مداراتمنوعات

بلة الغائب: الجن الأحمر سوف يسترد حلايب من قبضة الجيش المصري

2017/05/10
50
89863

دعا الشيخ بلة الغائب الحكومة السودانية والرئيس البشير إلى اعادة ثقته في قوة الجن الأحمر وسلطان أهل الله من المشايخ ، وقال ان الجن الأحمر لم يخذل الحكومة السودانية طوال هذه المدة ، فهو الذي جعل المحكمة الجنائية الدولية تخسر امام الرئيس البشير ، ويقول الشيخ بلة الغائب : رايت اوكامبو في المنام وهو يترجاني ان امسك عنه الجن الاحمر ..فقلت له انه يعرف ما يريده الجن الاحمر ، ومنذ ذلك اليوم توارى اوكامبو عن الانظار وصار يخاف حتى من ذكر السودان على لسانه ،

ويقول الشيخ بلة الغائب ان الرئيس الامريكي الجديد دونالد ترامب له صلات قوية ومستشارين من قبيلة في الجن اسمها (الراوسا) ، وهم الذين اشاروا إليه برفع العقوبات عن السودان ،

وقد توعد الشيخ بلة الغائب المصريين بمعركة حامية في حلايب بدون أن يذهب جندي سوداني واحد لميدان القتال ، وقال ان شيوخ الجن الذين يحبون السودان ويحرسون ارضه ينتظرون اشارة الصفر ليحرروا ارضنا المحتلة ، وكل ما يريدوه منا – يقصد الجن الاحمر – هو الاعتراف به واحترام افضاله علينا.

متداول على فيسبوك
منسوب لصحيفة الدار السودانية

مواضيع مهمة

ركوب الخيل لا يناسب الجميع؟     أيهما أصعب تربية الأولاد أم البنات؟      جسر الأسنان

هل تعقيم اليدين مفيد؟              الكركم والالتهابات             أفضل زيوت ترطيب البشرة

2017/05/10
50

‫50 تعليقات

  1. يريدنا ان نحترم الجن الاحمر ونحترم افضاله علينا!!!يارجل تريدنا ان نكفر بأنعم الله ونشكر ونعبد الجن؟ والله من المشين والمعيب ان يقول هذا الساحر الدجال الافاك مثل هذا الكلام ولا يعاقب… من مثل هولاء تأتينا المصائب والشرور…

    1. جزاك الله خيرا

      وَأَنَّهُ كَانَ رِجَالٌ مِّنَ الْإِنسِ يَعُوذُونَ بِرِجَالٍ مِّنَ الْجِنِّ فَزَادُوهُمْ رَهَقًا (6)

    2. السكران في ذمة الواعي – من شلاليفك الناشفة عارف انك من كبار المؤلفين العالميين
      الزول ده ودوه هوليووود ممكن دراماته دي تنفع معاهم .

  3. الخوف و كل الخوف يكون مدعوم من بشه و مصدقو و بيثق فيهو ….. اصلا الدكتاتور لما يخرف بيلم المجانين حوالينه

  7. هذه الدنيا من سموات وارضى وكل المخلوقات من انس وجن مسيره بامر الله .. وليس لمخلوق لديه القدرة بعمل شىء … اتركوا هذه الخرافات لو ارد او اجتمع من انس ولا جن ان يصيبونا بشى لا يصيبونا بشى لم يكتبه الله لنا … وان ارادوا ان ينفعونا بشىء لا يقدروا ان ينفعونا بشىء لم بكتبه الله لنا رفعت الاقلام وجفت الصحف …

  8. الجن اليركبك ??? هو اصلو راكبك ??? ولا اقول عليك الله سلط خدامك ديل على الحلب الانجاس خليهم ما يناموا بالليل ..

  10. هههههه هههههه هههههه هذا كلام فارغ لاجن احمر ولابرتقالي نحن بشر مسلمون موحدون ونستطيع استرداد حلايب في اي لحظة بالقوة ولانحتاج للخرافات

  11. خلاص من اليوم يا بله انت والي حلايب والجن الأحمر مستشارين وجنود لك ..وعليك بالمصريين الفي حلايب…وريهم الجن الأحمر..

  12. هههههه قال الجن الاحمر لونهم كمان انت خلقتهم ولاشنو هههههه

  13. اقول ليك شنو يابلة.. يارب تغيب في غيبوبة عشرة سنة .. كرهتنا مالك

  15. طالما دخلت فيها انت يا بله خلاص حلايب راحت راحت مافي اتنين تلاته………….

  16. الزول ده داير ليهو سوط عنج مااااكن و لا خيزرااانة … تمكنو بيها سوطين في ضهروا تخلي ريحتو فليت فليت

  19. الفضل لله الواحد القهار و لا اشرك به شيئا … اللهم اني اعوذ بك ان اشرك بك شيئا … الحمد لله على نعمة التوحيد.

  22. لا الوم الا الصحف والمواقع التي تنقل كلام هذا الدجال الذي يقول انه يعلم الغيب
    اذا كان المثقف والمستنير ينقل مثل هذا الترهات فما بال الجاهل والامي
    اتقو الله يا ناس النيلين

  24. صحيفة الوهم الذي ينشره اولاد البلال الطيب وحسب ما مذيل في الخبر انه منسوب لصحيفة الدار . عليكم نفي نشر الخبر عبركم وإلا أنتم شركاء في هذا الكفر والعياذ بالله.

    1. يعني يا مخ ما في ما مصدق انو بلة الغائب ……………………………………………………. د ج ا ل ؟
      ياخي دا ناس ماليزيا عرضوا عليه مليارا يورو بالجديد عشان يطلع ليهم الطيارة الماسكنها الجن بس هو رفض قال ليهم لو ما اترفعت العقوبات نهائي من السودان ما بطلع ليكم طيارتكم وهسي اضاف ليهم شرط جديد قال ليهم لو رجعت الجنوب للوحدة مع الشمال ما في ليكم طيارة والماليزيين هسي يبكوا جنب بيتو والشيخ بلة ما خلي كلينكس في بقالة

  26. اول مرة يصدق الدجال بلة الغائب .. يقصد بالجن الأحمر ثورة الإنقاذ !!!

  27. أعتقد أن هنالك أخبار ملفقه تحاك بإسم بله الغائب

    والأولي عدم نشرها للمساعدة في إنتشارها

    ويا حائك الخرافة ماهي الإشارة التي ينتظرها الجن الأحمر
    ليتحركو

    جن إركب رأسك دا

    بالله الرجاء عدم التندر علي بله الغائب لأننا لم نسمع بأذنينا أنه قد قال ماقيل

  29. من حق موقع النيلين ينشر أي خبر اذا منقول أو خبر خاص بالنيلين ..
    ( موقع النيلين سيقى دوماً في المقدمة )

    أما بخصوص الدجال ( بله الغائب ) فهو يمارس مهنته داخل السودان فقط لأن أمثاله بالملايين ولا يوجد قانون رادع للدجل والشعوذة ..

    أما في المملكة العربية السعودية عقوبة الدجال بله الغائب هي ( القصاص ) و في دول الخليج أيضاً أو بالسجن المؤبد كما حدث لسحرة ودجالين سودانيين كثر في الامارات ودول الخليج ..

    العيب فينا نحن السودانيين البنسمح لأمثال الدجال بله الغائب وغيره لممارسة مهنته في قلب الشارع في الاسواق والبيوت .. وفي كل ولاية سودانية وكل قرية او مدينة يوجد دجالين ولا زال الكثير يؤمن بهم ..

  31. بالله دا كلام دا يا اخوانا الدجال دا مافي حكومة تريحنا منه بقطع الراس والله ما داير ادعي عليك لان الرسول صلى الله عليه وسلم قال لم أبعث سبابا ولا لعانا ‘الله يهديك ويختم بالصالحات اعمالك

  32. نسأل الله لنا ولكم الهداية.
    يكفي دجل وشعوذة وسحر وكفر.

  33. أخبار الطائرة الماليزية شنو ؟؟؟؟
    ومباراة البرازيل القال فيها انو البرازيل بتهزم المانيا جات اتغلبت سبعة
    الغريب الدجالين عندنا عادي يجوا في وسائل الإعلام ….
    وقريب دا طلعت فتوي تبيح البخرة والمحاية عشان يجي أي دجال يعمل فيها شيخ

  34. خلاص ربنا ريحك يا حميدتى
    الجن الاحمر مراااااابط فى حلايب
    مافى داعى لاخذ الاذن من الريس

  36. يا جماعة لا تفوروا دمكم لانه لو ان الخبر صحيح فهو باطل اريد به حق ، اذا هذا السجم بحنه يمكنه ان يفعل هذا الذي يقول يا اخي اقبض لينا ترامب دا من اضانه وخليه يجي السودان اول دولة ليه يمشي لهنا وهنا ..
    ويا بلةعليك الله امسك صواريخ اسرائيل البتقتل فينا وتكسر منشآتنا .. يا بلة خلى الجن الاحمر يقد لينا كم بير بترول ويغرقنا عشان يبقى الجالون بجنية جن يعلق قربه في اضنيك ،، يابلة اذا عندك جن يعمل كدا خليه يطلع الذهب دا و يخليه فوق وشي الواطة ونقشو بالمقشاشة بلا حفر .. جن يطلع زيتك .. يابله لو عندك جن يحارب ويطلع المصريين ما تخليه يحارب الزفت عرمان ويقبضوا ويجبوه مكرفس في كرتونة .. جني يبهدلك .. يا بلة اذا عندك جن يحارب ماشايف التمرد دا طلع ميتين الحكومة 20 سنة جن يطلع ميتينك ..
    يا بلة لو عندك جن احمر ولا بني ولا ازرق بيعمل كدا ما تخليه يبقى بال الكهرباء في السودان ,, و الله دي اهم من طرد المصريين من حلاييب كدى يظبطوها ونحن حلاييب بنجيبها ..
    مايكون يا بلة القالوا عليهم الجنجويد ديل هم الحن الاحمر تبعك ..

  37. متداول على فيسبوك
    منسوب لصحيفة الدار السودانية…

    ونسة المشاطات دي شنو يا ناس النيلين .. يعني مصدر اخبار مؤكد ما عندكم..

  38. السياسين في السودان من اعلي هرم في السلطة هم يعملون بهذه الافعال ويتعاملون مع امثال هؤلاء حسبنا الله ونعم والوكيل فيكم اين تفرون من الله يوم يتنكر لكم امثال بله وادراة الموقع لفتم انتباهنا انكم اعلام ضلال وتضليل

  39. ياناس النيلين اعقلو وانشروا اخبار تستفيد منها الناس نحن في عام ٢٠١٧م خلونا من الاشياء المتعمدة معني دي

  40. قل اللهم مالك الملك تؤتي الملك من تشاء وتنزع الملك ممن تشاء وتعز من تشاء وذلك من تشاء بيدك الخير انك على كل شيء قدير

    لله مقاليد السموات والأرض وحده لا شريك له

    حسبنا الله ونعم الوكيل

  41. الرجل ده فعلا غائب وما حاضر إلا شيطانه فتعوذوا منه اينما سمعتو ا باسمه او رأيتموه .

  42. نحن لا نصدق مثل هذا الكلام ولكن ممكن نصدق اذا حددت لنا ساعة الصفر وتاريخ بداية تحرير مثلث حلايب وحركت قواتك من الجن الاحمر وحررت حلايب من المصريين واعدتها انت وجنودك من الجن الاحمر الى حضن الوطن

  43. هذا الموقع شارك فى الاثم مع هذا الدجال الملحد نرجو من اصحاب الموقع بالا يسحموا بهولاء المرضى النفسيين بافساد العقيدة الاسلاميه بتلك الخزعبلات وين اصحاب المشروع الحضارى ( الانحطاطى) والا هم الظاهر زبائن دائمين عنده

  44. كان زمان السودان مقسم لقسمين مثقفين و جهله اميين و الحال ماشى …. الان لا فواصل الكل خريج الجامعه الفلانيه التى تخرج الاف
    الجهله……. عشان كده لو قالوا لى فى الانتخبات القادمه بله مرشح لرئاسه الجمهوريه ما بستغرب…. بعدين لو شكل حكومتو فيفتى فيفى جن انس برضوا مواطنين و عايشين معانا و الموصلات المعاعد الخلفيه محجوزه لاخوانكم و مدفوعه من الحكومه بالعمله الصعبه

  45. ( قل اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير إنك على كل شيء قدير ( 26 ) تولج الليل في النهار وتولج النهار في الليل وتخرج الحي من الميت وتخرج الميت من الحي وترزق من تشاء بغير حساب ( 27 ) )
    shams?????????????????