مداراتمنوعات

لوشي المبارك تحذر من ظاهرة الاختطاف وتقول السودان في خطر وتطالب الحكومة بالأمان


على خلفية تكرار حوادث إختفاء مختلفة في العاصمة السودانية الخرطوم وسكوت الشرطة عن إصدار بيانات توضيحية وما يقال عن عصابات تجارة أعضاء بشرية كتبت الإعلامية لوشي المبارك يوم الجمعة (#السودان_اختطاف_النساء_والاطفال
#انا_مواطن_سوداني_اطالب_حكومتي_بالامان، السودان في خطر ليييه كدا ياخ، وصلنا مرحلة خطف وقتل وسرقة أعضاء ، مش كفاية الكان حاصل ؟؟؟).

وأضافت لوشي بحسب ما نقلت عنها محررة النيلين (لا حول ولا قوة الا بالله .. ياريت الناس تنتبه وتكون حريصة انو يمشو جماعات وخلو بالكم من اطفالكم مرقة الشارع الكل مرة دي بلاش منها ?? ليه في فئة من البشر بالشكل دا).

وقالت لوشي (ليه ما نحلم بي غد افضل وبشرية بترفض الظلم والاضطهاد نحلم بالسلام والامان نخت يدينا في يد بعض ونهزم الفقر والظلم والتخلف والتطرف).

وأوضحت لوشي (بس للأسف الشديد دا حال البلد كل يوم بيمشي لورا ومابنمشي ولا خطوة لقدام لكن مابالنا نحن بنتجادل فيما سيؤول إليه امرنا في المستقبل في حين اننا لا نعرف مانحن عليه الْيَوْمَ ! مليون سؤال وماف إجابة ?).

ريم منصور


‫7 تعليقات

  1. ا والله يا ريم انتي ماعندك موضوع بخصوص الموضوع مهم بس انتي ماعندك موضوع لوشي عملت ولوشي لوشي او الاء بت كويسة بس العيب فيك انتي ياريم مش في الاء واسمها الاء ما لوشي

  2. ظاهره الاختطافات اكيد تنامت بعد عرض برامج التحرش بالمشاهير ابان الشهر الفضيل فهده افرازات طبيعيه لمثل تلك البرامج الفطير والدي تسبب في حاله من الفوضى و الغثيان لم أرى مثيل لها الا في أفلام هوليود فيجب محاسبه معدي دلك البرنامج الإرهابي و كدلك محاسبه مسئولي التلفزيون الدين وافقو على عرضه بشاشات التلفزه و كدلك شرطه المرور وكل من ساهم في جلي تلك الثقافه الارهابيه لوطننا

  3. الشعب السوداني لا يمكن ان يقوم بهذه الأعمال لكن البلد أصبحت مقصد لكل شعوب الأرض عالم لا نعلم عاداتهم ولا طريقة تفكيرهم وبالتالي يجب الحكومه أن تعيد النظر في الوجود الأجنبي بالبلاد

  4. انشاء الله تلقى واحد يخطفك انتى وريم منصور ويغطس حجركم ويرحينا منكن ،،، اللهم آميييييييين

  5. والله يا لوشى شيلى شيلتك لو قولتى الكلام دا الا تشوفى ليك بلد تانى ،،،، ولاليقيتى قضت العروض ما نافعة عايزة تعملى فيها مناضلة وتلقى ليك لجؤ سياسى