الزيتونة كيفن تنضبِح..؟
حُميدة لا..
لا تنفعِل بالله لا تغضب تثور..
من زول يطالب بي حُقوق..
أو صحافة بِتَنبِش الفِعِل الخَطأ..
يا ريت تَروُق..
ما تَوصِف الغير بالجهل..
أصل الصُحف مُترصِدا..
للزيّك (المفروُض) وزير..
للصَحة والناس تشتكي (الوجع) المَرير..
من المرض يتألمون..
هم كانوا بيك (يستبشرون)..
والصحة تاج..
كم بيها كانوا بيحلمون..
لو ليها عبرك يوصلون..
وللعيان ..(الفقرِ) واضِح قد بدأ..
ما بينّا قط ما كان عِدا..
أصلو ما محتاج شَرِح..
والقصة أكبر من كده..
زيتونة مشفانا السَمِح..
يا سيدي حاشاها الضَبِح..
خليها مصدر للرِبح..
حُميدة كيفن تفقِدا..؟
كيف تمشي في نفسِ المصير..؟
تلحق المَشفى الكبير..
الإنضبَح وضَح النّهار..
يا سيدي والنّاس شَاهِدا..
قصتنا أكبر من كِده..
مرت عُقُود راحت سُدى..
إتقسمت فيها البلاد..
جنوبنا كان كبش الفِدا..
والناس كمان إتقسمت..
كُتار تِحِت وشوية فوق..
دخلنا في النفق الظلام..
لا (زعيم) يهدينا لي بر السلامة ولا (إمام)..
ما زلنا في جوة النفق ..
تاهت خُطانا بلا هُدى..
ليلنا طال من غير شروق..
يكفينا يا سيدي الكلام..
ورينا كيف درب المروق..؟
بلا أقنعة – زاهر بخيت الفكي
صحيفة الجريدة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
عندما يعيش مثل هذا (الناعم)في برج عاجي ويعصم نفسه من الناس فبالتأكيد سيكون له منظوره الخاص الذي لن يستطيع ان يغالطه فيه أحد.
هو مقتنع انو هو احسن زول في الدنيا ومافي زول غيرو..ما شاء الله جامعاتو شغالة وبتدخل ليهو بالدولار الكاش والمستشفيات في (خدمة) البلد، نعم هي خاصة وبتدخل قروش بالمليارات، لكن برصو يعني المفروض انو الناس ماتنق ليهو وتسحرو، البلد دي حقت منو يعني؟!!!.. يعني عشان كسر الحوادث وقفل مستشفى الخرطوم وجففّ البلد من الاطباء ومنع غسيل الكلي لما المرضى المساكين بموتوا في الشوارع وهم بفتشوا لي مستشفيات ولو خاصة وفي النهاية بموتوا، يعني عشان كدا دايرين تنقّو في الزيتونة؟!!!!..يضبحها ليكم يعني،؟!!!!.
دا شنو الشعب الكلو (اسهالات مائية) دا..علي فكرة دكتور فرعون دا قال الاسهالات المائية ما مسئوليته ومنع مستشفياتو من استقبال الحالات.
نسأل الله أن يجعلك عبرة لمن لايعتبر يا مامون حميدة، اللهم آمين اللهم آمين اللهم آمين