زواج سوداناس

تسريحة محمد فتحي تثير جدلا كثيفا على السوشيال ويعتذر عن عدم الظهور على شاشة سودانية24



شارك الموضوع :

محمد فتحي من مقدمي برنامج منتصف الليل على فضائية سودانية 24 الذي حقق شهرة واسعة من خلال برنامج يا اخوانا على يوتيوب يظهر هذه الأيام بتسريحة شعر أثارت جدلاُ كثيفاُ في السوشيال ميديا.

حيث يرى البعض أنها غير لائقة وتتنافى مع العادات والتقاليد المحافظة للشعب السوداني بيما يرى آخرون انها حرية شخصية وانها تتناسب معه وجيل اليوم، ووجد محمد فتحي تضامن واسع من رواد الفيس وقالوا “حرية الحلاقة مطلب شعبي” .

محمد فتحي قام بالرد على منتقديه وكتب على حسابه الرسمي بفيسبوك بحسب ما نقلت محررة النيلين (حتى أنا لم تكن تعجبني بناطلين طه سليمان وطرح أفراح عصام ، وهذا لايعني أن طه ماغناي وأفراح ما سمحة، #حرية_شخصية).

وأضاف فتحي (#ياخوانا بعتذر لكل أخواني وأخواتي البسألو عن عدم ظهوري في برنامج #منتصف_الليل الليلة ،أنا بمتنع عن الرد حاليا ، لكن إنتو حتكونو أول الناس العارفين الأسباب اكيد ،كل الحب).

ريم منصور

شارك الموضوع :

تعليقات الفيسبوك

تعليقات


12 التعليقات

إنتقل إلى نموذج التعليقات

      1. 1
        سودانى جدا جدا

        هذا زمن أنصاف أو أرباع الموهوبين
        هو زمن عاطلى المواهب
        اقدل يا جنا
        اللبيب بالإشارة ….
        لبيب؟

        لا أعتقد

        الرد
      2. 2
        أخو البنات

        شماسي في القناة الرائدة ، يا ناس القناة هل ترضونه لقناتكم؟؟؟؟ ومشكلتك عارفنها مع شهد المهندس.

        الرد
      3. 3
        abdelrahim

        الحرية الشخصية من حقك ولكن اقتحام بيوت الناس من خلال قناة فضائية ليس من حقك ، والعيب ليس منك بل ممن وظفوك ، والسبب ان الامور في السودان يؤول لغير اهلها

        الرد
      4. 4
        ترنتي

        شـايل ليك قـفـة شـعــر في رأســك

        أستحي علي وجهك

        الرد
      5. 5
        ودتكتوك

        سخيف عامل فيها ظريف

        الرد
      6. 6
        ادروب

        يها والله كان نلقاك سفروك ندرب سكين نطعن .. هسي كدا انت مرتاح ياولد ؟؟ القناة ماعندها ولي ولا مدير .. ولادة السجم

        الرد
      7. 7
        الياس مهناب

        والله العيب ابدا مامنك بل من ادارة القناة التي لم تحسن الضبط معقول نربي الاجيال ونظهر الحريات الشخصية ونفرضها علي الشعب فرض فلو ظهر لنا بالمظهر الانسوي هدا بالشارع نقول حرية شخصية اما ان يفرض علينا ان يدخل منازلنا بتلك الصورة التي اجدها في راي الشخصي يجرح ويخدش المشاعر علية لاولم ولن نوافق بظهر صور مبتذلة واشوف انها لاتليق وبالزات بهذ الشهر العظيم يارجل اختشي وعدل جلستك وبلاش الشخلعة العامله دي

        الرد
      8. 8
        عمر على

        القناه دى بتاعت اولاد ميكى انتو قايلين شنو الصيع ديل كلهم كان بتلملموا فى سولتير واوزون لم فيهم صايع كبير عمل لهم القناه نعمل شنو اعلام الروبيضه

        الرد
      9. 9
        ابومحمد

        فلنبكي جميعا على سوداننا الحبيب الذي ابتزته السلطة الحاكمة واخرجت لنا اجيال بهذا الممفهوم وهذا المنطق. واصبحنا بلا هوية
        ولا طعم ولا رائحة في كل المجالات . اضمحلال فكري . وثقافي . واجتماعي . والعقلية السودانية بيعت بثمن بخس . واصبحت تتهاوي في غياهب الجهل والفقر والعهر والفساد . لك العتبي سودان حمدي بدرالدين . وعوض ابراهيم عوض . ويسرية محمد الحسن وجميع العقد الفريد من الاذاعة والتلفزيون .

        الرد
      10. 10
        mohanedsakhr

        ياااااااااااااا اخوانا كدي استهدو بالله وسيبو الزول ده شويه كده
        يمكن عندو بيها فهم معيـــــــــــن *ـــ”
        وبعدين عيب عليك يا محمد فتحي لم تكون قدوة بعد ما تكسب ترسب
        المهم بتمن يكون عندك بيها فهم وربنا ما يخيب ظنـــــي
        .
        .
        * ياخ حرام تكون لابس بدلة وتقوم تربط عمــــــــة وكلك نظر يا ريس
        .
        .
        * ع فكره اخوك ومن اشد المعجبين بي برنامجك
        لحد اسي ……………… وووووووو كلــــــــــك نظر *ـــ”

        الرد
      11. 11
        متسائل

        أوع يكون قدوته في الحلاقة رئيس دولة آسيوية مُثير للجدل؟ والغريبة لاحظت في شبه بين الإتنين

        الرد
      12. 12
        ناجى

        الزول ده شكلو متأثر بالشافع الرئيس الكورى الشمالى ههههههههه

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *