سياسية

البشير: يدعو الشعب السوداني للانتقال للمرحلة الجديدة بعزم


دعا رئيس الجمهورية المشير عمر البشير رئيس المؤتمر الوطني الشعب السوداني كافة الي التصالح والعفو والتصافي ومراجعة النفس للانتقال للمرحلة الجديدة التي تشهدها البلاد بعزم .
وقال البشير لدي مخاطبته احتفال المؤتمر الوطني بمناسبة عيد الفطر المبارك بمقره بالمركز العام مساء الإثنين، السودان مقبل علي مرحلة وضع الدستور الدائم علي هدي الوثيقة الوطنية وبعد التوافق علي مخرجات الحوار الوطني .

وتعهد الرئيس البشير بطرح حوار واسع حول الدستور يتم فيه تقديم وثيقة يتم الدفع بها للهيئة التشريعية لاجازتها ثم يتم عرضها علي الشعب السوداني في استفتاء عام للموافقة عليها واقرارها .

وتطرق المشير البشير الي تجربة الحوار الوطني السوداني والتي وصفها بالمتفردة وما شهدته من توافق وتصالح ، وقال في هذا الخصوص كثير من الدول تتطلع اليها باعتبارها الحل .

الخرطوم في 26-6-2017(سونا)


‫10 تعليقات

  1. ياخ اختشي علي دمك نصف الشعب مابين مشرد ومسجون ولاجي ومهاجر سيب سودانا بي خبرو
    حسبي الله ونعم الوكيل فيك

  2. ننتظر مخرجات الحوار في الحكم الراشد والنزول الى احتياجات الشارع..
    ماظهر الآن من مخرجات هو حكومة السبعين وزيرا وهي بالتأكيد تمثل كل الأحزاب والحركات ماعدا الشعب السوداني..
    وخلع لوحات السيارات ظلما وتسلطا هذه الأيام لا تعبر عن مرحلة مابعد الحوار التي نتمناها.. فكيف يعزم وينتج المواطن وهو يشعر بأنه عبد مستضعف؟!..
    ومالم تعد شعارات فالنأكل مما نزرع والنلبس مما نصنع، ومكافحة الفساد بقوة فلن نتقدم شبرًا..

  3. علي الطلاق الشعب السوداني فقد الأمل فيكم ومله وتعب من وعوداتكم التي استمرت اكثر 25سنه بترول بطلع ونسوي ليكم ونسوي ليكم استقطاب استثمارات نسوي ليكم ونسوي ليكم مابسوي لي الشعب انتو قصدكم ناسكم فعلا سويتو ليهم

  4. هجرنا بلدنا هجرنا اولادنا هجرنا اهلنا كلو بسب الفساد علاج نار اكل شراب نار دخل مرتبات صفر ومنتظرين الوعودات وكلها تصب في مصالحكم وطلعت هواء في هواء … كلامكم بقا لي الشعب السوداني ووعوداتكم الشعب بقا عارف بشيلا الهواء زي ماشيلاء24سنه او اكتر .. شعب بقا ماشي براهو أسواق لا رغيب لاعتيت كل شخص ابيع بي مزاجو لو سلع استهلاكيه لو دواء … خلينا السودان ده كل الناس شردت لي الهجره. .. كترت الزبحات في السودان بسبب الضغوط والتفكير في لقمه عيش هنيه وعلاج

  5. الفيلم دا كل عام بيتجدد
    الزول والله غير الكضب م عندو حاجه
    قايتو نقول ربنا يلزمنا الصبر

  6. حقيقه
    الشعب زهج
    سؤال غير برئ
    خلال عشروميه سنه هل طلع قرار واحد لصالح الشعب ان شاء الله اقولو خفضنا تمن كيس الملح
    كلو يوم زياده ف زياده وكل يوم وزير جديد وكل يوم حكومه جديده وكل يوم حرامي جديد
    مافي جديد ف تطوير ولا نظافه ولا تجميل للمدن والعاصمه،، مافي بني تحتيه كبيره جديده ،،الشوارع النظيفه وجميله بدل تحافظ ع جمالها وتزداد جمال صارت منتهيه
    الاسواق حدث ولا حرج فيها الهرج والمرج و الامراض والوساخه والضيق والتلوث وعدم النظام واسعار فلكيه من غير رقيب وعدم سيوله المرور
    وووووز الخ ………
    الشعب لا شاف خيرات بترولو ولا خيارات دهبوا ولا خيرات زراعتو
    الله كريم والحمد للله ع كل حال لو كان اختبار من الله
    ولكن لو كان عدم عدل وظلم ف الشعب مخير اسامح ام لا يسامح
    يعفو ام لا يعفو!!!

  7. علي الشعب السوداني الاستعداد للانتقال للآخرة. ..يااااخي الزول الكضاب ده متي يتوب الي بارءه. ..وبعدين استفتاء شنو. …هو انت بقيت رئيس باستفتاء. …ضياع وقت وهدر للمال. ..وانت اصلا فاكر السودان ده حقك ورثو ليك أبوك تتصرف فيه بمزاجك وأي زول عندو فهم غير كده. …يستاهل طلقة في راسو. ..لكن لك يوم يا مجرم

  8. نسأل الله ان لا يسامحك ولا يسامح كل من سرق نص جنيه من مال الدوله ولا يسامح كل من قتل ونهب وشرّد هذا الشعب المسكين ونسأل الله ان لا يسامح كل من اضاع الحقوق وفكر فى اهله وحزيه وزريته ونسأل الله ان لا يسامح كل من استغل منصبه لمصالحه او مصالح اهله نسأل الله ان لا يسامح كل من اعتدى على ضعيف او مسكين ونسأل الله ان لا يسامح من شرع لكم سنه التمكين ونسأل الله ان لا يسامح اى رئيس او وزير نام شبعان والشعب يتلوى من الجوع وغلاءالاسعار ونسأل الله ان لا يسامح كل رئيس او وزير يتعالج خارج البلاد والشعب يموت من عدم العلاج ونسأل الله ان لا يسامح كل رئيس او وزير تزوج مثنى وثلاث وشباب البلد لايستطيع ان يتزوج ونسأل الله ان لا يسامح كل من جلب المخدرات ودمر شباب البلد ونسأل الله ان لا يسامح كل من صدر ثروتنا الحيوانيه ومنتجاتنا لمصلحته الشخصيه ونسأل الله ان لا يسامحكم يا من تساهلتم فى دينه وغرتكم الدنيا ونسأل الله ان لا يسامحكم انه على كل شئ قدير وصلى الله وسلم على سيدنا وحبيينا محمد وبارك عليه

  9. استحوا على دمكم وفكونا من هرجكم الفارغ دا …والله المنك يشوف ليه مصلاية ويجهز كفنه وينتظر حسابه في القبر .حسبنا الله ونعم الوكيل فيكم وربنا ياخذ حق الشعب دا منكم في الدنيا قبل الآخره