سياسيةمدارات

نائب رئيس جنوب السودان: (حقو الواحد يمشي الخرطوم يأكل فول أبو العباس ويرجع)


بدأ النائب الأول لرئيس دولة الجنوب تعبان دينق لطيفاً مع الوفد السوداني بقيادة الوزيرة سمية أكد الذي سير قافلة إغاثة لمجلس الشباب العربي والأفريقي إلى مدينة جوبا أمس الأول ..

تعبان عقب كلمة سمية مازح الحضور بالقول (الزول الماصايم يتفضل يشرب موية) حيث كانت (قوارير) المياة أمام الجميع .. وقبلها قال تعبان للسفير دشنت نشاطك بعمل كبير ..الطريف أن تعبان قال :إن نفسه في فول أبوالعباس وأضاف (حقو الواحد يمشي الخرطوم خميس وجمعة يأكل فول أبو العباس ويرجع).. وكذلك دعا الوفد لتمضية يوم أخر (ياجماعة حقو تبيتو معانا).

اخر لحظة


‫18 تعليقات

  1. جيتنا وفيك ملامحنا، مرحب بيك في أي لحظة وكل يوم لا تخشى إلا الله والذئب على غنمك، لكنك بدون مشار ضعيف وأمرك بيدهم فتوحدوا يا نوير، اللهم أعز الإسلام بالنوير، اللهم أعز الإسلام بالنوير، اللهم أعز الإسلام بالنوير فهم قبيلة سامية النفس عزيزة شجاعة لا تتسول ولا تقبل الذل، وعبارة اللهم أعز الإسلام بالنوير أطلقها حسين خوجلي قبل 20 سنة.

  2. معليش يا اخي عمر المسامح كريم وقوتنا باخوانا الجنوبين
    بفهمونا وبنفهمهم والنبي وصى للجار وانت لو مشيت جوبا
    يوم انا متاكد بتغير رايك فيهم الجنوب فيه الاستواءيين ناس فيهم كل الصفات الحلوة وانا سافرت جوبا عشرين مرة والله .كان ذلك قبل الانفصال .

  3. فعلا الجنوبيبن فيهم ناس طيبين وخاصة ناس الاستوائية و للاسف السياسة هي التي فرقت بين الشعبين
    في عام 2001 ذهبت لجوبا لأداء الخدمة الوطنية لمدة شهرين على ان اكمل باقي الخدمة في الخرطوم حسب التعليمات واول ما وصلت جوبا اعجبت بها جدا و في يوم من الايام وانا راجع من العمل ( كدراي ) جاء واحد من منسقية الخدمة الوطنية وراكب موتر فوقف لي وقال لي اركت وكنت اتعرفت عليه قبل يومين فقط فركبت معه و في نفس اللحظة وقع مني الجزلان وفيه مبلغ بسيط (40 الف) ومعه بطاقات طالب وخدمة وطنية ، المهم بعد ما وصلت البيت بقيت افتش للجزلان ما لقيتو وما خليت محل، بعد يومين احد اقربائي سمع اسمي في اذاعة جوبا وكان اعلنوا عن جزلاني المفقود ذهبت لهم في الاذاعة ولم ياخدوا مني ولا جنيه للاعلان وقالوا لي الجزلان دا لقاه واحد اسمو انجلو في شرطة المحاكم ، مشيت لانجلو وقال لي انا لقيت الجزلان و وديتو لمركز الشرطة ومشى معاي لمركز الشرطة فوجدت الجزلان كامل بمبلغه و كل مافيه واديتو الفيها النصيب ومن اليوم دا قررت اكمل ست اشهر في جوبا بدلا من شهرين

  4. ومن قال لكم أن الإغاثة بتصل للمحتاجين؟ الكيزان يبيعون الاغاثة القطريه بتاعة السيول في سوق ليبيا وأما سلفاكير سوف يقدم الاغاثة الكيزانيه إلى دعم متمردي الحركه الشعبيه قطاع جبال النوبه وقطاع عقار وقطاع عبدالواحد – الكيزان والحشرات الشعبيه كلاهما جسم رماد – مع ملحوظه أن الجنوب دوله غنيه لا تحتاج إلى اغاثه

  5. الله يلعن السياسة اللى فرقت بين شعب واحد ووطن واحد.. من كنا جنوبى او شمالى لم يحن لوطنه الكبير.. ياما دول عظمى كألمانيا انقسمت لسنين عددا حتى أصبح بينهما جدارا عازلا ولكنها فى الاخر عادت كما كانت فى سابق عهدها وطنا حدادة مدادى.. الشعب هو الشعب ولكن السياسة الخرقاء هى التى فرقته.. فبعيدا عن السياسة وتوابعها مرحب بك الوزير تعبان دينق

  6. نثمن دور الحكومه فى تعاملها بحكمه ورؤية ثاقبه مع دولة الجنوب

  7. لا مرحبا بهم ولا شي انت لو جزلانك رجع دا م معناها في ناس ماتت في احداث قرنق مثلا ولو عايز تعد سنين م تنتهي لا طيبين ولا شي وبعدين الانفصال الاختارو منو نحنا
    مفروض من حقنا نعاملهم اجانب من غير اي امتياز لانهم هم الاتخلو عن حقهم في البلد دي
    المسامح كريم بس والله م بستاهلو كرم اسالني انا كنت مهندس تابع لي شركه طرق وجسور اشتغلت في الجنوب قبل الانفصال حتي والله عسكري سكران قلع خيم المعسكر ولمن اشتكينا ي ريت لو م اشتكينا
    الموضوع بسيط ماعايزنكم تاني عايز فول امش مصر ولا خلي موسفيني يجيبو ليكم بي زيت رصاص

  8. الجنوبين بيعملوا بسياسة أنا وأخي على بن عمي وأنا بن عمي على الغريب …شعب غدار أول ما يشبع يقبل عليكم والمواقف كتيرة …. إلا بالحق وين باقان وزمرته … ياتعبان الفول خليتو مصلح .. تفتش عليهو بووووووش

  9. للأسف كل قوافل الإغاثة حولوها للمتمردين وذلك بشهادة المنظمات الدولية التي استنكرت ذلك في جوبا وقالت انها خيانة للشمال. لكن نحن دائما سذج وعبطاء بدليل ان الاغاثة سوف تستمر والحدود سوف تستمر مفتوحة..

  10. يبدو ان تعبان دينق
    لم ينسي حادثة اغتصابه من قبل
    فرقة خاصة من جهاز الامن السوداني

  11. يمنع منعا باتا دخول اي دينكاوي او نويراوي او شلك او اي قبيلة جنوبية الى السودان … خليكم في الخرابة بتاعتكم

  12. انتم تحنون للوحدة ياتعبان وليس فول ابوالعباس قدامكم فرصه احسبوها ي اخدموا شعب الجنوب واتركوا الاقتتال او عودوا الي رشدكم ووحدتكم

  13. بركه شنو البتزورك من كافر يا ام خالد يا سجمانه يارمدانه……ديل حثاله الناس ……

  14. هو حسبن خوجلي المابيشبه الرجال كلامو زي………..الكبير دا. قال ايه قال اللهم انصر الاسلام بالنوير……نوير شنو البينصروا الاسلام يا دلوكه