادات الشماليين دي عيب … انتي عندك عادات الشماليين بشوفها عيب ….

      يعنى ما في داعي للكلام دا … عشان ما ح نصل لي نتيجة !!!

    2. يا (شرقية) …
      نحن و ناس الشرق حبايب و ما في داعي لكلام الفتن دا (عييييب) ….
      و نصيحتك و ملاحظتك مقبولة … و سنعمل علي تلافي عاداتنا الجاهلية …
      بس ممكن تكلمينا (شوية) عن رقصة السيف عندكم التي يؤديها الشباب و الفتيات كتف بكتف .. و هل تتركز أساسا علي ابراز جمال صدر و عنق الفتاة و مرونة الجسم !! أم ماذا ؟؟ ؟؟
      و البادئ أظلم !!

    3. يا شرقية احسن تسكتي والله لو فتحنا عليك حينفتح عليك نار جهنم …. عادات الشماليين ..الحمد لله انها عادة رقص ما حاجة تانية …
      بني عامر قالت اسكتي احسن ليك يا نص مكنة ولا امشي ارتريا بتاعتك …

      1. احسن نبقى أعقل منها … و ما في داعي للكلام دا يا أبو خالد … نحن و الشراقة حبايب .. بعدين احتمال كبير واحد (من الجماعة ) منتحل الاسم دا عشان يعمل فتنة بس …

    4. لكن رجال الشرق بيرقصو بصلبهم والواحد يبقي ذي الدودة… دي الرجالة؟!!!

  2. رقيص العروس ده حاجة عادية جدا. فقط العيب في حضور الرجال.

  3. العيب الكبير في تسريبات الفيديو ده عبر وسائل التواصل الاجتماعي و الإنترنت
    ربنا يبارك لهم و يهديهم.
    أرجو أن تكون التعليقات في عقلانية و تروي

  4. يا سلام .. اختك او مرتك رقاااااصة عديل ورشيقة ( يعنى جسمها حلو ومقسم ) ..
    وشكرا ليك اديتنا فرصة نشوف النعم دي كلها ..
    شايلة حاجات مباااااالغة ..
    ..
    اها ..
    تعليقى دا كيف معاكم
    يا اخوانا اختشوا ..
    ..
    اهلنا زمان بيتواصلوا بالحمير ..
    نقوم طوالي نرفض العربات ونقول عادات دخيلة .. والحمير تقاليدنا وتراثنا ..
    ..
    ..
    التراث السوداني اهم مافيهو الرجالة وحرارة القلب ..
    دي كان راحت ..
    ارقصوا ساي ونحنا نصفق مع ( الحمير )..
    مبااااالغة انتو البتصورو ديل ..
    ملحوظة ..
    والله العظيم ما فتحتا الفيديو لانو حسيت في اخوها او ابوها ما حيكون راضي .. وانا ما خاين

  5. رقصة العروس طقوس نسائية لا يحضرها من الرجال غير العريس …
    المشكلة في تصوير و تسريب الفيديو … باختصار …

    يعنى الموضوع لا يحتاج لمقدمة ابن خلدون بتاعتك دي ….

  6. بصراح الموضوع اخطر من خطير ولو الناس فهمت ووعت وخلت الكلام الفاضي اكون احسن لينا ولي سودانا ودا ياهو الجايب لينا المصايب في البلد ي جمعت الخير احفظو عروض الناس عشان الناس تحفظ عروضكم . يوم ليك ويوم عليك . بس المشكلة كلها بتقع في السودان حظر ومنع وامور كدا كلها جاية من الحاجات الزي دي ونحنا ما ندري

  7. لمااااااااااااااااااااااااااااااااااااااااااااااااااااااااااااااااااااااااااااااااااااااااااااااااذا تنشرو مثل هذه الاخبار اتقو الله تعالي فإنة سائلكم

  8. يا ناس النيلين، انتو عايزين تلموا الضبان باخباركم (السكر) دي …
    بس في النهاية أي قروب واتس أو موقع فيسبوك ح ينافسكم !!
    (يا ربي ح ينشروا التعليق دا … ولاّ النصيحة حااااااارة شطة) !!

  9. ادات جاهليه من عادات الشماليين ..مسخره…اهل الشرق مثلا من بني عامر وبجا عندهم عيييييب <<يشمك كلب

  10. انتو بتتكلمو عن العادات رصلا مافي رقيص مراة ولا حفله واي عادات مخالفة للشريعة تبقي حرام مش تشرعو من راسكمو ساي

  11. ي حليل زمن العروسه الماقادرة ترفع عينا من شدة الخجله
    حلييييلو
    ربنا لا تبلغنا زمن #الفتن

  12. شاهد شخص هذا الفيديو ووجد ان العرسان من اهله وقرر ان يرفع شكوى ضد النيل ويتتبع رافع الفيديو لتقديم شكوى ايضا ادارة المصنفات ..
    اعتداء صارخ على الحياة الخصوصية لافراد المجتمع ,, والان هذا الرجل اذا ماذهب اي اي مكان عزابة سيجدهم يتونسون عن هذه العروسة ,,
    كما حدث مع احد المعارف قبل الوسائط وانتشار شرائط الفيديو السودانية للاعراس .. جاء صدفة مع صديق له عند عزابة وكان يشتغل فيديو عرس فواحد من الجماعة بالطبع لا يعرف المرافق قال اخونا دا ادبس دبيس بنت كلب البنت دي انا بعرفها وكلعت مع كم واحد .. انتفض الرجل وخر واقعا فافاقوه ومن ثم خرج على التو وفي الطريق اخبر صاحبه ان هذا هو شريط عرسه وهذه مراته ابنة عمه وهي اصلا لم ترى الخرطوم حياتها كلها في مدني ومن البيت ما بتطلع فهدأ الرجل من روعه واوصله ومن ثم عاد وهو غضبانا وسال الذي قال انه يعرف العروس وطلعت مع كم واحد اتعرف من اين هي .. قال ايوا في الخرطوم ومن بحري المزاد .. فصفعه كف حتى كاد يغميه تدخل الحضور وامسكو به فقال لهم هل تعلمون ان صاحبكم هذا كاد ان يؤدي بحياة شخص ويخرب بيته هذا الشريط هو شريط زواجه ولا يعرف كيف تسرب وكاد ان يطلق زوجته لو لا تعقل واستعمل صدق معرفته بالبنت لانها بنت عمه ومن مدني .فاخذ الجلوس الشريط واعطوه له وتاسفوا له ودعوه وهو وصاحبة لوجبة عشاء لتصفية الموضوع ..
    فيا ايها الذين تنقلون اعراض الناس توبوا لى الله وخافوا ان يفضح عرضكم كما تفعلون بالناس من منكم غدا يشاهد عرس اخته ولا اخيه هنا في نفس المكان

  13. ربنا يهديهم هم في غفله
    من الموت من يعصي الله الا جأهل قال تعالى ((وَمَا قَدَرُوا اللَّهَ حَقَّ قَدْرِهِ))ِ

    1. عندهم شافعين … و ديل يا دوب جايبين القيديو …. برة الشبكة خالص يعني !!!

  14. ده زول جاهل ورجالة سودانية ساي ما المفروض يخلي زوجته ترقص قدام الناس بالطريقة دي

  15. عادات وتقاليد رقصه العروس وسط الاهل لكن ليس ليبدي الرجال اعجابهم برقيص زوجتك ياديوس ونشؤ المقطع
    الناس نسو انفسهم ونسو دينهم اعوذ بالله من غضب الله

  16. اتقوا الله يا ناس النيلين، ما فتحت الفديو بس شفت العنوان و حبيت أقول ليكم ما في داعي لنشر صور الناس الخاصة و اعراضهم، و اتذكروا الآخرة قبل م تنشروا أخبار زي دي

  17. اتقوا الله يا ناس النيلين، ما فتحت الفديو بس شفت العنوان و حبيت أقول ليكم ما في داعي لنشر صور الناس الخاصة و أعراضهم، و اتذكروا الآخرة قبل ما تنشروا أخبار زي دي

  18. في حاجه الناس مابتلاحظ ليها ..تصوير المناسبات الخاصة ورفعها على النت.. والله جد الكلام ده خطير ومعظم البقومو بالتصوير بكونو مامن اصحاب المناسبة؟؟؟

  19. البلد دي الغيرة فيهاانعدمت أنامتزوج شمالية والله شهادة لله الغيرة العندم مالقيت ذيها مامجاملة للجعلين خصوصا غيرتهم شديدة للعرض