سياسية

عضو بتشريعي الخرطوم يطالب الوالي بحل مشكلة المياه او الاستقالة


اتهم نائب رئيس لجنة التخطيط والبنية التحتية والمواصلات بالمجلس التشريعي لولاية الخرطوم، عبدالله الريح حكومة الخرطوم بالفشل في حل ازمة المياه بالولاية، وطالب في الوقت ذاته الوالي عبدالرحيم محمد حسين بالترجل اذا لم تكن لدية رؤية لمعالجة مشاكل الولاية، وقال: “اذا ما عندك رؤية لمشاكل الولاية وما عندك حاجة تقدمها اترجل”، وخير الريح حكومة الولاية بين تقديم حلول جذرية لمشاكل المياه او تقديم استقالتها.
وكشف الريح في تصريح لـ(الجريدة) أمس، عن عطش 50% من احياء ولاية الخرطوم، وقال “على حكومة ولاية الخرطوم تقديم استقالتها اذا لم يكن لديها رؤية لحل ازمة المياة وخلق استقرار في الامداد المائي” ونبه الى ان ازمة المياه في تصاعد مستمر، ولفت الى ان هيئة المياه ليست لديها القدرة على حل ازمة مياه الشرب.واشار الريح الى ان الولاية تعاني من تكدس النفايات والاسهالات المائية، فضلاً عن عدم استقرار الامداد المائي، واضاف: “نحن نتحدث عن عاصمة البلاد وبها هذه المشكلات”.

الخرطوم: عازة ابوعوف
صحيفة الجريدة


‫5 تعليقات

  1. ناس المؤتمر الوطني ديل ما بيستقيلوا الا كان مرضو واللا جاهم السرطان بعد داك يجو يقعدو في مكه

  2. الوالي ( قاعد ) ساكت ..
    وأصلاً ( جابوهو ) الولاية ( عشان ) يقعد ساكت ..
    .
    بس:-
    .
    غير كشات ( و ) رخص ركشات ..

  3. الله ينصر دينك ياعبد الله الريح …الناس خلالالالاص تعبت … مشكلة المياه والكهرباء والقمامة … واخيرا الكوليرا بسبب المياه الملوثة والقمامة الملت الشوارع والازقة وحتى الميادين … فعلا استقيل ياثقيل انت والمدعو عمر نمر والمدعو مصعب البرير … الى اقرب كوم زبالة .

  4. ابو رياله دا بقا والي زاتو كيف دا عبيط ما مأخذ المشكله في الزول الاداهو المنصب عاصمه وسخانه كوليرا منتشره مواصلات مافي مويه مافي وكهرباء تقطع وتجي علي كيفهم الزول أبو رياله قاعد يعمل شنو قور في سنين الف داهية انت وابوقرده والحيوان بتاع الضفادع حميده ولا حموضة دا المفروض يحكموا عليكم بالإعدام في الساحه الخضراء الضمير ولا إحساس والله بلد ما عندها وجيع

  5. مفروض تفعيل هاشتاج وتعميمه علي كل وسائط التواصل الاجتماعي بالدعوة الي اقالة والي الخرطوم عبدالرحيم محمد حسين باسرع مايمكن وجميع اعضاء حكومته