منوعات

سودانية24 توقف محمد فتحي من الظهور على شاشتها بعد أن رفض حلاقة شعره


قررت قناة سودانية24 ايقاف الإعلامي محمد فتحي الذي إشتهر ببرنامج اليوتيوب “يا أخوانا” وحقق إنتشاراً واسعاً في الإعلام الجديد، ثم ظهر كمذيع على شاشة الفضائية سودانية24.

وكتب محمد فتحي صباح الثلاثاء بحسب ما نقلت محررة النيلين (تم إبلاغي (هاتفياً) بقرار صادر من إدارة قناة سودانية٢٤ بإيقافي عن الظهور في برنامج منتصف الليل ، وقد تم إيقافي عن العمل منذ حلقة يوم الأربعاء الموافق ٢٠١٧/٦/٩ بعد أن تم التفاوض معي قُبيْل الحلقة إما أن (أحلق شعري) أو (ماتطلع لايف).

وأضاف محمد فتحي على حسابه الرسمي بفيسبوك (شكراً فريق العمل ❤️، شكراً محمد وشهد وحازم❤️
فخور جداً بتجربة دامت أيام حاولت أن أعكس فيها رؤية الإعلام الجديد الغير تقليدي #الحر فكراً وشكلاً ومضمونًا ، والحرية حق لكل إنسان في وطني السودان لازلنا نطمح إليه .
أحبائي ، الرحلة مستمرة? ، وأنا على ثقة إنو #ربنا_حيكرمنا).

ريم منصور


‫6 تعليقات

  1. قرار صائب
    احلق
    سرح زيما انت عايز
    البس بنطلون أحمر
    تعال بى جلابية
    اعمل الانت عايزو
    لكن ما تدخل بيتى بى راسك المبشتن ده
    بلا أعلام حر بلا كمونية
    عليك الله انت إعلامى؟

  2. قرار موفق ولم ياتي من فراغ القرار تم بسبب إجماع المشاهدين علي شذوذ مظهر المذيع والقناه هدفها ارضاء المشاهد وهذا ما يطلبه المشاهدون مافي زول يجي يقول حريه شخصيه وكلام زي دا

  3. نهي الرسول صلى الله عليه وسلم عن ( الفزع) وهو حلق جزء من الراس وترك جزء. وكمان يا ( اخونا) انت قزعت راسك قزيعة فظيعة . اجمع العلماء علي كراهتها وحرمتها احيانا. قال النبي عليه الصلاه والسلام ( احلقوه كله أو اتركوه كله) في الصحيحين. فياخ اولا خلي عنك روح رياضيه لو قالو ليك انت غلطان ما تركب شعرك وتقول حرية . اختشي علي قلة فقهك بالدين او علي الاقل راعي عيون وشعور الناس انت في السودان ما امريكا . لو رفضت تشارك في برنامج انت الخسران في الاخر . مع انو اعتقد انك زول كويس . بس راسك ناشف وفوقو حلاقة قبيحة

  4. قناة سودانية 24 لك كل الود والاحترام ، فرار صائب 100% ، وعلي كل قناة أن تتخذ هذا الإجراء علي المذيعين أو الضيوف ، خاصتاً الفنانين اللذين يظهرون مظاهر غير مشرف إن كان شذوذ في اللبس أو حلاقة الرأس وإرتداء السلاسل .

  5. قرار موفق زأنت اعلامى يجب ان تكون غدوة فى المظهر والمضمون .لان الشباب سيتأثرون بك . ارحم نفسك وأرحم المشاهدين. أهنى ء قناة سودانية 24 لاهتمامها بالقيم السودانية ومراعاة الذوق السودانى . الى الامام أعانكم الله .