سياسية

مناوي: «عرمان» متعالٍ ومفترٍ و«عايزنا نمسك قرون البقرة»


فتح رئيس حركة تحرير السودان مني أركو مناوي مدافع الانتقاد على الأمين العام للحركة الشعبية قطاع الشمال ياسر عرمان. ففيما وصم مناوي, الأمين العام لقطاع الشمال بـ(الديكتاتوري والمتعالي),

قال إنه يحمل عقلية السودان القديم. ورأى مناوي خلال تنوير عبر «الاسكايب» لقيادات الحركة أن الصراع بين قيادات قطاع الشمال شيء طبيعي يحدث داخل القوى الثورية -على حد تعبيره- وقال مناوي بحسب مصادر مطلعة «ما غريب الخلاف بين الثوار خاصة وإنو النظام يدو طويلة لكن المستغرب إنو إنسان زي عرمان كان خامي الناس بإنو يدعو لسودان جديد وديمقراطي يكون يحمل نفس عقلية السودان القديم».وأضاف مناوي «عرمان إنسان متعالٍ ومفترٍ عايز يتحكم في مصيرنا زي ما تعامل معانا في داخل الجبهة الثورية اللي كانت أنحج تجربة في العمل الثوري من حيث التنسيق العسكري والسياسي لكن النتيجة كانت شنو، إنو عرمان بتعاليهو وحبو للهيمنة عايزنا نبقى نمسك البقرة من قرونا وهو يحلب دا اللي أهلنا النوبة فطنوا ليهو لكن بعد فوات الأوان».
ورأى مناوي أن عرمان يسعى لمغازلة القوى الثورية في دارفور لصد العاصفة التي تمر به من أبناء النوبة, وقال «أنا بقول ليهو دي حقارة واستهتار في زول يخش بيتك من غير يقول ليك عن إذنك دا زول موهوم لو بتقدر تعال هناك».

الانتباهة


‫9 تعليقات

  1. هذه هي عقليتكم الفارغة الضحلة الساذجة وهذا هو فهمكم للنضال مع انو أكبر واحد فيكم وأفهم جهابزتكم فهمو للنضال بأن الحكومة بقرة وقرون مع أنكم كلاب ضالة ومجرمين وقطاع طرق ونهابين وقتلة ولا تشبهون السوداني وأخلاقه لعن الله اليوم الذي نفخ فيكم الحياة واصبحتم تتحدثون عن النضال والنضال والنخوة بعيدة عنكم فأنت والحلو وعقار وسجمان تجار حرب ومصاصي دماء عليكم لنعنات الله ورسوله وكل من صلي موحدا

    1. معك في كل كلامك ما عدا قولك (لعن الله اليوم الذي نفخ فيكم الحياة ) فقد أخرج البخاري ومسلم، عن أبي هريرة رضي الله عنه قال: قال رسول الله صلى الله عليه وسلم: “قال الله تعالى: يؤذيني ابن آدم يسبّ الدّهر وأنا الدّهر أقلّب الليل والنهار”، وفي رواية: “لا تسبّوا الدّهر فإنّ الله هو الدّهر”. لذا أردت تنبيه نفسي أولا قبل القراء لهذه المسألة وكتر الله خيرك وصرف عن بلادنا كيد الكائدين سواء من أبنائه أو غيرهم .. آمين

  2. الحكومة ذاتها تستاهل عشان عاملة ليكم رأس وقعر ووالواحد فيكم رصاصة كتيرة فيه هسي انا لو عاقل بقعد معاكم والله مسخرة عملوها فينا اسيادكم الخواجات وخازوق ما بمرق إلا بصاروخ مكتوب عليهو اساميكم الأربعة يطلع من الخرطوم ويسأل ويسأل عنكم لحدي ما يجيب خبركم

  3. انت يا مناوي ماسك القرون من زمان. ايه الجدا
    انت اصلا متعود علي المسك كنت في الحكومة ماسك القرون ورحت الجبهة مااسك القرون .اصلا ما بتعرف تحلب. خليك ماسك كدا ..حقو اشتغل مساك وخلاص.

  4. عندك خيارين لاثالث لهما: يا إمَا تظل ماسك البقرة من قرونها يا كمان كان فكيت قرون البقرة حا تمسك إضان المرفعين. و فى الحالتين الرماد كال حماد

  5. ههههه يادوب عرفتوا متعالي والله انت زول غريب ولانك غريب لازم يتعالي عليك وفعلا انت غريب

  6. من الآخر على قولة جيرانا الفى الشمال
    عرمان يعتقد فى نفسو
    مناوى تشادى من بقايا طريق الحجاج .
    نقطة نهاية السطر

  7. الحمدلله الذى جعل كيدهم فى نحرهم
    كان خامى الناس والبقرة من قرونا وهو يحلب وموهوم بالله عليك دى عقلية زول بفكر يوم من الايام يحكم البلد
    نصحيتى ليك ولامثالك ماتكترو المحلبية