سياسيةمدارات

قرار رئاسي وشيك باقالة وزير الاعلام السوداني لانحيازه لمصر في قضية سد النهضة والازمة الخليجية


بعد تصريحات وزير الإعلام السوداني أحمد بلال التي تناقضت مع الموقف الرسمي لحكومة السودان المتمسك بموقف الحياد في الأزمة الخليجية والساعي لإصلاح ذات البين عبر الوساطة الكويتية وإعتبار الكثيرون أن الوزير تجاوز حدود اللباقة وقام بدعم جمهورية مصر في خلافها مع دولة قطر حيث قال في مقابلة تلفزيونية (أنا بفتكر أنو الجزيرة خطها الإعلامي الواضح هو إسقاط النظام في مصر، إثارة الفوضى في مصر، إتهام النظام بإستمرار وهذا خطأ)،حيث أشعل هذا التصريح موجة من الغضب وسط السودانيين وطالبوا بإقالته فوراً.

ومما اثار غضب النشطاء في الفيديو أيضاً كلام وزير الإعلام السوداني في القاهرة عن الحضارة المصرية حيث قال بحسب مشاهدة محرر النيلين للفيديو واسع الإنتشار (المصريين هم أقدم دولة موجودة من بين الدول العربية) وهو ما يتنافى مع سجالات حول التاريخ بأن السودان مهد الحضارة وشعار السودان أصل الحضارة الذي يتبناه مجموعة من العلماء والنشطاء.

وقد علم محرر النيلين من قيادي رفيع في الحكومة السودانية طلب عدم ذكر إسمه لأنه غير مصرح له بالتحدث لوسائل الإعلام في هذا الأمر،قائلاً (سيصدر قرار رئاسي بإعفاء وزير الإعلام من منصبه).

الخرطوم/معتصم السر/النيلين


‫27 تعليقات

  1. انا القاهري – كما يقول الخليجيون – كلامه بأن السوداني ضحى كثيرا لبناء السد العالي وإن بلاده على إستعداد لتقديم المزيد من أجل مصر . يا سلاااام .!!!!!

  2. الوزير المخرف د شاف المذيعات المصريات و الدلع حقهن وبقى يتكبكب وأداهن الفي مرادن .
    والله عيب كبير منو . وكمان هو الناطق الرسمي باسم الحكومة .?????????????????????????????

  3. كلام وزير الإعلام مافيهو غلط لانه اي انسان بتفرج التلفزيون شايف توجه الجزيرة اتجاه مصر وكفاية هي القناة الوحيدة اللي بتقول على حكومة السيسي الحكومة الإنقلابية . بعدين احتمال الزول موصى يقول كدا . دي سياسة يا ناس لعبة كبيرة وقذرة

    1. وبرضو شايفين توجه العربيه وسكاى نيوز اتجاه قطر واتجاه السودان قبل عاصفه الحزم
      وحكومه السيسي انقلابيه حتى لو الجزيره قالت غير ذلك

  4. كل من شيخهم ودجالهم الذي علمهم النفاق والانبطاح الحزب الاتحادي حزب بيت الميرغني حزب الفته لا ينضم اليه الا الفتاتون وأهل البدع وتقبيل الايادي انه لا يمثل الحكومه ولا الشعب السوداني انه يمثل بيت الميرغني

  5. ده درس للحكومة كى لا تثق في المهرجلين في المناصب العليا على حساب مفكرين ومؤهلين الآن متعففين في البيوت موجودين

  6. ليه سعادة الوزير ما صرح من داخل السودان ؟
    السؤال دا ممكن يتولد منو الف سؤال والف اجابة.
    الله يكون في عونك يا وطن.

  7. غير مأسوف على عدم رجعتك لأنك سوداني تقليد ليس بالانتماء أو النسب حتى

  8. الرجل لا يستحق العناء .أكيد المخابرات المصرية وراء الرجل بالضغط علية لمهاجمة قناة الجزيزة وإلا سوف يطردون سيده الميرغني من مصر.والرجل باع الوطن بالسيد .هذا عار وهذا ما ننتظرة من الأحزاب الموالية لمصر .تبا للاتحاديين.

  9. ألغوا الوزارة كلها وسرحوا موظفيها وأتيحو الفرصة للمؤسسات الإعلامية الخاصة للعمل الإعلامي والتنافس الشريف وبالمقابل يتم تشكيل مكتب استشاري إعلامي للدولة لتنسيق السياسات الإعلامية والتصريحات الرسمية للدولة.

  10. كان الله في عونك يا وطن بكره بنسمع بيهو اخد الجنسية المصرية وبقى مستشار .
    حقو الاستخبارات والمخابرات تشوف شغلا في المسؤولين وتنضف العفن الفوق ده بدل فالحين لينا في الصحفيين و مصادرة الصحف .

  11. الكلام القالو دا دا يا جماعة ما كلامو دا كلام كبيرهم القاعد في مصر .
    الوزير يمثل كبير الحزب وتوجهاتو أكثر مما يمثل الحكومة.

  12. كيف يصدر قرار رئاسي بإقاله وزير الاعلام ؟؟ طيب مافي رئيس وزراء اكان كلامك صاح كنت قلت من رئاسه الوزراء اما رئاسي فيهو شمار ساي من عندك اي نبأ فاسق والله اعلم

  13. اين انت يا
    لملام للهمايل البى العتامير طاشة
    كل صباح عندنا هامل طاشى
    كان الله فى عونك يابلد

  14. يا بلال ابلوك فى برميل مليان مويه قرض … كان بالمره كده تقول ليهم حلايب مصريه .

  15. اذا كان هذا الوزير فى بلد محترمة، كان ما طلع الصباح الا وهو مطرود من الوزارة .
    نحن نقول يمهل ولا يهمل .

  16. اكيد المخابرات المصرية ضغطت عليهو وهددتو بأنها حا تطلع ليهو ملفاتو والفيديوهات المصورنها ليهو ايام المعارضة في مصر.
    المشكلة الحكومة ما عندها ضبط وربط لوزرائها ومنسوبيها وتحس انهم في جزر معزولة اي زول يقول العايزو في الوقت العايزو حسب مصالحو..
    وبالعكس معارك كثيرة في غير معترك نحن في غني عنها لانو مافي رقابة حقيقة ومسالة وعقاب رادع مثل ازمة طه وحالياً ازمة وزير الاعلام.
    السودان يهزم من داخله وبايدي ابنائه العاقين المخترقين.
    حركات دارفور المشاركة في الحكومة تسرب اسرار الدولة
    الحزب الاتحادي ناس بلال والميرغني مخترقين وولائهم لاسيادهم المصريين.
    وناس طه القالوا مؤتمر وطني خونة وولائهم للسعودية والإمارات.
    والقائمة تطول.

  17. بلال الشايب الخرفان يهوي التفحيط الاستفزازي وايامه صارت معدوده وشكرا للاعلام الدي هو الواجهه المثلى لنقل ما يفكر في الشعب الصابر المثابر

  18. وزير مخرف وعنده زهايمر … لا بدري ما يقوله .. هذه هى النوعية المضرة بالوطن العالي .. يقال من المطار ويحاسب على كلامه الفارغ .. هل انت وزير مصري يا حيوان .. يا اهبل .. مصر تحتل حلايب .. ودولة قطر تحل في مشكلة دارفور بالمال والتعمير والبناء .قطر هى من تدعم السودان في كافة المحافل لا من ولا اذى . هذا النوع يقدم الى محكمة عاجلة . حسبنا الله ونعم الوكيل .

  19. يا جماعه ما غريبه عليه بقول الكلام الفارغ دا لانو اتحادى بتاع فته والحزب الاتحادى صنيعه مصريه وكانوا فى يوم من الأيام عاوزين يسلموا السودان للمصرين اسيادهم عن طريق الاتحاد مع المابتسموا المصريين … حزب خرفان وأعضاءه احرف منه

  20. الزول ماغلطان كان مافى وعيهو شااااااااااااارب بوظة قاعد يتكلم سااااكت .اخجل على شيبك دا انت ما مؤهل تكون وزير لكن نعمل شنو دى الموازناااااااااااااااااات فضحتونا . قطر دى حاجة كدا فى قلوب السودانيين يا بلال فهمت حاجة جو قلوبم لمن الناس بتتفرج علينا ونحن اقتصادنا زيتو طلع كانت قطر بالوداع والدعم و كانت قطر فى حل مشكلة دارفور وكانت قطر فى كل المجالات ايها الوزير الجاهل ياالماك فهم شى غشووووووووووووووووووووووووووووووووك المصرين وطلعو منك المعلومة ياوهم اتعلم من عندور الراجل اللماح البفهم المزيع قصدو شنو كهرتنا زاتو وقفنا الكتابة من الزهج ………………………………………

  21. يا حليلك يا اب عاج . . . كان لمن يزعل من وزير ما بشيله الا في نشرة 6 صباحا وكان معروف عند الوزراء انه لو نميرى شالك في نشرة 6 انسى الموضوع واقعد في بيتك لانه لو مشيت استفسرتا بتاخد ليك كفين ومعاهم شلوت لكن اسى لقيتوها باردة ياناس بلال مع الاضينات ديل .

  22. ياجماعة حيرتونا .. صراحة كده إنتوا حققتوا انجاز كبير وهو … إننا أول دولة في العالم يحكمها ذوي الاحتياجات الخاصة ) مصر محتليه بلدك … والمصريين أصبحوا ينعتون السودان بالعبد … واهانات لكافة السودانين وصلت لرئيس الجمهورية .. وتأتي وتصرح مثل هذا التصريح يـــــــا ( بــهــــــــــــــرام ) أرحمونا أصبحنا شعب بلا كرامة … ومالجرح بميت إيـــــــــــــــــــــــــلام … قرق ياخدكم

  23. ف اليرحل الي الجحيم باذن الله حتي متي نحن يمثلنا امثال هؤلاء