فيسبوكمدارات

شهد المهندس: الأخ العزيز محمد فتحي، ان شاء الله طيب مع إنّو ما بهمني كتير


ردا علي البوست الانت كتبتو بخصوص عدم وجود علاقة بين مشكلتنا الشخصية وعدم ظهورك في قناة s24 ، أحب يا عزيزي أوضح إنّو انا ما بعتبر أصلاً إنّو في إمكانية وجود مشاكل شخصية بيناتنا ، مش لانو انا وانت ما ممكن نختلف ؛ أبداً ، بس لانو ما شايفة إنّو انت وصلت مرحلة تبقى عندك تأثير مباشر بأي شي شخصي يخصني من بعيد او من قريب …

تعليقا علي نصيحتك لي بتاعت ركزي في شغلك و في المضمون البتقدميهو علي الشاشة ، فا أحب أطمنك برضو انت ما وصلت مرحلة انك تنصحني او توجهني بأي شكل من الأشكال ، زولة واضحة و ما بحب #اللف_و_الدوران …

ما عشان اتيحت ليك الفرصة إنّو تجمعنا شاشة واحدة و برنامج واحد ده طبعا اذا ما كان عندك مانع ، احسسك بالعظمة شوية ? … تقوم تشعر بالتضخم الناتج عن لاشئ

اخيراً انا برضو صدقني ما عندي مانع البتة إنّو اكون واضحة مع اي شخص بيعرف محمد فتحي لانو انت مشهور أكتر مني طبعا ، تفاصيل مشكلتنا الانت برااااك فتحت طاقة نار علي نفسك فيها و أخرجتها للعلن …

#اكيد_ربنا_حيكرمنا

بقلم
شهد المهندس


‫13 تعليقات

  1. بييييييييييس بالله شوف الفصاحة! خلاص خريجة إعلام جامعة هارفارد. الاتنين الموضوع ما اكتر من هواية بالنسبة ليكم!

  2. …ماشين كويس في درب جيراننا اولاد دلتا النيل ومعاها لماضة وفلهمة وشتارة..
    رمضان دخل وحقو محررين النيلين ما يجيبوا لينا (الحلوين) ديل البيخربوا الصيام …
    ورمضان كريم وربنا يكفينا شر القنوات الفضائية ويجعلنا من العابدين الذاكرين المسبحين الصائمين القائمين الفائزين بأجر الله ،، الناجين من غضبه وعذابه

  3. بغض النظر عن خلافكم الماااا بيهمنا كتير ..
    بس مااافي داعي للافتراء والتريقه لانه انتي اصلا شكلك بس هو الدخلك الاعلام ف بلد تقيم الشكل قبل الاداء .. ولكن لا اداء ولا مضمون بيتيح ليك فرصه انك تكوني اعلاميه … فااا حدك مساء جديد وبرنامجك المشابه ف S24 ..
    فاااا شنو انا شايف انك احسن تحتفظي بردودك و ب المعارك البطوليه ف السوشيل ميديا لانه بقدر ما ح تلقي مصفقين ل شهد الشايفنها هم جميله ح تلقي اعلاميه مخضرمين ح يفندوا اعلاميتك و ح يطلعوها big zero و ح تخسسسري كتييير ….
    فاااا بلغتكم الشبابيه اكسري الحنك وركزي مع صورك دييييك ? ح تلقي معجبين كتااار . وما تفتحي باب عشان الناس تركز مع رسالتك الاعلاميه

  4. الاخوة المعلقين . . . انتو وقعتو في فخ عدم مهنية موقع النيلين وبالتالي هاجمتو البنت ساكت . الموقع نقل ردها ليهو وكان مفروض ينشر الرسالة بعدين الرد . واكيد هو رسالتو كانت في السوشيال ميديا . وانا بما اني لا اعرف محمد فتحي . واعرف شهد من النيل الازرق . وبصراحة لم اشاهدها في القناة الجديدة . اقول قبل ان نوجه سهام نقدنا لأحد نسمع الطرفين .. وليه هي نشرت ردها في العام . وهو قال عنها شنو ؟؟؟

  5. ما دى العسل زاتو وربنا يكفيها شر الحاسدين ، اللهم احفظ شهد وام شهد وابو شهد وسودان شهد عشان ايامنا كلها تبقى شهد فى شهد

  6. قصة عجيبة لكن يا شهد المهندس وخلي الافتراء دا يعني شنو انتي قايلة نفسك في قناة الحدث

  7. والله ما بقدر اتحمل المخلوقة دي اصلا بمجرد ما تظهر بمسك الريموت — دمها بقري و ما بتتراد اصلو ياخ
    الجربوعة دي شايفا نفسها علي شنو

  8. انتو جهلة جهلة ما فارزين حاجة
    إعلاميين؟
    عدم الشغلة وعدم المعرفة
    قال أنا مشهور انتى مشهورة ؟
    عدم الموضوع ..
    أجرو اقرو أعلام وأدب وأخلاق

  9. الله يرحم ليلي المغربى ومثيلاتها من رائدات الاعلام، اللاى معهن تم قبر الإعلام النسائي منتهي السطحية والتخلف والجهل ،حريقة فى الإعلام لو دا مستوى الإعلاميين ،ضحالة فكر تدنى الثقافة غياب المهنية السطحية والمظهرية هى سمة هذه الحثالة وأمثالها ،وهى أصغر من حبة وعاملا نفسها قبه.واللهم انى صائم.