فيسبوكمدارات

فضيحة وزير الدولة بالإتصالات ابراهيم الميرغني لفح زيارة ملكية ونسبها لحزبهم ..الرجل هو كين أوليسا وليس علي البدوي


ملكة بيرطانيا في كل منطقة عندها ممثل شخصي عنها ، وهي درجة شرفية في النظام الملكي البريطاني ، أها الملكة زارت موقع حريق لندن مع الأمير وليام (دوغ منطقة كامبريدج ) بالإضافة لممثلها في منطقة لندن الكبرى كين أوليسا ودي زيارة ملكية محسوب تدرجها حسب نظام من مئات السنين.

يلا الميرغني إتشابه عليه الشكل والإختصاص ، لفح الموضوع و قال برفقة الملكة ممثل حزبهم في بريطانيا المهندس على البدوي ، والغريب كين أوليسا ده رجل أعمال وفاعل خير بل وينظر له على إنه الرجل الأسود الأكثر تاثيراً في بريطانيا يعني معرووف.

ود الميرغني فاهم حاجة وللا ما فاهم ؟؟ عارفة الدنيا دي ماشة كيف ؟ وللا قام من نومو لقى نفسو برعي .. ياخي ممثل حزبكم البجيبو شنو مع ملكة بريطانيا ، الزول قرى شنو ؟؟ وعايش وين ؟؟ سطحية عجيبة ياخ
الغريبة صحف الكيزان الإلكترونية ألفحك ألفحك شالت منو بلا بفهم
الأعجب إنو مسح البوست بدون إعتذار بعد تداخل معاهو الشاب محمد على.

بقلم
هادي بورتسودان

من المحرر
بالفعل تأكد محرر النيلين أن الوزير حذف المنشور المعني من حسابه دون تقديم اعتذار


‫17 تعليقات

  1. لغة انجليزية صفر ونظر سالب ستة ولسة التقيل لقدام 24 ساعة فى الفيس والتويتر يفيس ويتوت منتظر الفتة تبرد غايتو بلد هملة مدير مكتب الرئيس طلع كديس ووزراء الحركات جابو لينا الاسهالات ووزراء الفتة لا يفقهون البتة اللهم احفظ وطننا وشعبنا من جهل الجهلاء وكيد العملاء والدخلاء ولا تشمت فينا الأعداء وارفع عنا البلاء والغلاء

  2. حزب الفته الجابو مع الملكه شنو
    بكون الكيزان لزوا ليهو واحد و وراهو الصوره وقال ليو علق سريع وهو الدلاهه علق الدلمه

  3. مامشكلة يتعلم في الوزارة بقت عليهو هو بس ما اي واحد جابوهو بتعلم في الشعب من سنة ٨٩ ..

  4. أبو لفحة بتاع الفته قام ايتعاور لكن جنس عواره غايتو وزارة الاتصالات انتهت نهاية بطل ولا أقول ليكم السودان ذاتو راح في خبر كان هااااااك الفته دى

  5. والله فعلا قام من نومو ولقي كومو … كيف للدولة أن تختار مثل هذا البرعم وزير للإتصالات … لشخص عديم الثقافة … ولغة انجليزية صفر وحضور ضعيف ومهزوز …. ياعالم كفاية فضائح

  6. من زمان نصرخ ونبكي يا جماعة والله المؤتمر الوطني بحراميته ساترنا في الحتات دي بيعرفوا ينجضوا الكلام ولغتهم ما محتاجين مترجمين وحضور واعي وثقافة عالية عارفين الدلاهات ديل لم يجوا بيفضحونا

  7. القال نوقف الحرب في النيل الأبيض داك اوي من حزب الفتة الله يرحمك يا شعبي

  8. اااي بالله مرمطوهو… امسحوا بيهو الواطة..وكل الاشكال اللي زيو…في زمن المهازل…زمن بني كوز.. الله لا كسبهم ولا بارك فيهم.. الاخونجية… حليل وزراء زمان… عباقرة.. فطاحلة….الفضلي ..زروق.. المحجوب.. اولاد الهندي… منصور خالد.. جعفر بخيت…الخ

  9. للاسف رغم انضمام هذه المجموعة التي يقال عليها شبابية بدت متخلفة جدا وبعيدة كل البعد عن العالم وثقافة ضحلة ..
    ولا اعرف ما السبب في ان يصر البعض حتى الان اطلاق كلمة كيزان وما كيزان وين هم الكيزان ..اخت ريان فاكرة الزول دا كوز دا دلاهة من حزب الميرغني وكتار زيه في الامة والاحزاب التانية .. وين سفتي ليك كوز بيتمتم في الكلام ولا بيغلبوا الرد الكيزان اكتر حاجة بيعرفوزها الخطابة والحديث من اركان النقاشات الى كلمات الاتحادت .. اساليني منهم عاصرتهم زمن طويل

  10. والله شباب ذي الورد ثقافة عالية وخبرات مميزة بس وللأسف لم تلعب معاهم الدنيا وما ساعدتهم وجعلت شارع النيل وستات الشاي ملازهم وهم ينتظرون الفرج من الله سبحانه وتعالي ، أبراهيم الميرغني راتبة ومخصصاته من الدولة تشغل 20 من مثقفين شارع النيل العطالة وهل هذا الأبراهيم يحتاج ملاليم الحكومة ويحتاج هذا المنصب الحساس وما هي خبرته وما هي مؤهلاته …للأسف نحن نعيش في زمن الترضيات والضحك علي الزقون ، يعني عشان الصادق المهدي تقوموا تعينوا ولدو مستشار لرئيس الجمهورية !!!! ماذا أستفاد من الشعب من عبدالرحمن الصادق المهدي وما هي أنجازاته ؟؟؟؟؟؟؟؟؟؟ والآن أبراهيم المرغني وزيرا للأتصالات وهي وزارة حساسة تحتاج لمؤهل وخبرة ووآحد من صياد وقناص للحباري الي وزير أتصالات ، المفروض تكون شغله مختصر ومحدود في ترتيب الأتصالات ذات الأربع والثلاث عجلات من بكاسي وبصات وركشات .