سياسيةمدارات

تحليل لغة الجسد للقاء (الأمير مع الرئيس): محمد بن سلمان.. رجل قوي يعتمد عليه، محترم ومتواضع.. البشير.. منداح ومنشرح


(لمجيدي قراءة لغة الجسد وما شاء الله لدينا قراء قل أن يطيش تخمينهم، اتحفونا بما ترونه من وحي الصورة) هكذا كتب الناشط السوداني طارق محمد خالد على فيسبوك صباح الجمعة تعليقاً على الصورة التي جمعت الرئيس السوداني عمر البشير مع صاحب السمو الملكي الأمير محمد بن سلمان بن عبدالعزيز ولي عهد السعودية مساء الخميس في جدة.

وبحسب رصد محرر النيلين هذه أبرز التعليقات، كتب Moud Hassan
ولي العهد محمد سلمان يمكنك ان تقرأ وجهه لتجد أنه يمكن الاعتماد عليه ،لان اقوى صفات الرجولة ان يحترم الرجل كلمته ،طبعا على عكس كثير من حكام الخليج الاخرين اصحاب وجهين،،والسودان الان في هذا الوقت يحتاج للسعودية وخصوصا محمد بن سلمان،علاقة السودان بمحمد بن سلمان ستجنبنا اطماع جيراننا الفرعون وصاحبه حفتر،وسترفع عنا حصار امريكا.

وأضاف Moud Hassan بحسب ما نقل عنه محرر النيلين (محمد بن سلمان يعتبر مهاتير السعودية واتوقع نهضة صناعية في عهده، ويمكن ان نعتمد على انه سيمد للسودان يد العون في اي ضائقة،بس ناس قريعتي راحت يتركوا اللعب على الحبلين، هؤلاء تربوا علي السياسة منذ نعومة اظافرهم وما جابوها بانقلاب ،الواحد عرف السياسة بعد الاربعين).

وكتب طارق محمد خالد (البشير برفع اصبع يده اليسار يعدد او يؤكد أمر ما وظهر الارتياح بوجه الامير كما هو واضح). وكتب Sami Azhari (رفعه البشير للاصبع دلاله علي وضاياه التي تنم عن خبره طويله في الحكم ونظرات ولي العهد وتشبثه بالمقعد تنم علي تقدير كبير لضيفه مما يخليه مصتنط بأهتمام مبالغ).

وكتب عثمان الشريف (جلسة الأمير محمد تدل علي تقدير وتواضع واحترام والأمير معروف انه شخصيه متواضعة جدا)، وكتب ابوعبيده عبدالرحيم (البشير منداح ومنشرح).

الخرطوم/ معتصم السر/النيلين


‫7 تعليقات

  1. خلاص اتعلمتوا حركات المصريين . لغة جسد ولغة مسد . وبعدين شنو يمد يد العون للسودان . انتو ما عندكم طموح ابدا انكم حا تكونوا بني ادمين وتعتمدوا علي انفسكم ؟؟ ياخ دا خنوع وفشل غريب. يعني حتي في المستقبل راجين ابن سلمان يعينكم . لعلمكم السودان اغني من السعودية بس اهلو سجمانين

    1. احيك ياالواضح ، فعلا نحن ناس طموحنا ضعيف شديد وماقادرين نفهم اننا عندنا قدرات اكبر من في السعودية والخليج موارد وانسان. امس قريت انو حتى وسخنا الفشلنا نلموا ونحرقوا في العاصمة جايبين ليه شركة مغربية تقوم بذلك
      هسع شوف الراجل الفي الصورة ده من يوم واحد عشرين رمضان قال ماشي يصلح بين الخليجيين وخلى البلد فيها كوليرا ويمكن يجيكم بعد العيد يااخوانا في رئيس محترم بقعد خارج بلده بالاسابيع. امير الكويت مشى نص يوم ورجع بات في بلده.

  2. السودان محتاج رئيس شاب و طموح وبحب وطنه وشعبة مثل محمد بن سلمان.

  3. افرا لكم لغة جسد السيسي بالرغم انه غير موجود معاهم (هو غير راضي لقاء البشير
    بولي العهد كأول رئيس يقابله بعد توليه منصب ولي العهد من الاولي ان يقابل السيسي اولا لانه اولي من البشير بحكم
    علاقته الجيدة مع السعودية حسب رايه وحسب لغة جسده).

  4. دي كيف فاتت علي السيسي انا ماعارف
    وصادفت وجود البشير في السعودية امكن هو محتار في المسالة دي يقول في نفسه الزول دة الجابو فى الوقت دة شنو؟
    هههههههههههه فااااتت عليك ياسيسي

  5. منداح و انداح دي شنو المسكتوا فيها دي ..كلمة لا محل لها لكن تيتعمل بكثرة الايام دي مثل استخدام الجوكر في الكوتشينة اسوة بصاحبتها عبر عبر ..احسبوا معاي المذيع يكرر عبر كم مرة في الدقيقة!