زواج سوداناس

منع مواطنين من الجلوس في الشارع ليلاً بالخرطوم (3)



شارك الموضوع :

عبّر مواطنون بالخرطوم (3)، عن استيائهم نتيجة منعهم من الجلوس بالشارع ليلاً أمام منازلهم من قبل نظاميين، وقال المواطن محمد الفاتح مجذوب لـ (التيار) إنّه تعوّد على الجلوس بالقرب من منزله في المساء بحي الخرطوم (3) بالقرب من نادي الأسرة رفقة بعض الجيران، وأكّد أنّه تلقى تهديداً من قبل نظامي برتبة ملازم كان برفقة آخرين، حيث منعه من الجلوس بتلك الطريقة، وقال له: “تاني لو لقيتك قاعد هنا برفعك”، وتكرر الأمر أكثر من مرّتين، وتساءل المواطن مجذوب عن سبب منعه من الجلوس قائلاً “هل الدستور يمنعني كمواطن من الجلوس أمام منزلي ليلاً؟ ومضى: إذا كان ذلك ممنوعاً فإنني سأغادر هذا البلد”، وقال إنّ سبب جلوسهم في الحي ليلاً هو المُراقبة نسبةً لتعرضهم لسرقات مُتكرِّرة في أوقات مُبكِّرة.

الخرطوم: حاج موسى إبراهيم
صحيفة التيار

شارك الموضوع :

تعليقات الفيسبوك

تعليقات


9 التعليقات

إنتقل إلى نموذج التعليقات

      1. 1
        mukh mafi

        دا نظامي مفتري وما تسمعوا كلامه وخلي يرفعكم وتمشوا القسم وناس الحي يتضامنوا معاكم ويقوما محامي عشان يقعده في علبه .. الا تكونوا قاعدين تعاكسوا النسوان الماشات برجولهم ..

        الرد
      2. 2
        أرفع راسك فوق فأنت سوداني

        بالنسبة لmuck mafi في داعي تقول النسوان ماشات برجولهم يعني ح يكون ماشات بيدهم .و للمواطن محمد الفاتح مجذوب ياخوي انت فهمت الحكاية غلط (برفعك) دي فيها تورية

        الرد
        1. 2.1
          ودشيطوره

          يا بتاع التورية انت…. شكلك مافهمت مخ مافي…. ماشات برجولهم هنا يعني ما ماراكبات عربيات (فهمت ولا لسه).

          وبرفعك دي معناها بطلعك فوق البكس وبوديك الحراسة…. صحيح كل إناء بما فيه ينضح

          الرد
      3. 3
        ودبندة

        المواطن قال نراقب لاننا انسرقنا اكثر من مرة ..مش ممكن وجود المواطن بصوره شبه دائمة بالشارع يعيق عمل الشرطة في مراقبث نشاط اللصوص.
        وعمك دا خلاص البيت بقي ليه ضييق حتي يجلس بصورة دائمة بالشارع وقدامه نادي اسري كبير عريض ليه ما يجلس داخل نادي الاسرة مع كبار السن .
        يمكن الجيران اشتكوا من تواجد الجار المراقب للشارع للناس في الرايحة والجية .
        في عميينك كدا يكرهو سكان الحي بتواجدهم المستمر من تصبح حتي تمسي ياخ اذا جلستم اعطوا الشارع خقة.

        الرد
      4. 4
        Um- khalid

        والله صدق اخونا ودبندة كلامه عين العقل

        الرد
      5. 5
        Atbarawiyah

        وما يدريك لعل اللصوص والحرامية يعرفهم هذا الملازم

        الرد
      6. 6
        Osama

        الكسير ديل شغالين شنو … اكيد نوم بي النهار وصلاة كل الأوقات جمعا والتكيف شغال وأفراد الاسرة يصرفوا من اكل وشراب و كم واحد من الاسرة مغترب ويرسل في الدولارات وهاك يا شمار و … وهاك يا هظار و شراب شاي وقهوة وسجارات وكلام ونقاش كورة وكورة زبالة وإزعاج شديد ويا ريت يطبق هذا المنع علي بقية المشاطات و ننوم بهدوء بدون سرقات ولا حتي منشطات

        الرد
      7. 7
        محمد ابراهيم عبد الرحيم السنوسي

        اتقوا الله يا ناس

        الرد
      8. 8
        أب لمبة

        تحذير :قبل سنوات امسكنا بلصوص في الطائف داخل البيت احدهم شرطي و يحمل كلاشن
        الشباب ديل بارك الله فيهم شكلهم خربوا خطط العصابات عشان كدة رسلوا ليهم الشرطة وشكلوا عندهم ضربة كبيرة و يجب مراقبة والتحقيق مع الشرطة المتورطين

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *