زواج سوداناس

الصدمة.. كتب السيناريو بكل حقارة ووساخة.. ديل سودانيين اصلا وملهمش لازمة.. سودانيين اي كلام.. فيديو



شارك الموضوع :

كل عام وانتو بخير

ماتهتمي باللذي يقال !!
اهتمي اكثر بالكلام الما (اتقال) ..
اهتمي بالكلام الضمني نص الكلمات ..
تعلمي قراءه الرسائل المشفره بين السطور …

العبارات اعلاه … قالا لي زول في مناسبه ما ..منذ زمن بعيد ..
سبحان الله اتذكرتا وانا بتابع ساعه الفطور في برنامج الصدمه …

وعاده ماقعد اتابعو …
بسمع بالهباله بتاعتم …

وبالجد كان صدمه … ما اتخيلتو كده …

بالمناسبه … في الاغلب الحلقه الاخيره من اي برنامج او مسلسل ..بتسجل اعلى نسبه مشاهده ..
حتى ولو كانت ضعيفه المحتوى .. او حتى لو ماعجبت المشاهدين تظل الحلقه الاخيره من اي عمل تسجل اعلى نسبه مشاهده ..

تفتكرو برنامج الصدمه … مقصود منو شنو ؟؟
اترك ليكم الاجابه …
نختلف او نتفق في الفكره العامه للبرنامج ..
ده ماموضوعنا ..

انا شخصيا ..المشهد بتاع اللبناني ماهماني كتير ..
شعب بعيد عني ..ومابهمني في شي …
حتى ولو كانو عنصريين ..
طيب الالمان اكثر عنصريه .. وفي يوم من الايام لمو كل الناس وحرقوهم ..
الهلوكوست ماكانت ضد اليهود بس .. كانت ضد كل الاقليات .. منهم سود واسيويين كمان ..
والامريكان عدييل قالو ممنوع دخول السود والكلاب في المطاعم ..
والانجليز .. خلو العماره تحرق 12 ساعه وماعرفو يطفوها …

ماعلينا منهم ..

نشوف مشهد المصري ..
(ابن النيل )(اجدع ناس) زي مايحب البعض تسميتهم ..
نشوف جدعنتهم ..
موضوعي عن الكلام الدقاقه … الدراب …المسجات المشفره الكانت بين السطور

الجرسون ماقالا ..
والمذيع في نهايه الحلقه برضو ماقالا ..
لكنها وضعت ..وبطنت ..وتم تغليفها نص الكلام …

اذكر بعضها …
1)ديل سودانيين اصلا وملهمش لازمه ..
2)مش عارف جو هنا ليه ..جو يعملو تأشيره ولا حاجه ..
3)دول سودانيين ومش عارف امشيهم يجي من ساعه
4)دول سودانيين اي كلام
5)دول سودانيين ..وبص بص حضرتك طالب ايه ؟؟مخدش غير اتنين بيض وواحد عصير ..
6)اتفضل مش حاحاسبك اصلا ..اتفضل تلحق طيارتك ..

لاحظتو كيف اختزل (كل الشعب السوداني وليس الاسره السودانيه ) في الحاجات القالا فوق !!
-السودانيين بزورو مصر لاسباب كتيره (سياحه ..دراسه ..علاج ..تاشيره ..لجوء سياسي ..تجاره .. زياره اقارب … حضور مناسبه ….الخ )
لكنه تعمد اختيار (التاشيره) اشاره للوضع الاقتصادي والامني في السودان ..

– والسودانيين من الشعوب (الاكاله) ماشاء الله ماشاء الله ماشاء الله
لكن لمن نجي نتكلم عن وجود اسره في مطعم ..هنا تجوز كل الاحتمالات ..ممكن يطلبو وجبه دسمه لو جيعانيين ..ممكن يطلبو سندوتشات …شاي ..عصير ..بمبر
خروف ..دبابه …اي حاجه قابله للاكل 🙂
الجرسون اختار (اتنين بيض وميه وعصير برطقان) ..اشاره انو السوداني مسكين ومفلس وماقادر يطلب وجبه كامله دسمه لاسرتو …. ملاحظين اختصرنا كيف في عصير وبيض ؟؟ مش يمكن اتغدو في بيتم وطالعين مشوار ..ونص الشارع الشفع اصرو جيعانين دايرين ياكلو (الشفع مشهورين بالعواره دي ..طوالي جيعانين والتانيه دايرين يخشو الحمام كل شويه )
ضروري اي سوداني لمن يدخل مطعم في مصر يطلب وجبه كامله للاسره كلها وهم اصلا اتغدو في بيتهم قبل يطلعو … عشان خاطر الشفع ؟ولا سندوتشين يسكتو بيوم الشفع وخلاص !!
يعني الاب والام احتمال شبعانين ..ذنبهم شنو ياكلو في كل مره مع شفعم ؟؟

لكن احتمال الاب فعلا مفلس وماعندو 🙂
طيب ماهو قعد وطلب الحاجه البقدر عليا .. وحيدفع ..
وين المشكله ؟؟ عادي بتحصل !!
المشكله انو سوداني .. ولازم يتم اختصارنا في بيض وعصير ..

كاتب السيناريو بتاع الحلقه دي .. كتب السيناريو بكل حقاره ووساخه .. هو ماكتب حوار ..انما رسم صوره نمطيه عنصريه تافهه عن السودانيين ..
وخاطئه ..
مش كده وبس ..
بل اراد يرسخا في الاذهان ..
ماتتفتكرو اختيارهم لليوم الاخير من رمضان من فراغ ..
بعدين تعمد استعمال (السودانيين) وكررا كتير .. طب ماتخاطب الاب بيا اخ او ياسيد …لكن كده مابنفع … الحلقه ماعن الاسره دي تحديدا ..الحلقه عن (السودانيين كلهم)
بعدين انت لمن تكون عندك حاجه دار تاكدا ..بتقوم تعمما (السودانيين) بعداك ترسخا ..
كيف ؟؟
بتكرارها 🙂
السودانيين
السودانيين
السودانيين
كم مره قالا ؟؟ احسبوها 🙂

الكاتب شوه بعض الحقائق عننا
ودردما .. وطلع بالصوه النمطيه سالبه عننا
الحاجه السالبه دي.. ماكان بنفع يقولا صراحه !!
ليه ؟؟
الحاجه البتتقال صريحه دايما مابيتم قبولا ..
مازي لمن تضمنا ..وتدخلا نص الكلام …وتخاطب بيا العقول بطريقه غير مباشره
كده قبولا بكون اسهل ..
نضرب مثل بالحب والمشاعر مثلا .. قبولنا لشخص بنعرفه او مابنعرفه ..لمن يجي يبوح لينا بشعورو بصوره واضحه ..قد يساورك شك وماتقبل كلامه ..يمكن بيلعب؟ يمكن ماجادي ..
لكن لمن يحاول يترجم شعورو ده لافعال تعبر عن شعورو ده زي الاهتمام والتقدير وووو الخ …ببطئ ..حتلقى نفسك ارتحت للشخص ده ..بدون مايكون قال لي اي شي …
شفتو كيفن 🙂

بنفس الطريقه الحلقه دي تضمنت رسائل سلبيه مشفره كتيره اريد بها التقليل من شان السودانيين اجتماعيا وكسر شوكتهم (زي ماوحده من التافهات قالت حتى السودان استئوت..استقوت ) …. زي التحطيم المعنوي …

(دول ملهمش لازمه) … العباره دي اتقالت كتير قبل كده ..اشاره احنا اقل منهم
(جو هنا مره واحده بس )
قصدو السودانيين مابياكلو في المطاعم اصلا عشان مابتحملو تكلفتا …
(اتفضل مش حاحاسبك اصلا ..عشان تلحق الطياره)… العباره دي قمه الاحتقار لينا …نظام اديناك حته البيض والعصير كنوع من الصدقه اصلا انت ماحتدفع حقهم … والحق طيارتك اشاره انو وجود السودانيين في مصر غير مرغوب فيهم

اذا كانت الحلقه عن قباحه العنصريه ضد السود فعلا …
ليه تم اختيار الممثل سوداني الجنسيه ؟؟
ماكان ممكن .. كيني؟ نيجيري ؟؟مالي ؟؟
ماما افريقيا الخير فيا عامر والله ..
ولا الافارقه حلب ؟؟ والسودانيين هم الخدر براهم؟؟

شفتو الكلام الما اتقال كتير كيف !!

بقلم
Sara Hassan Abdalla

شارك الموضوع :

تعليقات الفيسبوك

تعليقات


14 التعليقات

إنتقل إلى نموذج التعليقات

      1. 1
        Hisham

        أنا محتار كيف السوداني يوافق علي هذا الدور في الأساس ولو فرضنا إنو مقتنع بتقديم التجربة للبرنامج من أجل فائده يراها هو فكان من الأفضل له أن يحتاط بأن يراجع نص السيناريو كاملا قبل العرض وأن يكون هناك شروط قبل عرض الحلقة.. وأيضا أن يكون له الحق في التعقيب بعد الحلقة مباشرة يثبت فيه أنه ليس السوداني من يقبل أي إهانه من أي نوع ويؤكد للجميع أن لو كان هذا المشهد حقيقيا لكان هناك تصرف آخر وردة فعل عنيفة لا تحمد عقباها.. وأن تكون هذه الحلقة فرصة طيبة لتعريف كل شعوب العالم بأن يأخذو كل حذرهم من السوداني…
        بالمناسبة كلمة زول البقولوها للسودانيين في الخليج وبرا السودان دي فيها إستخفاف مبطن بالسوداني.. بس

        الرد
      2. 2
        Mukh mafi

        تسلمي اختي سارة وكل سنة وانت طيبة انا مثلك شاهدت الحلقة ولا اكذب عليك اني نزلت مني دمعة ليس للمحتوى ولكن لأن هناك سوداني قبل واسترخص نفسه ليمثل لهم دور الأسرة وفعلا تتبعت العبارات المحشوة خلاف ماقبل مع الآخرين وأسئلة كثيرة دارت في راسي لم اختاروا سودانيون لم الاصرار على تكرار كلمات معينة ما الداعي لها كموضوع التاشيرة وغيرها ومالهمش لأزمة .. ارجو ان يكون البعض أيضا لاحظ تبسم البعض بل وتلبية طلب الممثل بالجلوس فعلا في مكان الأسرة التي طلب منها المغادرة ولا استبعد أن يكون هؤلاء ايضا متفق معهم أن يلبوا الطلب إمعانا في تأكيد انه ما لهمش لأزمة اكثر من عنصر أعجبه كلام الساعي وانفرجت اساريرهم مما يعني أن هناك شيء ما في نفوس هؤلاء المتخلفين
        ولكن احزنني السوداني الاهبل الذى ارتضى المهانة والذلة وهو لا يدري أنه يسيء لبلده مقابل مبلغ من المال يكون وصله ربع المقرر او جزء لا يقارن مع ما دفع لغيره ولاحظوا أنهم اختاروا شخص فعلا يبدوا عليه الهبل
        من هنا أطالب وزارة الخارجية ووزارة الإعلام بمطالبة قنوات الام بي زفت أن تعتذر للشعب السوداني علانية وعلى قنواتها
        لماذا لم ياتوا لسعوديين مثلا او اي خليجي لماذا لم ياتوا لمصري يمثل انه فقير

        الرد
      3. 3
        جدلي

        انا متفائل جدا بسبب انو هؤلاء الغجر المصريين كل ما ليهم متدنييين حتي عندما يقصدون عكس صوره جيده عن تعاملهم مع السودانييين.. وانا اري اليوم الذي يفصل الشعب السوداني بينه وبين هؤلاء الغجر بالف جدار .. واري اننا والحمد لله في موقف قوه كل عام بعد عام . بسبب نظرتهم السطحيه والنمطيه هذه واخيرا تف عليك يا ام بي سي

        الرد
      4. 4
        مسيخ

        اولأ البرنامج اسمه الصدمة
        يبدو انه و نسبة لحساسيتنا الزائدة تردد القائمين كثيرا قبل بث الحلقة
        ثالثا نظر الكاتب للجزء الفارغ من الكوب و نسي اسم ان كل ما يقدم صادم وهو سبب صدمة الكاتب .
        في حلقة سابقة تم تعريض اسرة سورية لاجئة في الاردن لنفس الموقف الصادم و لم تحدث ضجة كما حدث الان . فلنترك حساسيتنا الزائدة و نتحلى بالثقة و لنلتفت لمشاكل البلاد الحقيقية و هي محاربة ثالوث الفقر و الجهل و الفساد

        الرد
        1. 4.1
          هريسة وهردبيسة

          كلامك 100%

          الرد
      5. 5
        متابع

        انا متفائل جدا بسبب انو هؤلاء الغجر المصريين كل ما ليهم متدنييين حتي عندما يقصدون عكس صوره جيده عن تعاملهم مع السودانييين.. وانا اري اليوم الذي يفصل الشعب السوداني بينه وبين هؤلاء الغجر بالف جدار .. واري اننا والحمد لله في موقف قوه كل عام بعد عام . بسبب نظرتهم السطحيه والنمطيه هذه واخيرا تف عليك يا ام بي سي

        الرد
      6. 6
        Amal taj

        انا طبعا من امبارح أيدي وجعتني وانا بكتب في كل حته ممكن تصل ليها أيدي عشان استنكر الحصل ده وما عايزه أقول ليكم انهم مسخوا علي فرحه العيد بس انا ما ح اسكت كل يوم حاحاول اعمل حاجه
        بحاول أوصل الموضوع ده للسفاره هنا في قطر
        كلمت واحد محامي يوصل الموضوع ده لنقابه المحامين في السودان يعملوا حاجه
        احنا حكومتنا دي عمرها ما ممكن ترد لينا اعتبارنا بس احنا ما مفروض نسكت أبدا اي زول في أيده حاجه يعملها في ناس عندها تأثير في الاعلام ياريت تتدخل
        ما تبقي الحكايه استنكار بس

        الرد
        1. 6.1
          الكمندان

          المفروض دة اليحصل بس للاسف نحنا متمسكين بي كلمة باركوها والطيبة المستغلة فينا !!
          المساس بكرامة السودان وشعبة خط احمر يجب ان لا نتهاون فيه !!
          احيك جدا واتمني ان يكون الجميع مثلك !!!

          الرد
      7. 7
        الوالي

        من يأخذ الموضوع ببساطة لا يعرف إلى أي مدى يمكن أن يصل خبث مصر الرسمية..وليس الشعب..
        الرسالة ربما تكون واضحة لبعض من لا يعترفون بالصدف..
        ..هم يريدون للسودان ان يكون هو التالي بعد قطر..
        وعيدكم مبارك..

        الرد
      8. 8
        احمد عبد الكريم

        يعني انتو مستغربين؟ تفاهة المصريين عايزة اثبات؟

        الرد
      9. 9
        هيثم

        ياجماعة ركزوا لي رد المصرين عندما طرد الاسرة السودانية تقريبا معظمهم موافيق علي طرد السودانين ده المصيبة وقارن بين اللبنانيين كل رفض طرد الاسرة السودانية.
        ده دليل علي معظم الشعب المصري عنصري ومتعالي ومتكبر وينظر للسودنيين نظر دونيه.

        الرد
      10. 10
        wad nabag

        محاوله فرض النظره الدونيه علي السودانين داخل المجتمع المصري محاوله بائسه فاشله من حيث الاخراج والتوقيت لان الفوارق الثقافيه ومستوي المعيشه والعادات والتقاليد بين الشعبين تكاد تكون متطابقه وهناك خمسه ملاين سوداني يعيشون بمصر طبقا لاحصائيات رسميه, والتوقيت ان كان مقصودا فسخيف وان ام يكن كذلك فبلبد لان الدنيا عيد, فاي انسان سوي لايقبل ان يُطرد اي زبون في مطعم ليجلس هو مكانه خاصه اذا كان المطرود اسره كامله تجلس بهدوء وسلوك لائق ومن دوله شقيقه مجاوره الا اذا هذا الانسان متبلد الاحساس ؟
        من ناحيه اخري فان الشخص الذي قبل بتصوير المشهد المحرج بصوره متكرره وهو جالس يسمع ويري ولاتكون له رده فعل او تعليق من اي نوع يعكس صوره غير مقبوله وغير حقيقيه عن سلوك الاسره السودانيه لايقبلها رب اي اسره عاديه اذ كان من الممكن ان يخرج مغاضبا او يلوم الجرسون علي صفاقته!!! وكان من المفترض علي الاقل ان يعطي رب هذه الاسره فرصه اخيره للتعقيب علي الحدث ويدلي بوجهه نظره وقد حُرم من التعليق علي اضطهاد مزعوم او خطأ من جرسون في مطعم عام وهو جالس كالخشبه لايبدي حراكا او امتعاض او رده فعل علي مايدور حوله من سخافات.
        مره ثانيه الامر لايخرج من ان يكون محاوله بائسه مشوهه عن حسن معامله المواطن المصري لاخبه السوداني وهي حقيقه معاشه لاتحتاج الي اثبات لكل من زار مصر لسياحه او تجاره او علاج فمشكله الزائربن لمصر الحقيقيه هي محاربه ومنع الغش والاحتيال من بعض محترفي النصب والسرقه للسواح العرب .
        ونقول للمواطن السوداني الذي قبل بخوض التجربه وهو اصم وابكم واعمي ان هذا الصمت البليد لايليق بشخص يريد ان يبعث برساله لاخوانه
        في السودان تعكس حسين علاقه الشعبين؟ فكان لابد من كلمتين تبرر بها
        الفبول بما حدث من سلوك مستهجن لاسرتك وهناك العشرات من المطاعم مفتوحه لخدمه من يدفع بل هناك عده بدائل اخري للزياره والسياحه .
        الرساله التي يرسلها هذا البرنامج ضعيفه الاخراج ركيكه الاسلوب تمكس علاقه متجذره بين شعبين لايستطيع ان يتلاعب بمحتواها بلهاء الاعلام فمن بعد اظهار السوداني كبواب يتكلم بعربيه مكسره جاء دور السوداني الابكم الاصم الاعمي !!! متي بتم اظهار السوداني كانسان عادي بسيط وكما هو لا ادري ؟ لعن الله العلمانبه التي تحكم عقول ومفاهيم اجهزه الاعلام الكاذبه الخربه.

        الرد
      11. 11
        Osama

        طبعا كل قنوات العهر والجهلوالتعري تدار بي المخابرات المصريه وجيش الكفته من طبالين وقوادين
        وهي موجهة لي تحقير وازلال الشعب السوداني الصابر
        يجب التعامل مع المصريين داخل السودان وخارجه بكل استحقار وفظاظة والتعرض لهم في كل الأماكن سواء كانوا مسلمين ومسيحيين نساء او رجال ( ولا اظن ان فيهم راجل فكلهم راضع من ثدي عاهرة )
        فهولاء الرعاع الجهلاء وما أكثرهم او حتي التعرض لهم بي الضرب والشتيمة كشيمتهم التي تربوا عليها
        وما حدث من ابناء الجاليه السودانيه في مدينة برايتن
        ولندن خير دليل علي إسكاتهم فالضرب ينفعهم
        اما مسالة ابن النيل وشعب طيب وكلام التطبيل من اجل
        البقشيش دي زادت الطين بله ولو منتظرين رد فعل وشجب من حكومة السجم سوف تنتظرون كثيرا …

        الرد
      12. 12
        الهمباتى

        والله انا محتار ومصدوم انو لسة فى ناس بتتابع برامج مصرية او قنوات مصرية وللاسف لسة التلفزيون السودانى بيعرض مسلسلات مصرية لذلك كل المشاهدين هجرو تلفزيون السودان…
        العارف عزو مستريح لذلك هؤلاء اولاد الرقاصة لن يمسو كرامتنا بشئ وكل العالم يعرف عفة واصالة وكرامة الانسان السودانى.
        وهذا سيناريو للتصوير فقط واتحدى اي مصرى فى مطعم او متجر يعمل مع سودانى كدة والله المصري يقرب يبوس جزمتك اتفضل يا بيه اتفضل يا ابن النيل فهم معروفين ليس لهم كرامة وشعب متملق وشحات

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *