مداراتمنوعات

محمد فتحي لشهد المهندس: اعلمي أن الجمال جمال الروح وشهد ترد: انت ما وصلت مرحلة انك تنصحني او توجهني


انتقد رواد التواصل الإجتماعي المساجلات الدائرة بين الإعلامية شهد المهندس والإعلامي محمد فتحي الذي إشتهر ببرنامج اليوتيوب “يا أخوانا”، وإعتبروها قضايا شخصية لا يصح نقلها للعلن.

وكتب محمد فتحي بحسب متابعة ريم منصور محررة المتوعات بالنيلين (عزيزتي شهد المهندس صباح الخير
أحب أوضح إنو لا علاقة لمشكلتنا الشخصية بعدم ظهوري في قناة سودانية٢٤ في الفترة السابقة وإنما هي فترة انقطاع لأسباب خاصة
قد تعلمين عزيزتي ويعلم الكثيرين إنو والحمد لله لدي عدد مقدر من القضايا الضخمة الممكن تتسبب في إيقافي عن الساحة ، وهي بالطبع أكبر من مشكلتنا الشخصية التي أصبحت في العلن
اجتهدي عزيزتي في تقديم مادة تملا حياة الناس ، وطوري من قدراتك ، وضعي بصمتك
واعلمي أن الجمال جمال الروح ، والإنسان سمح بي طبيعته
وإنو أنا ماعندي أي مشكلة في مشاركة المشاكل على الملأ ، زول جدا بسيط وتفكيري ابسط مني

خليك دايما على يقين إنو #ربنا_حيكرمنا والنجاح نتيجة حتمية للإجتهاد المستمر في الاتجاه الصحيح

(رسالة خاصة عامة).

لترد عليه شهد المهندس بحسب رصد محررة النيلين (لأخ العزيز محمد فتحي، ان شاء الله طيب مع إنّو ما بهمني كتير،، ردا علي البوست الانت كتبتو بخصوص عدم وجود علاقة بين مشكلتنا الشخصية وعدم ظهورك في قناة s24 ، أحب يا عزيزي أوضح إنّو انا ما بعتبر أصلاً إنّو في إمكانية وجود مشاكل شخصية بيناتنا ، مش لانو انا وانت ما ممكن نختلف ؛ أبداً ، بس لانو ما شايفة إنّو انت وصلت مرحلة تبقى عندك تأثير مباشر بأي شي شخصي يخصني من بعيد او من قريب …

تعليقا علي نصيحتك لي بتاعت ركزي في شغلك و في المضمون البتقدميهو علي الشاشة ، فا أحب أطمنك برضو انت ما وصلت مرحلة انك تنصحني او توجهني بأي شكل من الأشكال ، زولة واضحة و ما بحب #اللف_و_الدوران …

ما عشان اتيحت ليك الفرصة إنّو تجمعنا شاشة واحدة و برنامج واحد ده طبعا اذا ما كان عندك مانع ، احسسك بالعظمة شوية ? … تقوم تشعر بالتضخم الناتج عن لاشئ

اخيراً انا برضو صدقني ما عندي مانع البتة إنّو اكون واضحة مع اي شخص بيعرف محمد فتحي لانو انت مشهور أكتر مني طبعا ، تفاصيل مشكلتنا الانت برااااك فتحت طاقة نار علي نفسك فيها و أخرجتها للعلن …

#اكيد_ربنا_حيكرمنا).

ريم منصور


‫8 تعليقات

  1. الاتنين نكرات أتاح لهم هذا الاغبر أن يكتب أمام اسم كل منهما (اعلامى)
    انت يا ولد إعلامى وعلم الدين حامد اعلامى؟
    وانتى يا بنية إعلامية وليلى المغربي إعلامية
    امشوا اتعلمو وتعالو بعد عشرة سنة

  2. الاسمو محمد فتحي دا كان أكبر سقطة لسودانية 24 اسلوبه وطريقة كلامه لا تمت للإعلام المحترم بشيء

  3. هم الاثنين بمثلوا شنو من الاهمية عشان ينشروا لينا مشاكلهم يعني نحن ناقصين.

  4. يا محمد فتحي .. دي صورتك ؟ معليش يعني انت متمسح بي شنو ؟ و انت ولد منو في المسئولين أو التجار ؟ ياخي انت فيك جرأة و مساخة ما شفناها الا عند ناس نافع و علي الحاج و الوهم بتاع ناس الترابي داك

  5. هههههه وهممممم كرووووور كلكم…القرع لما استوى قال للخيار يا لوبيا…..المشكلة كله قرع… فخار يكسر بعضه… بعدين انا عايز اعرف نوع العلف اللي بتاكلوهو … مستورد من وين… اكيد ده العلف بتاع العجول الفريزيان وارد هولندا…. حولااااا

  6. Rayyan العلف دا اكيد مستورد من مصر الصرف الصحى لو من هولندا كان طلعوا احسن من كده، الغريبة أنهم جاديين ومصدقين أنهم اعلاميين.هانت الزلابية.