أبرز العناوينرأي ومقالات

والد طفل الساعة يطالب برد الاعتبار من الرئيس السوداني عمر البشير بعد ما أساء لهم الفريق طه عثمان


الفريق طه عثمان الحسين وكيف كان استقباله لاحمد محمد مخترع الساعة وأسرته بالسودان

كانت الدعوة من رئيس الجمهورية السيد عمر البشير لاحمد لزيارة بلده السودان وتكريمه ثم أكدها وزير الخارجية السيد ابراهيم غندور عند لقاءنا به بنيويورك وتكريمه له وكثير من السفراء الابرار من أبناء بلادى الحبيبة وكان الواجب يحتم علينا استجابة الدعوة واحترام سيادة السودان متمثلة فى شخص الرئيس البشير وكان الفريق طه هو من تولى الاتصال بِنَا حيث ذكر لنا ان كل شئ جاهز من مراسم الاستقبال بالمطار والإقامة بفندق الفاتح لاحمد وأسرته فحضرنا بمطار الخرطوم ولم نجد الفريق طه ولا الذى يمثله واتصلنا عليه بهاتفه فلم يجاوبنا وقلنا قد يكون مشغولا وأخذنا تاكسى وذهبنا للفندق وقلنا انه قد حجز الغرف ولم نجد حجزا باسمنا فاضطررت لحجزها باسمى ودفعها مقدما بالكاش لأنهم لا يأخذون أوراق الإتمان وأقمنا بالفندق لأننا كنّا مرهقين جدا والأطفال نامت والسفر كان طويلا وهو قد اخبرنا ان لا نتصل الا عليه و العالم كله يتمنى استقبال احمد وتكريمه بفضل الله فى ذلك الوقت وما زال وسيظل ولن ينفك باْذن الله ولولا كان علينا لزاما عمل اجراءآت الجوازات بقسم الأجانب لأننا نحمل جوازات أمريكية لسافرنا فورا لواشنطن فاتصلت على الفريق طه فى الصباح ورد هذه المرة فقلت له يا الفريق طه قل للسيد الرئيس عمر البشير نحن استجبنا لدعوتك لنا وشكرا لك وما عندنا زمن ولابد ان نسافر لان لقاءنا مع الرئيس اوباما بعد غد فسنزوركم مرة اخرى ان شاء الله فقال لى انا سوف ارسل إليكم عربة المراسم مساء الْيَوْمَ فلا تغادروا و فعلا حضرت السيارة واخذتنا الى منزل السيد الرئيس بكافورى بحضور زوجته وداد والفريق اول عبد الرحيم محمد حسين واستقبلنا الرئيس عمر البشير بابتسامة عريضة ورحب بِنَا خير ترحيب وتجاذبنا معه الحديث واما الفريق طه كان منزعجا عابسا فى وجووهنا وقبل ان نشرب العصير ونكمل الحديث طلب منا الفريق طه الذهاب للإعلام وبعد الاعلام طلب منا مغادرة المكان فورا لان الرئيس برنامجه ملأن نظرنا الى وجه الرئيس البشير وكأنه غير راضٍ عن ذلك ولسان حاله يقول خذهم للعشاء ولكن الفريق طه اخذنا الى الخارج لا تكريم ولا عشاء فغادرنا الى الفندق بنفس عربة المراسم ثم الى المطار بنفس عربة المراسم والتى امرنى الفريق طه ان ادفع حق السائق اى والله العظيم والدنيا رمضان وفعلا دفعت للسائق ما طلبه منى وتشهد زوجتى بذلك وأتمنى السائق ان يقرأ هذا المقال ليشهد بالحقيقة وعند مغادرتنا المطار ونحن فى الطائرة فقد ابنى احمد كمبيتره لأب توب الذى أهدته له شركة المايكروسوفت وفيه معظم ذكرياته وهو ذاته ذكرى وباهظ الثمن وفقدت انا تلفونى الجوال وفيه كل التلفونات المهمة والشخصيات المهمة التى قابلناها وفقدنا أيضا بطاقات القرين كارد التى أكرمنا بها قسم الجوازات بقسم الأجانب بالخرطوم مجانا لهم الشكر فهل كان الفريق طه يتصرف من عند نفسه ؟ ام ان تصرفه هذا كان باْمر من احد ؟ ثم لماذا طلب منا الفريق طه عدم اعلان حضورنا للسودان الا من خلال سيادته ؟وعدم التحدث للإعلام الا من خلال الأجهزة الرسمية التى سوف يحضرها بنفسه اثناء اللقاء ؟ ثم كيف تضيع كل تلك المستندات الكمبيوتر والجوال والبطاقات المهمة لنا ونحن فى اعظم فندق فى السودان بعلم الفريق طه وذهبنا للمطار بسيارة المراسم باْذن الفريق طه و المغادرة كانت من خلال قاعة كبار الزوار باْذن الفريق طه وكل الأمتعة عندهم وتحت مراقبتهم وما علينا استلامها الا فى امريكا لان هذه إجراءات قاعة كبار الزوار .ما كنّا نظن هذه الظنون لولا ان الفريق طه ظهر على حقيقته وخيانته للدولة التى وثقت به وقلدته اعلى المناصب فنحن وثقنا فيه على ثقة الدولة فعاملنا تلك المعاملة الغير محترمة و التى كان لها سود العواقب على ابنى احمد و أسرته فما زال ابنى احمد يحزن اذا ذكر كمبيوتره المفقود لانه يذكر تلك الذكريات الحبيبة الى نفسه فنرجو من رئاسة الجمهورية وقسم المراسم رد الاعتبار لاحمد مخترع الساعة وإعادة تلك المفقودات ان وجدت بمكتب الفريق طه واعادة دعوة احمد للسودان وتكريمه كما فعلت السعودية وقطر وأمريكا وتركيا وولايات أمريكية كثيرة لان تلك العملية تركت انطباعا سيئا على نفسية احمد عن السودان فنرجو من رئاسة الجمهورية تصحيحها بعد ان اساء اليها طه والذى انكشفت حقيقته اليكم ونعتذر لجميع اهلنا وأصحابنا وللشعب السودانى لعدم مقابلتنا لهم عند زيارتنا لانها كانت تحت إدارة الفريق طه والذى أعدها أعدادا غريبا بالطريقة أعلاه ولا ندرى مالذى بيننا وبينه ؟ حتى يعاملنا تلك المعاملة المريبة ؟ وأتمنى ان يرد علينا اذا قرأ هذا المقال ؟ لانه الان فقط تحت سيطرة ضميره ؟ فهل فعل ذلك من تلقاء نفسه ام انه غضبان لان ابو احمد كان مرشحا لرئاسة الجمهورية ونسأل الله ان يغفر له اذا اخطأ فى حقنا وان يغفر لنا اذا اخطأنا فى حقه بفضل رمضان المبارك .

بقلم
محمد الحسن محمد الحسن
والد الطفل السوداني الأمريكي “أحمد” صاحب الساعة الشهيرة

احمد: انا في غاية الفرح لمقابلة الرئيس البشير.. البشير يكرم الطفل السوداني مخترع الساعة

 


‫32 تعليقات

  1. ده ما كان ساعه ياااخ !!
    إستغلال بشع للحدث
    التور لما يقع يكتر السكاكين

  2. أنا عندي احساس انو الراجل دا قاعد يتاجر بي موضوع ولدو بتاع الساعة .. تلقاهو حايم محل محل يلقط في التبرعات والهدايا ويملأ الدنيا ضجيجا .. طيب انت ليه من زمان ما كتبت الكلام دا .. ليس دفاعا عن طه لكن أظن انت رجل انتهازي .. هسه ذاتها المحكمة الأمريكية طلعت ليك موضوعك دا كلام فارغ ساكت ..

  3. بلا والد الطفل الأمريكي بلاا وسااخة مستراح.. من زمااان وين؟ بلا يخممممك

  4. يا زول اشكر ربك انو اولادك اتولدوا واتعلموا في أميركا وان ابنك احمد طلع نابغة دا لو كنت عايش في البلد كان ابنك طلع بتاع درداقة ولا بتاع رصيد ودا حال الشرفاء واولاد الناس الذين تمت إحالتهم لي الصالح العام
    وليس لهم حظوظ مع المرتشين والطبالين واللصوص والدجالين … ولا كنت انت ذاتك بياع ملابس قديمة ولا سواق ركشه ودا حال الناس الشرفاء في دولة
    المشروع الحضاري …

  5. كدي النسألك .. ولدك ده اخترع الذرة ؟؟ والساعة دي تم اختراعها قبل مئات السنين وحاليا تشتري IC ونوصلها بظريقة سهلة حدا تكون عملت ساعة ..
    فالقنا اخترع ساعة اخترع ساعة .. قرفتونا والحكومة الفارعة دي قرفتنا .. شوية القروش الصرفوها عليكم كان اجدي لو اكلوا بيها طغل جعان .. وكمبيوتر احمد ده فيه اسرار قنبلة نووية ؟؟ ..
    بطل الشحدة باسم وادك واتلم يا عاطل .. السودانيين ما فاضيين ليك .. مشاكلهم اكبر من شحدتكم

  6. يا ابو احمد..رمضان كريم..
    لكن بصراحة كترتها و مسختها..سايق ولدك من بلد لبلد زي المتسولين البشحتو بالأطفال..اتق الله وخليك عندك عزة نفس..

  7. محمد الحسن محمد الحسن
    والد الطفل السوداني الأمريكي “أحمد” صاحب الساعة الشهيرة
    نتمنى لكم الخير ولإبننا (أحمد) التوفيق والنجاح فيما ينفع الإسلام والمسلمين
    وإن شاء الله تعود لكم الأشياء التي فقدتموها
    والله ولي الأمر والتدبير

  8. انت قايل نفسك قاعد في امريكا ، بعدين شكلك كان زول سلم عليك ساي بتطالب بتعويض ، ولدك بتكون انت العملت ليهو نفسيات .

  9. هههههه ده كلام عجيب . ي راجل اتت عائش في امريكا مالك ومال طه تجي السودان وتفتش للمشاكل لامن يلحقوك امات طه

  10. محمد الحسن ده زمان كان زول الله ساي و بتاع طرق صوفيه و كان بيمدح لينا في تكساس ….
    الشيخ طلع زول دنيا ساي …
    طه و طار …قطر و عملو ليها حصار … امريكا و حتنفصل لعده دول … يا زول اخير ليك صم خشمك و ما تزعل الكيزان منك مصيرنا تاني نرجع للسودان

  11. اولا طه دا بستقبل النسوان وبالأخص الجميلات ، ومعني كده ابو احمد جاء مع حبوبه وشفع ، طه زول معروف بحب حريم الرجال ومايهتم بموضوع الا اذا دخل العنصر الحريمي فيهو او يكون في مصلحة مادية .
    بالمناسبه ولا احسن أسكت

  12. اخجل من نفسك يا رجل و بطل الشحدة و الصيد في الماء العكر و استغلال الشافع المسكين ده ..اكسب رزقك بطريقة شريفة و كريمة غير البتعمل فيهو ده.

  13. ياخ عليك الله بطل شحده وابتزاز ساعة شنو الولدك إخترعا بعدين موضوع الساعات دا الناس بطلتوا خلاص شوف اكل عيشك وين.

  14. قصة عجيبة ، ولماذا السكوت طوال هذه المدة والتحدث الان يا ولي امر مخترع الساعة ?!!! الا يوجد لكم اهل في الخرطوم لاستقبالكم ?!!! وفقدان جوال ولاب وفي فندق الفاتح ما اظن بالسهولة.
    نحن ما يهمنا طه بقدر ما تهمنا الحقيقة لاننا شعب مشهور بالامانة حتى في مشاعره وضميره.

  15. لماذا السكوت طوال هذه المدة والتصريح الان ?!!!
    وفقدان جوال ولابد بفندق الفاتح ما اظنها تحصل او تمر بلا تحقيق اذا… اذا حصلت.
    نحن شعب تميزنا بعزة النفس والامانة حتى في مشاعرنا وضمائرنا.

    واضح جدا التسول بمخترع الساعة ما زال قائما

  16. يا راجل أختشي علي دمك وكفاية التسول بأبنك وصدقني لو أنت أبوه بصحيح أنسي موضوع أختراع ساعة ولدك ديه وخليك عايش وسط الشعب الأمريكي معزز مكرم وعندك فلوس التسول بأبنك من السعودية وقطر وتركيا ومن أوباما كمان دي كلها ما كفتك وأخرتها قبلت علي السجمان الرمدان الحرامي الخسيس طه عثمان بعد ما أنكشف وأنكشفت فضائحة ، يا أبو الولد المخترع الساعة ضع في خشمك جزمة قديمة وأنطم وأعتبر طه عثمان موجود بالسلطة ولم يفتضح بعد ……………
    وبعدين موضوع ساعة ولدك ديه ليه قريب السنتين ولي هسي ما عمل فيها تطور …. الله يلعنك أفسدت صيامنا .

  17. دي تهمة واضحة لفندق برج الفاتح ، ويجب عليه تفنيدها عن طريق كاميرات المراقبة المزروعى في أروقة الفندق.

    وقال (امرنى الفريق طه ان ادفع حق السائق اى والله العظيم والدنيا رمضان وفعلا دفعت للسائق ما طلبه منى وتشهد زوجتى بذلك وأتمنى السائق ان يقرأ هذا المقال ليشهد بالحقيقة) معقووول … لا حول ولاقوة إلا بالله العلي العظيم

  18. ليه كل التعليقات انجرت بنفس التعليق الاول كالعادة دائما التعليق الاول بيكون من فرد نظام او مخابرات مزروعة ده شغلهم وموزعين للشغل دة …ياجماعة دة ولدو يلف بيهو يشحد بيهو انت ومالك لابيك ..خلونا في المظلمة ومقالو الوجه للشعب ولكل القراء وكان بامكانه نشر المقال في وقته ولكنه رجل شجاع وحكيم لم يفعل لعدم ازلال الشعب السوداني باشياء فعله رويبضة من بني جنسهم خاصة وانو كل الشعب كان فرح وفخور ايامها بابنه احمد ..ليه الازلال ده ومكتب سيادتو هي المقدمة الدعوة لمواطن سوداني امريكي ( والله لو مشى السفارة الامريكية بصفتهم حاملي جوازات امريكية ) كانو استقبلوهم افضل استقبال ..ويين المسروقات يجب ان يعاد للنابغة احمد كل ممتلكاته المفقودة ويجب فتح تحقيق ومحاسبة

    1. يا ريت لو كنتا فرد في المخابرات ذي ما قلتا
      علي الاقل كنتا ح أكون عايش في بلدي بدل جن الاغتراب ده

      غير كده والله بالجد كده ابو الولد ده لايوق لايوق لآآآآ من يطمم البطن

  19. هذا الرجل لا يستحي او انه عارف ويستغل الامر هذه الدول التي كرمت احمد لم تكرمه لاختراعه الهايف والذي لا اسميه اختراع لانه هذه الايام اي واحد يجيب دوائر ويعمل ليها شوية شغل تشتغل الساعة او عداد الكتروني او اي شيء رقمي ،نلكن هذه الدول حاولت ان تبدي تعاطفا وتظهر للعالم ان المسلمين يظلمون باي اتهام وان كان تافها .. ولكن ليس للاختراع وانما تعاطف ..
    الرئيس حين دعى احمد ليس لانه عالم ويجب ان ياتي السودان وانما لانه سوداني مسلم وظلم زورا وبهتانا ويا راجل انت كان تورينا منو الابدى اعجابه بما تسميه اختراع او حد ساكت ناقشكم فيه حتلاقي ولا ولا واحد
    اما التصرف الاخلاقي ان كان حقيقة فنستنكره وندينه ولا نرضاه حتى ولو لم تكن انتم .. ومن ثم اسئلة محيرة : معروف ان كل مسافر بيكون شايل هاتفه اما في يده اما في جيب الجيكت اين كان هاتفك ..
    اللاب توب اي واحد بيكون معلق اللاب توب على كتفه خوفا من ان ينكسر في العفش او يتعرض للسرقة ,, لم وضع ابنك الجهاز مع العفش هل هذه اول مرة تسافروا ..
    بطاقات قرين كارد سودانية دي شنو كمان اول مرة نسمع بيها ومن ثم هذه البطاقات الشخص بيضعها في محفظته وين كنت خاتيها ..
    والفريق طه تم عزله قبل ايام وزيارتكم كانت قبل شهور او سنة على الاقل لماذا لم ترسل هذا المقال لاي صحيفة او لاي موقع سوداني ان شاء الله الراكوبة او سودانيز اون لاين ..
    الان الراكوبة ستخلق فيلم ومسلسل وربما يقولون ان الرئيس عرض عليك تطليق زوجتك ليتزوجها فهم مستعدون لاي شيء واي نسج فتحمل الحيتقال ..

  20. تري الناس زعلانه لكشف حقيقة حرامية الانقاذ .طبعا لو قالو لكوز حرامي راس السوط بلمس الكتير. وطه نموزج سيء لكثير من عصابات المؤتمر الوطني التي تتغزي كالباعوض علي دماء الشعب المغلوب علي امره.
    وما قرأت من تعليقات كلها تدل علي مدي الحقد المفرط في حق طفل اشاد به العالم واكرمه.
    هنالك عناصر في السودان سيحاسبنا التاريخ .كيف نسبت الي اصالة هذا البلد صاحب القيم ووالتبلد.

  21. الراجل كان متوقع عشاء كارب بس طه خربا ليهو

    نظرنا الى وجه الرئيس البشير وكأنه غير راضٍ عن ذلك ولسان حاله يقول خذهم للعشاء ولكن الفريق طه اخذنا الى الخارج لا تكريم ولا عشاء

  22. ياخ الراجل ده فاكيها في روحو فكة مبالغة وشكلو كده شغلو كلو كان من وراء قصد عشان كده ربنا سلط عليه اليختو في مركزو الصح ويوريه انو زول موهوم شديد وطه عجبني
    ياخ احمد ولدك على عينا واخترع ساعة والصدفة بس هى العملت منو بطل وفهناك مخترعين الاف من ابناء بلدي اخترعوا ما هو اعظم من ذاعة ولدك وما عملوا معشار الهيلمانة العملتها انت
    شوف ليك شغلة تانية غير موضوع ولدك ده ياخ

  23. خلونا من النقة يعدم إعدام يتفرج علية العالم واعدام كل الأسرة بت الحرام أسرة جاسوسية معرص ولد زائد داعم ه11ادمئ السودان

  24. ياخ والله كرهتنا بي ولدك وساعتكم الفاكنها فينا دي ،، ليه نحن يادووب نعرف حاجه اسمها ساعه منكم يا وهم ولاّ ولدك دا اكتشف ليو عقارب ثواني جديده في الساعة مثلا ما كانو عارفنها ؟؟؟!!!! الظاهر عليكم لقيتو الناس خلاص نسوكم وما شغالين بيكم قلتوا نشوف لينا موضوع نرجع نظهر بيو تاني قوم كدا ياخ انت وولدك ما عندكم موضوع والله

  25. الغالبية منكم ردو بحقد علي احمد المخترع الذكي إن دل إنما يدل على جهلكم وحقدكم علي اي انسان ناجح … وما الفرق بينكم وحكومته طه … تخربون كل نجاح

  26. الحقيقه طه كان مشغول بحاجات اهم رفع عقوبات عن البلد وعلاقات البلد الخارجيه والبلد فيها حرب وتمرد وانت زول ما عندك موضوع اصلو ولدك عمل شنو بالضبط وانت داير يسوا ليك شنو وتصل لشنو الساعه الساعه ياخي اتفكفك مننا واتخارج وخليك في امريكا حقتك دي

  27. الراجل وجهت له دعوات ولباها ايش المشكله وهذا تشجيع للمبدعين
    لم يثبت ان هذا الرجل تسول بابنه امام شخصيات ودول ومعروف ان الخيرين
    يقومون بتحفيز العباقره وعلى راسهم جائزة نوبل وجائزة الملك فيصل وغيرها لقد قدمت مثلا جائزة الملك فيصل دعوه للدكتور عبد الله الطيب لاستلام جائزه هل هذا تسول وقدمت قبله للشيخ الامين الضرير هل هذا تسول وقدمت دعوه للصادق المهدي بالفلبين هل هذا تسول وغيره

  28. والله دي الحسنة الوحيدة مع التصرف الوحيد الصاح للفريق طه الدلاهة انو صر ليكم وشو يا ابو الطفل النابغة كرهتنا بي طفلك ده..حايم تشحد بيهو من دولة لي دولة..ياخي تعال اقعد بي طفلك ده في السوق العربي الدخل ح يكون رهيب ..قوم لف الله ياخدك كرهنا الساعة العرفناك فيها ياةالشحاد

  29. بغض النظر عن القصة الطويلة الفارغة وتحفظي علي سلوك هذا الرجل منذ اللحظة الاولي لدي ملاحظة صغيرة هنا وهي قسمه بالله العظيم وان الدنيا رمضان وزوجته تشهد ان طه طلب منه دفع اجرة السائق . هو يقول ان السيارة تتبع لمراسم الدولة اي ان السائق موظف في مراسم الدولة . اجرة شنو تاني ؟؟ مفروض لو دفعت اكرامية للسواق دا طه يحاسبو لأنو ما مفروض ياخد قروش من ضيف للرئيس . اما باقي الاكاذيب ومحاولة العودة للضوء بعد خسارة قضية التعويض في امريكا فلا شأن لي بها . وربنا يستر علي مغتربينا في قطر من الفضايح