الإصلاح الآن: إقامة قواعد أمريكية بالسودان يعرضه لهجمات الإرهاب
أعلنت حركة الإصلاح الآن رفضها القاطع لإقامة أي قواعد أمريكية بالسودان لمراقبة وجمع المعلومات حول الجماعات الإرهابية في إطار التعاون بين الخرطوم وواشنطن.
وقال نائب رئيس الحركة حسن رزق في ندوة بدار الإصلاح الآن أمس إن إقامة قواعد على الأراضي السودانية لصالح الولايات المتحدة الأمريكية يعني تعريض السودان لهجمات إرهابية وزعزعة استقراره بخلاف ما يُقال عن مساعي واشنطن في مكافحة الإرهاب والحاجة إلى مد يد المساعدة من السودان.
ورأى رزق أن الحكومة الآن في أفضل حالاتها في العلاقات الخارجية مع بلدان الخليج العربي، والولايات المتحدة الأمريكية مستدلاً على ذلك بالمناورات العسكرية التي جرت مؤخراً بين الخرطوم والرياض بمدينة مروي بالولاية الشمالية، بينما المعارضة في أضعف حالاتها، وقال: “الحركة الشعبية – قطاع الشمال الجهة الحاملة للسلاح تعيش حالة من الانشقاق عقب الخلافات التي عصفت بها مؤخراً”.
وأضاف أن التعديلات الدستورية الخاصة بالحريات تعتبر عقبة مع عدد من العقبات الأخرى أهمها تقليص مهام جهاز الأمن والمخابرات الوطني وكيفية القدرة على تقسيم “كيكة” السلطة بين الأحزاب المشاركة في وثيقة الحوار .
الخرطوم: الهضيبي يس
صحيفة الصيحة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
ودا طلع لينا من وين رزق دا ؟
اذا كنت تري ان.الحكومة الآن في أفضل حالاتها في العلاقات الخارجية مع بلدان الخليج العربي والولايات المتحدة الأمريكية ولاتعرف السبب فهذه مشكله وان كنت تعرفه فمصيبه سياسيه.
حتى لو الجماعات ما جايبه خبر اهو زى كلامك ده يخليها تتحرك ولكن اطمنك البلد محروسة والشعب السودانى شعب امثال هؤلاء الشياطين لايستطيعون العيش بينه لانه شعب يكره التطرف ويكره الغدر بس انته امسك عليك لسانك والحكومة عارفه بتعمل فى شنو .
والله الحق يقال اول شي عن نفسي م بنتمي لي حزب وبكره شي اسمواحزاب المهم م علينا منهم بس ك وجه نظرانا مؤيد لي كلام الاخ بالنسبه ل موضوع القواعد
اصلاح شنو الآن ؟؟؟!!!
ناويين تصلحوا شنو مامصلح ؟؟!!
قال اصلاح قال .. وكمان قال كيكة قال ؟؟!!
بس عشان تظهر لينا اسم حزبك جبت لينا موضوع من اوهامك ؟؟!!
والله تجينا أمريكا ،، تجينا إسرائيل ،، تجينا نيكا راجوا ،،ما عندنا أي مانع… يجينا إبليس زاتو ما مشكلة . بس تفارقونا إنتو بي دقونكم العفنة دي ، لأنو يمكن ديل كلهم يكونوا أرحم منكم…
وتوفففففففففف علي كروشكم المليانة حرام.
خايف من السيناريو القادم اي والله علشان كده الهضربه بدأت.عارف كويس بل جدا انو إسقاط الدوله معناه اعاده هيكله السودان على يد الكرازي.يعني ادونا قفاكم. زي المثل القائل وشك فى الحيط وقفاك ورا
الاصلاح الان..له وجهة نظر موضوعية.. والسودان بلد مثقل بالجراح ومازوم من بني جلدته للاسف..
ولكن يقينا الان يسير نحن الافضل داخليا وخارجيا..
والخليج هو العمق الاستراتيجي للسودان والعكس صحيح واليمن وعاصفة الحزم خير دليل..
ولذلك يجب علي الدولة ترتيب الاولويات الداخلية والنهوض بالبلد من اتون الازمات المفتعلة وتقديم المشاريع الاستراتيجية.. و
والسودان وطن يسع جميع السودانيين…
ويظل السودان اولا..