نجم الكوميديا محمد موسي يهاجر الى اميركا ويصل قبل ايام من تعليق سفر مواطني السودان.. فيديو

والله دقس دقسة امريكا دي اخير منها سواقة درداقة في سوق مايو …
بلد مفلسه فلسه مبالغة والبيمشيها مستقبلو ضاع

الراجل ده شابكنا ارجعوا يا مغتربين ارجعوا يا مغتربين – كانت تمثيل ولا شنو ؟

طول عمره ينادي فعلا ارجعوا وبلدنا سمحة وبلدنل ايه وايه وهو اتاريه يطارد في اللوتري

ربنا يوفق الجميع بما فيه نفع للامة الاسلامية ونصرة الاسلام والمسلمين فى كل ارجاء الارض

الشروق مرت من هنا خبرها شنو بعد ده؟؟؟

شخصيِّة فنيِّة ( محبوبة ) في المجتمع ..
أفضل ( من ) الكثيرين في وضعه وما ( هو ) عليه ..
كما ( الفنانين ) له ( عدَّاد ) في السهرات والليالي الترفيهية ..
أحياناً ( يكون ) الحجز صعباً لجلب الفرقة التي ( يعمل ) معها ..
ويكون ( الأمر ) أصعب ( حين ) الطلب بتواجده ( مع ) الفرقة ..
يعمل ( في ) الشروق وله برنامج ( ناجح ) لدرجة أنه سافر به خارج البلاد ..
.
.
زووووول ( زي ) ده يسألوهووو ( إنت ) ماشي من السودان ليه ؟؟
بدلاً عن :-
إنت ( ماشي ) إمريكا ليه ؟؟

بعد قريت وعلقت قعدت افكر هسي زي محمد موسى دا حيشتغل شنو في امريكا والله الا سواق تاكسي ودي عايزة تلاتة او اربع سنوات عشان يعرف الولاية الهو فيها او يعرف شروط انك تكون سواق تاكسي ولا يعرف فهم اللهجة حتى لو بيعرف انجليزي

حزنت لك ياود موسى ، مالك ومال الشبك والتلتلة ، عايش فى بلدك فى امن وامان وتمشى امريكا اها خم وصر كان تلقى فيها كدة ، حاتعيش فيها زى البنغالى فى السعودية تلقط رزقك لقيط و الخواجات ديل قروشهم حارة لو ما حكوك صاح ما بتلقى منهم شئ ، غشوك ساى وقالوا ليك امريكا بتغنى فيها اها كما غلبت الرجعة تانى ما ابقى سودانى ، غايتو نصيحة منى ليك اتخارج سريع وقالوا الف نطة ولا خازوق واحد ، الحق قبل مايركبك خازوق وتغنى زى اللحو كل الدروب جربتها الا سكتك غلبتنى الرجعة.

الهجرة سرقت قبلا
تحية زروق
يحى فضل الله
محمد تروس
أنور عبدالرحمن(عقد الجلاد)
عمر بانقا (عقد الجلاد)
خطاب حسن احمد
الموصلي
عمار السنوسى
عامر الجوهرى (رجع
محمود تاور (لحق نفسه)
سيف الجامعة (رجع)
جمال حسن سعيد (طلع حرية رجع طوالى)

محمد موسى والله العظيم دقست
الحق نفسك
بقالة أو طرمبة بنزين
أو
ال cnn مرت من هنا

يا شباب والله القلتو دا حاصل في امريكا، لكنها ليست بكل هذا السوء، في امريكا الكل عبارة عن سلعة في السوق عندها قيمة محددة، لو عندك دبلوم تاخد 17$ في الساعة، بكالريوس كم و ثلاثين، ماجستير لحد خمسين، انا جيت لوتري و بديت بغسيل العدة 150$ في الاسبوع، وفقني الله في الدراسة حتي حصلت علي الدكتوراة والان الحمد لله باخد 167$ في الساعة، ممكن الاخ محمد موسي يجتهد و هو بالفطرة لماح و ذكي و يحصل علي ما يربو اليه، لو اجتهدت في امريكا تتحقق احلامك

مع احترامي لآراء الجميع ربنا يوفق كل سوداني طلع من البلد والطلوع مجبرين لان حال السودان لا يخفي علي احد .. انا في امريكا ولم اقفل سنه لكن علي الاقل الاولاد تعليم وتراحيل وعلاج مجاني دي في بلدي مافي ومتابع ألم الاسر بعد شهر رمضان والعيد ثم تجهيز احتياجات المدارس ورسوم المدارس وتدني التعليم وتدني وانهيار الصحة والمرافق الصحية وتهديدات الكوليرا لما محمد موسي وامثاله يكونو بعيدين عن التهديدات دي معقوله دا ما مكسب؟؟ هل حكومة السودان بترحع ليك ضرائب السنه احيانا عشره الف دولار؟ الخلاصة انظرو للايجابيات فعلا هي طاحونه ودعك وشغل وبنسميها طاحونه لاننا شعب كسلان وعاوز الجاهز ،، امريكا تحترمك اذا احترمت قوانينها وكنت ملتزم والمقصد والهدف الابناء والتربية هي البتمنع الانحراف وليس عدم مغادره السودان لان الانحراف في السودان تجاوز كل الحدود اغتصاب حتي الاطفال لم ينجو منه ومخدرات للاسف الكثير ولا يخفي علي احد بالتوفيق لكل مغترب وربنا يعين السودان واهله

يا ناس لا للكلام المحبط لا للاساءة للقبائل لا للحسد متين الاغتراب بقي بعبع وجريمة؟ بتبالغو والله ،، السودان السمح دا عمروهو طيب ما تنبذوهو ولا تهينو الحكومه واسكتو علي الحاصل فيهو ،، امريكا كعبه ولا سمحه دي بنحددها نحنا القاعدين فيها

اولا: حمد لله علي السلامة و مرحب بك في أمريكا الشمالية و نتمني لك التوفيق و حياة سعيدة و ان شاء الله البلد يعجبك.
ثانيا: التعليقات السالبة دا لزومها شنو هل حقد او حسد او غيرة. ما بترحمو و لا بتخلو رحمة ربنا ينزل.
ثالثا: الولايات المتحدة ارض الأحلام كلو واحد و حظه و بعدين ملايين البشر يتمنون العيش فيها.

ربنا يوفق ويسدد خطاك ياناس ياحساد خلو الراجل في حالو هو ساقر وخلى ليكم البلد