مداراتمنوعات

بعد أن وقعت مع عصام محمد نور وفرفور وفاوضت المزيد من المطربين..المذيعة سلمي سيد “تفرتق” برنامج أغاني وأغاني


على طريقة صراع التسجيلات بين الهلال والمريخ، دخلت الإعلامية سلمى سيد في مفاوضات مباشرة مع (العضم) الأساسي لفريق برنامج أغاني وأغاني.

وبحسب ما قرأ محرر موقع النيلين من صحيفة قوون فقد وقعت سلمى عقودات حصرية بمبالغ كبيرة مع الثنائي جمال فرفور وعصام محمد نور مقابل الظهور الحصري عبر برنامجها الفني الذي ستقدمه على شاشة الشروق في رمضان المقبل.

المعروف عن فرفور كان قد أفصح في حوار سابق عن نيته الانسحاب من برنامج أغاني وأغاني.

يشار إلا أن برنامج سلمى سيد يهدف التوثيق للأغنية السودانية عبر مراحلها المختلفة.

محمد محمد عثمان _ الخرطوم

النيلين


‫14 تعليقات

  1. التوثيق للاغانى إلا فى شهر رمضان
    اتقوا الله ده شهر صيام و قيام

  2. ياناس توبوا في فنانين لين ماماتوا بغنوا زي محمود عبدالعزيز وردي وسيد خليفه واحمد المصفطى رحمهم الله

  3. ياناس توبوا في فنانين لين ماماتوا بغنوا زي محمود عبدالعزيز وردي وسيد خليفه واحمد المصطفى رحمهم الله

  4. اللهم اهدهم الى جادة الصواب وافتح بصيرتهم هذا شهر التوبه والغفران لا شهر الفجور والعصيان…هداكم الله… ومن لم يهده الله فما له من هاد.

  5. الاغاني دي الفالحين فيها
    الله لا يبارك فيكم كل ماتفتح قناة تلاقي غنا
    اعملو حاجة مفيدة

  6. انتو شعب غريب وعجيب
    احكى ليكم حاجة فى سنة من السنين كانت المطربة اللبنانية ديانا حداد جاية تغنى فى السودان والناس قطعوا التذاكر قامت هئية علماء منعوا الحفلة وقالوا دى بتلبس عريان بالرغم من ديانا حداد بتلبس احسن من اى فنانة سودانية والبحكى لى الكلام دة واحد من اعضاء الهئية بعدها بكم يوم جانى يشتكى من مرتة انها سافرت العمرة من غير تقول ليهو اية رايكم ولو مافهمتوا كلامى اوضح ليكم العايز يصوم ويتعبد يبعد من التلفزيون ويمشى يعتكف فى الجامع ونحنا بصوم ونصلى ونسمع الغناء والاعمال بالنيات مش بالتضيق على الناس ياناس

    1. برضو كلامك ما منطقي ولا مقتع يا ابو منذر ، ما عندنا اي اعتراض على البرنامج لو خلاص الغناء اصبح مرض ولازم تسمعوه مع انو الناس دي زاتها العاجبها شنو في البرنامج ده ، كلها اغاني قديمه وسمح الغناء في خشم سيدو ، ارجعوا اسمعوه من اصحابها الاغاني دي حتتذوقو الكلمات والفن على اصولو . البرنامج بيعرض في رمضان شهر عظيم وليهو احترامو وفي زمن صلاة التراويح ، يشوفو غيرو بس اي شهر تاني المانع شنو ؟؟؟ او انو القائمين عليه عندهم اجنده تانيه او عدم احترام

  7. قنوات التلفزيون عبارة عن ( دي جي )
    خواء فكري وثقافي وادبي
    مذيعات ومذيعين غير مؤهلين ثقافيا
    عده هوضوع وعدم القدرة علي ابتكار مواضيع مفيدة وذات موضوعية تخلي
    القنوات تريح دماعها وتملا اليوم بالاغاني حتي يقل الكلام لانهم ما عندهم كلام