مداراتمنوعات

موظفو السفارة الأمريكية في الخرطوم بفطرون في شارع النيل مع سيدات الشاي.. صور


حضر موظفو السفارة الأمريكية في الخرطوم يوم الإثنين 5يونيو الجاري إفطارا رمضانياً مع سيدات الشاي باستضافة شركة كوفتي التجارية بشارع النيل جوار جامعة الخرطوم.

 

وأضافت السفارة على صفحتها بفيسبوك بحسب ما نقل محرر النيلين (المرأة حقا هي العمود الفقري لكل مجتمع وسيدات الشاي السودانيات تمثلن أفضل نموذج لروح المبادرة القوية. كان فخرا لموظفي السفارة مشاركة هذا الافطار الرمضاني تكريما لبعض سيدات الشاي واللاتي يعتبرن من أقوي القطاعات النسوية العاملة).

وأضافت صفحة السفارة (نثني شركة كوفتي لمبادرتها المتميزة في مجال المسؤولية الاجتماعية للشركات لدعم سيدات الشاي الرائعات في السودان).

الخرطوم/ معتصم السر/النيلين


‫11 تعليقات

  1. مازال يدعون اننا نرعي الارهاب سؤال في اي بلد غير السودان يستطيع موظفو السفارة الأمريكية أن يتجولون بدون حراسه وبدون خوف هذا يحدث فقط في السودان وهذا اكبر دليل وأبلغ من اي مسارات أن السودانيين هم اكثر شعوب العالم سلما وحبا للتواصل مع الغير في سلام ولا نكن للامريكان او غيرهم اي حقد

    1. أثمن كلامك ودى دلالة واضحة أن السودان من أكثر الدول أمنا وأمانا وما ينعت به السودان من دولة راعية للإرهاب مجرد مكايدات سياسية. أتحدى أى موظف ولو إدارى من سفارة أمريكا فى مصر يتجرأ على السير على بعد 50 مترا من سفارته فى القاهرة بدون حراسة وزخم أمنى. مصر هى التى خلقت وصدرت الإرهاب للعالم

  2. ولا تنسي أن نشكر موظفي السفارة الأمريكية علي مبادراتهم الإنسانية thanks and appreciate your support to sudanese ppl

  3. حظكم يا امهاتنا وأخواتنا ستات الشاي .. بكرة طوالي تمشوا السفارة تقولوا عايزين تأشيرات لي أمريكا .. أحسن ليكم من البشير العوير و عبد الرحيم أبو ريالة …

  4. ود الشيخ والله لو مشوا كل البيبعوا الشاي ورجال ونساء
    مع يعطوا ولا واحد فيهم تقارير السفارة بتاعتهم هي
    التي وضعت السودان ضمن ٧ دول سيبوا هذا الغباء
    والجهل هل تفتكر ناس السفارة حابنكم لأنكم صائمين
    لا والله رجال المخابرات ونساء المخابرات لازم يكونوا في
    شارع مش في المكاتب عشان يجيوا المعلومة صاح
    من البسطاء المغفلين يأخي هم سبب كل الدمار في السودان
    حكومة أمريكا والحكومة السودانية بنسبة الي الشعب السوداني
    واحد كلهم هم سبب البلاوي الحاصلة لهذا الشعب الطيب

  5. أخونا على .. كل سنة وانت طيب .. تصوم وتفطر على خير .. ما في داعي للتشنج والانفعال والألفاظ الجارحة من شاكلة ( سيبو الغباء ) .. ولتوضيح الحقائق فقط السفارة الأمريكية وعن تجربة شخصية فإنها تمنح التأشيرات لمن يوفي بمتطلباتها .. وحدث هذا معي عدة مرات .. ولم أجد أي صعوبة أو تعنت .. المسألة فقط هل أنت مطابق للاشتراطات أم لا .. من غير زعل أو صرة وش .. وعشان تتأكد أمشي بكرة قدم طلب فيزا للولايات المتحدة عن طريق الانترنت ..ح يدوك مواعيد مقابلة ومجموعة من الاشتراطات إذا اكملتها تلقى القنصل انسان راقي وفي قمة التهذيب حتى أنك تخجل من نفسك و تتمنى تكون مثله في التعامل مع الآخرين .. بس الحذر ثم الحذر ثم الحذر من الكذب .. لو كذبت عليهم مرة واحدة تاني أمريكا دي ما ح تشوفها بي عينك .. خليك صادق في إجاباتك وكل الباقي هين …

  6. ود الشيخ الاسمه علي دا مصري لازم يشوه صورة الحكومة والسفارة الامريكية في السودان عشان الفتنة تحصل حسبنا الله ونعم الوكيل

  7. بغض النظر عن راينا في الحكومة ولكن حسب الاعراف الدبلوماسية والتعامل بالمثل هل مثل ذلك متاح لاعضاء سفارتنا في امريكا؟ طبعا الا اذا الحكومة ترغب في الدعاية بان السودان امن لان هذا التحرك لا يتم الا بموافقة الخارجية والجهات الامنية ، وايضا تدل باننا شعب ساذج بما في ذلك جهاتنا المسؤولة لان استقاء المعلومات وفبركتها تتم في مثل هذه الامور

  8. سؤال
    هل هذه الافعال التي يقوم بها منسوبي السفارة الامريكية نتيجة لحبهم للسودانيين وحبهم للاسلام ؟
    ام هذا مجرد نفاق إجتماعي للكسب السياسي والإعلامي !!

  9. طيب تمو جميلكم اتجاه سيدات الشاي وفيزوهم واشرو ليهم الميرنده عشان الملح يبقي سكر ويطعمو الشاي

  10. لكل نبأ مستقر وسوف تعلمون ، الآن حصص الحق ، مهما فعلوا من مكايدات سياسية وتلطيخ سمعة السودان طول العقود الماضية من رعاية للارهاب ودمغه بكل اشكال الاهانة ووضعه فى ذيل أى قائمة يمكن ان تتخيله ، الا ان الشعب السودانى الطيب الطاهر الراقى المثقف الفنان الجم العالم شرقه وغربه بسلوكه الراقى حتى وضع السودان فى صدر لائحة الامم المتحدة للنزاهة الشخصية فى اول التفات من العالم لهذا الشعب الحريف وتتوالى الانتصارات لهذا الشعب الكريم وكل عام وانتم بخير